“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ
আখড়ারে যাঁহায় কো সেলেদ্ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱜᱟᱛᱮ
ᱴᱩᱣᱟ.ᱨ, ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱠ ᱤ ᱥ ᱠ ᱤ ᱱ ᱫ ᱷ ᱟ ᱢ
ᱩ ᱨ ᱢ ᱩ,, ᱨᱟ ᱢᱯᱚᱫᱚ ᱠᱤᱥᱠᱩ, ᱯᱩᱨᱱᱚ ᱪᱚᱱᱫ ᱨᱚ ᱠᱤᱥᱠᱩ, সমরলাল টুডু, সুচাঁদ হাঁসদা, বাড়তাং সরেন, সিতেন মান্ডি, বাবলু সরেন, ঠ্যেন্টা মুর্মু, দুগাই টুডু, দুলৗড় বিটি।
১।।
ᱦᱚᱢᱚᱨ ᱦᱟ ᱞᱟᱝ
ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ
ᱵᱤᱪᱷᱱᱟᱹ ᱩᱠᱩᱫᱽ ᱵᱩᱠᱩᱫᱽ
ᱥᱮᱛᱟᱜᱼᱮᱱᱟ ᱵᱮᱨᱮᱫ ᱢᱮᱥᱮ
ᱥᱤᱢ ᱥᱟᱺᱰᱤᱭ ᱠᱩᱨᱠᱩᱪᱩᱫᱽ ᱾
ᱯᱟᱪᱮ ᱩᱱᱤ ᱦᱟᱞᱳᱭ
ᱥᱤᱢ ᱵᱩᱥᱟᱹᱜ ᱠᱚ ᱳᱠᱳ ᱠᱚᱯᱮ
ᱫᱤᱞᱟᱹᱭ ᱫᱤᱞᱟᱹᱭ ᱫᱤᱞᱟᱹᱭ ᱾
ᱥᱤᱢ ᱥᱟᱺᱰᱤ ᱫᱚ ᱩᱠᱩᱨ?
ᱥᱟᱹᱰᱜᱤ ᱦᱟᱲᱟᱢ ᱦᱚᱵᱚᱨ ᱠᱮᱫᱮ
ᱛᱳᱯᱳᱫ ᱞᱟᱹᱜᱤᱫ ᱢᱟᱛᱷᱚᱨ !
২।।
ᱯᱷᱟ ᱜᱩᱱ ᱢᱟ ᱱᱮ
ᱜᱟᱛᱮ ᱴᱩᱣᱟ.ᱨ
ᱦᱟ.ᱲᱭᱟ.ᱨ ᱫᱟᱨᱮ ᱱᱟ.ᱲᱤ
ᱮᱫᱮᱞ ᱢᱩᱨᱩᱫ ᱠᱤᱥᱴᱚᱪᱩᱲᱟ.
ᱵᱟᱸᱫᱮᱭ ᱟᱨᱟᱜ ᱥᱟ.ᱲᱤ ᱾
ᱠᱩᱦᱩ ᱠᱩᱦᱩ ᱨᱟᱦᱟ
ᱩᱞ ᱠᱟᱱᱴᱷᱟᱲ ᱥᱟᱨᱡᱚᱢ
ᱠᱷᱳᱫᱮ ᱢᱟᱛᱠᱚᱢ ᱵᱟᱦᱟ ᱾
ᱵᱟᱦᱟᱨᱮ ᱵᱷᱟᱱ ᱵᱷᱟᱱ
ᱴᱤᱨᱚᱢ ᱴᱷᱚᱭᱟ ᱯᱤᱯᱤᱲᱡᱟᱝ
ᱩᱰᱟ.ᱣ ᱵᱟᱲᱟᱭ ᱠᱟᱱ ᱾
