“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱟᱨᱤ ᱫᱷᱚᱨᱚᱢ
ᱦᱟᱸᱥᱫᱟ, ᱥᱩᱵ ᱩᱫᱤᱭᱟᱹᱢ ᱩᱨᱢᱩ, ᱨᱟᱢᱞᱟᱞ ᱴᱩᱰᱩ, ᱠ ᱤ ᱥ ᱠ ᱤ ᱱ ᱫ
ᱷ ᱟ ᱢ ᱩ ᱨ ᱢ ᱩ, ᱮᱵ ᱷᱮᱱ ᱠᱩᱭᱞᱤ ᱥᱚᱨᱮᱱ, ᱜᱳᱯᱮᱥᱣᱚᱨ ᱢᱟ ᱱᱰ ᱤ, বাড়তাং সরেন, সনাতন টুডু, দুগাই টুডু, সত্যেশ্বর মুরমু, বাবলু সরেন, দুর্গাচরণ মুরমু, সুচাঁদ হাঁসদা, সিতেন মান্ডি, পি সি কিসকু রাপাজ, দুলৗড় বিটি ।
ᱦᱚᱨᱚᱭ ᱫᱟᱹᱲᱟ ᱪᱤᱢᱟᱹ ᱪᱟᱴᱮ
ᱪᱟᱹᱲᱩᱵ ᱪᱟᱹᱲᱩᱵ ᱨᱚᱴᱮ,
ᱜᱷᱟᱥ ᱥᱚᱥᱨᱚᱡᱼᱜᱷᱟᱥ ᱵᱩᱫᱟᱹ ᱠᱷᱚᱡ
ᱞᱟᱸᱫᱟᱭ ᱠᱷᱮᱴᱮ ᱠᱷᱮᱴᱮ ᱾
ᱜᱮᱰᱮᱭ ᱛᱟᱲᱟᱢ ᱛᱷᱤᱭᱟᱹ ᱛᱷᱟᱯᱮ
ᱥᱤᱢ ᱢᱟ ᱞᱤᱭᱟᱹ ᱞᱟᱯᱮ,
ᱤᱸᱪᱟᱜ ᱦᱟᱠᱳᱭ ᱯᱷᱮᱱᱴᱚᱲ ᱟᱠᱟᱱ
ᱫᱟᱜ ᱨᱮ ᱩᱱᱩᱢ ᱪᱟᱯᱮ ᱾
ᱡᱟᱸᱢᱲᱳ ᱵᱤᱧᱮ ᱞᱮᱧ ᱵᱟᱲᱟᱭ
ᱥᱩᱸᱲᱩᱡ ᱜᱟᱰᱟ ᱯᱟᱲᱨᱮ,
ᱜᱷᱮᱣᱨᱟ ᱪᱮᱬᱮᱭ ᱨᱟᱯᱟᱡ ᱟᱠᱟᱱ
ᱪᱟᱛᱚᱢ ᱵᱟᱠᱷᱳᱞ ᱜᱟᱲᱨᱮ ᱾
ᱤᱲᱤᱪ ᱪᱤᱠᱤᱪᱻ ᱛᱟᱦᱟᱢ ᱛᱟᱹᱠᱤᱡ
ᱵᱟᱱ ᱦᱟᱹᱠᱳ ᱢᱟᱭ ᱯᱷᱟᱸᱫᱟᱭ,
ᱪᱩᱰᱩᱨ ᱵᱩᱰᱩᱨ ᱫᱤᱥᱟᱹ ᱟᱹᱪᱩᱨ
ᱵᱟᱹᱫ ᱜᱚᱸᱜᱷᱟ ᱢᱟᱭ ᱞᱟᱸᱫᱟᱭ ᱾
**************ᱧᱞᱧᱞ*************
ᱪᱟᱸᱫᱚᱭ ᱮᱱᱮᱪ
ᱜᱮᱱᱮᱪ ᱜᱮᱱᱮᱪ
ᱩᱰᱟᱹᱣ ᱨᱤᱢᱤᱞ
ᱩᱠᱩ ᱫᱟᱱᱟᱝ ᱿
ᱞᱮᱠᱷᱟ ᱞᱮᱠᱷᱟ
ᱫᱤᱱᱮ ᱡᱚᱠᱷᱟ
ᱫᱤᱭᱟᱹ ᱫᱚᱦᱚᱭ
ᱛᱟᱭᱚᱢ ᱢᱟᱲᱟᱝ ᱿
ᱠᱮᱪᱟᱜ ᱪᱟᱸᱫᱚᱭ
ᱜᱚᱴᱟ ᱟᱫᱚᱭ
ᱛᱷᱟᱹᱨᱤ ᱞᱮᱠᱟ
ᱫᱟᱨᱟᱝ ᱫᱟᱨᱟᱝ ᱿
ᱧᱮᱞᱚᱜ ᱡᱟᱸᱦᱟ
ᱳᱶᱟᱝ ᱱᱚᱣᱟ
ᱨᱤᱯᱤ ᱨᱤᱯᱤ
ᱵᱟᱨᱟᱝ ᱵᱟᱨᱟᱝ ᱿
ᱤᱯᱤᱞ ᱮᱸᱜᱮᱞ
ᱦᱮᱛᱮᱞ ᱜᱮᱸᱡᱮᱞ
ᱪᱟᱸᱫᱚ ᱞᱮᱠᱟ
ᱪᱟᱯᱮ ᱟᱠᱚ ᱿
ᱢᱮᱱᱟᱜ ᱠᱚᱜᱮ
ᱳᱶᱟᱝᱨᱮ ᱥᱚᱜᱮ
ᱨᱟ.ᱥᱠᱟᱹ ᱥᱟᱞᱟᱜ
ᱥᱩᱞᱟᱝ ᱟᱠᱚ ᱿
**************ᱧᱞᱧᱞ*************
ᱵᱟᱹᱵᱩᱭᱟ ᱯᱩᱛᱷᱤ ᱠᱚᱛᱟᱢ ᱛᱟᱢ ᱛᱟᱥᱮ
