সিঁগি মাহা রেনাঃ সাকাম ‘চেরেচ্ আড়াং’ লেখা- ১২০

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com     

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরুমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ,,  ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ,  ᱨᱟ ᱢᱯᱚᱫᱚ ᱠᱤᱥᱠᱩ,  বাড়তাং  সরেন,  দুর্গাচরণ মুরমু, সিতেন মান্ডি,  দুগাই টুডু, বিরসা কিস্কু।

 

রিলৗমালা মুরুমু, ক্লাস- V
জেলা - পুরুলিয়া

১।।

ᱥᱩᱠ ᱫᱩᱠ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱥᱩᱠ ᱫᱚ ᱪᱮᱫᱟᱜ
ᱦᱟᱭᱟᱢ ᱦᱟᱭᱟᱢ ???
ᱯᱚᱸᱰ ᱜᱮᱤᱪᱟᱹᱜ ᱢᱟᱭᱟᱢ  ᱿

ᱥᱩᱠ ᱫᱚ ᱪᱷᱟᱱᱚᱜ
ᱫᱩᱠ ᱫᱚ ᱜᱟᱱᱚᱜ
ᱚᱠᱛᱚ ᱠᱚᱢᱟᱭ ᱜᱟᱵᱟᱣ ᱿᱿

ᱫᱩᱠ ᱫᱚ  ᱪᱮᱫᱟᱜ
ᱡᱚᱱᱚᱢ ᱡᱚᱱᱚᱢ  ???
ᱫᱚᱦᱚ ᱜᱮᱛᱟᱦᱮᱸᱱ ᱫᱚᱲᱚᱢ  ᱿

ᱚᱠᱛᱚ ᱥᱮᱱᱚᱜ
ᱡᱷᱚᱛᱚᱢ ᱢᱮᱱᱚᱜ
ᱡᱤᱣᱤ ᱦᱟᱥᱳᱭ ᱵᱷᱮᱫᱟᱣ ᱿᱿

᱿᱿᱿᱿᱿᱿ ᱞᱧ ᱿᱿᱿᱿᱿᱿

২।।

ᱵᱤᱪᱟᱹᱨ

ᱜᱳᱯᱮᱥᱣᱚᱨ ᱢᱟᱹᱱᱰᱤ

  

ᱟᱞᱮ ᱟᱛᱳ ᱢᱟᱹᱡᱷᱤ ᱦᱚᱲᱟᱜ
"ᱵᱤᱪᱟᱹᱨ" ᱟᱪᱟᱨ ᱱᱟᱯᱟᱭ,
ᱵᱩᱜᱤ ᱵᱟᱹᱲᱤᱡ ᱛᱩᱞᱟ. ᱡᱚᱠᱷᱟ
ᱵᱩᱡᱷᱟᱹᱣ ᱠᱟᱛᱮ ᱥᱟᱯᱟᱭ ᱾

 

ᱨᱮᱸᱜᱮᱡ ᱚᱨᱮᱡ ᱡᱚᱛᱚ ᱦᱚᱲᱟᱜ
ᱥᱚᱢᱟᱱ ᱛᱮᱭᱮ ᱵᱤᱪᱟᱹᱨ,
ᱟᱛᱳ ᱨᱮᱱ ᱚᱠᱚᱭ ᱜᱮ
ᱵᱟᱠᱚ ᱢᱮᱱ ᱞᱤᱪᱟᱹᱲ ᱾

 

ᱚᱱᱟ ᱛᱮᱜᱮ ᱟᱛᱳ ᱦᱚᱲ
ᱢᱮᱱᱟᱜ ᱞᱮᱭᱟ ᱱᱟᱯᱟᱭ,
ᱥᱩᱠᱷ ᱫᱩᱠᱷ ᱦᱟᱹᱴᱤᱧ ᱛᱟᱞᱟ
ᱛᱟᱲᱟᱢ ᱞᱟᱹᱜᱤᱫ ᱥᱟᱯᱟᱭ ᱾

᱿᱿᱿᱿᱿᱿ ᱞᱧ ᱿᱿᱿᱿᱿᱿ 

৩।।

ᱞᱚᱞᱚ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

  

