সিঁগি মাহা রেনাঃ সাকাম ‘চেরেচ্ আড়াং’ লেখা- ১২২

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।    
 
তেহেঞাঃ আখড়ারে যাঁহায় কো সেলেদ্‌ আকান- বরেন্দ্রনাথ কিস্কু, রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ,,  ᱨᱟ ᱢᱯᱚᱫᱚ ᱠᱤᱥᱠᱩ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, বাড়তাং  সরেন,  সিতেন মান্ডি, দুগাই টুডু।

  

বরেন্দ্রনাথ কিস্কু, ক্লাস-II 
জেলা-পূর্ব সিংভূম

রিলৗমালা মুরুমু, ক্লাস- V
জেলা - পুরুলিয়া

১।।

ᱩᱥᱟᱹᱛ

 ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

         
‍ᱦᱚᱯᱚᱱ ᱵᱟᱹᱵᱩ ᱨᱟᱵᱟ ᱨᱩᱵᱩ
ᱦᱚᱨ ᱨᱮ ᱠᱟᱵᱟᱝ ᱠᱩᱵᱩᱝ,
ᱨᱟᱹᱥᱠᱟᱹᱨᱩᱢᱩᱭᱼ ᱴᱟᱢᱟᱠᱮ ᱨᱩᱭ
ᱰᱩᱵᱠᱟᱹ ᱰᱩᱵᱩᱝ ᱰᱩᱵᱩᱝ ᱾

 

ᱟᱠᱷᱲᱟ ᱛᱟᱞᱟᱼ ᱨᱤᱞᱟᱹᱢᱟᱞᱟ
ᱠᱟᱥᱳ ᱞᱚᱢ ᱛᱷᱚᱢ,
ᱥᱩᱢᱤᱼ ᱥᱩᱱᱤᱭᱟᱹᱼ ᱱᱟᱪᱳᱱᱤᱭᱟᱹ
ᱮᱱᱮᱡ ᱠᱚ ᱨᱚᱢ ᱡᱷᱚᱢ ᱾
 

ᱦᱚᱯᱚᱱ ᱢᱟᱹᱭᱼ ᱫᱟᱹᱨᱤ ᱫᱟᱹᱭ
ᱢᱚᱱᱮ ᱢᱟᱛᱟᱭ ᱵᱤᱠᱚᱞ,
ᱠᱷᱚᱠᱚᱡ ᱠᱟᱱᱟᱭᱼ ᱞᱟᱹᱠᱛᱤ ᱢᱟᱛᱟᱭ
ᱴᱤᱠᱚᱞ ᱟᱭᱱᱚᱢ ᱠᱟᱡᱚᱞ ᱾

 
ᱞᱟᱹᱞᱤᱪ ᱠᱟᱛᱷᱟᱻ ᱛᱟᱸᱦᱮᱱ ᱚᱛᱟ
ᱚᱠᱚᱭ ᱵᱟᱠᱚ ᱟᱸᱡᱚᱢ,
ᱦᱚᱯᱚᱱ ᱢᱟᱹᱭᱮᱼᱩᱥᱟᱹᱛ ᱠᱟᱭᱮ
ᱠᱚᱪᱟ ᱠᱚᱬᱨᱮ ᱫᱳᱢ ᱫᱳᱢ ᱾

 

᱿᱿᱿᱿==== ᱞ ᱧ ====᱿᱿᱿᱿ 

২।।

ᱟᱢ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱯᱟᱹᱨᱥᱤ ᱟᱢᱮ ᱡᱤᱛᱠᱟᱹᱨ ᱢᱮᱭᱟ
ᱚᱞᱚᱜ ᱥᱮᱸᱬᱟᱭ  ᱢᱮ ।
ᱥᱟᱶᱛᱟ ᱟᱢᱮ ᱥᱮᱯᱮᱧ ᱢᱮᱭᱟ
ᱥᱩᱥᱟᱹᱨ ᱥᱮᱸᱬᱟᱲ ᱢᱮ ।
ᱫᱷᱟᱹᱨᱛᱤ  ᱟᱢᱮ ᱡᱚᱦᱟᱨ ᱟᱢᱟ
ᱱᱟᱯᱟᱭ ᱵᱮᱣᱦᱟᱨ ᱢᱮ ।
ᱦᱚᱲᱠᱚ ᱢᱟᱠᱚ ᱫᱤᱥᱟᱹ ᱢᱮᱭᱟ
ᱥᱚᱱᱚᱛ ᱛᱟᱦᱮᱸᱱ ᱢᱮ ।

