(ᱨᱩᱛᱤ ᱠᱟᱹᱦᱱᱤ)
ᱜᱳᱯᱮᱥᱣᱚᱨ ᱢᱟᱹᱱᱰᱤ
ᱪᱷᱤᱛᱟᱹ
ᱥᱚᱨᱮᱱ ᱦᱟᱞᱮ ᱜᱮ HS ᱵᱤᱱᱤᱰ ᱮᱢ ᱠᱟᱛᱮ ᱵᱟᱯᱞᱟ ᱦᱩᱭᱮᱱ ᱛᱟᱭᱟ ᱾ ᱩᱱᱤᱭᱟᱜ ᱟᱸᱥ ᱢᱮᱱᱟᱜ-ᱟ ᱵᱟᱯᱞᱟ ᱛᱟᱭᱚᱢ ᱦᱚᱸ ᱯᱟᱲᱦᱟᱣ ᱤᱫᱤᱭ ᱨᱮᱭᱟᱜ ᱾ ᱡᱟᱸᱦᱟ ᱞᱮᱠᱟ ᱠᱩᱠᱢᱩ
ᱛᱟᱭ,ᱚᱱᱠᱟ ᱞᱮᱠᱟ ᱜᱮ ᱩᱱᱠᱩᱣᱟᱜ ᱦᱚᱸ ᱩᱭᱦᱟᱹᱨ ᱛᱟᱠᱚ ᱾ ᱡᱟᱢᱟᱭ ᱚᱲᱟᱜ ᱦᱚᱲ ᱯᱟᱥ ᱞᱮᱠᱷᱟᱡ
ᱯᱟᱲᱦᱟᱣ ᱮ ᱞᱟᱹᱜᱤᱫ ᱠᱚ ᱨᱟᱹᱥᱠᱟᱹᱣ ᱟᱠᱟᱱᱟ ᱾
ᱚᱠᱛᱚ
ᱱᱟᱹᱯᱤᱛ HS ᱨᱮᱱᱟᱜ ᱚᱨᱡᱚ ᱛᱩᱫ ᱮᱱᱟ ᱾ ᱪᱷᱤᱛᱟᱹ ᱥᱚᱨᱮᱱ ᱔᱗ % ᱧᱟᱢ
ᱠᱟᱛᱮ ᱯᱟᱥ ᱠᱮᱫᱟᱭ ᱾ ᱚᱱᱟᱛᱮ ᱟᱡ ᱡᱟᱢᱟᱭ ᱴᱷᱟ.ᱵᱩ ᱢᱩᱨᱢᱩ ᱟᱨ ᱡᱟᱢᱟᱭ ᱚᱲᱟᱜ ᱦᱚᱲᱟᱜ ᱠᱷᱩᱥᱤ ᱛᱟᱞᱟᱛᱮ
ᱯᱟᱲᱦᱟᱣ ᱦᱚᱪᱚ ᱞᱟᱹᱜᱤᱫ ᱠᱚᱞᱮᱡᱽ ᱨᱮᱠᱚ ᱵᱷᱚᱨᱛᱤ ᱠᱮᱫᱮᱭᱟ ᱾ ᱩᱱᱠᱩᱣᱟᱜ ᱢᱮᱱ ᱡᱟᱸᱦᱟ ᱞᱮᱠᱟ ᱛᱮ ᱵᱟᱹᱦᱩ
ᱠᱩᱲᱤ ᱛᱤᱸᱜᱩ ᱠᱮᱴᱮᱡ ᱫᱟᱲᱮᱭᱟᱭ ᱠᱷᱟᱡ,ᱦᱟᱯᱮᱱ ᱫᱤᱱ ᱵᱟᱝᱵᱚᱱ ᱠᱚᱥᱴᱚᱜ-ᱟ ᱾ ᱟᱠᱚ ᱨᱮᱱ ᱠᱚᱲᱟ ᱜᱤᱫᱽᱨᱟᱹ
ᱢᱟᱛᱚ ᱤᱨᱟᱹᱞ ᱪᱟᱱᱟᱪ ᱫᱷᱟᱹᱵᱤᱡ ᱯᱟᱲᱦᱟᱣ ᱠᱟᱛᱮ ᱮ ᱵᱟᱹᱜᱤ ᱟᱠᱟᱫᱟ ᱾ ᱫᱤᱱ ᱠᱟᱹᱢᱤ,ᱫᱤᱱ ᱟᱹᱜᱩ ᱠᱟᱛᱮ
