.webp)
“আবোওয়াঃ কাথা” ডিজিটাল ডেস্ক
রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’
লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ
বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱜᱟᱛᱮ ᱴᱩᱭᱟ.ᱨ, ᱨᱟᱢᱯᱚᱫᱚ ᱠᱤᱥᱠᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ ᱢ
ᱩ ᱨ ᱢ ᱩ,, বাড়তাং সরেন, সিতেন মান্ডি, সমর লাল টুডু, দুর্গাচরণ মুরমু, দুগাই টুডু, ঠ্যেন্টা মুর্মু।
১।।
ᱡᱤᱨᱤᱦᱤᱨᱤ ᱨᱟᱠᱟᱵᱽ ᱵᱮᱲᱟ
ᱪᱷᱟᱴᱠᱟ ᱠᱷᱚᱱᱮ ᱧᱮᱞᱚᱜ ।
ᱡᱤᱸᱬᱤᱫᱽ ᱡᱤᱸᱬᱤᱽ ᱨᱟᱛᱟᱝ
ᱠᱚᱢᱟ ᱫᱤᱦᱮ ᱞᱮᱠᱟ ᱡᱳᱞᱚᱜ ।
ᱵᱟᱞᱮ ᱨᱟᱵᱟᱝ ᱠᱟᱰᱟ
ᱵᱟᱲᱟᱭ ᱟᱞᱮ ᱪᱷᱟᱴᱠᱟ ᱠᱚᱨᱮ ।
ᱥᱩᱭᱩᱲ ᱦᱚᱭᱮ ᱦᱤᱨᱤᱭ
ᱦᱤᱡᱩᱜ ᱵᱟᱞᱮ ᱞᱟᱹᱵᱤᱫᱽ ᱦᱚᱲᱢᱚᱨᱮ ।
ᱡᱟᱹᱞᱤ ᱩᱢᱩᱞ ᱛᱟᱰᱮᱨ
ᱵᱟᱲᱟᱭ ᱯᱤᱸᱻᱰᱟᱹ ᱫᱷᱟᱨᱮ ᱠᱚᱨᱮ ।
ᱥᱤᱢ ᱥᱟᱺᱰᱤᱭ ᱠᱩᱠᱽᱲᱩᱭ
ᱦᱟᱹᱱᱤ ᱢᱩᱫᱷᱩᱱ ᱥᱟᱹᱲᱤᱢ ᱪᱚᱴᱨᱮ ।
ᱡᱤᱨᱤᱦᱤᱨᱤ ᱨᱟᱠᱟᱵᱽ ᱵᱮᱲᱟ
ᱪᱷᱟᱴᱠᱟ ᱠᱷᱚᱱᱮ ᱧᱮᱞᱚᱜ ।
ᱨᱮᱭᱟᱲ ᱨᱟᱵᱟᱝ ᱪᱟᱵᱟᱜ
ᱜᱮᱭᱟ ᱡᱮᱰᱮᱨ ᱜᱮᱭᱮ ᱛᱚᱞᱚᱜ ।
ᱢᱟᱱ
ᱜᱟᱲ ᱟᱨ ᱪᱟᱹᱭ ᱜᱟᱲ
ᱵᱤᱫᱩ
ᱪᱟᱸᱫᱟᱱ ᱟᱵᱮᱱ,
ᱞᱤᱴᱟᱹ
ᱜᱚᱥᱟᱭ ᱢᱟᱹᱱᱢᱤ ᱨᱩᱯ ᱛᱮᱭ
ᱠᱩᱞ
ᱞᱮᱫ ᱵᱮᱱ ᱾
ᱚᱱᱚᱞ
ᱵᱚᱸᱜᱟ ᱵᱤᱫᱩ ᱪᱟᱸᱫᱟᱱ
ᱢᱟᱜᱷ
ᱠᱩᱱᱟᱹᱢᱤ ᱨᱮ,
ᱟᱵᱮᱱ
ᱜᱮ ᱫᱮᱵᱟ ᱥᱮᱵᱟ
ᱫᱷᱟᱹᱨᱛᱤ
ᱛᱟᱞᱟ ᱨᱮ ᱾
ᱚᱞ
ᱵᱤᱨᱫᱟᱹ ᱜᱮᱭᱟᱱ ᱪᱟᱪᱟᱞ
ᱵᱚᱸᱜᱟ
ᱠᱟᱱᱟ ᱵᱮᱱ,
ᱡᱚᱦᱟᱨ
ᱱᱮᱦᱚᱨ ᱟᱞᱮ ᱠᱚᱣᱟᱜ
ᱟᱛᱟᱝ
ᱛᱟᱞᱮ ᱵᱮᱱ ᱾
ᱟᱞᱮ
ᱛᱤᱨᱮ ᱠᱟᱜᱚᱡᱽ ᱠᱚᱞᱚᱢ
ᱟᱹᱠᱤᱞ
ᱫᱟᱲᱮ ᱫᱮᱱ,
ᱫᱤᱥᱳᱢ
ᱨᱮ ᱨᱟᱡᱽ ᱞᱟᱹᱜᱤᱫ
ᱦᱩᱫᱤᱥ
ᱮᱢᱚᱜ ᱵᱮᱱ ᱾
ᱵᱩᱜᱤ
ᱵᱟᱹᱲᱤᱡ ᱡᱚᱛᱚ ᱞᱮᱠᱟ
ᱵᱩᱡᱷᱟᱹᱣ
ᱫᱟᱲᱮᱜ ᱟᱞᱮ,
ᱦᱟᱯᱮᱱ
