আবোওয়াঃ ডিজিটাল ডেস্কঃ- হিজুঃকান ৩০ এপ্রিল’২৩ হিৎ হিলোঃ ১০০ আনাঃ ‘মন কি বাত’ আখড়ারে সেটের তাঁহেন রেনাঃ নেঁওতায় ঞাম কেদা পুরুলিয়া জেলা রেনাঃ সিধো-কানহো-বিরসা ইউনিভার্সিটি রেন প্রফেশর মানতান শ্রীপতি টুডু গোমকে। আর নোওয়া নেঁওতা সাকাম মিৎ হাপ্তা মাড়াংরে ঞাম কাতেৎ মানতান টুডু দ কূশি রৗস্কৗয় সদর আকাদা।
নেঁওতা সাকাম তালাতেগে বাডায় আকানা বাংমা মানতান
টুডু দ ভারত রেনাঃ সংবিধান সান্তাড়ি পৗরশি অলচিকিতে তর্জমা কাতে যাঁহা পুঁথি দিশম হড়
তালারেয় সাব রাকাব কেদা অনাতে ভারত রিনিচ্ মারাং মন্ত্রীহঁ গুণ মানাও সারহাও এ চাল
আকাদেয়া। আপনার জৗতি লৗগিৎ, আপনার পৗরশি লৗগিৎ নংকান দামান কৗমি হরা সাব খৗতির গে কাথায়
মানতান মোদিজী দ মানতান টুডুয় নেঁওতা আকাদেয়া। বাডায় ঞাম আকানা নোওয়া আখড়া দ ৩০ এপ্রিল
সেতাঃ বেড়াঃ আকাশ বাণী রেনাঃ গীতাঞ্জলী তালমা খন ‘মন কি বাত’ আখড়ারে উছৗনঃআ।
মানতান টুডু দ মিৎ হাপ্তা লৗগিৎ দিল্লীরে তাঁহে
কাতে দিল্লী রেনাঃ প্রধান মন্ত্রী ভবন, রাষ্ট্রপতি ভবন এমান এমান ঞুমানাঃ জায়গা করে
দাঁড়ান রেনাঃহঁ দাও এ ঞাম আকাদা। অঁডে খনগে উনিদ দিশম হড় তালারে আয়মা সাঁদেশ এ এম চালা
মেনতেহঁয় সদর আকাদা।
নঁতে মানতান টুডু দিসশম রেন মারাং মন্ত্রী সাঁও
ঞেপেলঃ রেনাঃ নেঁওতা সাকাম ঞাম খৗতির দিশমরেন আয়মা হড়গে টুডু গোমকে গুণমানাও সারহাও
কো চাল আকাদেয়া।
.webp)
.webp)