ᱡᱟᱸᱦᱟ ᱞᱮᱠᱟᱛᱮ ᱥᱚᱝᱥᱟᱨ ᱠᱚ ᱪᱟᱞᱟᱣᱟ ᱾ ᱚᱱᱟ ᱛᱟᱞᱟ ᱨᱮᱠᱚ ᱯᱟᱲᱦᱟᱣ ᱦᱚᱪᱚᱭ ᱮ ᱠᱟᱱᱟ ᱾ ᱚᱱᱟᱛᱮ ᱱᱤᱛᱚᱜ
ᱞᱮᱠᱟᱛᱮ ᱜᱤᱫᱽᱨᱟᱹ ᱦᱟᱛᱟᱣ ᱞᱟᱹᱜᱤᱫ ᱛᱷᱩᱠᱩᱢ ᱠᱚ ᱫᱚᱦᱚᱣ ᱟᱠᱟᱫᱟ ᱾ ᱚᱞᱚᱜ ᱯᱟᱲᱦᱟᱣ ᱨᱮ ᱢᱚᱱ ᱠᱚ ᱮᱢ
ᱟᱠᱟᱫᱟ ᱾ ᱱᱚᱛᱮ ᱪᱟᱹᱠᱨᱤ ᱵᱤᱰᱟᱹᱣ ᱨᱮᱱᱟᱜ ᱠᱚᱪᱤᱧ ᱴᱷᱟᱶ ᱨᱮ ᱫᱷᱟᱨ ᱯᱟᱧᱪᱟ ᱠᱟᱛᱮ ᱡᱟᱸᱦᱟ ᱞᱮᱠᱟ ᱥᱟᱥᱮᱛ
ᱦᱟᱨᱠᱮᱛ ᱛᱟᱞᱟ ᱛᱮᱠᱚ ᱯᱟᱲᱦᱟᱣ ᱦᱚᱪᱚ ᱮ ᱠᱟᱱᱟ ᱾
ᱵᱟᱨᱯᱮ
ᱥᱮᱨᱢᱟ ᱛᱟᱭᱚᱢ BA ᱯᱟᱥ ᱠᱟᱛᱮ ᱜᱮ ᱵᱟᱹᱦᱩ ᱠᱩᱲᱤ LADY CONSTABLE ᱨᱮ ᱪᱟᱹᱠᱨᱤᱭ ᱧᱟᱢ ᱠᱮᱫᱟ ᱾ ᱢᱚᱬᱮ ᱛᱩᱨᱩᱭ ᱪᱟᱸᱫᱚ ᱛᱟᱭᱚᱢ
ᱜᱮ ᱩᱱᱤᱭᱟᱜ ᱪᱟᱞ ᱪᱚᱞᱚᱱ ᱵᱷᱤᱱᱟᱹ ᱤᱫᱤᱜ ᱠᱟᱱ ᱛᱟᱭᱟ ᱾ ᱟᱡ ᱡᱟᱢᱟᱭ ᱟᱨ ᱡᱟᱢᱟᱭ ᱚᱲᱟᱜ ᱦᱚᱲ ᱠᱷᱚᱱ ᱵᱟᱹᱭ
ᱵᱟᱹᱭ ᱛᱮᱭ ᱥᱟᱦᱟ ᱤᱫᱤᱜ ᱠᱟᱱᱟ ᱾ ᱚᱱᱟ ᱫᱚ ᱡᱚᱛᱚ ᱦᱚᱲᱠᱚ ᱵᱩᱡᱽ ᱛᱤᱭᱳᱜ ᱫᱟᱲᱮᱭᱟᱜ ᱠᱟᱱᱟ ᱾ ᱚᱱᱠᱟ ᱚᱱᱠᱟ
ᱛᱮ ᱢᱤᱫ ᱫᱤᱱ ᱫᱚ ᱥᱟᱹᱨᱤ ᱜᱮ ᱮᱴᱟᱜ ᱟᱛᱳ ᱰᱟᱺᱜᱽᱣᱟᱹ ᱠᱚᱲᱟ ᱴᱷᱮᱱ ᱮ "ᱡᱟᱢᱟᱭ ᱩᱪᱟᱹᱲ" ᱮᱱᱟ
᱾
.webp)
.webp)