ᱨᱟᱵᱟᱝ ᱫᱤᱱᱨᱮ ᱞᱚᱞᱚ ᱡᱚᱢᱨᱮ
   ᱨᱟᱹᱥᱠᱟᱹ ᱦᱤᱡᱩᱜ ᱢᱚᱱᱮ ,
ᱥᱮᱛᱟᱜ ᱧᱩᱦᱩᱢ ᱥᱟᱨᱟ ᱵᱮᱲᱟᱨᱮ
   ᱧᱟᱢᱚᱜ ᱡᱚᱫᱤ ᱚᱱᱮ  ᱾

  

ᱵᱟᱲᱛᱤ ᱞᱚᱞᱚ ᱢᱚᱪᱟ ᱟᱞᱟᱝ
   ᱟᱛᱟᱨ ᱜᱚᱫᱚᱜ ᱜᱮᱭᱟ ,
ᱧᱮᱞ ᱠᱟᱛᱮᱜᱮ ᱪᱟᱲᱛᱮ ᱫᱮᱞᱟᱝ
    ᱡᱚᱢ ᱞᱟᱜᱟᱣ ᱢᱮᱭᱟ  ᱾

  

ᱦᱩᱰᱤᱧ ᱵᱟᱵᱩ ᱢᱟᱹᱭ ᱟᱯᱮᱫᱚ
    ᱟᱞᱚᱯᱮ ᱪᱟᱲᱚᱜ ᱟᱥᱮ ,
ᱛᱤ ᱢᱚᱪᱟ ᱞᱚᱞᱚ ᱟᱛᱟᱨ ᱜᱚᱜᱚᱫ
    ᱟᱞᱚᱯᱮ ᱡᱚᱴᱮᱫ ᱢᱟᱥᱮ  ᱾

  

ᱟᱯᱮᱛᱮ ᱩᱱᱟᱜ ᱞᱚᱞᱚ ᱥᱟᱢᱟᱝ
   ᱟᱞᱚᱯᱮ ᱥᱩᱨ ᱦᱤᱡᱩᱜ ,
ᱡᱟᱦᱟ ᱞᱮᱠᱟᱛᱮ ᱦᱤᱨᱤᱡ ᱟᱢᱟᱝ
   ᱵᱚᱛᱚᱨ ᱟᱰᱤ ᱵᱩᱡᱩᱜ ᱾

  

ᱨᱟᱲᱮᱪ ᱨᱮᱫᱚ ᱵᱚᱛᱚᱨ ᱵᱟᱱᱩᱜ
   ᱡᱚᱢᱢᱮ ᱩᱱ ᱚᱱᱟ ,
ᱟᱢᱛᱮ ᱟᱞᱚᱢ ᱩᱥᱟᱹᱨᱟ ᱜᱚᱫᱚᱜ
  ᱥᱟᱨᱤ ᱢᱮᱛᱟᱢ ᱠᱟᱱᱟ  ᱾