ᱫᱤᱱ ᱫᱤᱥᱳᱢ ᱵᱷᱟᱹᱞᱟᱹᱭ
ᱱᱟᱯᱟᱭ
ᱦᱩᱭᱩᱜ ᱯᱟᱞᱮ ᱾
==≈======= ᱞ ᱧ ===========
ᱧᱤᱫᱟ.
ᱢᱟᱛᱚ ᱟᱸᱜᱟᱭᱮᱱ
ᱯᱩᱵᱽᱨᱮ
ᱵᱮᱲᱟᱭ ᱨᱟᱠᱟᱵᱽ ᱮᱱ
ᱦᱚᱲᱢᱚᱨᱮ
ᱡᱮᱰᱮᱨ ᱞᱟᱜᱟᱣᱮᱱ
ᱢᱚᱱᱮᱨᱮ
ᱫᱟᱲᱮ ᱥᱟᱨᱥᱟᱣᱮᱱ ᱾
ᱪᱮᱬᱮ
ᱠᱚᱠᱚ ᱪᱮᱨᱚ ᱵᱮᱨᱚᱜ
ᱩᱰᱟ.ᱣ
ᱵᱟᱲᱟ ᱯᱷᱮᱨ ᱯᱷᱟᱨᱚᱜ
ᱧᱤᱫᱟ.
ᱥᱤᱥᱤᱨ ᱞᱮᱛᱟᱲ ᱧᱩᱨᱚᱜ
ᱥᱮᱛᱟᱜ
ᱛᱚᱨᱟ ᱟᱫᱚ ᱛᱷᱤᱨᱚᱜ ᱾
ᱥᱤᱥᱤᱨ
ᱜᱟᱵᱟᱣ ᱫᱟᱨᱮ ᱥᱟᱠᱟᱢ
ᱥᱮᱛᱟᱜ
ᱛᱚᱨᱟ ᱡᱤᱣᱤᱠᱚ ᱧᱟᱢ
ᱵᱮᱲᱟ
ᱦᱚᱸᱛᱚᱭ ᱞᱟᱸᱫᱟ ᱫᱟᱨᱟᱢ
ᱱᱤᱯᱷᱩᱴ
ᱥᱟᱶᱟᱨ ᱥᱮᱛᱟᱜ ᱛᱟᱲᱟᱢ ᱾
ᱧᱟᱞᱟᱫ
ᱠᱷᱚᱱᱟᱜ ᱛᱟᱨᱟᱥ ᱫᱟᱨᱟᱭ
ᱵᱟᱜᱟᱱ
ᱵᱟᱦᱟ ᱡᱷᱚᱛᱚᱠᱚ ᱞᱟᱸᱫᱟᱭ
ᱟᱲᱛᱤᱭᱟᱠᱚ
ᱥᱩᱞᱩᱠ ᱥᱟᱶᱟᱭ
ᱠᱩᱪᱤᱛ
ᱠᱷᱚᱱᱟᱜ ᱩᱫᱟ.ᱨ ᱟᱞᱟᱭ ᱾
ᱵᱚᱥᱢᱚᱛᱟ
ᱟᱜ ᱵᱤᱪᱷᱱᱟ. ᱟᱴᱮᱫ
ᱦᱤᱸᱥᱤᱛ
ᱦᱚᱭᱟᱜ ᱡᱟᱫᱽᱜᱳ ᱡᱚᱴᱮᱫ
ᱥᱮᱛᱟᱜ
ᱛᱚᱨᱟ ᱥᱤᱛᱩᱝ -ᱮ ᱦᱟᱴᱮᱫ
ᱥᱤᱨᱡᱚᱱ
ᱦᱚᱨᱟ ᱵᱟᱪᱚᱭ ᱯᱟᱴᱮᱫ ᱾
ᱥᱮᱛᱟᱜ
ᱛᱚᱨᱟ ᱱᱟᱣᱟ ᱫᱤᱱ
ᱥᱤᱨᱡᱚᱱ
ᱵᱮᱲᱦᱟᱭᱛᱮ ᱥᱟᱨᱟ ᱫᱤᱱ
ᱥᱤᱨᱡᱚᱱ
ᱴᱷᱮᱱᱵᱚ ᱛᱟᱸᱦᱮᱱ ᱨᱤᱱ
ᱱᱚᱝᱠᱟ
ᱠᱟᱛᱮ ᱯᱟᱨᱚᱢᱚᱜ ᱫᱤᱱ ᱾
==≈======= ᱞ ᱧ ===========
(᱑)
ᱵᱟᱲᱜᱮ ᱞᱟᱛᱟᱨ ᱛᱳᱭᱳ
ᱵᱟᱱᱩᱜ ᱛᱟᱭᱟ ᱳᱭᱳ
ᱨᱟᱵᱟᱝ ᱡᱟᱞᱟ
ᱥᱮᱛᱟᱜ ᱟᱭᱩᱵ
ᱨᱟᱜᱟᱭ ᱦᱩᱠᱠᱟᱹ ᱦᱩᱣᱟᱹ᱿
(᱒)
ᱢᱩᱱᱜᱟᱹ
ᱵᱟᱦᱟ ᱛᱮᱦᱮ ᱛᱮᱦᱮ
ᱧᱮᱞᱚᱜ ᱟᱱᱟᱝ
ᱯᱳᱸᱰ ᱜᱮ
ᱢᱩᱱᱜᱟᱹ
ᱞᱟᱸᱰᱷᱟ ᱰᱟᱣᱟᱝ ᱰᱟᱣᱟᱝ
ᱟᱠᱟ
ᱠᱚ ᱟ ᱢᱚᱸᱡᱽ ᱜᱮ ᱿
==≈======= ᱞ ᱧ ===========
ᱥᱮᱴᱮᱨ ᱮᱱᱟ ᱛᱮᱦᱮᱧ ᱫᱤᱱ
ᱥᱟᱨᱤ ᱥᱟᱜᱩᱱ ᱢᱟᱦᱟ ,
ᱟᱥᱤᱥ ᱫᱮᱥᱮ ᱛᱷᱩᱢ ᱟᱭᱯᱮ
ᱥᱟᱱᱟᱢ ᱠᱚᱛᱮ ᱞᱟᱦᱟ ᱾
ᱥᱮᱨᱢᱟ ᱵᱟᱫᱨᱮ ᱟᱰᱤ ᱥᱟᱫᱨᱮ
ᱦᱮᱪ ᱥᱮᱴᱮᱨ ᱮᱱᱟ ,
ᱡᱟᱱᱟᱢ ᱢᱟᱦᱟᱨᱮ ᱥᱟᱜᱩᱱ ᱫᱤᱱᱨᱮ
ᱫᱩᱞᱟᱹᱲ ᱪᱟᱞᱟᱭ ᱠᱟᱱᱟ ᱾
ᱵᱩᱨᱩ ᱞᱮᱠᱟ ᱦᱟᱨᱟ ᱠᱚᱜᱢᱮ
ᱛᱷᱩᱢᱞᱮ ᱪᱟᱞᱟᱢ ᱠᱟᱱᱟ ,
ᱢᱟᱱᱢᱤ ᱞᱮᱠᱟ ᱛᱮᱭᱟᱨ ᱠᱚᱜᱢᱮ
