আবোওয়াঃ ডিজিটাল ডেস্ক- হলা ৬ অক্টোবর ঝাড়গ্রাম রেন এমপি কুনার হেম্ব্রম সাঁও ঞাপাম এনায় পশ্চিমবঙ্গ আদিবাসী কল্যাণ সমিতি। বাডায় আকানা মুড়ুৎ কাথাগে তাঁহেকানা কুঁড়বি মাহাত গাঁতাত রেন হড় পছিমবাংলারে এসটি তৗলিকারে সেনেলেদ্ রেনাঃ রড়দারাম বাডায় অচোকাতে দৗবী সাকাম কো চাল আদেয়া। লৗই দহ লেগ্ কানা বার দিন মাড়াং গে নোওয়া ইদিকাতেৎ ট্রাইবাল অ্যাফেয়ার্স মন্ত্রী অর্জুন মুন্ডা আঃ অড়াঃরে ঞাপাম কাতেচ্ কো হেচ্ আকানা আদিবাসী কল্যাণ সমিতি রেন সহেদ্ কো।
চালাও এন চাঁদো আদিবাসী ঞুম কাতে কুঁড়বি মাহাত গাঁতাত রেন হড়াঃ নানাহুনৗর ডাহার জাঁগেদারাম আর আঁন্দোড়তে গটা পছিমবাংলারে অৗডি এঁটকে টঁড়ে সিরজৗও লেনা। নোওয়া ইদিকাতেৎ আদিবাসী কো তালারেহঁ অৗডি রৗগি কাঁহিশ তেয়ার ইদিঃকানা। অনাতে নে হালেগে নোওয়া ইদিকাতেৎ নানাহুনৗর দপ্তর আর প্রশাসনিয়ৗ ঠেন আয়মা আদিবাসী সংগঠন দৗবী সাকাম কো সামাং আকাদা।
মিৎ ঘন্টা খন হঁ বৗড়তি গাপালমারাও কাতে গাপালমারাও নাপায় সোঘোড় আকানা মেনতেগে সমিতি রেন সহেদ্ কো লৗই আকাদা। নোওয়া ইদিকাতে অৗডি গৗহির সালাঃ এ বিচৗর কাতেৎ এ ঞেলা মেনতে ঝাড়গ্রামরেন মন্ত্রী কুনার হেম্ব্রম সহেদ্ কোঠেন এ সদর আকাদা।
নোওয়া দৗবী সাকাম এম চাল জহঃ আদিবাসী কল্যাণ সমিতি রেন পনৎ অ্যা. সেক্রেটারী মানতান প্রশান্ত মান্ডি, পুরুলিয়া জেলা চাঁগারেন সভাপতি সতন কুমার সরেন, পনৎ আইটি সেল রেন সহেদ্ উপেন টুডু, পনৎ লাকচার কুমুট রেন সহেদ্ তারাপদ মুরমু, বান্দোয়ান ব্লক রেন সেক্রেটারী বঙ্কিম চন্দ্র টুডু, ঝাড়গ্রাম জেলা চাঁগারেন সভাপতি বৈদ্যনাথ হাঁসদা, ঝাড়গ্রাম জেলা সহেদ্ সঞ্জয় মুরমু এমান গোমকেকো সেটের তাঁহেকানা।
.webp)
.webp)