ᱵᱟᱦᱟ ᱪᱟᱯᱟᱞ ᱦᱟᱴᱤᱧ
ᱥᱟᱨ ᱥᱟᱜᱩᱱ ᱵᱟᱯᱞᱟ
ᱫᱩᱞᱟ.ᱲ ᱱᱟ.ᱲᱤᱭ ᱟᱛᱤᱧ ᱾
ᱱᱤᱨᱚᱱ ᱥᱤᱛᱩᱝ ᱫᱟᱨᱟᱭ
ᱵᱤᱨ ᱵᱩᱨᱩ ᱡᱷᱟᱨᱱᱟ
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
৩।।
ᱵᱟᱦᱟ
ᱥᱩᱵᱩᱫᱤᱭᱟ. ᱢᱩᱨᱢᱩ
ᱤᱫᱟᱹᱞ ᱵᱟᱦᱟ , ᱵᱟᱦᱟ ᱟᱠᱟᱱ
ᱢᱩᱨᱩᱫ ᱵᱟᱦᱟ ᱵᱟᱦᱟ ।
ᱫᱷᱤᱨᱤ ᱰᱩᱸᱝᱨᱤ ᱵᱟᱹᱫ ᱠᱷᱮᱛ
ᱪᱚᱨᱚᱠ ᱧᱮᱞᱚᱜ ᱟ-ᱦᱟ ।
ᱤᱪᱟᱹᱜ ᱵᱟᱦᱟ ᱯᱩᱨᱩᱭ ᱯᱩᱨᱩᱭ
ᱢᱩᱨᱩᱫ ᱵᱟᱦᱟ ᱡᱮᱸᱜᱮᱫ।
ᱥᱟᱱᱟᱢ ᱠᱚᱸᱲᱮᱢ ᱧᱮᱞ ᱧᱟᱢᱟ
ᱡᱟᱸᱦᱟ ᱥᱮᱱᱮᱢ ᱵᱮᱸᱜᱮᱫ।
ᱯᱩᱨᱩᱞᱤᱭᱟᱹ ᱫᱷᱤᱨᱤ ᱰᱩᱸᱝᱨᱤ ᱧᱮᱞᱚᱜ
ᱢᱚᱡᱜᱮ ᱟᱹᱰᱤ ᱪᱚᱨᱚᱠ ।
ᱥᱮᱛᱟᱜ ᱥᱤᱸᱜᱟᱹᱲ ᱧᱮᱧᱮᱞ ᱞᱟᱹᱜᱤᱫ
ᱤᱧᱟᱹᱜ ᱢᱚᱱᱮᱭ ᱚᱨᱚᱜ।
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
৪।।
ᱟᱭᱳ ᱟᱲᱟᱝ
ᱜᱳᱯᱮᱥᱣᱚᱨ ᱢᱟᱹᱱᱰᱤ
ᱥᱮᱬᱟᱣ ᱟᱠᱟᱫ ᱮᱱᱟᱝ ᱾
ᱥᱟᱶᱛᱟ ᱛᱟᱞᱟ ᱟᱹᱨᱥᱤ ᱾
ᱳᱰᱳᱠ ᱦᱤᱡᱩᱜ ᱠᱚᱲ ᱾
ᱡᱚᱲᱟᱣ ᱢᱮᱱᱟᱜ ᱵᱷᱟᱹᱞᱤ ᱾
ᱢᱮᱱᱟᱜ ᱟᱠᱟᱫ ᱯᱚᱨᱚᱵᱽ ᱾
ᱥᱟᱵ ᱫᱚᱦᱚᱭ ᱟᱜᱟᱢ ᱾
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
৫।।
ᱥᱳᱲᱮ ᱥᱮᱱᱴᱟᱨ
ᱠᱤᱥᱠᱤᱱᱫᱷᱟ ᱢᱩᱨᱢᱩ
ᱥᱮᱛᱟᱜ ᱚᱠᱚᱛ ᱥᱳᱲᱮ ᱥᱮᱱᱴᱟᱨ
ᱡᱷᱤᱡᱚᱜ ᱫᱤᱱᱟᱹᱢ ᱞᱮᱠᱟ ,
ᱵᱤᱞᱤ ᱧᱟᱢᱚᱜ ᱟ,ᱥᱳᱲᱮ ᱧᱟᱢᱚᱜ ᱟ
ᱧᱟᱢᱚᱜ ᱟ ᱩᱛᱩ ᱫᱟᱠᱟ ᱾
ᱫᱤᱫᱤᱢᱩᱱᱤ ᱫᱚ ᱫᱩᱲᱩᱵ ᱠᱟᱛᱮ
ᱯᱟᱲᱟᱦᱟᱣ ᱦᱚᱭ ᱞᱟᱹᱭ,