ᱟᱥᱞᱮ ᱫᱚᱦᱚᱭ ᱠᱟᱱᱟ ᱾
ᱵᱮᱜᱮᱫ ᱞᱮᱫᱟ ᱛᱮᱦᱮᱧ ᱫᱤᱱ
ᱟᱭᱳ ᱠᱚᱞᱮᱨᱮ ᱥᱟᱨᱤ ,
ᱞᱮᱵᱮᱫ ᱞᱮᱫᱟ ᱱᱚᱣᱭᱟ ᱫᱤᱱ
ᱦᱤᱡᱩᱜ ᱨᱩᱭᱟᱲ ᱦᱤᱨᱤ ᱾
======= ᱞ ᱧ ========
হানে বিলৗন বৗইহৗড়রে
ঞেলঃ তুড়ি বাহা
সাঁঙ্গিঞ খন ঞালাৎ ঞালাৎ
হায়রে যাঁহা তাহা ।
সাসাং সোনা লে আকান
গোটাগে দুল আকান
দালায় দালায় অকারে
হয়াতে হিলৗঃকান ।
তিনৗঃ সাঁঙ্গিঞ ঞেল ঞামঃ
সানাম গেচো সাসাং
মনেরে রৗস্কৗ হিজুঃ
চেকাতে দঞ দানাং !
ঞেলে তেরম ভান ভানাও
বাহা চেতান বাহা
গোটা পাকাড় পাশনাঃ কান
হেড়েম সিবিল রাহা ।
কৗমি হড় লেকা দুমুর
একাল আডি জঁহক
থারে মার রাসা চেপেচ
বাকো উদুক ধমক ।
মনে ওটাং রৗস্কৗতে
সেরমা চেতান চেতান
অকয় তেহেঞ তল তিঞা
বুল মন আফিরঃকান ।
==≈======= ᱞ ᱧ ===========
জজ দ জজ
গেয়া
এখেনাঃ এম জম
খান
পুদিনা সাঁও রিৎ
মেশা
আডি চটক উনখান।
মৗরিচ দ ঝাল
গেয়া
এখেন মচা জম
রে
মুনগা আড়াঃ ভৗজি মেশা
গেগের জম দ বেশ গে।
নিম দ হেওয়ের
গেয়া
সাকাম সুনুম ডৗর হঁ
নিরন দিন আলু
বেঁগাড় রে
নিম মেশা জজম
সানা ঢের গে।
অকা শালাঃ অকা
অক্ত
হেওয়ারাঃ হঁ সিবিলঃ
বাড়ায়াবন করাও আবন
যত কগে বেশি
আর কম।
হেড়েম কাশা হেওয়ের
ঝাল
হেনাঃ মৗনমি তালারে
মজ যাঁহা সদরমা
অনা
সিবিল সৗগৗই বাঞ্চাঃ মা।
======= ᱞ ᱧ =======
সেরমা চেতান ইপিল এঁগেল
শায় শায় ডিবরি
সেঁগেল,
রিমিল জৗড়িতে টেঁগেল মেঁগেল
