(ᱨᱩᱛᱤ ᱠᱟᱹᱦᱱᱤ)
ᱵᱩᱰᱷᱤ ᱵᱟᱹᱦᱩ
-ᱜᱳᱯᱮᱥᱣᱚᱨ
ᱢᱟᱹᱱᱰᱤ
ᱤᱧ ᱫᱚ ᱵᱟᱹᱧ ᱫᱚᱦᱚᱭ ᱮᱭᱟ ᱾ ᱧᱤᱫᱟᱹ ᱧᱩᱛᱮᱭ ᱫᱟᱹᱲ ᱮᱫᱟ ᱾ ᱵᱟᱝ ᱤᱧ ᱟᱴᱠᱟᱣ ᱫᱟᱲᱮᱭᱟᱭ ᱠᱟᱱᱟ ᱾ ᱢᱟᱱᱟ ᱵᱟᱨᱚᱱ ᱵᱟᱝ ᱮ ᱟᱸᱡᱚᱢ ᱮᱫᱟ ᱾ ᱟᱯᱟ ᱵᱟᱨᱮ ᱟᱛᱳ ᱢᱚᱬᱮ ᱦᱚᱲ ᱥᱟᱢᱟᱝ ᱨᱮ ᱱᱚᱝᱠᱟᱱ ᱠᱟᱛᱷᱟ ᱦᱮᱢᱟᱞ ᱵᱮᱥᱨᱟᱭ ᱞᱟᱹᱭ ᱠᱮᱫᱟ ᱾ ᱦᱟᱦᱟᱲᱟᱜ ᱨᱮᱱᱟᱜ ᱠᱟᱛᱷᱟ ᱫᱚ ᱱᱚᱣᱟ ᱜᱮ ᱵᱟᱞᱟ ᱥᱟᱠᱟ ᱠᱟᱛᱮ ᱜᱚᱲᱚᱢ ᱠᱚᱲᱟ ᱠᱩᱲᱤ ᱛᱟᱠᱚ ᱧᱤᱨ ᱠᱮᱴᱮᱡ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾ ᱮᱱᱛᱮ ᱨᱮᱸᱦᱚ ᱪᱮᱫ ᱨᱮ ᱪᱤᱠᱟᱹᱭ ᱮᱱᱟ ?
ᱥᱟᱹᱨᱤ
ᱠᱟᱛᱷᱟ ᱫᱚ ᱱᱚᱣᱟ ᱠᱟᱱᱟ ᱾ ᱟᱛᱳ ᱨᱮᱱ ᱢᱤᱫ ᱜᱚᱲᱚᱢ ᱥᱟᱹᱜᱟᱹᱭᱤᱭᱟᱹ ᱟᱡ ᱨᱮᱱ ᱜᱤᱫᱽᱨᱟᱹ ᱩᱢᱟᱹᱨ
ᱰᱟᱺᱜᱽᱭᱟᱹ ᱠᱚᱲᱟ ᱨᱮᱭᱟᱲ ᱴᱩᱰᱩ ᱥᱟᱶ ᱟᱡ ᱵᱟᱹᱦᱩ ᱥᱳᱦᱟᱜᱤ ᱵᱮᱥᱨᱟᱣᱟᱜ ᱩᱠᱩ ᱪᱩᱠᱩ ᱥᱤᱵᱤᱞ ᱥᱟᱹᱜᱟᱹᱭ
ᱢᱚᱬᱮ ᱛᱩᱨᱩᱭ ᱥᱮᱨᱢᱟ ᱛᱚᱞ ᱛᱚᱯᱚᱞ ᱢᱮᱱᱟᱜ ᱟᱠᱟᱫ ᱛᱟᱹᱠᱤᱱᱟ ᱾ ᱩᱱᱤ ᱰᱟᱺᱜᱽᱣᱟᱹ ᱠᱚᱲᱟᱣᱟᱜ ᱫᱩᱞᱟᱹᱲ ᱧᱟᱢ
ᱠᱟᱛᱮ ᱵᱟᱝ ᱮ ᱦᱤᱲᱤᱧ ᱫᱟᱲᱮᱭᱟᱜ ᱠᱟᱱᱟ ᱾ ᱥᱟᱨᱟ ᱵᱮᱲᱟ ᱩᱠᱩ ᱫᱟᱱᱟᱝ ᱯᱷᱳᱱ ᱛᱮ ᱠᱤᱱ ᱨᱚᱯᱚᱲᱚᱜ-ᱟ ᱾
ᱚᱠᱛᱚ ᱱᱟᱹᱯᱤᱛ ᱧᱟᱯᱟᱢ ᱦᱚᱸ ᱠᱤᱱ ᱧᱟᱯᱟᱢᱟ ᱾ ᱢᱮᱱ ᱜᱟᱱᱚᱜ-ᱟ ᱰᱟᱺᱜᱽᱭᱟᱹ ᱠᱩᱲᱤ ᱩᱱᱤ ᱴᱷᱮᱱ ᱠᱚ ᱛᱟᱭᱚᱢ
ᱦᱚᱪᱚᱣ ᱟᱠᱟᱱᱟ ᱾ ᱚᱱᱠᱟ ᱚᱱᱠᱟᱛᱮ ᱟᱛᱳ ᱴᱚᱞᱟ ᱯᱟᱲᱟ ᱯᱚᱲᱥᱤ ᱜᱤᱫᱟᱹᱨ ᱯᱤᱫᱟᱹᱨ ᱫᱷᱟᱹᱵᱤᱡ ᱠᱚ ᱵᱟᱰᱟᱭ
