সিঁগি মাহা রেনাঃ সাকাম ‘চেরেচ্ আড়াং’ লেখা- ১২৭

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।     

 

তেহেঞাঃ আখড়ারে যাঁহায় কো সেলেদ্‌ আকান-    ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟ. ᱢᱩᱨᱢᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ,,   ᱟᱱᱚᱱᱫᱚ ᱢᱳᱦᱚᱱ ᱦᱮᱢᱵᱨᱚᱢ, ᱨᱟᱢᱯᱚᱫᱚ  ᱠᱤᱥᱠᱩ, বাড়তাং  সরেন,  ঠ্যেন্টা  মুর্মু,   দুর্গাচরণ মুরমু ,সিতেন মান্ডি, দুগাই টুডু,।

 

১।।

ᱰᱟᱹᱝᱨᱤ ᱜᱟᱹᱰᱤ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱠᱮᱸᱪ ᱠᱚᱸᱪ   ᱰᱟᱝᱨᱟ ᱜᱟᱹᱰᱤ
ᱦᱚᱯᱚᱱ ᱵᱟᱹᱵᱩᱭ ᱞᱟᱜᱟᱭ,
ᱧᱤᱫᱟᱹᱧᱩᱛᱟᱹᱛ ᱠᱟᱲᱟᱝ ᱠᱩᱪᱤᱛ
ᱠᱳᱫ ᱜᱷᱩᱴᱩᱨᱮ ᱟᱸᱜᱟᱭ ᱾

 

ᱰᱟᱝᱨᱟ ᱜᱟᱹᱰᱤ  ᱫᱷᱟᱪᱟ ᱜᱟᱹᱰᱤ
ᱛᱤᱢᱤᱱ ᱥᱟᱹᱜᱤᱧ ᱪᱟᱞᱟᱜ,
ᱦᱚᱯᱚᱱ ᱵᱟᱹᱵᱩ ᱠᱟᱢᱥᱟᱣ ᱠᱟᱜᱼᱟᱭ
ᱢᱚᱱ ᱠᱩᱥᱤᱜᱮ ᱨᱮᱞᱟᱜ ᱾

 

ᱵᱟᱝᱥᱮᱭ ᱯᱮᱲᱟᱜᱼ  ᱢᱟᱢᱟ ᱚᱲᱟᱜ
ᱵᱟᱝᱥᱮᱭ ᱦᱤᱨᱤᱜᱼ ᱦᱟᱛᱚᱢ ?
ᱚᱠᱟᱨᱮ ᱧᱟᱢᱚᱜ  ᱥᱤᱵᱤᱞ ᱥᱚᱲᱚᱢ
ᱛᱷᱟᱹᱨᱤᱨᱮ ᱜᱩᱲ ᱜᱚᱛᱚᱢ ?

========= ᱞ ᱧ ========

 ২।।

ᱥᱟᱶ ᱡᱚᱛᱚᱱ

ᱥᱩᱵᱩᱫᱤᱭᱟ ᱢᱩᱨᱢᱩ

ᱟᱵᱳ ᱫᱤᱥᱚᱢ
ᱱᱚᱭ ᱦᱟᱨᱮ ᱯᱷᱟᱨᱮ ।
ᱡᱤᱭᱟᱹᱲ  ᱟᱠᱟᱱ
ᱡᱤᱸᱣᱮᱫ ᱥᱟᱶᱦᱮᱫ ᱫᱟᱨᱮ ।
ᱥᱟᱸᱜᱮ ᱰᱟᱹᱨᱢᱟ
ᱦᱟᱱᱮ ᱯᱟᱥᱱᱟᱣ ᱪᱟᱞᱟᱜ।
ᱚᱛ    ᱥᱮᱨᱢᱟ
ᱢᱩᱪᱟᱹᱫ  ᱧᱟᱞᱟᱜ ᱧᱟᱞᱟᱜ।
ᱥᱟᱶᱦᱮᱫ ᱯᱟᱹᱨᱥᱤ
ᱢᱚᱡᱜᱮ ᱧᱚᱦᱚᱬ ᱧᱚᱦᱚᱬ।
ᱫᱮᱵᱚᱱ ᱫᱷᱩᱨᱟᱹᱜ
ᱥᱟᱸᱜᱮ  ᱥᱟᱸᱜᱮ  ᱦᱚᱲ।

