আবোওয়াঃ ডিজিটাল ডেস্কঃ- হলা ১ সেপ্টেম্বর বাং ঝিচ্ পুরৗও আকান স্কুল হোস্টেল, ফেক সার্টিফিকেট, আর বান্দোয়ান ব্লকরে লৗই আকান একলব্য মডেল রেসিডেন্সিয়াল স্কুল লৗইতে ডিএম আর জেলা শ্রেণি কল্যাণ আধিকারিক ঠেন ঞাপাম এনাকো পছিম বাংলা আদিবাসী কল্যাণ সমিতি পুরুলিয়া জেলা চাঁগা রেন রৗসিয়াকো।
লক ডাউন তায়ম স্কুল কলেজ এমান বির্দৗগাড় ক ঝিচ্ লেনরেঁহ আয়মা হোস্টেল গে বাং ঝিচ্ লেন খৗতির কল্যাণ সমিতি দ সিখনৗত ঠাঁওরে আদিবাসী ক তায়ম সেচ্ ঠেলাও ভেগার কাকো কান লেকায় আইকৗও এদা। অনা খৗতির পারমেন ৯ জুন মৗহিৎ PO CUM DWO, BCW & TD ঠেন দরবার কাতে ১০ জুন হোস্টেল ক ঝিজ্ লৗগিদ্ অর্ডার অডোক লেনা। মেনখান অনা অর্ডার বাং জওয়াও লেন তে দসার অর্ডার ২৪ জুন মেমো নং -১২২৫(২০)১/BCWP অডোক লেনা, অনা পরে আর হঁ ২৪ জুন ডিএম ঠেন দরবার কেদায় কল্যাণ সমিতি, অনা লেকাতে ডিএম হঁ ডি.আই ক অর্ডার আতকোয়ায় হোস্টেল ঝিচ্ লৗইতে চেদাঃসে স্কুল জাপাঃ হোস্টেল ক দ স্কুল এডুকেশন ডিপার্টমেন্ট ক চালাও আ। যাঁহা রেনা মেমো নং - ১৩৭৩/BCWP মৗহিৎ - ০১/০৮/২০২২, এন রেঁহ ঝত হোস্টেল বাং ঝিচ্ লেন তে কল্যাণ সমিতি হলা ১ সেপ্টেম্বর মৗহিৎ আরহঁয় ঞাপামেনা জেলা আধিকারিক ক সাঁও। গালচরে BCW অফিসার লৗই কেদায় আদিবাসী আর আশ্রম হোস্টেল দ আয়াঃ জুরিডিকশন রে মেনাঃতে বিডিও ক আর হঁয় অর্ডারাকয়ায় সাঁওতে হোস্টেল ক চৗলুয় গেয়ায় মেনতে।
স্কুল জাপাঃ হোস্টেল ক লৗগিৎ তে সমিতি DI (SE) সাঁও আডি লগনে রপড়া মেনতে জেলা চাঁগা রেন সভাপতি সতন কুমার সরেন গমকেয় লৗই সদর কেদা। বান্দোয়ান ব্লকরেনা EMRS লৗই তে জেলা আধিকারিক কহঁ পেপার ওয়ার্ক ক সৗত আকাদা মেনতে বাডায় ঞাম আকানা। নিয়ৗ ইদি কাতে মন্ত্রী কঠেন দরবার কাতে ফান্ড রিলিজ অচয় রেয়াঃ ক রিকৗয়া সংগঠন রেন কৗমিয়া ক। অনাবেগর ফেক সার্টিফিকেট ক প্রমান সাঁহিচ্ আগুলেখান বৗতিল রেনাঃ প্রবিজন মেনাঃ আ মেনতেঁহঁ বাডায় আকানা।আর অনা কৗমি রে রৗসিয়া ক ছুটৗও গে ক তাঁহেনা মেনতেকো সদরকেদা।
হলা নাঃ রিপ্রেজেন্টেটিভ ডেপুটেশন রে সেটেরকো তাঁহে লেনা- জেলা সভাপতি মানতান সতন কুমার সরেন, জেলা সম্পাদক মানতান গণেশ চন্দ্র মাহালী, বরা বাজার ব্লক কুমুটরেন সম্পাদক সুধীর বাস্কে, রাজ্য শৃঙ্খলা কমিটিরেন সদস্য রামপদ সিং সর্দার, তুষার টুডু সাঁওতে রাজ্য সম্পাদক মন্ডলীরেন সদস্য প্রশান্ত মান্ডি এমান কো।
.webp)
.webp)