ᱵᱟᱞᱮ ᱜᱤᱫᱽᱨᱟᱹ ᱦᱤᱡᱩᱜ ᱠᱷᱮᱞᱛᱮ
ᱜᱟᱛᱮ ᱥᱟᱣᱛᱮ ᱛᱟᱭ ᱾
ᱥᱮᱨᱮᱧ ᱞᱟᱹᱭ ᱠᱟᱹᱦᱱᱤ ᱞᱟᱹᱭ
ᱚᱸᱲᱦᱮ ᱟᱨᱮ ᱚᱞᱟ ,
ᱜᱤᱫᱽᱨᱟᱹ ᱵᱟᱣᱞᱤ ᱪᱤᱛᱟᱨ ᱚᱛᱟ
ᱩᱫᱩᱜ ᱞᱮᱫᱟᱭ ᱦᱚᱞᱟ ᱾
ᱱᱟᱯᱟᱭ ᱞᱮᱠᱟ ᱫᱤᱱ ᱛᱟᱦᱮᱱ
ᱩᱫᱩᱜ ᱜᱚᱫᱟᱭ ᱚᱱᱮ ,
ᱜᱤᱫᱽᱨᱟᱹ ᱠᱚᱢᱟ ᱛᱷᱟᱭᱳᱭ ᱫᱷᱤᱱ
ᱨᱟᱹᱥᱠᱟᱹ ᱟᱛᱮ ᱢᱚᱱᱮ ᱾
ᱟᱯᱮᱦᱚ ᱵᱟᱵᱩ ᱦᱤᱡᱩᱜ ᱟᱯᱮᱥᱮ
ᱟᱞᱚᱯᱮ ᱧᱤᱨ ᱵᱟᱲᱟᱜ,
ᱦᱤᱲᱤᱧ ᱠᱟᱛᱮ ᱟᱞᱚᱯᱮ ᱛᱟᱦᱮᱱ
ᱫᱩᱲᱩᱵ ᱟᱯᱮ ᱚᱲᱟᱜ ᱾
᱿᱿᱿᱿᱿᱿᱿
ᱞ ᱧ ᱿᱿᱿᱿᱿᱿᱿
৬।।
ᱢᱚᱱᱮ ᱜᱚᱫᱟᱹᱧ
ᱨᱟ ᱢᱯᱚᱫᱚ ᱠᱤᱥᱠᱩ
ᱢᱚᱱᱮ ᱜᱚᱫᱟᱹᱧ ᱠᱩᱭᱞᱤ ᱞᱮᱠᱟ
ᱠᱩᱦᱩ ᱠᱩᱦᱩᱧ ᱥᱮᱨᱮᱧ
ᱛᱤᱱᱟᱹᱜ ᱢᱚᱸᱡᱽ ᱪᱚᱝ ᱟᱸᱡᱚᱢ ᱠᱚ ᱟ
ᱤᱧᱟ ᱜ ᱚᱱᱟ ᱥᱮᱨᱮᱧ ᱿
ᱛᱤᱠᱤᱱ ᱵᱮᱲᱟ ᱥᱟᱸᱲᱟ ᱥᱟᱛᱤᱧ
ᱱᱤᱥᱩᱱ ᱟ ᱛᱳ ᱴᱚᱞᱟ
ᱫᱟ ᱱᱟᱝ. ᱠᱷᱚᱱ ᱤᱧ ᱠᱩᱦᱩ ᱠᱮᱭᱟ
ᱛᱤᱱᱟᱹᱜ ᱪᱚ ᱨᱤᱞᱟᱹᱢᱟ ᱞᱟ ᱿
ᱟ ᱨᱦᱚᱸ ᱡᱩᱫᱤ ᱛᱟᱸᱦᱮ ᱠᱚᱜ ᱛᱤᱧ
ᱯᱷᱟᱸᱠᱲᱟᱹᱜ ᱩᱰ ᱟᱹ ᱣ ᱞᱟ ᱜᱤᱫ
ᱥᱮᱨᱢᱟ ᱪᱚᱴ ᱛᱤᱧ ᱩᱰ ᱟᱹ ᱣ ᱠᱚ ᱟ
ᱫᱤᱥᱚᱢ ᱥᱟᱸ ᱜᱷᱟᱨ ᱞᱟ ᱜᱤᱫ ᱿
ᱱᱚᱝᱠᱟ ᱠᱟ ᱛᱤᱧ ᱩᱭᱦᱟᱹ ᱨ ᱟ ᱪᱩᱨ
ᱤᱧ ᱫᱚ ᱦᱟ ᱱᱟ ᱱᱟᱣᱟ
ᱮᱠᱟ ᱞ ᱜᱮ ᱛᱚ ᱵᱟᱝ ᱥᱟᱨᱤᱜ ᱠᱟᱱ
ᱢᱚᱱᱮ ᱤᱫᱟᱹ ᱧ ᱡᱟᱸ ᱦᱟ᱿
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
৭।।
ᱟ ᱭᱳ ᱟ ᱲᱟ ᱝ
ᱯᱩᱨᱱᱚ ᱪᱚᱱᱫ ᱨᱚ ᱠᱤᱥᱠᱩ
ᱯᱟᱹᱨᱥᱤ ᱟ ᱲᱟ ᱝ
ᱨᱟ ᱲᱟᱝ ᱨᱟ ᱲᱟᱝ
ᱥᱟ ᱱᱛᱟ ᱲᱤ ᱟ ᱲᱟ ᱝ!