ᱪᱮᱫ ᱠᱟᱛᱷᱟ ᱛᱮᱢ ᱨᱟᱨᱟᱜ ᱠᱟᱱ
ᱞᱟᱹᱭ ᱟᱹᱧ ᱢᱮ ᱢᱟᱥᱮ ᱾
ᱚᱞ ᱮᱫ ᱠᱟᱱᱟᱢ ᱴᱮᱨᱟ ᱴᱮᱨᱟ
ᱯᱟᱥᱱᱟᱣ ᱠᱟᱛᱮ ᱯᱩᱛᱷᱤ
ᱚᱱᱟᱛᱮᱠᱚ ᱮᱜᱮᱨᱢᱮ ᱫᱚᱦᱚᱢᱮᱠᱚ ᱜᱩᱛᱤ ।
ᱪᱷᱤ ᱪᱷᱤ ᱞᱟᱡᱟ ᱯᱟᱠᱟᱲ ᱠᱟᱛᱷᱟ
ᱱᱟᱭᱠᱮ ᱵᱟᱵᱟ ᱠᱷᱚᱸᱰ ᱮ ᱵᱮᱱᱟᱣ
ᱨᱚᱲᱮ ᱢᱟᱠᱚ ᱥᱮ ᱡᱟᱛᱟ ᱿
ᱵᱟᱹᱵᱩᱭᱟ ᱠᱷᱮᱞᱳᱰ ᱦᱚᱸᱛᱚ ᱠᱚ ᱢᱟᱱᱟ
ᱚᱠᱚᱭ ᱦᱚᱸ ᱵᱟᱠᱚ ᱠᱩᱞᱤᱢᱮ
ᱪᱮᱫ ᱠᱚᱛᱟᱢ ᱥᱟᱱᱟ ᱾
ᱠᱷᱮᱞᱳᱰ ᱨᱩᱣᱟᱹᱲ ᱡᱩᱫᱤᱢ ᱟᱹᱜᱩᱭ
ᱚᱲᱮᱡ , ᱥᱤᱲᱳ ᱡᱟᱢᱟ
ᱩᱱ ᱛᱮᱠᱷᱟᱱ ᱫᱟᱞ, ᱮᱜᱮᱨ ᱦᱚᱸᱢ ᱧᱟᱢᱟ ।
ᱪᱷᱤ ᱪᱷᱤ ᱞᱟᱡᱟ ᱯᱟᱠᱟᱲ ᱠᱟᱛᱷᱟ
ᱥᱚᱦᱨᱟᱭ ᱫᱷᱩᱛᱤ ᱵᱟᱵᱟᱭ ᱚᱲᱮᱡᱽ
ᱚᱠᱚᱭ ᱨᱩᱦᱮᱫᱮ ᱡᱟᱛᱟ ᱾᱾
**************ᱧᱞᱧᱞ*************
৪।।
ᱡᱷᱩᱲ 
ᱠᱤᱥᱠᱤᱱᱫᱷᱟ ᱢᱩᱨᱢᱩ
ᱚᱲᱟᱜ ᱠᱩᱰᱟᱹᱢ ᱵᱟᱦᱨᱮ ᱥᱮᱱ
ᱜᱟᱡᱟᱲ ᱚᱱᱮ ᱛᱤᱱᱟᱹᱜ ,
ᱮᱥᱮᱫ ᱟᱠᱟᱱ ᱚᱛ ᱦᱟᱥᱟᱢᱟ
ᱡᱷᱩᱲᱜᱮ ᱥᱟᱸᱜᱮ ᱱᱩᱱᱟᱜ ᱾
ᱦᱚᱨ ᱰᱟᱦᱟᱨ ᱥᱤᱢᱟᱹ ᱟᱲᱮᱨᱮ
ᱦᱚᱨᱜᱮ ᱮᱥᱮᱫ ᱮᱫᱟ ,
ᱧᱤᱫᱟᱹ ᱧᱩᱛᱨᱮ ᱪᱟᱞᱟᱜ ᱦᱤᱡᱩᱜᱨᱮ
ᱵᱚᱛᱚᱨ ᱵᱩᱡ ᱜᱚᱫᱟ ᱾
ᱟᱰᱤ ᱞᱮᱠᱟᱱ ᱡᱤᱵᱟᱹ ᱡᱤᱭᱟᱹᱞᱤ
ᱵᱟᱥᱟ ᱛᱟᱸᱦᱮᱱ ᱫᱚᱠᱚ ,
ᱟᱪᱚᱠᱟ ᱞᱮᱠᱟ ᱧᱟᱯᱟᱢ ᱛᱚᱨᱟ
ᱜᱮᱨ ᱛᱩᱛᱩᱲ ᱟᱠᱚ ᱾
ᱫᱤᱱᱟᱹᱢ ᱵᱮᱲᱟ ᱥᱤᱛᱩᱝ ᱟᱦᱚᱞᱟ
ᱞᱟᱴᱟ ᱡᱷᱩᱲᱨᱮ ᱚᱱᱮ ,
ᱢᱟᱨᱥᱟᱞᱛᱮ ᱩᱨᱩᱢ ᱪᱟᱞᱟᱜ
ᱡᱷᱩᱲᱨᱮ ᱩᱢᱩᱞ ᱜᱷᱟᱱᱮ ᱾
ᱡᱷᱩᱲ ᱜᱟᱡᱟᱲ ᱵᱚᱞᱚ ᱵᱟᱲᱟᱭ
ᱮᱠᱟᱞ ᱵᱟᱝᱜᱮ ᱵᱩᱜᱤ,
ᱚᱠᱟᱨᱮ ᱪᱮᱫ ᱦᱮᱱᱟᱜ ᱵᱚᱛᱚᱨ
ᱪᱤᱠᱟᱹᱛᱮᱢ ᱵᱩᱡ ᱤᱫᱤ ᱾
**************ᱧᱞᱧᱞ*************
৫।।
ᱵ ᱟ ᱰ ᱟ ᱭ ᱥᱟ ᱱᱟ ᱧ ᱠᱟ ᱱᱟ
ᱮᱵ ᱷᱮᱱ ᱠᱩᱭᱞᱤ ᱥᱚᱨᱮᱱ
ᱦᱚᱞᱟ ᱧᱤᱫᱟᱹᱧ ᱡᱟ ᱯᱤᱫ ᱠᱮᱫ ᱟ
ᱛᱮᱦᱮᱧ ᱥᱮᱛᱟ ᱜ ᱮᱱᱟ ᱾
ᱪᱤᱠᱟᱹᱛᱮᱫᱚ ᱜᱚᱲᱚᱢᱵ ᱟ
