দুর্গাচরণ মুরমু,ব্যান্ডেল,হুগলী্ঃ- এনেচ সেরেঞ বায় কুশিয়া আঃ পালেন অনকা হড় দ ঞাম মুসকিল গেয়া। ঠিক অনকা গে ঞুতুমান সেরেঞ বাডোহী রাম কিস্কু আঃ সেরেঞ বায় আঁজম আকাদা,সে সান্তাড় হোয় কাতে রেডিও সেন্টার রেনাঃ সান্তাড়ী আখড়া সেরেঞ বায় আতেন আকাদা; অনকা হড় দ জৗনিচ আডি কমগে মেনাঃ কোওয়া। সান্তাড় সাঁওতা রেনাঃ বাহা-সহরায়,দং-লাগড়ে সেরেঞ গৗহির রাহা আড়াং তালাতে রেগেচ-রাবাং দুক-হারকেৎ,আঁধা-পৗতিয়ৗউ খন মার্শাল ডাহারতে তাড়াম ইদি রেনাঃ নাপায় চিতৗর আজাঃ সেরেঞ করে খন ফোটেল রাকাব আকানা।
১৯৭৪ সাল রে পুইলো টেম্পুরারি লেকাতে, অনা তায়ম ১৯৭৬ সাল খন পার্মানেন্ট সিঙ্গার আর্টিস্ট লেকাতে অল ইন্ডিয়া রেডিও (All India Radio) রেনাঃ আকাশ বাণী-কোলকাতা সান্তাড়ী আখড়া রে সেলেদ। তায়মতে কোলকাতা দুরদর্শন রে সান্তাড়ী আখড়া রেনাঃ প্রোগ্রাম চৗলু এনখান অনা রেহঁয় সেরেঞে এতহব কেদা। আজাঃ সেরেঞ রাহা আড়াং তে হড়াঃ মনে খড়ে দখল কেদা, দেশ-দিশম রেন হড়কো ঠিকৗ কেদেয়া।
রাম কিস্কু দ ১২জুন ১৯৫২ সাল রেয় জানাম লেনা-পছিম বাংলা পনৎ রেনাঃ দক্ষিণ দিনাজপুর হনৎ বালুরঘাট বনৎ রেনাঃ দোগাছি আতো রে। আপাৎ ঞুতুম-মঙ্গলা কিস্কু আর এগাঁৎ দয় তাহেকানা কর্মী কিস্কু।
রাম বাবু দ অলঃ জিয়ন মুচৗৎ কাতে উনি দ কোলকাতা পোর্ট ট্রাস্ট (Kolkata Port Trust) জাহাজ বন্দর রেনাঃ কৗমিরেয় বাহাল লেনা ১৯৭৪ সালরে। উন খন হুগলী জেলা রেনাঃ ব্যান্ডেল রেগেয় অড়াঃ দুয়ৗর বেনাও কাতেয় গিরৗবাসা আকানা।জাহাজ বন্দরে চাকরী অক্তে গে সান্তাড়ী অডিও ক্যাসেট- জীয়ন ডাহার,পাঞ্চি দাশি,হিপিড়-হিপিড়,জিউয়ী মালা,জিউয়ী সাড়ের -এমান কয় তেয়ার লেদা। অনা বেগর সেরেঞ বাডোহী লেকাতে স্টেজ প্রোগ্রাম পছিমবাংলা ছাডা--বিহার,বাংলা,আসাম,ওড়িশা সাঁওতে বাংলাদেশ রেন হড়কো হঁ আঁজা সেরেঞ আজোম লৗগিৎ হাজার-হাজার রুসিকৗ হড় দমেল-দমেল ক সহর সেটেরঃ কান তাহে উনিয়াঃ "সেরেঞ সিগাঁড়" আর "রাম কিস্কু নাইট" প্রোগ্রাম করে।
সরকারী সিরোপা লেকাতে পছিমবাংলা রেন মুখ্যমন্ত্রী বুদ্ধদেব ভট্রচার্য আঃ তিতেয় আতাং লেদা "সেরেঞ বাডোহী" সিরোপা আর মৗন সাকাম। নোওয়া বেগর দিশম রেনাঃ আয়মা টঠা খন আডিগান সিরোপা আর মৗন মানতে ঞাম আকাদা।মেনখান হড় জিউয়ী নাপায় বাংতে ২০০৪ সাল খন গে স্টেজ প্রোগ্রাম দয় থুকুম লেদা। ২০১২সাল রে চৗকরী খন জিরৗও কাতে মঞ্জ বাড়া গেয় তাহেকানা। আচকা গে পারোমেন ১৭ অক্টোবর"২২ হিলোঃ কড়াম হাসো আর সাঁহেৎ রেনাঃ প্রব্লেম হুয়েন খৗতির হুগলী জেলা রেনাঃ চুঁচুড়া ইমামবাড়া সদর হাসপাতাল রেক ভর্তি লেদেয়া। অডেঁ বার মাহা হৗবিচ চিকিৎসা হোয় বাদে ছুটি ক এমাদেয়া। ছুটি কাতে অড়াঃ খন গে চিকিৎসা চালাঃ কান তাঁহেৎ।
পারোমেন ২নভেম্বর"২২ সৗগুন মাহা হিলোঃ রাম বাবু দ সেতাঃ তুরুয় টাড়াং পে-গেল টিড়িচ অক্তে নোওয়া ধুড়ি ধৗরতী বৗগি কাতে বঙ্গা দিশমতেয় মহডায়েনা। বঙ্গা তালা অক্তে রাম বাবু আঃ উমের হোয় লেনা তায়া এয়ায়-গেল মিৎ (৭১) সেরমা। হপনতেৎ বিজয় কিস্কু সাওঁতে গড়ম কড়া-কুড়ি আর হপন এরা সন্তোষী কিস্কু -জাঁওয়ায় গমকেৎ গড়ম কড়া কুড়িয় বৗগি হটো আৎকোওয়ায়।
নোওয়া দুক ডগর আঁজম কাতে মেৎ ঞেপেল লৗগিৎ শায়-শায় সেরেঞ রুসিকৗ-দুলৗড়িয়ৗ, সাঁগে অনলিয়ৗ-অনড়হিয়ৌ,ডাকতর-মাহাশয়-মাচেৎ চৗকরীয়ান হড় কক সহর সেটের লেনা।
.webp)
.webp)
.webp)