ᱫᱩᱞᱟᱹᱲ ᱟ ᱲᱟ ᱝ
ᱨᱟᱹᱥᱠᱟᱹ ᱟ ᱲᱟ ᱝ
ᱜᱚᱨᱚᱵ ᱟ ᱲᱟ ᱝ!
ᱛᱷᱩᱛᱤ ᱟ ᱲᱟ ᱝ
ᱥᱤ ᱵ ᱤᱝ ᱢᱟ ᱲᱟ ᱝ
ᱴᱟ ᱲᱟ ᱝ ᱴᱟ ᱲᱟ ᱝ!
ᱵ ᱚᱝᱜᱟ ᱟ ᱲᱟ ᱝ
ᱪᱚᱰ ᱚᱨ ᱢᱟᱲᱟ ᱝ
ᱵ ᱟᱸᱠᱷᱮᱲ ᱟ ᱲᱟ ᱝ!
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
৮।।
মামো দুলৗড়
সমরলাল টুডু
মেনাঃ তালে অড়াঃ ।
ঞেঁল তেগেম আয় উমৗনা
অড়াঃ কদ হড়াঃ ।
মনেদ তালে ফারচা ।
রৗসকৗ মেনাঃ জিউই পেরেজ
হড়মো আডি সারচা ।
বানুঃ উতার সুইয়া ।
রাসকা রেয়াঃ দরয়া তালারে
লাঠা বৗনুঃ কুইয়া ।
বানুঃ কাড়া সাগাড় ।
সিঞ বিরলে সেঁদরা লেখান
রৗসকৗ রমজলে জোগাড় ।
বুরু পাতা যাতরা ।
কুঁঞ বুটৗ ডৗডি ঘাট
আডি সাফা সুতরা ।
সানাম হড়াঃ ডিঁডৗ ।
অড়াঃ দুওয়ৗর রাচা সাফা
লেঁঞবঁঞ কুলহি পিঁডৗ ।
হৗতি লেকান আজার ।
আলে আতুদ বায় বললেন
চালাও এনায় বাজার ।
সানাম করেন মামা ।
আলে আতু মামো দুলৗড়
হিজুঃ মেসেম ঞাঁমা ।
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
৯।।
আলে হঁলে গড়ঃ
সুচাঁদ হাঁসদা
আলে ইস্কুল হুডিঞ গেয়া
,
অলঃ আলে পাড়হাঃ আলে ,
অলঃ আলে পাড়হাঃ আলে ,
উনকিন ঠেনগে পাড়হাঃ আলে ,
অনা তালারে মেনাঃ আরহঁ ,
মিত বার দারে মারাং আকান ,
অলঃ পাড়হাও সেঁড়ায়ালে ,
আতু ভৗলৗই দিসম ভৗলৗই ,
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
১০।।
বাহাপরব
বাড়তাং সরেন
নাওয়া সাকাম লেগেজ লেগেজ
ধৗরতী সাজাও এন ।
বাহা দ বাহায়েন
আতো হড়কো সানাম কতে
'বাহা' দ নেণ্ডায়েন ।
জাহের এরা , মারাংবুরু,
রৗস্কৗ রিলৗমালা ।
সিম কোদকো বঙ্গা কওয়া
চাওলে সিঁদুর আতে ।
চুপুৎ চাওলে আতে
ইসিন তরা জমলে সানাম
দুড়ুপ পান্তে কাতে ।
নায়কে আতোয় বলন
অড়াঃ অড়াঃ আরুপ জাঙ্গা
তিরলৗ বাহায় আতাং
অনা সাঁওতে টামাক সাডে
বাহারেদ বাংগে গানোঃ
সাগুন দাঃকো আরেচ
অনকা তেগে আতো হড়াঃ
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
১১।।
আলে আতু
সীতেন মাণ্ডি
আলে আতু
মুরুৎ বাহা
জেঙ্গেৎ জেঙ্গেৎ
রাসা পেরেচ্
গিদরৗক চেপেচ্।
বৗনুয় মালি