ᱛᱤᱭᱳᱜ ᱟᱠᱟᱫᱟ ᱾ ᱢᱮᱱ ᱜᱟᱱᱚᱜ-ᱟ ᱟᱛᱳ ᱢᱩᱫᱽ ᱨᱮ ᱩᱱᱠᱤᱱᱟᱜ ᱫᱩᱞᱟᱹᱲ ᱫᱩᱯᱞᱟᱹᱲ ᱟᱹᱰᱤ ᱞᱟᱯᱷᱟᱝ ᱨᱮ
ᱢᱮᱱᱟᱜ-ᱟ ᱾ ᱦᱚᱨ,ᱵᱤᱨ ᱨᱮ ᱡᱚᱛᱚ ᱦᱚᱲᱠᱚ ᱜᱟᱯᱟᱞ ᱢᱟᱨᱟᱜ ᱠᱟᱱᱟ ᱾ ᱚᱲᱟᱜ ᱦᱚᱲᱟᱜ ᱢᱟᱱᱟ
ᱵᱟᱨᱚᱱ,ᱮᱜᱮᱨ,ᱫᱟᱞ ᱫᱮᱭᱟ ᱠᱟᱛᱮ ᱟᱹᱠᱤᱱᱟᱜ ᱫᱩᱞᱟᱹᱲ ᱡᱤᱭᱟᱹᱲ ᱠᱤᱱ ᱫᱚᱦᱚᱣ ᱟᱠᱟᱫᱟ ᱾
ᱱᱚᱜ-ᱚ
ᱱᱚᱝᱠᱟᱱ ᱨᱟᱹᱜᱤ ᱟᱹᱲᱤᱥ ᱠᱟᱹᱦᱱᱤ ᱢᱮᱱᱟᱜ ᱟᱠᱟᱫ ᱛᱮᱜᱮ ᱦᱮᱢᱟᱞ ᱵᱮᱥᱨᱟ ᱫᱚ ᱵᱟᱝ ᱫᱚᱦᱚ ᱨᱮᱱᱟᱜ ᱠᱟᱛᱷᱟᱭ
ᱢᱮᱱ ᱟᱠᱟᱫᱟ ᱾ ᱟᱛᱳ ᱢᱚᱬᱮ ᱦᱚᱲ ᱟᱡ ᱵᱟᱹᱦᱩ ᱠᱚ ᱠᱩᱞᱤ ᱠᱮᱫᱮᱭᱟ ᱧᱤᱫᱟᱹ ᱧᱩᱛᱮ ᱚᱠᱟᱛᱮᱢ ᱪᱟᱞᱟᱜ-ᱟ ?
ᱩᱱᱤᱭᱟᱜ ᱞᱟᱹᱭ ᱤᱧ ᱫᱚ ᱨᱮᱭᱟᱲ ᱴᱩᱰᱩᱧ ᱠᱩᱥᱤᱣᱟᱭᱟ ᱾ ᱩᱱᱤ ᱥᱟᱶ ᱧᱟᱯᱟᱢ ᱤᱧ ᱪᱟᱞᱟᱜ-ᱟ ᱾ ᱟᱹᱞᱤᱧᱟᱜ ᱢᱚᱬᱮ
ᱛᱩᱨᱩᱭ ᱥᱮᱨᱢᱟ ᱫᱩᱞᱟᱹᱲ ᱫᱩᱯᱞᱟᱹᱲ ᱥᱤᱵᱤᱞ ᱮᱯᱮᱢ ᱪᱟᱯᱟᱞ ᱢᱮᱱᱟᱜ ᱟᱠᱟᱫ-ᱟ ᱾ ᱤᱧ ᱫᱚ ᱩᱱᱤᱴᱷᱮᱱ ᱤᱧ
ᱡᱟᱢᱟᱭ ᱩᱪᱟᱹᱲᱚᱜ-ᱟ ᱾ ᱱᱚᱝᱠᱟᱱ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱟᱯᱟ ᱵᱟᱨᱮ ᱟᱛᱳ ᱢᱚᱬᱮ ᱦᱚᱲ ᱠᱚ ᱦᱟᱦᱟᱲᱟᱜ ᱮᱱᱟ
᱾ ᱩᱱᱠᱤᱱᱟᱜ ᱜᱟᱹᱦᱤᱨ ᱫᱩᱞᱟᱹᱲ ᱫᱩᱯᱞᱟᱹᱲ ᱴᱷᱮᱱ ᱡᱚᱛᱚ ᱦᱚᱲ ᱠᱚ ᱦᱟᱨᱟᱣ ᱮᱱᱟ ᱾ ᱟᱫᱚ ᱵᱟᱱᱟᱨ ᱦᱚᱲ ᱜᱮ
ᱠᱩᱞᱤ ᱠᱩᱯᱩᱞᱤ ᱠᱟᱛᱮ ᱟᱹᱭᱩᱵ ᱟᱹᱭᱩᱵ ᱜᱟᱯᱟᱞ ᱢᱟᱨᱟᱣ ᱯᱩᱨᱟᱹᱣ ᱛᱚᱨᱟ ᱜᱮ ᱡᱩᱨᱤ ᱡᱚᱛᱟ
"ᱟᱛᱳ ᱢᱚᱬᱮ ᱦᱚᱲ" ᱟᱛᱮ ᱚᱲᱟᱜ ᱠᱚ ᱤᱫᱤ ᱦᱚᱴᱚ ᱠᱟᱫ ᱠᱤᱱᱟ ᱾
.webp)
.webp)