ᱱᱚᱝᱠᱟ ᱦᱳᱭᱮᱱᱟ ᱾᱾
ᱱᱤᱛ ᱵᱮᱲᱟ ᱭ ᱨᱟ ᱠᱟ ᱵ ᱟ ᱠᱟᱱ
ᱫᱷᱤᱱᱟᱹᱝ ᱛᱮᱫᱚᱭ ᱦᱟᱺᱥᱩᱨᱚᱜ ᱾
ᱯᱩᱨᱚᱵ ᱠᱷᱚᱱᱟ ᱜ ᱯᱩᱪᱷᱤᱢ ᱱᱟ ᱠᱷᱟ
ᱩᱱᱤᱫᱚᱭ ᱥᱮᱱᱚᱜ ᱾᱾
ᱟ ᱪᱩᱨ ᱟ ᱪᱩᱨᱛᱮ ᱥᱮᱴᱮᱨᱚᱜ
ᱦ ᱟ ᱯᱛᱟ ᱪᱟᱸᱫᱳ ᱥᱮᱨᱢᱟ ᱾
᱓᱖᱕ ᱫᱤᱱ ᱨᱮᱫᱚ
ᱦ ᱳᱭᱳᱜ ᱢᱤᱫ ᱥᱮᱨᱢᱟ ᱿
ᱵ ᱮᱲᱦᱟ ᱭᱛᱮ ᱟ ᱪᱩᱨᱚᱜ ᱠᱟ ᱱ
ᱱᱚᱣᱟ ᱫᱷᱟᱹᱨᱛᱤ ᱯᱩᱨᱤ ᱾
ᱛᱟᱸᱦᱮᱱᱟ ᱵᱚᱱᱠᱤ ᱡᱚᱱᱚᱢ ᱡᱚᱱᱚ ᱢ
ᱟ ᱵ ᱚ ᱥᱟ ᱨᱤ ᱥᱟ ᱨᱤ ᱿
**************ᱧᱞᱧᱞ*************
৬।।
ᱨᱚᱴᱮ
ᱪᱟᱯ-ᱪᱟᱯᱟ
ᱜᱳᱯᱮᱥᱣᱚᱨ ᱢᱟᱹᱱᱰᱤ
ᱟᱞᱮ ᱵᱟ.ᱭᱦᱟ.ᱲ ᱠᱷᱮᱛ ᱨᱮ
ᱫᱟᱥᱟᱭ ᱵᱚᱸᱜᱟ ᱫᱤᱱ,
ᱪᱚᱲᱜᱚᱡ ᱦᱟᱹᱠᱩ ᱵᱟ.ᱲᱥᱤ ᱞᱟᱹᱜᱤᱫ
ᱥᱤᱛᱩᱝ ᱦᱟᱨᱠᱮᱛ ᱤᱧ।
ᱦᱟ.ᱲᱭᱟ.ᱨ ᱜᱟ.ᱪᱷᱤ ᱫᱟᱜ ᱛᱟᱞᱟ
ᱵᱟ.ᱲᱥᱤ ᱴᱟᱵᱟᱜ ᱴᱩᱵᱩᱜ,
ᱨᱚᱴᱮ ᱟᱸᱡᱚᱢ ᱧᱟᱢ ᱛᱚᱨᱟ
ᱦᱤᱡᱩᱜ ᱪᱟᱵᱟᱜ ᱪᱩᱵᱩᱜ।
ᱤᱧᱟ.ᱜ ᱢᱚᱱᱮᱭ ᱢᱮᱱ ᱮᱫᱟ
ᱪᱚᱲᱜᱚᱡ ᱦᱟᱹᱠᱩ ᱠᱟᱱᱟᱭ,
ᱨᱟᱹᱥᱠᱟᱹ ᱛᱮ ᱢᱚᱱᱮ ᱡᱤᱣᱤ
ᱵᱟ.ᱲᱥᱤ ᱞᱟ.ᱜᱤᱫ ᱢᱮᱱᱟᱭ।
ᱵᱟ.ᱲᱥᱤ ᱡᱚᱢ ᱪᱷᱚᱴ ᱜᱮ
ᱵᱟ.ᱲᱥᱤᱧ ᱜᱷᱮᱪ ᱠᱟᱱ,
ᱳ-ᱦᱟᱭ ᱵᱟᱪᱷᱟ ᱪᱟᱯ-ᱪᱟᱯᱟ
ᱨᱚᱴᱮᱭ ᱨᱟᱠᱟᱵ ᱟᱠᱟᱱ।
**************ᱧᱞᱧᱞ*************
৭।।
অকয় কৗরিগল
(সনেট)
বাড়তাং সরেন
ধৗরতী কাথায় আচুর বিহুর চাঁদো বেড়হায়
নোওয়া কাথা সৗরিয়া, একাল বাং এড়ে,
ঞিঁদৗ চাঁদো আচুর কানে ধৗরতী বেড়হায়,
যেমন দকো উডৗও বাড়ায় বীররেন চেঁড়ে।
দাঃ চেতান ডম্বল হায় নোওয়া ধূড়ী হাসা
চেদাঃ ভালা বাং লেঃআ দাঃমা তালারে!
চেদাঃ ভালা আচুরঃ, চেৎ মেনাঃ রাসা !
চেদাঃ হায় ওটাং বাড়ায় সেরমা তালারে ?
