.jpeg)
আবোওয়াঃ ডিজিটাল ডেস্ক- খবররে বাডায় এনা বাংমা নিয়ৗবার খন দ অনলাইন তালাতে্গে কাস্ট সার্টিফিকেট ঞাপামা আর অনাহঁ নওয়া ১নভেম্বর খন গে ঞাপামা মেনেৎ নাওয়া বন্দেজ চৗলু আ। নুন দি ন নোওয়া কাস্ট সার্টিফিকেট অনলাইনরে আবেদন হুয় লেন রেহঁ অনা রেনাঃ মিৎ দপ্তর খন ক্যান্ডিডেট আঃ তি-রে এম চাল হোয়োঃ কান তাঁহেকানা। মেনখান নোওয়া পদ্ধতি চৗলু লেনখান অনা অনলাইন রেগে ডাউনলোড কাতে ঞামঃআ। তি-তি তেদ আদ কাস্ট সার্টিফিকেট এম বাং হোয়োঃআ।আর নোওয়াদ হোয়োঃআ ডিজিটাল সার্টিফিকেট।
বাডায় আকানা নোওয়া নাওয়া পদ্ধতি চৗলু লেনখান বেশ কিছু সুবিধা রেনাঃ কাথাকো রড় আকাদা আধিকারিক কো। পোয়লোরে কম সময় রেগে অনলাইনরে অনা সার্টিফিকেট কো ঞামা। দসার আধিকারিক কোওয়াঃ বাড়তি ঝক্কিহঁ কমঃ আ।
‘দুয়ারে সরকার’ এহব তায়ম খন লাখ লাখ কাস্ট সার্টিফিকেট ইস্যু কাতে উপভোক্তাকোওয়াঃ তি-রে চাল আকাৎ কোওয়ায় পনৎ সরকার। মাড়াং আবেদন কাতে ফর্ম কো অনলাইনরে যাচাই হোয়োঃ কান তাঁহেকানা। সুহি লৗগিৎ মহকুমা শাসনিয়ৗ ঠেন ভেজা হোয়োঃ কান তাঁহেকানা।অনা তায়ম ক্যান্ডিডেট হহ কাতে আয়াঃ তিরে অনাকো এম চাল আয় কান তাঁহেকানা। মিৎ আধিকারিক লৗই আকাদা, নুনৗ দিন আবেদন যাচাই তায়মহঁ অপিসারআঃ সুহি লৗগিৎ তাঁগি তাড়াঃরে তাঁহে হোয়োঃ কান তাঁহেকানা। নিয়ৗবার অনাদ আর বাং হোয়োঃআ। মিৎ হড়াঃ সার্টিফিকেট রে ডিজিটাল সুহি কাতেৎ অনলাইনরেগে আড়াঃ হোয়োঃআ। নোওয়াতে সার্টিফিকেট ইস্যু রেনাঃ পদ্ধতি আডি লগনঃআ। অনাবেগর মহকুমা শাসনিয়ৗ ঠেন নুনৗ হাজার হাজার সার্টিফিকেট সুহি লৗগিৎ সানাম কিছু ডাউনলোড কাতে প্রিন্ট অডোক হোয়োঃ কান তাঁহেকানা। নিত অনাকো চেৎহঁ করাও বাং হোয়োঃআ। ইনৗখান আয়মা কাগজ হঁ বাঞ্চাঃআ। নঁতে সার্টিফিকেট ঞাম তেহঁ সুবিধা হুয় এনা, নোওয়া সার্টিফিকেট আদ্ আর বাংখান নষ্ট রেনাঃহঁ সম্ভাবনা বাং তাঁহেন কানা। চেদাঃসে সার্টিফিকেট অনলাইন রেগে তাঁহেন কানা। যাঁহাতিনরেগে অনা ডাউনলোড গানঃআ।
মেনখান নুনৗ সুবিধা ঞাম কাতেহঁ আদিবাসীকো তালারে রৗস্কৗ রেনাঃ ঝালাক নিৎ হৗবিচ্ বাং ঞেল আকানা।বরং নংকা সুবিধা কাতে আদিবাসীকো চাবা রেনাঃগে মিৎ হরা কানা মেনতে আয়মা হড় কো মেমেন কানা সাঁওতে নোওয়া হঁক মেমেন কানা বাংমা নোওয়া নাওয়া নিয়ম দ অ-আদিবাসী ঠেন আদিবাসী রেনাঃ দারুন মিৎটাং দাও হেচ্ আৎ কোওয়া।
নঁতে দুয়াররে সরকার তালাতে আয়মা অ-আদিবাসীকো আদিবাসী কানাঃ মেনতে ঘানে ঘানেগে পশ্চিমবঙ্গ আদিবাসী কল্যান সমিতি সরকার ঠেন অভিযোগ এ রাকাব আগুয়েদা। ফেক এস.টি. ইদিকাতে প্রশাসন দপ্তর খন এহব কাতে এম.এল.এ., এম.পি. কঁহ মেমোরেন্ডাম এ এম চাল আকাদ্ কোওয়া। নোওয়া ফেক এস.টি. ইদিকাতে কাতে আয়মা জায়গারে সভা-সমিতি হঁয় করাও আগুয়েদা।
নে-হালেগে কুঁড়বি মাহাত কো আদিবাসী কাকো লৗগিৎ সরকারাঃ যাঁহা কুরুমুটু ঞেল আকানা নোওয়া বিরুধরেহঁ ১৭ গটাং জেলারেন ডি.এম. ডেপুটেশন তালাতে আদিবাসী কল্যান সমিতি সরকার এ বাডায় অচোয়াকাদেয়া। নিৎ কুকলি রাকাব কানা তবে চেৎ সমিতিঃয়া ডি.এম. ডেপুটেশন খৗতির গে সরকার নংকান কুড়ৗই এ এম কেদা? অনাবেগর আরহঁ আয়মা হড়াঃ মেনদ আদিবাসী এম.এল.এ. আর এম.পি. কো ফেক এস.টি. ইদিকাতেৎ চেৎহঁ বাংকো ফোঁস ফাঁস এৎ তেগে সরকার নংকান সিদ্ধান্তয় হাতাওয়েদা। তবে নোওয়া ইদিকাতেৎ নিৎহঁ আদিবাসীকো তালারে চেৎ রড়দারাম সে আন্দোড় আওরি ঞেল ঞামঃআ।
.webp)
.webp)
.webp)