᱿᱿᱿᱿᱿᱿ ᱞᱧ ᱿᱿᱿᱿᱿᱿

৪।।

ᱡᱚᱭ ᱡᱤᱛᱠᱟᱹᱨ

ᱮᱵ ᱷᱮᱱ ᱠᱩᱭᱞᱤ ᱥᱚᱨᱮᱱ

 
ᱚᱞᱚᱜ ᱯᱚᱲᱦᱚᱱ
ᱪᱮᱢᱮᱫ ᱟ ᱵᱚᱱ ᱾
ᱵ ᱩᱨᱫᱷᱤ ᱜᱮᱭᱟ ᱱ
ᱦᱟ ᱢᱮᱴ ᱟ ᱵᱚᱱ ᱾᱾

 
ᱟᱹᱠᱷᱤᱨ ᱵᱟᱹᱛᱤ
ᱡᱮᱨᱮᱫᱽ ᱟ ᱵᱚᱱ ᱾
ᱡᱚᱭ ᱡᱤᱛᱠᱟᱹᱨ
ᱢᱮᱱ ᱟ ᱵ ᱚᱱ ᱿

᱿᱿᱿᱿᱿᱿ ᱞᱧ ᱿᱿᱿᱿᱿᱿ 

৫।।

ᱦᱟ ᱛᱚᱢ  ᱠᱩᱢᱟᱹᱝ

ᱨᱟ ᱢᱯᱚᱫᱚ ᱠᱤᱥᱠᱩ

  

ᱟ ᱞᱮ  ᱢᱟ ᱨᱟ ᱝ  ᱦᱟ ᱛᱚᱢ
ᱥᱟ ᱵ  ᱠᱟ ᱛᱮ ‌ ᱪᱟ ᱛᱚᱢ
ᱦᱤᱨᱤ  ᱞᱮᱭᱟ ᱭ ᱡᱷᱚᱛᱚᱢ
ᱟ ᱜᱩᱣᱟ ᱞᱮ  ᱜᱚᱛᱚᱢ ᱿

 
ᱥᱟᱸᱣᱛᱮ  ᱦᱤᱡᱩᱜ  ᱠᱩᱢᱟᱹᱝ
ᱜᱚᱜ  ᱠᱟ ᱛᱮ  ᱴᱩᱢᱟᱹᱝ
ᱴᱩᱢᱟᱹᱝ  ᱨᱮ ᱛᱟ ᱭ  ᱛᱟ ᱵ ᱮᱱ
ᱨᱩᱣᱟᱹᱲ  ᱜᱮ   ᱵ ᱟ ᱭ  ᱨᱮᱵ ᱮᱱ᱿

 
ᱵᱟ ᱭ   ᱡᱚᱢᱟ  ‌ᱢᱟ ᱰᱤ
ᱧᱩᱭᱟᱭ  ᱠᱷᱟ ᱞᱤ  ᱦᱟᱸᱰᱤ
ᱡᱢᱚ  ᱥᱟ ᱱᱟ ᱭᱮ  ᱟᱰᱤ
ᱜᱚᱪᱽ  ᱟ ᱭᱟ ᱞᱮ  ᱥᱟᱸᱰᱤ ᱿

 
ᱟ ᱫᱚ  ᱫᱚᱢᱮᱭ  ᱠᱩᱥᱤᱜ
ᱡᱚᱢᱟ ᱭ  ᱟ ᱰᱤ  ᱵᱤᱥᱤ
ᱦᱤᱨᱤᱪᱽ  ᱠᱟ ᱜ ᱟ ᱭ  ᱨᱟ ᱥᱤ
ᱟ ᱫᱚᱭ  ᱫᱳᱥᱮ  ᱯᱩᱥᱤ ᱿

᱿᱿᱿᱿᱿᱿ ᱞᱧ ᱿᱿᱿᱿᱿᱿

৬।।

চাঁদো দুলৗড়

বাড়তাং সরেন

                        
 সেতাঃ তরা আচকাগে হায়
                 পুরুব নাখাঞ কয়গ্ ,
 হাহাড়াগে ছাটা ঞেলতে
                    অন্তর তিঞে ডবগ্ !
সোনা বারাং রূপদ আমাঃ ,
           ঞেল তেদঞ আদমাদাঃ ,
অন্তর জিউয়ী হায়রে ইঞাঃ
                     আম রেগেচো ছাঁদাঃ ।
তারাস আমাঃ ঝালকাও আতে
                   সানাম দয়েম মারশাল,
সোনা লেকা ধৗরতী দরে 
                গোটাম অটাঃ  আরশাল ।
আমাঃ দায়া মায়া তেগে 
                   ধৗরতী আচুর বিহুর,
আমাঃ খেলোড খৗতির তেদে
                    সিরজন ঝুনুক ঝুপুর ।
দাঃ জাঁড়ি আর সেরমা রিমিল
                      আমাঃ গেচো হুদিশ,
দারে নৗড়ী বীর বুরু রে
                    সাগেন আডি তৗপিস ।
সিরজন পুরী হেসেচ সেকেচ 
                      আমাঃ দুলৗড় তেগে ,
জীব জিয়ৗলী কেঁড়েঁচ দঁড়েঁচ
                      আমাঃ উইহৗর তেগে ।

