সিঁগি মাহা রেনাঃ সাকাম ‘চেরেচ্ আড়াং’ লেখা- ১২১

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।     

 

তেহেঞাঃ আখড়ারে যাঁহায় কো সেলেদ্‌ আকান- সুজয় কুমার টুডু, রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ,,  ᱨᱟ ᱢᱯᱚᱫᱚ ᱠᱤᱥᱠᱩ,  বাড়তাং  সরেন,  সিতেন মান্ডি, দুগাই টুডু,  দুর্গাচরণ মুরমু,  সনাতন টুডু।

     

সুজয় কুমার টুডু, ক্লাস- II
জেলা-পশ্চিম মেদিনীপুর

রিলৗমালা মুরুমু, ক্লাস- V
জেলা - পুরুলিয়া

১।।

ᱵᱟᱞᱮ ᱵᱟᱹᱵᱩᱼᱟᱜ 

ᱠᱳᱸᱵᱲᱳ ᱟᱠᱟᱱ ᱡᱟᱸᱜᱟ

(ᱞᱟᱸᱫᱟ ᱛᱮᱱᱟᱜ ᱜᱤᱫᱨᱟᱹᱵᱟᱹᱞᱤ)

 ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

  

ᱟᱛᱳ ᱯᱟᱲᱟᱨᱮ ᱫᱩᱲᱩᱵ ᱛᱮᱜᱳᱱ

  ᱦᱚᱲ ᱠᱚ ᱧᱮᱞᱚᱜ ᱴᱳᱞ,

ᱨᱚᱯᱚᱲ ᱧᱟᱯᱟᱢ ᱯᱟᱥᱱᱟᱣ ᱟᱠᱟᱱ

    ᱜᱚᱴᱟ ᱦᱳᱨᱳᱞ ᱜᱳᱨᱳᱞ ᱾

 

ᱵᱟᱝᱢᱟ ᱵᱟᱞᱮ ᱦᱚᱯᱚᱱ ᱵᱟᱵᱩ

     ᱛᱮᱦᱮᱧ ᱥᱮᱛᱟᱜ ᱟᱸᱜᱟ,

ᱚᱠᱚᱭ ᱦᱚᱲ ᱠᱚ ᱠᱳᱸᱵᱲᱳ ᱟᱠᱟᱛ

       ᱵᱟᱭ ᱧᱟᱢᱮᱛ ᱛᱟᱭ ᱡᱟᱸᱜᱟ ᱾

 

ᱦᱟᱹᱱᱤᱭ ᱠᱟᱹᱭᱮᱼ ᱱᱩᱭᱮ ᱠᱟᱹᱭᱮ

     ᱠᱟᱹᱭ ᱜᱮ ᱵᱟᱪᱚᱝ ᱴᱷᱟᱲᱚᱜ,

ᱟᱹᱲᱤᱥ ᱛᱮᱢᱟ ᱵᱟᱞᱮ ᱵᱟᱹᱵᱩ

       ᱨᱟᱹᱜᱤᱛᱮᱭ ᱪᱟᱸᱲ ᱢᱟᱸᱲᱚᱜ ᱾

 

ᱛᱮᱸᱜᱳ ᱵᱮᱨᱮᱫ ᱠᱮᱴᱮᱡ ᱡᱟᱸᱜᱟ

       ᱛᱟᱸᱦᱮᱠᱟᱱ ᱜᱷᱤᱸᱴ ᱜᱷᱤᱸᱴ,

ᱛᱮᱦᱮᱧ ᱛᱮᱜᱮ ᱚᱵᱚᱨ ᱟᱠᱟᱱ

        ᱟᱹᱭᱠᱟᱹᱣ ᱮ ᱵᱟᱝ ᱴᱷᱤᱠ ᱾

 

