দুর্গাচরণ মুরমু,পুরুলিয়া- গিদরৗ সাঁওহেৎ চেতানরে নেশ ‘বাল সাহিত্য পুরস্কার’২২ শিরপৗ আতাং কাতে রুওয়ৗড় অক্তে পুরুলিয়া টেশনরে বাহামালা আরাও সাঁওতে বাহা থুমনৗ এম চাল তালাতে যুওয়ৗন অনলিয়ৗ গনেশ মারান্ডি কো সৗগুন আতাং দারাম কেদেয়া। নোওয়া সৗগুন দারাম আখড়া দক সাপড়াও লেদা "সারজম উমুল ঘারঞ্জ" রেন রৗসিয়ৗকো।
পারমেন ১৪ নভেম্বর’২২, নিউ দিল্লী রেনাঃ তানসেন মার্গ রে মেনাঃ ত্রিবেণী কলা সংঘম অডিটোরিয়াম হলরে যুওয়ৗন অনলিয়ৗ গনেশ মারান্ডি দ আয়াঃ গিদরৗ সাঁওহেৎ চেতানরে অনল অনড়হেঁ পুঁথি "হপন মৗই " খৗতির অনা শিরপৗ দয় আতাং কেদা। নোওয়া খবর পাশনাও সাঁও সাঁওতে সোশ্যাল মিডিয়া তালাতে পছিমবাংলা পনৎ সাঁওতে উড়িষ্যা, আসা্ম , ঝাড়খণ্ড , বিহার পনৎ বেগরহঁ বাংলাদেশ আর নেপাল দিশম রেন সাঁওহেদ্ দরদিয়ৗ কো মানতান মারান্ডি গোমকেদ দুলৗড় থুম আর সৗগুন দারাম কো বাডায় অচোওয়াকাদেয়া। মানতান মারান্ডি গোমকেহঁ সানাম কো দুলৗড় জোহার চাল কাতে লৗই আকাদা বাংমা নোওয়া শিরপৗ হামেট রে সানাম হড় হপনাঃগে এনেম মেনাঃ আকাদা সাঁওতে আরহঁ বৗড়তি কায়তে সান্তাড়ী সাঁওহেদ্ কো চারচাও মা মেনতে যুওয়ৗন কো মিৎ সাঁদেশ এ চাল আকাদ্ কোওয়া।
নোওয়া সৗগুন দারাম আখড়ারে "সারজম উমুল ঘারঞ্জ" রেন রৗসিয়ৗকো মুদ্রে মনোজিৎ হাঁসদা,আনন্দ হেম্ব্রম, মনিরাম হাঁসদা, দুর্গাচরণ মুরমু, শোভা রাম কিস্কু, লাল প্রসাদ মান্ডি,পরিমল হাঁসদা, লখিরাম মান্ডি, রাজীব মুরমু, রবিলাল মান্ডি,সঞ্জয় কুমার টুডু, নিতাই টুডু, হেমন্ত কিস্কু, জয়ন্ত টুডু, বীথিকা বাস্কে, হেমামালিনী মুরমু, কনকলতা মুরমু,সাহার সরেন, রূপালী মুরমু,আরতি বাস্কে আর রীতা সরেন এমান কো সেটের তাঁহেকানা।
.webp)
.webp)
.webp)
