রেভাঃ পি.ও বোডিং আঃ জানাম মাহা মানাও এনা সাসাংবেডারে

 

আবোওয়াঃ ডিজিটাল ডেক্স: সানতালি পৗরসি পিয়ো পি. ও বোডিং আঃ সৗগুন জানাম মাহা মানাও এনা পুরুলিয়া জেলা রেয়াঃ বান্দোয়ান জাপাঃ সাসাংবেডারে।

আখড়া সৗহিজুহি লেদা সাসাংবেডা সাঁওহেৎ মান্ডের আর সানতালি লিটারেরি ফোরাম,পুরুলিয়া। তারাসিঞ বার বাজাঃ অকতে আখড়া দয় উঢৗউ কেদা গৗখুড়ান অনলিয়ৗ গোমস্তা প্রসাদ সরেন। মৗনৗন পেড়া লেকাতে সেটের তাঁহে কানা ঞুতুমান অনলিয়ৗ মানোতান সারদা প্রসাদ কিস্কু (খে.বা) ,সিনিয়র সায়েন্টিস্ট ডঃ.ধনঞ্জয় হাঁসদাঃ আর সমাজ সুসৗরিয়ৗ চিত্তরঞ্জন টুডু।                       

আখড়ারে বোডিং সাহেবাঃ জিয়ন আর সানতালি সাঁওহেৎরে  উনিয়াঃ এনেম লৗইতে অড়ে অড়পাত গালমারাও হোয় এনা। আখড়ারে সেলেৎ লেনা কো রামদাস মান্ডি ,সতন কুমার সরেন,পতিত পবন মুরমু ,সুধীর কুমার মুরমু,পঞ্চানন মুরমু ,এমান অনলিয়ৗ আর অনড়হিয়ৗ ।                  

জানাম মাহা লাসাড়হেৎতে সেরেঞ আর অনড়হেঁ বাঁখেড় রেনাঃ আরিবান্ধি তাঁহে কানা। অনড়হেঁ বাঁখেড়রে সেলেৎ লেনা নরেন্দ্রনাথ সরেন,কিষ্কিন্ধ্যা মুরমু ,বাবুলাল সরেন এমান এমান।            

        

আখড়ারেন বৗইসি গমকে দয় তাঁহে কানা "তেতরে "সাসাপড়াওয়িচ্ মহাদেব হাঁসদাঃ।  সাসাংবেডা সাঁওহেৎ মান্ডের আর সানতালি লিটারেরি ফোরাম পাহটা খন সানাম কো গুনমানাও সারহাও আর জহার কিন চালাৎ কোওয়া সূর্যকান্ত মুরমু আর অরুন কুমার সরেন।