(রুতি কৗহনি)
কলেজ হোস্টেলরে তাঁহেকাতে পাড়হাওঃ অক্তে রুবেনরেন গাতে কদ সমাজ নিয়ৗ অৗডি লেকান কাথা ক চিন্তৗ ভাবনা বাড়ায়া । চিকৗতে ভালা আকোআঃ তায়ম আকান মারে সমাজ লাগচার অৗরিচৗলি দ ক লাহা হচয়া।
মিৎ দিন দ কলেজ হোস্টলরে গালমারাও আখড়া ক দহ কেদা। সাতাম দ-
"অলঃ পাড়হাও সেঁড়া তায়ম চৗকরি ঞাম কাতে সমাজ লৗগিৎ অকয় চেৎ বন চিকৗয়া" ?
কৗরু দয় লৗই কেদা-,
'আলেয়াঃ মারে কাঁত্ অড়াঃ রৗপুৎ কাতে ঝাঁক ঝাঁক পাকা অড়াঃ ইঞ তেয়ারা। হড়িঞ চমকাও হচ কওয়া'।
মদন দয় মেনা-, 'ইঞ দ নাপায় লেকান কিঁসৗড় অড়াঃরে নৗইহৗর কাতে, নায়িকা লেকান বৗহু আন্তে, সুক সংসারিঞ তেয়ারা। হড় জেমন আল ক নিসড়ৗও দাড়েয়ৗঞ মা'।
করন দয় মেনা-,'ইঞ দ মিৎটেন পোন চাকা গৗডি কিরিঞ কাতে, অড়াঃ হড়িঞ সাগাড় অৗচুর কওয়া। আর দেমক চৗলতেঞ ফুটৗনি অৗচুরা। হড়িঞ হাহাড়া হচ কওয়া'।
সানাম ক লৗই পুরৗও কেৎ তায়ম। রুবেন দ বৗই বৗইতে আয়াঃ মনে কাথায় লৗই সদর কেদা-,
" আপে জাঁহা কপে লৗই সদর কেদা। ইঞাঃ উইহৗর ভাবনা দ অনকা দ বাংআ। ইঞ দঞ উইহৗর এদা। সিখনৗৎ তালাতে, চিকৗতে সমাজ দ উৎনৗও লাহাঃআ" ?
সানাম কগে রুবেন ক কুলি কেদেয়া। 'মাসে তবেখান আমাঃ পৗরিলে আঁজম লেগে।অকা লেকাম মনেয়েৎ আন' ?
রুবেন-- "ইঞ দ অলঃ পাড়হাও সেঁড়া কাতে চৗকরিঞ ঞাম লেখান। অনা চৗকরি টাকাতে দ মঁড়ে গটেন গিদরৗঞ গ্রেজুয়েট কওয়া। উনকু সেচেৎ আন গিদরৗ দ সমাজিঞ চাল আয়া। সমাজরে সেচেৎ আন হড় লেখা বৗড়তিঃআ। সমাজ সুসৗর লাহান্তি কৗমিরে গড়োয় ঞামা"।
.webp)
.webp)