বৗনুঃ এটেৎ
ধিরি হাসাতে
রেহেদ্ পাটেদ্
টাঁডি টিকর
গাডা ঢিপি
ঝাঙ্কা ঝাকুর
লদব লদব।
হিজুঃ মেসে
দেলা গাতে
বাজার খনাঃ
আতু অড়াঃ
নিয়ৗ বেড়া
তিনাঃ চেহরা।
বাজার শাহার
হেঁদে ডাহার
এম তে দাম
বাম ঞাম
রেঙ্গেচ্ তেতাং
এন হঁ হেনাং
লাঁদায় লেকা
বাহা অনকা
তাঁগি তাঁড়াঃ
আমাঃ হর।
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
১২।।
বাবুয় অৗড়ি
বাবলু
সরেন
আয়োয় মেনা
উনৗ আলবেন অৗড়ি
আবেন বাবায় হেয়চলেনগে চেন্নাই খনাঃ
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
১৩।।
আঁধা পৗতয়ৗও
ঠ্যেন্টা মুর্মূ
আলম হাতড়াও
অলঃ পাড়হাও
আখিল বাড়হাও
সেচেৎ গেয়ান
বাং সেয়া আন
সেদায় কাথা
নাগাম ছাতা
রোগ আজার
মনে বেজার ।
পিরিল পিরিল
টিপঃ টড়ঃ
দাঃ জরঃ
বাড়ে ঊমূল
চামাল চূমুল
তালা ঞিন্দৗ
জৗপিৎ দুধাঁ
গাডা ধারে
সাহড়া দারে
বিলিৎ বালাৎ
আঁধা পৗতয়ৗও রে ।
᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿᱿
১৪।।
অন্নদা প্রসাদ কিস্কু
দুগাই টুডু
তাল বেড়িয়া রেদ,
সান্তাল পরগনা মিহিজাম সোর
আতো তাঁহেকান গেদ।
মায়থন ডেম দুবুচ্ এনতে
মুরলিডি হানে,
নাহাঃ জামতাড়া জেলা পাড়াঃ
সানাম বাড়ায় অনে।
মুরলিডি হানে,
নাহাঃ জামতাড়া জেলা পাড়াঃ
সানাম বাড়ায় অনে।
এঁগাৎ নিশোদাক মেনা,
জামতাড়া জে.ভি.সি. স্কুল খনগে
অনে মেট্রিক আনা।
রাঁচি কলেজ খনগে।
পৗহিল রেদ মিহিজাম হাই স্কুল
অল বেলরে উনরে উনি
একাল ধুরৗও আনে।
অনড়হিঁয়ৗ লেখা এনা,
‘হড় সম্বাদ’ পাথামরে অলকো
উনরে উছৗন লেনা।
ছাপা সদর কেদা,
সান্তাড় সাঁওহেৎ হারা বুরু
মঁজগেয় শোভা লেদা।
এনেম দহ লেদে,
হড়কো তেহেঞ মনে তালা
বেবাক উইহৗর এদে।
᱿᱿᱿᱿᱿᱿᱿ ᱞ ᱧ
᱿᱿᱿᱿᱿᱿᱿
১৫।।
রেঁগেচ্ সাকরাত
দুলৗড় বিটি
বাঞ বাডায় লেদা,
অভাব জালা ইঞ বাবা
সুনুম বায় আগুলেদা।
অড়াঃ রেমা সুনুম বাংতে
ইঞায়ো বায় ছাকাও লেদা।
তিনৗ মারাং জালা,
তাঁহেন রেঁগেচ্ জালা।
᱿᱿᱿᱿᱿᱿᱿ মুচৗৎ ᱿᱿᱿᱿᱿᱿᱿
.webp)
.webp)