========= ᱞ ᱧ ========

৩।। 

ᱚᱲᱟᱜ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

 
ᱢᱟᱱᱢᱤ ᱦᱚᱲᱟᱜ ᱵᱮᱱᱟᱣ ᱚᱲᱟᱜ
    ᱥᱟᱡᱟᱣ ᱢᱮᱱᱟᱜ ᱛᱷᱟᱨ ,
ᱩᱢᱩᱞ ᱜᱮᱭᱟ ᱨᱮᱭᱟᱲ ᱢᱮᱭᱟ
    ᱦᱮᱢᱟᱞ ᱢᱮᱭᱟ ᱟᱨ   ᱾

  
ᱵᱤᱧ ᱠᱤᱫᱤᱧ ᱚᱛ ᱵᱷᱩᱜᱨᱮ
   ᱛᱟᱦᱮᱱ ᱨᱤᱞᱟᱢᱟᱞᱟ ,
ᱪᱮᱲᱮ ᱪᱤᱯᱩᱨᱩᱫ ᱫᱟᱨᱮ ᱰᱟᱹᱨᱨᱮ
   ᱟᱰᱤᱜᱮ ᱟᱞᱟᱡᱷᱟᱞᱟ   ᱾

  
ᱦᱟᱞᱳ ᱠᱟᱴᱠᱚᱢ ᱢᱟᱜᱟᱲ ᱦᱚᱨᱚ
    ᱫᱟᱜᱨᱮ ᱛᱟᱠᱳ ᱴᱷᱟᱸᱭ,
ᱧᱟᱢᱚᱜ ᱟᱠᱳ ᱫᱟᱜ ᱛᱟᱞᱟᱨᱮ
     ᱞᱤᱱᱜᱤ ᱟᱛᱳᱱ ᱱᱟᱹᱭ  ᱾

  
ᱞᱮᱸᱰᱮᱫ ᱜᱚᱸᱜᱷᱟ ᱚᱛ ᱦᱟᱥᱟᱨᱮ
    ᱛᱟᱦᱮᱱ ᱜᱮᱭᱟ ᱥᱟᱨᱤ,
ᱚᱲᱟᱜ ᱫᱩᱭᱟᱨ ᱟᱯᱟᱱ ᱟᱯᱤᱱ
    ᱡᱩᱫᱟ ᱛᱟᱦᱮᱱ ᱯᱟᱨᱤ  ᱾

  
ᱚᱛ ᱦᱟᱥᱟᱨᱮ ᱫᱟᱨᱮ ᱱᱟᱲᱤᱨᱮ
   ᱛᱤᱱᱟᱜ ᱞᱮᱠᱟᱱ ᱡᱤᱵᱟᱹ ,
ᱛᱟᱦᱮᱱ ᱚᱲᱟᱜ ᱵᱮᱱᱟᱣ ᱟᱨᱮ
   ᱵᱷᱩᱜᱟᱜ ᱰᱚᱱᱰᱚᱨ ᱛᱩᱠᱟᱹ  ᱾

========= ᱞ ᱧ ========

৪।। 

ᱜᱚᱛᱚᱢ ᱵᱮᱱᱟᱶ

ᱟᱱᱚᱱᱫᱚ ᱢᱳᱦᱚᱱ ᱦᱮᱢᱵᱨᱚᱢ

 
ᱜᱷᱤᱨᱜᱷᱚᱨ ᱚᱨ ᱚᱨ
ᱢᱟᱫ ᱰᱟᱝ ᱢᱟᱫᱷᱟᱱᱤ,
ᱱᱩᱱᱭᱟ. ᱛᱩᱫ-ᱮᱱ
ᱜᱚᱲᱚᱢᱫᱚᱭ ᱦᱟ.ᱨᱟᱱI

 
ᱦᱩᱭᱮᱱ ᱜᱷᱚᱨᱛᱮᱫ
ᱠᱟ'ᱡᱤ ᱠᱟ'ᱡ ᱠᱟ'ᱡ,
ᱢᱟ.ᱭ ᱫᱚᱭ ᱠᱷᱚᱡᱟ
ᱥᱤᱵᱤᱞ ᱰᱟᱰᱷᱤᱡI

 
ᱜᱚᱢ ᱫᱚᱭ ᱪᱷᱮᱨᱟ
ᱡᱩᱞᱟᱭ ᱥᱮ'ᱜᱮᱞ,
ᱫᱩᱞᱟᱭ ᱜᱚᱛᱚᱢ,
ᱢᱟ.ᱭ ᱫᱚᱭ ᱧᱮᱜᱧᱮᱞI

========= ᱞ ᱧ ========

৫।।

ᱜᱤᱫᱨᱟᱹ ᱵᱟᱣᱞᱤ

ᱨᱟᱢᱯᱚᱫᱚ  ᱠᱤᱥᱠᱩ

 