᱿᱿᱿᱿==== ᱞ ᱧ ====᱿᱿᱿᱿ 

 ৩।।

ᱱᱟᱜᱟᱢ

ᱜᱳᱯᱮᱥᱣᱚᱨ ᱢᱟᱹᱱᱰᱤ

  

ᱱᱟᱜᱟᱢ ᱥᱮᱬᱟᱭ ᱢᱮ
   ᱟᱜᱟᱢ ᱢᱟᱨᱥᱟᱞ ᱢᱮ ᱾

 
        ᱵᱟᱹᱲᱤᱡ ᱮᱢ ᱥᱟᱦᱟᱭ
           ᱵᱩᱜᱤᱭᱟᱜ ᱮᱢ ᱞᱟᱦᱟᱭ  ᱾᱾

             
               ᱛᱟᱲᱟᱢ ᱰᱟᱦᱟᱨ ᱥᱟᱯᱟᱭ
                  ᱦᱟᱯᱮᱱ ᱞᱟᱹᱜᱤᱫ ᱱᱟᱯᱟᱭ ᱾᱾᱾

  ᱿᱿᱿᱿==== ᱞ ᱧ ====᱿᱿᱿᱿ 

৪।।

ᱮᱲᱮ ᱟᱞᱚᱢ ᱞᱟᱹᱭ

ᱠᱤᱥᱠᱤᱱᱫᱷᱟ   ᱢᱩᱨᱢᱩ

  

ᱡᱟᱦᱟᱭ ᱥᱟᱸᱣ ᱠᱟᱛᱷᱟᱜ ᱠᱟᱱᱟᱢ
      ᱵᱟᱲᱤᱪ ᱟᱞᱚᱢ ᱨᱚᱲᱟ ,
ᱵᱟᱲᱤᱪ ᱠᱟᱛᱷᱟ ᱞᱟᱭ ᱠᱟᱛᱮᱫᱚ
  ᱢᱟᱨᱟᱝ ᱵᱟᱝ ᱦᱚᱦᱚᱲᱟ  ᱾

  

ᱡᱟᱦᱟᱭ ᱠᱩᱞᱤ ᱢᱮᱭᱟᱭ ᱟᱢ
         ᱮᱲᱮ ᱟᱞᱚᱢ ᱞᱟᱹᱭ ,
ᱮᱲᱮ ᱨᱚᱲᱫᱚ ᱥᱟᱱᱟᱢ ᱠᱷᱚᱱ
    ᱢᱟᱨᱟᱝ ᱩᱛᱟᱹᱨ ᱠᱟᱹᱭ  ᱾

  

ᱪᱩᱨᱤᱛ ᱜᱮᱛ ᱢᱟᱱᱢᱤ ᱦᱚᱲᱟᱜ
       ᱟᱰᱤ ᱥᱚᱨᱮᱥ ᱫᱷᱚᱱ ,
ᱮᱲᱮ ᱠᱟᱛᱷᱟᱜᱮ ᱵᱷᱮᱜᱟᱨ ᱢᱮᱭᱟ
     ᱥᱟᱱᱟᱢ ᱥᱟᱸᱜᱮ ᱠᱷᱚᱱ  ᱾

  

ᱚᱠᱚᱭ ᱦᱚᱜᱮ  ᱵᱟᱠ ᱠᱩᱥᱤᱭᱟᱜ
    ᱮᱲᱮ ᱞᱮᱠᱟᱱ ᱠᱟᱛᱷᱟ ,
ᱥᱟᱨᱤ ᱠᱟᱛᱷᱟᱜᱮ ᱡᱤᱛᱠᱟᱹᱨᱢᱮ
    ᱟᱞᱚᱢ ᱢᱚᱱᱮ ᱡᱟᱛᱟ  ᱾