ᱦᱚᱸᱥᱚᱨ ᱟᱛᱮᱭ ᱥᱚᱦᱚᱨ ᱪᱟᱞᱟᱜ

        ᱞᱟᱹᱞᱤᱪ ᱢᱟᱹᱡᱷᱤ ᱴᱷᱮᱱ,

'ᱠᱳᱵᱬᱳ ᱚᱠᱚᱭ? ᱵᱤᱪᱟᱹᱨ ᱢᱮᱢᱟ

        ᱱᱤᱛ ᱜᱷᱟᱹᱲᱤᱛᱮ ᱫᱮᱱ᱾'

 

ᱵᱤᱪᱟᱹᱨ ᱦᱳᱭᱮᱱ  ᱟᱪᱟᱨ ᱦᱳᱭᱮᱱ

      ᱵᱟᱝ ᱠᱚ ᱥᱟᱵᱚᱜ ᱚᱠᱚᱭ,

ᱠᱳᱸᱵᱲᱳ ᱠᱟᱛᱷᱟ  ᱮᱲᱮ ᱠᱟᱛᱷᱟ

       ᱦᱚᱲ ᱠᱚᱢᱟ ᱠᱚ ᱴᱷᱟᱲᱚᱭ ᱾

 

ᱵᱤᱪᱟᱹᱨ ᱥᱟᱞᱟ  ᱜᱚᱴᱟ ᱨᱮᱢᱟ

      ᱴᱷᱟᱲᱚ ᱦᱳᱭᱮᱱ ᱱᱚᱜᱼᱚᱭ,

ᱵᱟᱞᱮ ᱵᱟᱵᱩ  ᱮᱰᱷᱮ ᱡᱟᱸᱜᱟ

     ᱟᱹᱣᱨᱤ ᱫᱟᱲᱮᱭ ᱨᱚᱦᱚᱭ ᱾

 

======== ᱞ ᱧ ========

২।।

ᱦᱚᱨ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱦᱚᱨᱫᱚ ᱦᱟᱱᱮ
ᱡᱮᱞᱮᱧ ᱪᱟᱞᱟᱜ ᱿

ᱥᱟᱺᱜᱤᱧ ᱠᱷᱚᱱᱦᱚᱸ
ᱧᱟᱞᱟᱜ ᱧᱟᱞᱟᱜ ᱿

ᱛᱤᱱᱟᱹᱜ ᱦᱚᱲᱠᱚ
ᱦᱤᱡᱩᱜ ᱪᱟᱞᱟᱜ ᱿

ᱟᱠᱚ       ᱟᱠᱚ
ᱜᱟᱛᱮ   ᱥᱟᱞᱟᱜ ᱿

ᱢᱟᱨᱟᱝ ᱠᱟᱛᱮ
ᱟᱞᱟᱝ  ᱦᱚᱸᱞᱟᱝ ᱿

ᱜᱟᱛᱮ  ᱜᱟᱛᱮ
ᱛᱟᱲᱟᱢ  ᱟᱞᱟᱝ ᱿

======== ᱞ ᱧ ========

৩।। 

ᱯᱟᱞᱳᱭ

ᱜᱳᱯᱮᱥᱣᱚᱨ ᱢᱟᱹᱱᱰᱤ

  

ᱟᱜᱷᱟᱲ ᱯᱩᱥ ᱟᱞᱮ

ᱦᱩᱲᱩ ᱤᱨ ᱯᱟᱞᱮ ᱾

 

ᱯᱟᱹᱦᱤ ᱵᱮᱱᱟᱣ ᱟᱞᱮ

ᱨᱚᱦᱚᱲ ᱞᱟᱹᱜᱤᱫ ᱯᱟᱞᱮ ᱾

 

ᱛᱚᱞ ᱟᱞᱮ ᱟᱹᱴᱤ

ᱥᱟᱜᱟᱲ ᱟᱹᱜᱩᱭ ᱠᱷᱟᱹᱴᱤ ᱾

 