বাংক লহমঃ তাঁহেনাক লিগেল ।
দাল তলতে বাংক লাগাঃ
লৗড়হৗই তাপামতে
অহক ভাগাঃ,
ঞিঁদৗ
তাড়াম বাংক লাঁগাঃ
চুগলি কাথাতে অহগেক চাঁগাঃ ।
সিঁঞগে ঞিঁদৗগে তাড়াম আকা
তাড়াম ডাহার আঁকা বাঁকা,
তাড়াম লাঁগা অকা লেকা
বাডায় বৗনুঃ ঢিংকি যেলেকা
।
আমহঁ বাবু ইপিল লেকা
নাপায়তে চেমাৎ কাতে এলকা,
সাঁওতা সৗড়িমরে বাবা তিলকা
ডিগ ডিগির মারসালমে
এলেকা ।
সোনা চাঁদি
বাঁদি আমাঃ
কুটৗম পেটেজ মাঃ
সামাঃ,
গৗরিজ গুরিজ গেচ
লামাঃ
সৗরিগেচ অহগে চাবাঃ জমাঃ
।
বতরগে বুঝাঃ ডাহার তাড়াম
দিশৗয়ে তুলুজ বুড়হি
বড়াম,
আডাও কাতেৎ আমাঃ
কড়াম
লাহা সেনঃমে রাড়াম রাড়াম
।
নাপায় শিখনাত দিশোম তালারে
পাসনাওমে লীল
সেরমা জলারে,
জীওন রেনাঃ যথাৎ বেলারে
নাপায় কৗমিমে হায় ভালারে
।
আডিগে নিরিঘিন বৗড়িজ কৗমি
মৗনমি জিওনরে আলোম নেকামি,
বাংখান হোয়োঃ আডিগে বোকামি
বঁগাহঁ বুরুকহঁ বাংগেক ইকামে ।
আমাঃ পাড়হাও আমাঃ অলঃ
ইপিল এঁগেল লেকাগে জুলঃ,
গুজুঃ রেহঁম হাপেন হিলঃ
ভুরখৗ
ইপিল লেকাম ঞেঁলঃ ।
======= ᱞ ᱧ =======
অড়াঃ দুয়ৗর সাফায় লৗগিৎ
জনঃ আডি লৗকতি,
জনঃ বেগর চিকৗম জগা
ছাটকা পিডৗ জৗসতি।
হাসা জেড়ের পতাও ছাটকা
অড়াঃ ভিতার চৗলি,
সাগাদ্ খিজুর লুকুই জন:তে
জগঃ
আডি ভৗলি।
মাৎ খাড়াং জনঃতে সাফা:
ডাংরী কাডা গড়া,
মেরম ভিডি সিম খুধড়ী
জগ: আডি তাগড়া।
চিকৌড় দালান অড়া: চাতাল