                     (᱑ )
      
ᱢᱮᱱᱟᱭ  ᱛᱟᱞᱮ   ᱯᱩᱥᱤ
ᱧᱩᱛᱩᱢ    ᱛᱟᱭ   ᱫᱚ ᱞᱩᱥᱤ
ᱡᱤᱞ ᱦᱟᱠᱩ  ᱞᱮ  ᱩᱛᱩ  ᱞᱮᱠᱷᱟᱱ
ᱟᱰᱤ  ᱜᱮᱪᱚᱭ  ᱠᱩᱥᱤᱜ ᱿

  

                  (᱒)
 
ᱟᱞᱮ ᱦᱚᱯᱚᱱ  ᱠᱩᱱᱩ
ᱨᱟᱜᱟᱭ  ᱠᱷᱩᱱᱩᱜ  ᱠᱷᱩᱱᱩᱜ
ᱪᱷᱚᱞᱟ  ᱟᱛᱟ ᱡᱚᱢ ᱥᱟᱱᱟᱭᱮ
ᱰᱟᱴᱟ  ᱜᱮᱛᱟᱭ  ᱵᱟᱱᱩᱜ ᱿

========= ᱞ ᱧ ========

৬।।  

নাচার ধৗরতীপুরী

বাড়তাং সরেন

 
ধৗরতী পুরী একাল বৗনুঃ সেদায় লেকাতে,
গোটা দিশম পেরেচ হায়রে ,বিষান ধুঁয়োঁতে।
টেক্সি গৗডি , মোটর গৗডি, উডৗঃ গৗডি খন,
বৗড়িচ ধুঁয়ৗ ওটাং ওডোং, কারখানা কল খন।
হয় হিসিৎ রিলৗমালা নিরৗই বানুঃ হালে,
জীব জিয়ৌলী মানমীকো একাল হালেডালে ।
কারখানা হেঁদেঁ দাঃদ আতু মেশাল এনা,
ক্ষেত হাসা দাঃ দরেয়া সানাম বৗড়িচ এনা ।
দিঘহী করেন হাকো কাটকম হায়রে জ্বালারে ,
হাপেন দিন চেকাবো তাঁহেন ধৗরতী পুরীরে  !
লালচ খৗতির মৗনমী দ, সানাম গেবো নাসাও ,
বঙ্গা লেকান উসুল বুরু মিৎ মিৎতেম ধাসাও।
দারে নৗড়ী বাংরে দ গোটা গেচয় আকাল ,
জমাঃ বেগর হায়রে, জিয়ী দ আকাল সাকাল ।

ধৗরতী লাতার সুনুম দুরিপ চেদাঃ দবন চাবায় !
লৗক্তি বেগর কয়লা খাদান চেদাঃদকো  লালায়।
দারে নৗড়ী লাগাওরেদ দিশম সাজাঃ তাবোন,
রিলৗমালা ধৗরতীপুরী, সৗরি বাঞ্চাঃ তাবোন ।

========= ᱞ ᱧ ========

৭।।

টেঁডার কৗপি

ঠ্যেন্টা মুর্মূ

 
গুড়গৗও আকাৎ  তাহেন খান 
ধিরি  আতুঃ নৗই দাঃ রে
বাং বৗইসৗ আ সেয়ালম
অনা চিকাড় ধিরি রে ।
মনে জিউয়ী যুদি
তাহেনা জিয়ৗড় গে
বাং বুঝাঃ আ লাঙ্গা 
হড়ম  তি জাঙ্গা রে ।
লাঙ্গা বুঝৗঃ আ 
হড়্ ম রে উন গে
হুলাস ভাঙ্গাঃ  আ
মনে তিন রে ।
কৗমি কাতেৎ হঁ কৗমি
বাং সাতঃ  আ
যুদি বাং এম বিরিদ্  আ
আঙ্গা পায়ার রে ।
তাঁহে কাতে হঁ হাতাং বহঃ রে
বাং লাসেরঃ আ অনা
যুদি বাং এম লাগাও নাপায় কৗমিরে ।
লাসের কৗপি হঁ
মিৎ দিন মারচাঃ গেয়া
তাঁহেন গেয়া  যুদি টেঁডার কচা রে  ।