অনা খৗতির ললো সিতুং, রেয়াড় রাবাং
পারম কাতে সেটের ঝমর জৗপুৎ মাহা
বীররেদ আঁজমঃ সেরেঞ চেঁড়ে আড়াং,
ডৗর চেতান নানা হুনৗর সাড় কেদেজ বাহা।
নংকা ভালা হাহাড়া গে অকয় কৗরিগল !
চেকাতেয়েম সিরজন লেৎ, চেকাতেয়েম তল ?
**************ᱧᱞᱧᱞ*************
৮।।
আঁজম হোয়োঃ
সনাতন টুডু
বাবায় মেনা স্কুল চালাঃ
আয়োহঁয় মেন অনা ,
বাংখান দো গটা দেয়া
হাপা শুধুয় দনা ।
সিমল আদয় মনে কেদা
বাংগানঃ -আ তাঁহেন ,
চালাও হোয়োঃ ইস্কুল তে
জাহানাঃ গেকো মেন ।
কালায় হোহোয় কুডৗম খনাঃ
কুবৗ দানাং খন ,
রূপৗয় হৗনিয় তিঁগু আকান
সেতাঃ বেড়া খন ।
সিমল তেহেঞ বায় চালাঃ আ
গাতে সালাঃ দাড়ান ,
আয়োবাবা হাঃ কাথা ঝতো
আঁজম হোয়োঃ মাড়াং ।
**************ᱧᱞᱧᱞ*************
৯।।
রেভারেন্ড আর. আর. রোজেনল্যান্ড
দুগাই টুডু
জত গেকো লৗই কাথায়
পৗদরি তাঁহে কানে,
হড়াঃ ভৗ্লৗই বাবদ তেদ
অৗডি হুদিশ আনে।
রাসমুস রাসমুসনে রোজেল্যান্ড
পুরৗ ঞুতুম কানা,
ডেনমার্ক দিশম জানাম গেথ
সানাম গেকো মেনা।
ভারত রেয়াঃ বিহার পনৎ
হানে হেচ্ লেনে,
কায়রাবনী দুমকা মিশন
কৗমি লেদায় অনে।
সানতাল হাইস্কুল রেদ ভালা
মাচেৎ বাড়া লেনা,
সাবাদ আড়াং থুতি এমান
আয়মা গাঁডন আনা।
রনড় আতে অল কাতে
পতবে তেয়ার কেদা,