সাফায় লৗগিৎ মেনাঃ-
লুবুই লুবুই বাহা জনঅ
ডানটি কেটেচ আনাঃ।
ফারচা ফারচি তাহেন খানেম
রোগ আজারে বতরঃ,
আম ঞেলতে ধুকুর-পুকুর
সাঁগিঞ খনে হসরঃ।
====== ᱞ
ᱧ =======
পুরৗ
ঞুতুম জোহানেস গসডাল
পৗদরিয় তাঁহে কানা,
নরওয়ে
খনাঃ ভারত তেদ
উনি হেচ্ লেনা।
বেনাগৗড়িয়ৗ
মিশন খন কাথায়
কৗ্মিয় এহব হানে,
হড়াঃ
আতো সেন কাতে
রড়ে সেঁড়াও আনে।
‘পেড়া
হড়’ পাথাম রেদ ভালা
সাপড়েৎ বাড়া লেনা,
অনড়হেঁ
সেরেঞ কৗহনি অনল
উছৗন লেদায় অনা।
অৗডি
দিনে সাপড়াও লেদ্তে
মানে বাড়হাও কেদা,
উনখন
গেচো একাল গেথ
হড়কো বাডায় লেদা।
সান্তাড়
সাঁওহেৎ লাহায় লৗগিৎ
এনেম তায়গে আদ,
অনে
নেতার জত ঘৗড়িচ্
উইহৗর ইদিয় এদ।
====== ᱞ ᱧ ======
এতম কঁয়ে অড়াঃ
অনা সাঁওতে তাঁহেন আরহঁ
ডাংরি মেরম গড়া।
লিলি বিছি লিখন গড়হন
জেড়ের পতাও পিন্ডৗ
কয়ঃ রেগেম বুঝৗও ঞামা
সান্তাড় আতো ডিন্ডা।
মেনাঃ কোওয়া খাম খুঁন্টি
আতো মড়ে হড়
সাঁওতা সেরোওয়া কৗমি রেগে
তাঁহে না ক জহড়।
পুরুব নাখা কুলহি মুচৗৎ
মেনাঃ জাহের থান
মৗঝি বাখোল ছাটকা রে গে
মঞ্জগে মৗঝি থান।
মাঘ মুদৗ বাহা সহরায়
সালে বঙ্গা বুরু
এনেজ্ সেরেঞ রাস্ক রমজ্
সানাম গে ক সুরুঃ।
গালে গুলে তাঁহে না-ক
গুনি গুরিব কদ
হিস্কৗ হুলুং হিড়িঞা ক
বঙ্গা বুরুঃ রেদ।
====== মুচৗৎ=======
.webp)
.webp)