ᱠᱷᱟᱹᱨᱟᱹᱭ ᱢᱮᱱᱟᱜ ᱛᱟᱞᱮ

ᱟᱹᱜᱩ ᱡᱟᱣᱨᱟᱭ ᱯᱟᱞᱮ ᱾

 

ᱯᱟᱞᱳᱭ ᱵᱮᱱᱟᱣ ᱟᱞᱮ

ᱢᱟᱨᱟᱝ,ᱦᱩᱰᱤᱧ ᱯᱟᱞᱮ ᱾

 

ᱫᱟᱜ ᱡᱟᱹᱲᱤ ᱛᱟᱞᱟ

ᱱᱟᱯᱟᱭ ᱫᱚᱦᱚᱭ ᱵᱷᱟᱞᱟ ᱾

======== ᱞ ᱧ ======== 

৪।। 

ᱜᱟᱛᱮ ᱜᱟᱛᱮ ᱛᱟᱦᱮᱱ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

  

ᱥᱮᱛᱟᱜ ᱟᱭᱩᱵ ᱡᱟᱫᱤᱱ ᱵᱷᱳᱨ

ᱛᱟᱦᱮᱱ ᱜᱟᱛᱮ ᱜᱟᱛᱮ ,

ᱫᱟᱲ ᱮᱱᱮᱪ ᱟᱰᱤᱜᱮ ᱡᱳᱨ

ᱥᱟᱱᱟᱢ  ᱜᱟᱛᱮ  ᱠᱚᱛᱮ  ᱾

 

ᱦᱟᱱᱛᱮ ᱱᱟᱛᱮ ᱧᱤᱨ ᱪᱟᱞᱟᱣ

ᱵᱚᱛᱚᱨ ᱮᱠᱟᱞᱟ ᱢᱮᱱᱟᱜ ,

ᱜᱟᱛᱮ ᱥᱟᱣᱛᱮ ᱛᱟᱦᱮ ᱢᱟᱱᱟᱣ

ᱥᱟᱹᱜᱤᱧ ᱡᱩᱫᱟᱹ ᱠᱷᱚᱱᱟᱜ  ᱾

 

ᱦᱩᱰᱤᱧ ᱢᱟᱨᱟᱝ ᱡᱚᱛᱚ ᱥᱟᱱᱟᱢ

ᱜᱟᱛᱮ  ᱠᱟᱱᱠᱳ  ᱥᱟᱨᱤ ,

ᱵᱟᱹᱧ  ᱜᱟᱛᱮ-ᱟ ᱚᱠᱚᱭ ᱥᱟᱣ

ᱠᱷᱟᱞᱤ ᱪᱤᱠᱟᱢ ᱡᱟᱨᱤ  ᱾

 

ᱚᱞᱚᱜ ᱯᱟᱲᱦᱟᱣ ᱫᱤᱱ ᱱᱟᱣᱭᱟ

ᱪᱮᱫᱚᱜ ᱱᱚᱳᱭᱟ ᱦᱟᱱᱟ ,

ᱢᱤᱫᱛᱮ ᱱᱟᱯᱟᱭ ᱟᱵᱳ ᱠᱳᱭᱟᱜ

ᱛᱟᱦᱮᱱ ᱢᱚᱡ ᱠᱟᱱᱟ  ᱾ 

======== ᱞ ᱧ ======== 

৫।। 

ᱥᱤᱢ  ᱟᱨ ᱥᱤᱠᱨᱤ

ᱨᱟᱢᱯᱚᱫᱚ ᱠᱤᱥᱠᱩ

  