‘হড় রড় রেয়াঃ বেয়াকরণ’
পুঁথিয় সদর লেদা।
সানতাল মিশন অভ্ নর্দান চার্চ গে
পারসাল আকাদ আদ,
সমাজ তালা মালা একাল
লৗ্কতি হেনাঃ গেদ।
সাঁওহেৎ চারচা সাঁওতা বাখরা
এনেম দহ লেদা।
হড়কো আদ নেতার হঁচো
বেবাক কো দিশৗয় এদা।
**************ᱧᱞᱧᱞ*************
১০।।
গিদরৗ বৗউলি
সত্যেশ্বর মুরমু
ভাদর বঙ্গা তালে বেলে
ঞুরুঃ ফাঃ ফঃ,
উলিদাঃ সারসাও গদঃ
আডি সিবিল শঃ।
তালে পিঠৗ, তালে ডোঁবোঃ
জমরে আডি মজ,
রৗস্কৗ মনেতেঞ এমাপেয়া
মিৎ-বার যুদিপে খজ।
**************ᱧᱞᱧᱞ*************
১১।।
হৗতি
বাবলু সরেন
দিনগে দিনৗম হিজুঃ আলে
উনি বির হৗতি
বতর জালা জুল আক
ঘানে হুলৗ বৗতি ৷
বৗদ বৗইহৗড়, গডা ভিটৗ
মেনাঃ হুড়ু কঁডহা
এনহঁ উনি হিজুঃ গেয়া
ঘানে আতো টলা ৷
আতো টলা হেজ কাতে
অড়াঃ রৗপুদ-আ
অনা গেতায় মিদ নেশা
হড় বাং চেকা কওয়া ৷
দিনৗম দিন ঞিদৗ আঁগাঃ
উনি হৗতি খৗতির
হিজুঃ রেদ লাগা কায়া
ঞির আয় গটা বির ৷
**************ᱧᱞᱧᱞ*************
১২।।
ককর চেঁড়ে
দুর্গাচরণ মুরমু
ধার বুরু বির ধারে
ককর চেঁড়েয় তুকৗ আকাৎ
মারে তিরিল দারে ডডহররে।
সুর-সুরতে আতো চালাঃ
কুমারী-নেংসাই গাডা দাঃ
হেঁদে ধিরি চেতান সকড়-বকড়।
ককর চেঁড়েয় বেলে আকাৎ
মিৎ জড় তুকৗরে
হপনকেৎ কিনে বারয়া।
সিঞ বেড়াদয় হবর কৗকিন