  

সৗরি গে সৗরি সিঞচাঁদো 
                   আডি গেতাম দাড়ে ,
তেয়ার কেদাম মঞ্চপুরী 
                   গালাং সুতৗম তড়ে ।
আমাঃ দুলৗড় বেগর সারি 
                    সিরজন গেচো এড়ে ,
আমাঃ সনত দুলৗড় উমুল 
                     আলো সাহাঃ বাড়ে ।
দিনৗম হিলঃ সেতাঃ তিকিন 
                   আমলে জোহার আমা,
আমাঃ তারাস বেগর জীয়ন
                      চেকাতেলে  ঞামা  !

᱿᱿᱿᱿᱿᱿ ᱞᱧ ᱿᱿᱿᱿᱿᱿

৭।।

শশ

দুর্গাচরণ মুরমু 

 
সাসাংডি আতো মাঝি করেন
মেনায় মিৎটান গুতি কড়া
ঞুতুম তায় দো- শ্‌শ্‌,
তিসহঁ বাংগে তাহেন গস্‌ মস্‌ ;
লাঁদা আতে জতকো সাঁওতেয় রড়া।

 
টুয়ুল ভাগওয়া পৗঞ্চি ডেংগা
ঞেলতে আডি কেটেচ তাগড়া,
সুয়ুড় সুয়ুড়ে গল অৗচুর
বির বুরু টান্ডি টিকুর ;
তগজায় চপজায় বির আমড়া।

 

তিরে তায় তিরিয়ো বানাম
বহঃরে মারাঃ পিনচার,
ঞহড় ঞহড় তিরিয়ো অরং
সেরেঞ আরহঁ তিনা: লেকায় রংঢং;
সুর-সুপুর হড়া: কৗমি জারখার।

 
বৗসিয়ৗম দাকা টেয়ং কাতে
দিনৗম দিন চালাঃ গুপি
গৗই ডাংরা ভিডি মেরম,
তলাস দিনগে রাসা লুতি তেরম ;
বুরু দেজঃ অক্তে সাব ডাংরা চুপি।

 

শুশুনিয়ৗ বুরু লদাম করে
গৗইয়ে গুপি গাতে সাঁওতে,
কেড়েজ দড়েজ চাই চাম্পা
খেল কুহু বৗউ জৗনুম রাম্ফা;
অকয়ে হৗড়িঃ তিরে চ এনতে।

 
শুশুনিয়ৗ বুরু বির বাগাহী
মেনাঃ ক তিনাঃ জিব জিয়ৗলী
নানা হুনৗর চেঁড়ে চিপরুৎ,
ফুটৗও হাট বাহা চাম্পা মুরুৎ;
ঞামোঃ জ বিলি গাদার জৗলি।

 
বুরু খনাঃ লিঙ্গিন নৗই ঝারনা
রিলৗমালা দাঃ আরসী লেকা,
তেতাং জিউয়ী মডজ মডজ
ঞুয় আকো জতকো খডজ খডজ;
হৗড়য়ৗর দারে উমুল আসরা যেলেকা।

 
কিঁষৗড় গুতি কৗমি আমদা
মিৎ দিনহঁ বৗনুঃ ছুটি,
আসাড় আঁঘাড় গেলবার চাঁদো
চাষ কৗমি সিতুং জৗপুৎ মাতো;
এমায় আকো ঞিদৗ রহড় রুটি।

