আবোওয়াঃ ডিজিটাল ডেস্ক- হলা ২১ অক্টোবর, পশ্চিমবঙ্গ আদিবাসী কল্যাণ সমিতিরেন পশ্চিম বর্ধমান জেলা চাঁগা আসালসোল এস.ডি.ও ফেক এস.টি. বিরুধরে হেয়ারিং রেনাঃ দৗবী বাডায় অচো কাতে মেমোরেন্ডাম কো চাল আদেয়া।
নঁডে লৗই দহ লৗগ কানা পে-মাহা মাড়াং গে পশ্চিমবঙ্গ আদিবাসী কল্যাণ সমিতি পাহটা খন পনৎরে ১৭ গটাং জেলারেন ডি.এম. ঠেন কুঁড়বি মাহাত গাঁতাত রেন হড় আদিবাসী রেকো সেনেলেদ রেনাঃ কৗমিহরা বিরুধরে ডেপুটেশন এ এম কেদা। নোওয়া ইদিকাতেৎ হঁ সমিতি এস.ডি.ও সাঁও মিৎ ডডেয় রপড় তরায়েনা।
সমিতি পাহটা খন বাডায় আকানা বাংমা এস.ডি.ও. নোওয়া সাতাম চেতান অৗডি গৗহির সালাঃ এ ঞেলা সাঁওতে চিনহৗপ্ আকান ফেক এস.টি. কো বিরুধরে তুনখি তলাশ কাতেৎ হেয়ারিং রেনাঃ বন্দেজ এ হাতাওআ।
অনা দৗবী সাকাম এমঃ জহঃ সেটের কো তাঁহেকানা- পশ্চিমবঙ্গ আদিবাসী কল্যাণ সমিতি পশ্চিম বর্ধমান জেলা চাঁগারেন সুৎরেৎ পবন সরেন, জগ-সুৎরেৎ হিরন্ময় হাঁসদা, কৗউডি লেখায়িচ্ দমন কিস্কু অনা বেগর তপন কোঁড়া, সুরেশ কোঁড়া, রাজকুমার সর্দার, সৎপতি মুরমু এমান।
.webp)
.webp)