আডি সহাগ দুলৗড়তে
ঞিদৗ মাত্ সেন্দরায় চালাঃ।
আগু আকিনে জিল পাপাআঃ
চেহে কক চেউ চেউ
রৗস্কৗতেক জমা চেহর-বেহর।
আলাক জৗড়ি
দুর্গাচরণ মুরমু
ঝুড় দারে সাকাম চেতান
সাসাংগে নৗড়ি ঝিলর ঝলর,
ডৗর বৗনুঃ সাকাম বৗনুঃ
তামকা তাসে লেওর কদর।
তাসে সবোদ জৗড়ি লেকা
হিলৗঃ হৗড়িয়ার হিসিৎ হয়তে,
দারে সাকাম কুডবুর কোওয়াই
উনিয়াঃ রৗস্কৗ এনেচ ঞেলতে।
জিড়িৎ জিড়িৎ দারে করে
বেধাও কোওয়ায় নওয়া নৗড়ি,
বাড়গে ঝাড়গে করে ঞামোঃ
অনাগেক্ মেতা: আলাক জৗড়ি ।
**************ᱧᱞᱧᱞ*************
১৩।।
চাডরা
সুচাঁদ হাঁসদা
হানা আতো ঢাডরা ,
আতো তায় পাঁডরা ,
হাড়াম হাড়াম ডাঁগরা ,
ঠেঁগা তায় ভেঁডরা ৷
তাঁহেনায় অজরা ,
আতোরেন জবরা ,
সৗড়িম সাতে ঢডরা,
সর সরে উদুরা ৷
দাঃ জরঃ সর বর ,
ইসিনায় সির সর ,
লৗয়ঃ আয় ভদর ,
অড়াঃ তায় ধদর ৷
তাঁহেনায় একলা ,
আডি গেয়ে ভকলা ,
চালাঃ রেঁহয় বাঁদেলা,
তুপুন দ বায় দিলা ৷
গটা হড়ম মৗয়লৗ ,
বহঃ রেতায় টুয়লৗ ,
চাডরা বহঃ পৗয়লৗ ,
তাঁহেনায় ধুয়লৗ পৗয়লৗ ৷
**************ᱧᱞᱧᱞ*************
১৪।।
আয়ো মনে
সীতেন মাণ্ডি
আয়ো কলে বাবা তারেন
অড়াঃ হড়াঃ চেরেচ্
জমাঃ ঞু আঃ আনাট রেঁহ
আমগে জিউয়িম রাড়েজ।
কুম্বৗ কুড়িয়ৗ অড়াঃ তালা
মারশাল কাতেম হেচ এন
