“আবোওয়াঃ কাথা” গে উছৗনঃডিজিটাল
ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’
লেতাড় কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায়
রেনাঃ বুটৗ- Whatsapp- 8942955829 : E-mail Id:- abowagkatha@gmail.com
তেহেঞাঃ আখড়ারে যাঁহায় কো সেলেদ্ ᱥᱟᱨᱤ ᱫᱷᱚᱨᱚᱢ
ᱦᱟᱸᱥᱫᱟ, ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱨᱟ ᱢᱯ
ᱚᱫ ᱚ ᱠᱤᱥᱠᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ ᱢ ᱩ ᱨ ᱢ ᱩ,,
বাড়তাং সরেন, সিতেন মান্ডি, ঠ্যেন্টা মুর্মূ, দুগাই টুডু, সমরলাল টুডু।
ᱟᱯᱮᱜᱮ ᱜᱳ ᱵᱟᱞᱮ ᱦᱮᱰᱳᱨ
ᱦᱟᱹᱨᱭᱟᱹᱲ ᱥᱟᱜᱮᱱ
ᱦᱟᱹᱞᱤ ᱫᱚ,
ᱟᱯᱮᱜᱮ ᱜᱳ ᱰᱳᱸᱵᱮ ᱵᱟᱦᱟ
ᱠᱩᱪᱤ ᱡᱟᱹᱞᱤ ᱫᱚ ᱾
ᱟᱯᱮ ᱨᱮᱜᱮ ᱛᱚᱞ ᱢᱮᱱᱟᱜ
ᱦᱟᱯᱮᱱ ᱟᱹᱫᱷᱤ
ᱵᱟᱹᱫᱷᱤ ᱫᱚ,
ᱟᱯᱮ ᱨᱮᱜᱮ ᱞᱟᱫᱮ ᱢᱮᱱᱟᱜ
ᱫᱤᱥᱚᱢ ᱫᱟᱸᱫᱷᱤ ᱫᱚ ᱾
ᱟᱯᱮ ᱜᱮᱜᱳ ᱨᱚᱦᱚᱭ ᱪᱟᱨᱟ
ᱢᱟᱹᱱᱢᱤ
ᱫᱷᱚᱨᱚᱢ ᱥᱟᱹᱨᱤ ᱫᱚ,
ᱟᱯᱮ ᱨᱮᱜᱮ ᱦᱮᱥᱮᱡ ᱥᱮᱠᱮᱡ
ᱥᱚᱢᱟᱡ ᱟᱹᱨᱤ ᱫᱚ ᱾
========== ᱞ ᱧ ==========
ᱡᱟᱹᱱᱩᱢ ᱞᱩᱵᱩᱜ
ᱥᱤᱛᱩᱝ ᱥᱤᱵᱤᱞ ।
ᱡᱷᱮᱸᱴᱽ ᱵᱚᱸᱝᱜᱟ
ᱨᱟᱠᱟᱵᱽ ᱨᱤᱢᱤᱞ ᱿
ᱡᱤᱞ ᱯᱤᱴᱷᱟᱹ