 

᱿᱿᱿᱿==== ᱞ ᱧ ====᱿᱿᱿᱿ 

৫।।

ᱪᱩᱯᱤ

ᱨᱟᱢᱯᱚᱫᱚ ᱠᱤᱥᱠᱩ

  

ᱥᱤᱢ   ᱪᱩᱯᱤ  ᱫᱚ   ᱵᱤᱭᱚᱞ  ᱵᱚᱭᱚᱞ
ᱢᱮᱨᱚᱢ  ᱪᱩᱯᱤ  ᱦᱩᱰᱤᱧ ᱦᱩᱰᱤᱧ
ᱰᱟᱝᱨᱤ  ᱪᱩᱯᱤ  ᱡᱮᱞᱮᱧ  ᱟᱰᱤ
ᱥᱩᱠᱨᱤ  ᱪᱩᱯᱤ  ᱵᱟᱸᱰᱤ
ᱥᱮᱛᱟ  ᱪᱩᱯᱤ ᱠᱟᱸᱲᱵᱩᱝ ᱜᱮᱭᱟ
ᱥᱟᱫᱚᱢ  ᱪᱩᱯᱤ  ᱪᱟᱸᱣᱟᱨ
ᱢᱟᱨᱟᱜ  ᱪᱩᱯᱤ  ᱞᱤᱵᱚᱭ  ᱞᱚᱵᱚᱭ
ᱢᱮᱛᱟᱜ  ᱟᱠᱚ  ᱯᱤᱧᱪᱟᱸᱨ ᱿
ᱦᱟᱠᱩ  ᱪᱩᱯᱤ ᱰᱟᱰᱩ ᱞᱮᱠᱟ
ᱫᱟᱜ  ᱨᱮ ᱯᱷᱮᱴᱮ  ᱯᱷᱮᱴᱮ
ᱪᱩᱯᱤ  ᱵᱟᱱᱩᱜ ᱟᱱ ᱛᱟᱠᱚᱣᱟ
ᱦᱟᱨᱟ ᱡᱩᱣᱟᱹᱱ  ᱨᱚᱴᱮ ᱿
ᱛᱳᱲ  ᱪᱩᱯᱤ ᱫᱚ ᱛᱩᱞᱟᱹᱢ ᱞᱮᱠᱟ
ᱟᱰᱤ  ᱪᱚᱨᱚᱠ  ᱧᱮᱞᱚᱜ
ᱦᱟᱸᱲᱩ  ᱪᱩᱯᱤ  ᱵᱟᱵᱮᱨ ᱞᱮᱠᱟ
ᱰᱟᱹᱨ  ᱠᱚᱨᱮ ᱦᱚᱸ  ᱛᱚᱞᱚᱜ ᱿

᱿᱿᱿᱿==== ᱞ ᱧ ====᱿᱿᱿᱿ 

৬।।

ᱡᱤᱭᱚᱱ

 ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 
ᱫᱷᱤᱨᱤ ᱞᱮᱠᱟ
ᱟᱞᱚᱢ ᱡᱟᱸᱜᱮᱜ ᱾
ᱫᱟᱜ ᱞᱮᱠᱟ
ᱞᱤᱸᱡᱤᱱ ᱢᱮ ᱾

 
ᱡᱤᱭᱚᱱ ᱟᱢᱟᱜ
ᱥᱟᱹᱜᱩᱱᱚᱜᱼᱟ ᱾
ᱯᱟᱹᱣᱲᱤ ᱟᱢᱟᱜ
ᱞᱟᱦᱟᱭ ᱢᱮ ᱾
 

᱿᱿᱿᱿==== ᱞ ᱧ ====᱿᱿᱿᱿ 

৭।।

রড়  রাসা

বাড়তাং সরেন 

    

রড়গে সানাঞ লান্দা সানাঞ 
             ইঞাঃ জানাম পৗরসীতে 
সেতাঃ তরা গাতে সানাঞ 
            ইঞাঃ আয়ো আড়াংতে ।