ᱥᱤᱢ  ᱫᱚᱠᱚ  ᱯᱟᱥᱠᱟᱭᱟ

ᱥᱤᱠᱨᱤ  ᱫᱚᱠᱚ  ᱩᱴᱟᱹᱭ

ᱡᱚᱢᱟᱜ  ᱠᱚ ᱯᱟᱸᱡᱟᱭᱟ

ᱥᱟᱨᱟᱫᱤᱱ  ᱠᱚ  ᱪᱷᱩᱴᱟᱹᱜ ᱿

ᱥᱤᱢ  ᱫᱚᱠᱚ   ᱛᱚᱵᱟᱜᱟ

ᱥᱤᱠᱨᱤ  ᱫᱚᱠᱚ  ᱞᱚᱥᱟᱜ

ᱠᱟᱹᱴᱷᱣᱟᱹ  ᱨᱮᱠᱚ  ᱮᱢᱟᱠᱚᱟ

ᱫᱟᱠᱟ  ᱞᱳᱵᱳᱜ   ᱢᱮᱥᱟ ᱿

 

ᱥᱤᱢ  ᱥᱤᱠᱨᱤ  ᱥᱟᱨᱟᱜᱷᱟᱲᱤ

ᱚᱲᱟᱜ  ᱫᱚᱠᱚ  ᱚᱸᱡᱨᱟᱭ

ᱦᱚᱯᱚᱱ  ᱵᱟᱵᱩᱭ  ᱞᱟᱜᱟ ᱠᱚᱣᱟ

ᱵᱟᱝ ᱠᱚ  ᱵᱚᱛᱚᱨᱟᱭ ᱿

 

 ======== ᱞ ᱧ ========

৬।।

পারকম

বাড়তাং সরেন

  

ইঞ গড়মবায় তেয়ার লেদা

                  আডি মারাং পারকম 

কাঠ তে কুদৗও কুঠৗ সাঁওতে

                গালাং বাবের  বাচকম ।

খেলোড লাঙা রুয়ৗড় তরা 

                জিরৗও লৗগিৎ দুড়ুপ 

হুডিঞ বকঞ ঞেল তরা ইঞ 

                    রৗস্কৗ তেয়ে হাড়ুপ ।

দন দন আতে খালাঃ খালাঃ

                 লান্দা আতেয়ে খেল 

পেড়া কোকু হিজুঃ রেদ

                 উশৗরা তেকো বেল ।

আয়ুপ তরা পারকম রেগে

                  পাড়হাও অক্ত নৗপিত

 কিদুপ তায়ম গড়ম সালাঃ            

                ইঞ দ হালেঞ জৗপিত ।

লল সিতুং তিকিন বেড়া 

                    রেয়াড় উমুল দারে

গড়মবা দয় জৗপিৎ জিরৗঃ

                     রিলৗমালা সুকরে ।

 

অক্ত পারম সাঁওতে হায়রে 

                খাঁজলং এনা পারকম 

সাতে লাতার সগে কাতে 

                বদল পালক পারকম ।

চরক চিকৗড় লুগুৎ লুগুৎ

               পারকম আডি নাপায়

এনতে রেহঁ বাঙে কুশিঃ

             মনে জিউয়ী দ হায় ।

মনে তিঞে হমর তিঞা

                 মারে পারকম লৗগিৎ

নাওয়া পারকম লুগুৎ আটেত 

                    বাংগে হিজুঃ জৗপিৎ ।

======== ᱞ ᱧ ======== 

৭।।

মায়াম্ সৗগৗই

সীতেন মাণ্ডি

 

গ পৗরশি আয়ো আড়াং

আয়ো তোওয়া সমান

সেচেৎ হর শিখনৗৎ ডাহার

আখির তামে মারশাল।

 

থিয়ৗ থাপে চাচো ডিডি

অঁডে গেতাম অড়

পৈল দুলৗড় গ বাবা

জানাম আড়াংতেম রড়।

 

ধৗরতি জাকাত তিনাঃ মৗনমি

   ধরম জৗতি পৗরিশ

আমাঃ উপরুম,আমাঃ গরব

আয়ো আড়াং আয়ো আশিস।

 

জানাম আড়াংতে পৗরশি পহা

   চেরেচ হারা হুয়ুঃ

অন্তর কাথা জিউয়ি‌ রাড়েচ

  গ পৗরশি গে দাড়েঃ।

 