ᱵᱟᱲᱮ ᱥᱟᱠᱟᱢ ।
ᱥᱟᱺᱜᱤᱧ ᱯᱮᱲᱟ
ᱥᱟᱞᱟᱥ ᱧᱟᱯᱟᱢ ᱿
ᱛᱤᱱᱟᱹᱜ ᱪᱚᱨᱚᱠ
ᱱᱚᱣᱟ ᱞᱚᱭᱚᱝ ।
ᱱᱟᱯᱟᱭ ᱡᱚᱫᱤ
ᱟᱢᱟᱜ ᱢᱚᱞᱚᱝ ᱿
ᱱᱤᱨᱚᱱ ᱥᱤᱛᱩᱝ
ᱪᱷᱩᱸᱝ ᱪᱷᱩᱸᱝ ।
ᱦᱤᱡᱩᱜ ᱥᱮᱱᱚᱜ
ᱵᱟᱹᱧ ᱥᱩᱢ ᱿
ᱤᱛᱩᱱ
ᱟᱥᱲᱟ ᱪᱟᱞᱟᱜ ᱢᱮ
ᱚᱞᱚᱜ
ᱯᱟᱲᱦᱟᱣ ᱪᱮᱫᱽ ᱢᱮ ᱾
ᱵᱩᱨᱫᱷᱤ
ᱫᱟᱲᱮ ᱵᱮᱱᱟᱣ ᱢᱮ
ᱫᱤᱥᱳᱢ
ᱵᱮᱸᱜᱮᱫ ᱢᱟᱨᱥᱟᱞ ᱢᱮ ᱾
ᱵᱩᱜᱤ
ᱵᱟᱹᱲᱤᱡ ᱵᱟᱪᱷᱟᱣ ᱢᱮ
ᱢᱟᱨᱟᱝ
ᱦᱚᱲ ᱵᱮᱱᱟᱜ ᱢᱮ ᱾
========== ᱞ ᱧ ==========
ᱵᱮᱝᱜᱚᱞ
ᱨᱮᱱᱟᱜ
ᱨᱟᱡᱱᱟᱜᱟᱨ
ᱧᱩᱛᱩᱢ
ᱠᱳᱞᱠᱟᱛᱟ
ᱜᱟᱝ
ᱱᱟᱹᱭ ᱫᱚ ᱟᱛᱩᱜ ᱠᱟᱱᱟ
ᱵᱟᱡᱟᱨ
ᱵᱟᱱᱟᱨ ᱠᱟᱛᱷᱟ ᱿
ᱜᱟᱰᱟ
ᱪᱮᱛᱟᱱ ᱯᱳᱦᱳᱞ ᱢᱮᱱᱟᱜ
ᱧᱩᱛᱩᱢ
ᱦᱟᱣᱲᱟ ᱵᱨᱤᱡ
ᱛᱟᱞᱟ
ᱨᱮᱢᱟ ᱠᱷᱩᱱᱴᱤ ᱵᱟᱱᱩᱜ
ᱢᱮᱱᱟᱜ
ᱟᱱᱟᱝ ᱛᱤᱡᱽ᱿
ᱫᱟᱜ
ᱪᱮᱛᱟᱱ ᱤᱥᱴᱤᱢᱟᱨ
ᱦᱤᱡᱩᱜ
ᱥᱮᱱᱚᱜ ᱠᱟᱱᱟ
ᱫᱳᱢᱮᱞ
ᱫᱳᱢᱮᱞ ᱦᱚᱲ ᱠᱚ
ᱫᱤᱱᱟᱹᱢ
ᱦᱤᱡᱩᱜ
ᱥᱮᱱᱚᱜ ᱠᱟᱱᱟ ᱿
ᱫᱟᱜ
ᱞᱟᱛᱟᱨ ᱛᱮ ᱨᱮᱞ ᱜᱟᱰᱲ
ᱞᱟᱜᱟ
ᱨᱮᱱᱱᱟᱜ ᱰᱟᱦᱟᱨ
ᱵᱮᱱᱟᱣ
ᱠᱟᱛᱮ ᱥᱟᱹᱛ ᱟᱠᱟᱱ
ᱠᱷᱟᱞᱤ ᱪᱟᱞᱩ ᱟᱠᱚ
ᱦᱟᱯᱮᱱ᱿
========== ᱞ ᱧ ==========
ᱟᱵᱳ
ᱯᱟᱹᱴᱷᱩᱳᱭᱟᱹ ᱥᱟᱱᱟᱢ ᱫᱮᱥᱮ
ᱯᱟᱲᱟᱦᱟᱣ ᱯᱚᱛᱚᱵ ᱯᱩᱛᱷᱤ,
ᱵᱟᱲᱟᱭ
ᱧᱟᱢᱟ ᱚᱞᱟᱜ ᱠᱟᱛᱷᱟ
ᱧᱮᱞᱟᱜ
ᱩᱛᱤᱥᱩᱛᱤ ᱾
ᱵᱤᱨ
ᱵᱟᱱᱴᱟ ᱨᱟᱡᱟ ᱢᱚᱱᱛᱤᱨᱤ
ᱯᱚᱨᱡᱟ ᱠᱚᱳᱭᱟᱜ ᱠᱟᱛᱷᱟ ,
ᱜᱩᱛᱤ
ᱠᱟᱹᱲᱢᱤ ᱫᱟᱥ ᱫᱟᱥᱤ ᱦᱚ
ᱢᱮᱱᱟᱜ ᱠᱚᱳᱭᱟ ᱪᱮᱛᱟ ?