মেৎ মচা মুঠৗন তাম
বাবা সাঁও মিৎ এন।।
আম যখন বাম তাঁহে কান
তিনাঃ হড় ক রড়িঞ
অনা কাথা পরেঞ লৗই আম
নিত মা মেনাম হুডিঞ।
কুঞ ঘাট ডৗডি ঘাট
হড় ক খায় খয়া
বাপ্লা তায়ম নুনাঃ দিন
চেদাঃ বাঞ আয়ো লেন।
আম হবর কাতে ইঞ মা
রাণী লেকাঞ আইকৗও
আমাঃ মচা তে আয়ো হহ
আয়ো মনে ছেচ্ বেচ্্ উন জহ।
**************ᱧᱞᱧᱞ*************
১৫।।
গিদরৗ বাউলি
পি সি কিসকু রাপাজ
ডাঙরা ঞেলতে
কুলে বতরঃ
মেরম ঞেলতে
তৗরুব বিরে বলঃ উতৗরঃ।
এঙগা সিমআঃ বতর তে
রুঁডৗ হরবর
পুশি খৗতির
সেতা লবজর।
ডুলু ডুঙ বিঞ বতর তে
জামড়ো বিঞে সতরঃ
সাডে আজমঃকুটুর কুটুর
বতর তে জামড়ো বিঞে পুটুরঃ!
সিম হপনাঃবতর তে
কুঁড়িৎ এ চমকাঃ
সেতাওয়াঃ বতর তে
হৗতিয় ধমকাঃ।
**************ᱧᱞᱧᱞ*************
১৬।।
চৗরিত গড়হন
দুলৗড় বিটি
কৗটিচ্ কৗটিচ্ খনগে মাসে
গিদ্রৗ চৗরিত গড়হন,
তেয়ার রাকাব লৗগিৎ নাসে
লাহা হিজুঃ চলবন।
অলঃপাড়হাও সাঁও সাঁওতে গাতে
চৗরিত রেনাঃ কাথা,
লৗই সঝহে আকো হোয়োঃ
হাপেন বাকো তেথা।
আম আমরেন ইঞ ইঞরেন
সানাম গেথ আবোরেন,
আমরেন কৗই লেখান মাসে
মনে হোয়োঃ ইঞরেন।
তবে আনিজ্ সাঁওতা লাহা
দরয়া লেগেম লেগেম,
হাপেন লালচ্ বাং তাঁহেনা
তাঁহেন আমাঃ এনেম।
**************মুচৗৎ*************
.webp)
.webp)