 
অলিঞ কুশিঃ পাড়হাও আতে
                   ইগৗঞ দুলৗড় মায়াতে 
সেরেঞ সানাঞ রৗস্কৗ আতে
                    জানাম আড়াং রাহাতে ।

 
হুয়ুড় হুয়ুড় হয়রে আতেন 
                       তোওয়া দারে আড়াং 
ঝমর ঝমর দাঃ জাঁড়িরে 
                     জানাম পৗরসী মাড়াং ।

 
দারে সাকাম লাড়াঃ লেরে 
                   দিশৗয় জানাম পৗরসী
বাগান বাহা সাড়ঃ লেরে
                     মনে রেতিঞ অৗরসী ।

 

ঝারনা ডৗডি দাঃ দ ঞেলঃ
                     রিড়িম রিড়িম হায়রে
 মনে ইঞাঃ কাথায় গালাং
                    অন্তর কোচা গাড়রে ।

 
ঞিদৗ জৗপিৎ কুকমু তালা 
                     আয়ো রাহাতেঞ রড়
  হমর লান্দা রৗস্কৗ রমজ
                        অকারে সৗরি জড় !

 
অকা রেদঞ ঞামা হালে 
                    নুনৗঃ হেড়েম পৗরসী
সানাম খনাং সরেশ গেতিঞ 
                    পিলচু আড়াং পৗরসী ।

 

᱿᱿᱿᱿==== ᱞ ᱧ ====᱿᱿᱿᱿ 

৮।।

পুষ বঙ্গা

সীতেন মাণ্ডি

 
পুষ বঙ্গা দাঃ দ রেয়াড়
উত্তর নাখা হুলুই হুলুই হয়
হাড়াম বুড়ি গিদৗর পিদৗর
উরগুম জামা বেড়া আহলা ক কয়।

 
উম নাড়কা মেতা করে
তেহেঞ দ বাং গাপা
নং কাতে পারমাক
এয়ায় দিন মিৎ হাপ্তা।

 
গুপি কমা সেতাঃ বেড়া
জুল আক সেঙ্গেল আহলা
ভিডি মেরম গৗই কাডা
তিঙ্গু থির মিৎ গডা।

 
আলে বাবু দাঃ বায় ঞুয়
  লল দাঃ এ কয়
মেৎ মচা হুতুম ফারচা
নাসে তেগে দাঃ বায় খরচা।

 
পুষ মুচৗৎ মারাং শাকরাত
রাবাং দেয়া,উম রেয়াড় সাফা
গুড় পিঠৗ ঘুগনি খৗজৗড়ি
সিতুং জেডের জ মাক থৗরি থৗরি।

 

᱿᱿᱿᱿==== ᱞ ᱧ ====᱿᱿᱿᱿ 

৯।।

রেভারেন্ড জন্‌ ব্লেইচ্‌

দুগাই টুডু

  

জার্মান চার্চরেন মিশনারি দ
    উনিয় তাঁহে কানে,
ভারত দিশম হেচ্‌ কাতে
    ভৗলৗই হুদিস আনে।

 

অনে উনরে সান্তাড় আতো
     আদয় সেন লেনা,
হড়াঃ মারে পৗরসি গেচো
     মঁজতে চেৎ আনা।

 
সানাম সালাঃ গৗহির সৗগৗই
     অৗডিয় তপল কেদা,
লাকচার বাবত্‌ তেদ ভালা
     আয়মায় বাডায় লেদা।

 
মনে ভিতরি সেরেঞ তেদ
  দমে গুরলৗও আদে,
ভাগে ভাগে অল কাতেদ্‌
  আমদা সাঁগে কেদে।

 
‘সেরেঞ পুঁথি’ পতব রেহঁ
   আজাঃ সেলেদ্‌ হেনাঃ,
সাঁওহেৎ বাগওয়ান তালা রেদ
      একাল সোভা মেনাঃ।

 

সাঁওতা লাহায় লৗগিৎ এনেম
   দহ লেদায় তাসে,
অনা থেড়ং হড়কো নেতার
      উইহৗর ইদিয়ে মাসে।

======== মুচৗৎ ========