ᱚᱛᱱᱚᱜ
ᱠᱟᱛᱷᱟ ᱥᱤᱨᱡᱚᱱ ᱥᱟᱬᱮᱥ
ᱡᱤᱨᱡᱚᱱ ᱨᱮᱱᱟᱜ ᱦᱚᱨᱟ ,
ᱵᱟᱲᱟᱭ
ᱠᱟᱜ ᱫᱚ ᱞᱟᱠᱚᱛᱤ ᱢᱮᱱᱟᱜ
ᱵᱟᱱᱪᱟᱜ ᱚᱨᱟᱥᱚᱨᱟ ᱾
========== ᱞ ᱧ ==========
আলে বাড়গে কুডৗম নাখা
নানা হুনৗর দারে ,
আয়মা লেকান চেঁড়ে চুপড়ী
একাল থারে মারে !
সেতাঃ তরা পায়াং পিয়ৗং
বেড়ায় রাকাপ লাহা,
সেরেঞ তেকো এভেন কওয়া
বালে বেতক্যাচ বাহা ।
হুতিউড়িচ টিঁয়ৗঃ টিয়ৗঃ
হানা ঝুড়মা তালা,
জৗপিৎ খনাং এভেন মেয়ায়
বেরেৎ পেসে দেলা ।
উনি সেরেঞ আজম তেগে
এটাঃ কোকো এভেন ,
কিসনী কোহল কেরক্যাটা
সেরেঞ রেকো রেবেন ।
কুটিস চেঁড়েঁ কুটিস কুটিস
একাল বাচয় তায়ম,
ঝত খনাং কেঁড়েচ দড়েঁচ
রাহা সেরমা পারম ।
ঘাঁওড়াকোদ চিঁড়িঁচ চিঁড়িঁচ
অড়াঃ সাতে লাতার,
সেরেঞ রাহা জড়াও আকো
একাল আডি বাতার ।
গুদড়ী খনাং ওডোং তরা
কটেস কটেস সাঁডি,
বেরেৎ তরা তিরলৗ কোদ
চঁন্দায় দাকা মাঁডি
এভেনকোকো কৗমি লৗগিৎ
আতো হড়কো সানাম,
রৗস্কৗ সেরেঞ ঞঁহড় ঞঁহড়
বেগর তিরয়ো বানাম ।
========== ᱞ ᱧ ==========
ইঞাঃ কুকমু ইঞাঃ আশ
আম তালাতেঞ পুরৗও
ইঞাঃ সানা মনে মেনা
আমগেম করাও অনা।
ইঞাঃ উপরুম আমাঃ ঞুতুম
যত হড় ঠেনেম সেটের
বেড়া তারাস চাঁদ মারশাল
আমগে ঞুতুমেম লাসের।
মারাং বুরু জাহের আয়ো
চট চাঁদোয়াঃ থুম
সুতুঃ কায় পে চাচো কায় পে
ছৗটিয়ৗর তায়পে ঞুতুম।
বায় আড়িয়া বায় রৗগিঃ আ
কাথা তিঞে আঁজম
আটেৎ চেতান খুনুঃ খুনুঃ
নাওয়া নাওয়া কৗহনি কুদুম।
আয়ো মনে তেতাং জিউয়ি
দাঃ দারাম চেঁড়ে লেকা
সেরমা জৗড়িয়ে কয়ঃ কাঃ
তাঁহেন তাঁড়াঃ তাঁগি।
========== ᱞ ᱧ ==========
রেঙ্গেজ অরেজ্ নাচার হড়
বেনাওয়াৎ কোয়াম বাঞ্চাঃ হর
রামজী শকপাল আর ভীমাবাই
রেন দুলৗড় হপন
ভীমরাও রামজি আম্বেদকর ।
আম দ দিশম দরদিয়ৗ
সাঁওতা সেচেদ্ গৗখুড়িয়ৗ
আমদ সাঁওতা সুসৗরিয়ৗ
লিচৗড় গাঁতাক হড় রেন লৗউড়িয়ৗ ।
আমদ আন আরি পারুখিয়ৗ
সাঁওতা সাঁড়েস খঁন্দরন্দিয়ৗ
নাচার মৗনমী দোঃ ক লৗগিৎ
গঃ কেদাম হামাল ভৗরিয়ৗ ।
সাহাও কাতে জাঃ জটেৎ হিরকা
হামেট লেদাম আকিল গেয়ান
রেঙ্গেজ তেতাং দেয়া কাতে
তল কেটেজ কেদাম সংবিধান ।
আমাঃ বেনাও দিশম আরি
মৗন এ এমাৎ কোওয়া সানাম
রেঙ্গেজ্ কিষাড় বারাবারি ।
আমাঃ মৗনমী দরদ কারধানী তে
ঞাম আকালে দাও
চালাঃ ইতুন আসড়াতে ।
আমাঃ কুরুমুটু সৗগুন উইহৗর