========= ᱞ ᱧ ========

৮।। 

আপনৗৎ মাহা

দুর্গাচরণ মুরমু

 
১৯৪৭ সাল গে-মড়ে আগস্ট
ভারত দিশোম ফুরগৗল এনা,
দিশম তালা তিরঙ্গা চির
হিপিড় হিপিড় অটাং এনা।

 
ফুরগৗল দিশম চালাও লৗগিৎ
আপনার সংবিধান লৗকতি এনা,
সংবিধান খসড়া তেয়ার লৗগিৎ
গণ পরিষদ বেনাও এনা।

 
ডঃ ভীম রাও আম্বেদকর
বহঃএ খাটাও কেদা,
সানাম কোওয়ায় কুরুমুটু তে
সংবিধান ক তেয়ার কেদা।

 
১৯৫০সাল বাগে-তুরুয় জানুয়ারি
আপনৗৎ মাহা ছাটিয়ৗর এনা,
অনে ইন হিলোঃখন
নাওয়া সংবিধান লাগু এনা।

========= ᱞ ᱧ ========

৯।। 

ছন্দ

সীতেন মাণ্ডি

বৗড়িচ্ কাথারে মনে বাং
ছন্দ রেগে লুতুর দহয় তাম
বেশ মনে তেম আঁজম লেখান
যত রেগে ছন্দম ঞামা আম।

 
 ‌ ছন্দ মেনাঃ দাঃ জৗপুত্ রে
  মেনাঃ তেরদেজ্ মারশাল রে
তিকিন তারাসিঞ চেঁড়ে রাঃ রে
  নিচল নিঝুম ‌ঝারণা রে।

 
ছন্দ তেগে আচুরঃ ঘড়ি কাঁটা
  সিঞ ঞিদৗ মেনাঃ তল
মেৎ তে যাঁহাম ঞেল ঞামা
যত রেগে হেনাঃ ছন্দ রেনাঃ কল।

 
যত ছন্দ আঁগচ হুয় আম
লুতুর তে আর মনেতে
ছন্দ রেনাঃ ধুড়ি ধৗরতি
তপলঃ সিবিল সৗগৗই তে।

 
মনে তালারে রৗস্কৗ হিজুঃ
জিউয়ি হেসেচ্ সেকেচ্
ছন্দ বেগর তাড়াম লেখান
সুখ ছাড়া, খৗলি দুক তে পেরেচ্।

 

========= ᱞ ᱧ ========

১০।। 

তিলকৗ মুরমু

দুগাই টুডু

 
তিলক পুররেন তিলকৗ মুরমু
      মাঞ্জহি তাঁহে কানে,
ব্রিটিশ খনাঃ বাঞ্চাঃ লৗগিৎ
       তিগুঁ দারাম লেনে।

 
রিডচ্‌ রডচ্‌ সাহায় বাবৎ
    উনরে একরাড় কেদা,
গাদেল গাদেল হড়কো আতে
     হানে হুল লেদা।

 
লৗইকো কাথায় বাঁটুল তেচো
     ক্লিবল্যান্ড চাপাৎ কেদে,
অনাতেগে জস কাতেদ্‌
     আদয় গচ্‌ লেদে।

 
ইংরাজ ফৗদঠেন উনগে অহায়
    উনিয় সাব লেনা,
সাদম তায়ম তল কাতে
    গহড় আচুর আনা।

 
তায়নম তেদ বাড়ে ডৗ্ররে
     ফাঁসিকো আরাও আদে,
আউরি বেঁডাও হৗবিচ্‌ গেচো
     আকা হাতাড় লেদে।

 
বীর বান্টা তিলকৗ মুরমু
   সাহস ঞেললেন তায়া,
অনে উনখন নেতার হঁচো
    উইহৗ্র ইদি গেয়া।

======== মুচৗৎ========

(বিশেষ কারণ তে হলা বাং উছান তে গাহির দুঃখলে সদর এদা।)