বার মাহা রেনাঃ সাহিত্য একাদেমী প্রোগ্রাম রে সান্তাড়ী পৗরসী খন জুওয়ৗন অনলিয়ৗ গণেশ মারান্ডী আর অনিল মাঝি

 

দুর্গাচরণ মুরমু,দার্জিলিং- সাহিত্য একাদেমী ( নিউ দিল্লী) আঃসৗহিজুহিতে পুর্বাঞ্চল  জুওয়ৗন অনলিয়ৗ হেলমেল(Eastern Regional Young Writers' Meet) আঃ বার মাহা রেনাঃ জুওয়ৗন অনলিয়ৗ হেলমেল ২২-২৩ অক্টোবর’২২  হুয় পারমেনা; পছিমবাংলা পনৎ দার্জিলিং হনৎ রেনাঃ সাউথ ফিল্ড কলেজ- হল অড়াঃ রে। নোওয়া সাঁওহেৎ হেলমেল দয় উঢৗও সৗগুন কেদা সাহিত্য একাদেমী ( নিউ দিল্লী ) রেন সচিব কে.শ্রীনিবাস রাও (Mr.K.Sreenivas Rao) সাঁওতে কনভেনর অশোক অভিচল।

সেটের ক তাঁহেকানা আয়মা ঞুতুমান অনলিয়ৗ অনড়হিয়ৗ পুর্বাঞ্চল মেনেক ভারত দিশোম রেনাঃ পুরুব নাখা যাঁহা পনৎ ক মেনাঃআ আর অনা ক পনৎ করে খন সান্তাড়ী, বাংলা, বোড়ো, ওড়িয়া, টোটা পৗরসী- লেখা গুট গে-পুন গটাং পৗরসী রেন অনলিয়ৗ অনড়হিয়ৗ ক সেলেদ লেনা আকোওয়া পৗরসীতে হুডিঞ কৗহনি আর অনড়হেঁ পাড়হাও লৗগিৎ। সান্তাড়ী পৗরসী খন দকিন সেলেদ লেনা জুওয়ৗন অনলিয়ৗ  গণেশ মারান্ডী পছিমবাংলা খন,যাঁহায় দ ২০২২ সাল রেনাঃ বাল সাহিত্য একাদেমী পুরস্কার ঞাম লৗগিৎ এ বাছনাও আকানা, আজাঃ গিদরৗ বৗউলী অনড়হেঁ পুঁথি "হপন মৗই "। আর ঝাড়খন্ড পনৎ খনে সেলেদ লেনা ঞুতুমান জুওয়ৗন অনলিয়ৗ অনিল মাঝি।

বাড়ায় ঞাম আকানা বাংমা নোওয়া সাঁওহেৎ হেলমেল রেনাঃ জস দ হুয়ুঃ কানা ভারত দিশোম রেনাঃ পুরুব পনৎ করে খন হেজ সেটের আকানা - নানা হুনৗর গে-পুন গটাং পৗরসী সাঁওহেৎ রেন ঞুতুমান অনলিয়ৗ অনড়হিয়ৗ সাঁওহেৎ রাসা এপেম চাপাল সাঁওতে মিৎ পৗরসী সাঁও  মিৎ পৗরসী আ:  বুগি বৗড়িচ আর নাপায় দিস-হুদিস সৗগৗই তপল জিয়ৗড় দহয়।

অনা তায়ম দার্জিলিং জেলারে মেনাঃ নেপালী সাঁওহেৎ মাঁডের " সাহিত্য তূষ্ণা", সান্তাড়ী সাঁওহেৎ রেন জুওয়ৗন অনলিয়া গনেশ মারান্ডী আর অনিল মাঝি গমকে তিকিন দ "সাহিত্য তূষ্ণা সম্মান ২০২২" সারহাও সাঁওতে মৗন সাকাম ক চাল আৎকিনৗ।