ঝিজ্ আৎ কোওয়ায় তিরলাক
শিখনৗত সিলপিঞ দুয়ৗর ।
আমাঃ দায়া আমাঃ দুলৗড় তে
ফুরগৗল আকানা লে রড় লান্দা তে
লায় লাকচার জিয়ৗউ কাতে
বঙ্গা বুরু আর সেচেৎ গ পৗরশি তে ।
আম দ বাবা সাহেব ভারত রত্ন
লিচৗড় মৗনমী রেন জিউয়েৎ বঙ্গা
জায় যুগ জিউয়েৎ তাহেনাম
উইহৗর মেয়ালে আয়ুব আঙ্গা ।
মানত গড্ জঁহার আমাঃ
জাঁঙ্গা থপা কিন রে
চালাম কানালে তিহিঞ
আমাঃ সৗগুন জানাম মাহারে।
========== ᱞ ᱧ ==========
প্রিয়নাথ
বাস্কে ঞুতুম তায়
বাডায়ে গেকো উনি,
আপাৎ
কানে শ্যামচরণ বাস্কে
এঁগাৎ বাসন্তী রাণী।
জানাম
আতো রোহিন ডাঙ্গা
রামগড় গেচ সোরা,
মেদনীপুর
জিলৗ
পছিম বাংলা
সানাম গেকো রড়া।
ভীমপুর মিশন ইস্কুল রেথো
সেচেতে এহপ্ লেদা,
বালেশ্বর মিশন হাইস্কুল খনাঃ
ম্যাট্রিকে পাশ
কেদা।
মেদনীপুর কলেজ রে আদ
আই.এ. ভুরতি এনা,
ভীমপুর স্কুলরে মাচেৎ লেনতে
পাড়হাঃ বৗগি আনা।
হাই স্কুল অঙ্ক মাস্টার কাতে
ভাগেয় তাঁহে কানা,
সান্তালি হঁচো আচ্গে অঁডে
চেদ্ আকো অনা।
আডে পাসে আতো দাঁড়াহঁ
শিলদা বুগড়ি দামপাড়া,
অৗডি সাঁগে গিদরৗ উনরে
পাড়হাওকো হেচ্
বাড়া।
দরদ্ সাঁহিচ্ মাহাশয় কৗমি
পুরৗও লেদ্ তায়া,
নেতার হঁচো হড়কো ভালা
উইহৗর ইদিয় গেয়া।
========== ᱞ ᱧ ==========
কাকড়া ফাঁসি কঁ টুটি
আলে হপন গিদরৗ,
তাঁহে কানা সেদায় হালে
বাড়গে লাতার সেঁদরা ।
দৗড়্ খেলডু সেঁদরা কারকা
বাড়গে লাতার
সকড়া,
আডি রৗসকৗ তিনৗঃ রমচ্
এনেজ সেরেঞ আখড়া ।
দৗড়্ দাড়তে খেলোড্ খেলোডতে
শিখনৗতঃলে সিরিঞ
সিরিঞতে,
শিখনৗত মৗনমি বাংক ঞামলেন
উনরে সেদায় কিরিঞতে
।
যথাত শিখনৗত মেনাঃ অনারে
কৗমিতালা সেচেৎরে,
সিবিল সড়ম ধরম করম
মেনাঃ হাড়াম
মাচেৎরে।
নেতার যুগদ বদল আকান
গিদৗর আপে চেটরে,
ভরসা বৗনুঃ খেলডু এনেজ
চালাঃ চেতান চটরে ।
মেনাঃ আবোওয়াঃ সাঁওতা সৗড়িম
পিলচু হাড়াম গাঁড়া,
রিকৗ বৗনুঃ খেরোওয়াল আমাঃ
লায় লাকচার সেঁড়া ।
বাহা পরবরে মেনাঃ সেঁদরা
সানতাড় কোওয়াঃ
রিতি,
বাডায় বৗনুঃ আমাঃ অনাতে
সমাজ ছিতি বিতি ।
সমাজ রেনাঃ সিবিল সড়ম
পটম্ গুড়্ গতম্,
সেঁগেল সমাজ বৗইরি বাবু
জতগেক জম্ খতম ।
মাড়াং রেগে মেনাঃ
লুহুক্
সানতাড় কোওয়াঃ মুলুকরে,
মাড়াং রেগে সাবঃ ভাগে
তাঁহেন খানেম
সুলুকরে ।
========== মুচৗৎ ==========
.webp)
.webp)