বুকা তপা তোওয়া দারে

সরগ পুরি খন হঁ বুগি

দুখ হারখেত সাহা লাহা

মায়াম্ সৗগৗই আলম ডুগি।

======== ᱞ ᱧ ======== 

৮।।

পৗ্রৗউ মুরমু

দুগাই টুডু

 

আঁজম আকান অনলিয়ৗ মাসে

     উনিয় তাঁহে কানে,

আরহঁ কাথায় মেতায় আকো

     আমাম বাডোহি হানে।

 

ঞুতুম তায়দ পৗ্রৗউ মুরমু

      জত বাড়ায় সৗরি,

আপাত বিশ্বনাথ মুরমু গেথ

      এঁগাত গেচো নাগেশ্বরী।

জানাম আতো দ ইন্দা খোলি

       মেনকো সানাম কোগে,

ময়ূরভঞ্জ জেলা উড়িষ্যা পনৎ

     লৗইয়েদ আরহঁ ওনকোগে।

 

এম.পি.সি. কলেজ বারিপাদা খন

     বি.এস.সি. পাস কেদায়,

এ. আই.সি.দ. সি.ইউ.রেগে

    সিদ সাকাম ঞাম লেদায়।

 

এফ. সি.আই.রে চৗকরি কাতে

     চিফ্‌ কেমিস্ট এনায়,

অন্ডে খনগে অক্ত রেদ

     কৗমি জিরৗও লেনায়

 

‘সাগেন সাকাম’ ‘সাঁড়েশ তারাস’রে

      অললেৎ আয়মা লেকা,

কৗহনি অনল আমদা অকচ্‌

      পারসাল তায়গে অকা।

 

‘ধরম আখড়া’ ‘উইহৗ্র হমর’

   গামাম পতব কানা,

পাপাড়হাও কদ পাড়হাও তায়রে

   মঁজগে বুজাঃ অনা।

 

সাঁওহেৎ চারচা খৗতির তেগে

      এনেম দহ আনা,

সাঁওতা তালা হড়কো নেতার

    একাল উইহৗর এদে।

======== ᱞ ᱧ ======== 

৯।।

টটকো

দুর্গাচরণ মুরমু

 

বৗইদ বৗইয়াড় বিলি হোড়ো

জতকো ইর চাবাকেৎ,

আড়ে রেনাঃ সিদয়ৗরি কুটুস

জতকো মাঃ সাফাকেৎ।

 

মারাং মারাং হোড়ো চাকে

খৗরৗই রেক গাদাকেৎ,

আঘাড় পুস রাবাং বঙ্গা

অড়াঃ বাখোলে সলংকেৎ।

 

ডুডরুঃ ডুডরুঃ সিঞ চান্দো

সেতাঃ খনে হয়,

কান কানাও রেয়াড় রাবাং

উরগুম জামায় খয়।

 

রেঁগেচ নাচার হড় কদো

আডি গে বেজার,

পিছৗড়ী কম্বল টুপি সুইটার

কিরিঞ তে হারেফার।

 

টাকা পয়সা অভাব জালা

আদো চেতকো চিকৗয়,

গামছা খাঁডি কেচাঃ কাতে

টটকো তল হোয়!

======== ᱞ ᱧ ======== 

১০।।

সান্তালি লিমেরিক

সনাতন টুডু

           

                (৪৩)

       হপন  বিটিয়  দন

      সেতাঃ  তরা    খন

              এনেজ  রেতায় মন

              অকয়  মানায়  দন

রৗসকৗ মনে চেহেল চেপেল অনে সেতাঃ খন ।

 

 

                  (৪৪)

 

হপন  বৗবুয়  রাগা

জুর  জুরতেয়  মাগা

      বাড়গে  রেনাঃ  সৗরু

         লল:  তায়া   তৗরু

জম বাংগেয় ঞাম লেখান হহ আতেয় রাগা ।।

======== মুচৗৎ ========