᱿᱿᱿᱿᱿᱿ ᱞᱧ ᱿᱿᱿᱿᱿᱿

৮।।

গিদরৗ মনে

‌সীতেন মাণ্ডি

 
বাবা লেকা ইঞ হঞ হারাঃ
 ইঞিঞ চালাও গৗডি
মন কুশি জিনিষিঞ হাতাও
A.T.M.খনিঞ তুলাও কৗউডি।

 
বেরেৎ কাতে সেতাঃ খনাঃ
 সানা গে বাং চাবাঃ
হাপে থিরঃ মেতায় রেহঁ
অকয়াঃ গে বায় আজম কাথা।

 
অকা ঘৗড়িচ্ দুড়ুপ আয়
অল পাড়হাও লৗগিদ
কুলিয়েরে চিলিম হুয়ুঃ
এমায় তেলা মেৎ জৗপিদ।

 
ঘানে মেনায় খেলোডিয়ৗ
বেনাঃ সমাজ সুসৗরিয়ৗ
পতব পুথি চাপাত কাতে
হানা নোওয়া জমাঃ গে পান্তে।

 
উদগৗরেরে উয়ু পটম
মেনায় দমে রাবাং
লল উতু দাকা জমরে
হুডিং মচা ফু হয়াং হয়াং।

 

উসুঃ আসকেৎ রাঃ রাঃ তে
  দিনাম দিনে আড়ি
বাবা লেকা হারাঃ সানা
জমায় তাবেন খাজাড়ি।

᱿᱿᱿᱿᱿᱿ ᱞᱧ ᱿᱿᱿᱿᱿᱿ 

৯।।

সলেমান সি. মুরমু

দুগাই টুডু

 
মিশনারি বিদৗল রেন উনি
       অনলিয়ৗ দ কানে,
বেনাগৗড়িয়ৗ মিশন সঁগে উনি
       সেলেদ তাঁহে লেনে।

 

জানাম পৗ্রসি রেদ অৗডি
     দুলৗড় তাঁহেলেন তায়,
সেদায় রেনাঃ গাম কৗহনিকো
     তুমৗল দহ লেদায়।

 
উনরে অনে সামটাও কাতে
     জাওরা কেদায় অনা,
‘গাম কৗহনি’ ঞুতুম তেদ
   পুথি ছাপাও আনা।

 
নানা হুনৗর গিদরৗ কোওয়াঃ
     ঞেললেৎ এনেচ্‌ হানে,
মনে ভিৎরিরে গায়গম আদে
       আচ্‌গে ঘানে ঘানে।

 
দিসৗ দহয় বাবৎ এতে
     একাল হুদিস কেদা,
 ‘হড় গিদরৗ এনেচ’ ‘কচে কাঁড়বা’
      পতব উছৗন লেদা।

 

সান্তাড় সমাজ রেগে ভালা
    পাসনাও বাড়া লেদায়,
সাঁওহেৎ বাগওয়ান অনে আদ
     মঁজগে শোভা কেদায়।

 

উনখন গেথ হড়কো মেনা
   এনেম হেনাঃ তায়া,
সাঁওতা তালা নেতার হঁচো
   উনিকো উইহৗ্রে গেয়া।

᱿᱿᱿᱿᱿᱿ ᱞᱧ ᱿᱿᱿᱿᱿᱿ 

 ১০।।

বিঁদি

 বিরসা কিস্কু

 

গা-গাঃ কানায় বিঁদি
দারে ডৗররে অদাবাদি
বাং ক ঝৗলিঃ কুড়িৎ গিদি।

 

লড়ে সুতৗম ঝৗলি
গার কলম কৗলি
জিনতি পিপিড়ি ক ঝৗলিঃ।

 

চেপেচ তাকওয়ায় রাসা
মায়াম হেড়েম কাসা
কুডৗম সাতেয় বাসাঃ।

 

সিতুং নিরন জৗপুৎ
হয় ভান্ডোয় রৗপুদ্
আরহঁ মনেয় উপুৎ।

 

᱿᱿᱿᱿᱿᱿মুচৗৎ ᱿᱿᱿᱿᱿᱿