কারা মন্ত্রী অখিল গিরিয়াঃ বৗড়িচ বেওহার আর জৗতি বিরুধ রড় খৗতির ধিক্কার মিছিল আর প্রতিবাদ সভা

 

আবোওয়াঃ ডিজিটাল ডেক্স : নন্দীগ্রাম রেনাঃ মিৎ প্রকাশ্য জনসভারে কারা মন্ত্রী অখিল গিরি যে লেকা বৗড়িচ বেওহার তালাতে জৗতি বিরুধ ভারত দিশম রেন রাষ্ট্রপতি মানতিয়ৗ দ্রৌপদী মুরমু লৗইতে রড় মাগাল আকাদ নওয়া বিরুধরে কডরা রড় দারাম কেদায় আদিবাসী কল্যাণ সমিতি সাঁওতে আদিবাসী আয়মা সংগঠন কো।

হলা অতে মাহা হিলোঃ তারাসিঞ মিৎ টাড়াং অকতে পুরুলিয়ৗ জেলা রেনাঃ বান্দোয়ান চক্ বাজাররে ধিক্কার মিছিল আর প্রতিবাদ সভা হুয়েনা। মিছিল দ বাস স্ট্যান্ড খন এহব কাতে ব্লক মোড় সেন খন চক্ বাজাররে মুচৗৎ এনা। নোওয়ারে সেলেৎ লেনাকো আদিবাসী গাতাক রেন আয়মা দরদিয়ৗ আর দুলৗড়িয়ৗকো। আদিবাসী কল্যাণ সমিতি পুরুলিয়ৗ জেলা চাঙ্গা আঃ সাপড়াওতে গড় সপহৎরে তাঁহেলেনায় জেগেৎ জাকাঃ মৗঝি পারগানা মহল , বারহা মুলুক, কুইলাপাল মুলুক , ভূমিজ সমাজ , মাহালী সমাজ , আর পৗঠুওয়ৗ গাঁওতা । 

 মন্ত্রী অখিল গিরিয়াঃ বৗড়িচ বেওহার আর জৗতি বিরুধ লৗই খৗতির আডি কডরা রড় দারাম সাঁওতে বান্দোয়ান থানারে দাবি সাকাম কো চাল কেদা। গিরিয়াঃ দাদাগিরি নোওয়া বৗড়িচ বেওহার খৗতির উপযুক্ত ব্যবস্থা হাতাও রেনাঃ কাথাগে সানাম গাঁওতা রেন গৗলিম কো কো লৗই সদর কেদা।