আবোওয়াঃ ডিজিটাল ডেস্ক- পারমেন ১৯ অক্টোবর, পুরুলিয়া জেলা রেয়াঃ বান্দোয়ানরে সহরায় লাহারে মিৎ সাঁওহেৎ হেলমেল হোয় পারমেনা। নোওয়া আখড়া দ সাপড়াও লেনা ' জুমিৎ আড়াঙ' সাঁওহেৎ সাকাম আর পুরুলিয়া জেলা সানতালি লিটারেরি ফোরাম আঃ সৗহিজুহিতে।
আখড়ারে সহরায় দ চেৎ আর চেদাঃ ; সহরায় সেরেঞ রেয়াঃ রূপ , রং , রাসা, সহরায় পরব রেনাঃ: এনাং আর নিৎ..লৗইতে অড়ে-অড়পাত গালমারাও হোয় এনা। নোওয়া গাপালমারাওরে প্রফেসর তনুশ্রী হাঁসদাঃ , সতন সরেন , সুধীর কুমার মুরমু , বঙ্কিমচন্দ্র হেমব্রম , মায়ারানী মান্ডি এমান অনলিয়ৗ আর অনড়হিয়ৗ কো সেলেদ্ লেনা। আখড়ারে বৗইসি গমকে লেকাতেয় তাহেঁকানা মহাদেব হাঁসদা।
হড় হপনাঃ মারাং পরব লেকাতে সহরায় পরব রেনাঃ কাথাগে হিজুঃআ। অনালেকাতে নংকান মিৎ ঞুম আনা পরব রেনাঃ গাপালমারাও আখড়া সে সেমিনার রেনাঃ লৗকতি আডিগান গে মেনাঃআ মেনতে আয়মা গৗখুড়িয়ৗ গেকো সাব রাকাব কেদা।
নোওয়া গাপালমারাও আখড়ারে মারাঙ পেড়া লেকাতে সেটেরে তাঁহেকানা পুরুধুল অনলিয়ৗ মানতান গোমস্তাপ্রসাদ সরেন আর মৗনৗন পেড়া লেকাতে সেটের কিন তাহেঁকানা মানতান কলেন্দ্রনাথ মান্ডি আর রতনচন্দ্র হাঁসদা গোমকে তাকিন ।
মুচৗৎরে জুমিৎ আড়াং আর সানতালি লিটারেরি ফোরাম পাহটা খন সানাম কো গুনমানাও সারহাও আর জহার কিন চালাৎ কোওয়া মানতান অরুণ কুমার সরেন আর উত্তম কুমার মুরমু।
.webp)
.webp)
