ᱠᱚᱵᱤ ᱜᱩᱨᱩ ᱥᱟᱹᱫᱷᱩ ᱨᱟᱢᱪᱟᱸᱫᱽ
ᱟᱢ ᱫᱚ ᱢᱟᱨᱟᱝ ᱠᱚᱵᱤ,
ᱟᱞᱮ ᱨᱮᱱᱟᱜ ᱢᱚᱱ ᱜᱟᱹᱫᱤᱨᱮ
ᱢᱮᱱᱟᱢ ᱪᱤᱛᱟᱹᱨ ᱜᱟᱹᱫᱤ ᱾
ᱟᱢᱟᱜ ᱟᱹᱭᱩᱨ ᱦᱚᱨᱛᱮ ᱛᱟᱲᱟᱢ
ᱧᱟᱢᱚᱜ ᱥᱳᱥ ᱥᱟᱦᱟᱨ,
ᱥᱟᱶᱛᱟ ᱡᱟᱹᱛᱤ ᱦᱚᱲ ᱠᱚ ᱞᱟᱹᱜᱤᱛ
ᱩᱫᱩᱜ ᱞᱮᱫᱟᱢ ᱰᱟᱦᱟᱨ ᱾
ᱛᱟᱸᱦᱮ ᱠᱚᱜ ᱢᱮ ᱡᱩᱜᱮ ᱡᱩᱜᱮ
ᱥᱟᱶᱛᱮ ᱟᱞᱮ ᱛᱟᱞᱟ,
ᱦᱚᱨᱚᱜ ᱟᱢᱞᱮ ᱜᱩᱛᱩ ᱜᱟᱞᱟᱝ
ᱥᱟᱹᱜᱩᱱ ᱵᱟᱦᱟ ᱢᱟᱞᱟ ᱾
ᱟᱢᱟᱜ ᱚᱱᱚᱬᱦᱮ ᱫᱤᱥᱚᱢ ᱛᱟᱞᱟ
ᱟᱸᱥ ᱫᱚ ᱛᱟᱞᱮ ᱢᱮᱱᱟᱜ,
ᱟᱛᱟᱝ ᱛᱟᱞᱮᱢ ᱱᱮᱦᱚᱨ ᱡᱚᱦᱟᱨ
ᱥᱮᱨᱢᱟ ᱥᱟᱹᱜᱤᱧ ᱠᱷᱚᱱᱟᱜ ᱾
**************$$$****************
ᱥᱮᱛᱟᱜ ᱛᱚᱨᱟ
ᱨᱟᱠᱟᱵᱽ ᱵᱮᱲᱟ
ᱡᱤᱨᱤ ᱦᱤᱨᱤ
ᱟᱵᱳ ᱦᱤᱨᱤ ᱾
ᱤᱯᱤᱞ ᱮᱸᱜᱮᱞ
ᱫᱟᱱᱟᱝ ᱥᱮᱸᱜᱮᱞ
ᱵᱟᱹᱜᱤ ᱠᱟᱛᱮ
ᱛᱤᱨᱤ ᱡᱩᱨᱤ ᱿
ᱚᱶᱟᱝ ᱛᱟᱞᱟ
ᱨᱤᱞᱟ. ᱢᱟᱞᱟ
ᱥᱤᱧ ᱪᱟᱸᱫᱳ
ᱢᱚᱸᱦᱮ ᱵᱟᱦᱟ ᱾
ᱢᱩᱞᱩᱪ ᱢᱟᱪᱷᱟ
ᱞᱟᱸᱫᱟᱭ ᱟ-ᱦᱟ
ᱫᱷᱟ.ᱨᱛᱤ ᱛᱮᱭᱮ
ᱛᱟᱦᱟᱣ ᱞᱟᱦᱟ ᱿
ᱦᱤᱡᱩᱜ ᱠᱟᱱᱮ
ᱨᱟᱱᱮ ᱵᱟᱱᱮ
ᱥᱮᱯᱮᱧ ᱟᱛᱮ
ᱵᱟᱦᱟ ᱰᱟᱞᱟ ᱾
ᱪᱮᱨᱮᱡ ᱪᱚᱲᱟᱝ
ᱟᱛᱟᱝ ᱫᱟᱨᱟᱢ
ᱥᱟᱯᱲᱟᱜ ᱟᱵᱳ
ᱫᱮᱞᱟᱝ ᱵᱷᱟᱞᱟ ᱿
***********$$$**********
ᱚᱛ ᱠᱚᱨᱮ ᱟᱴᱮᱫ
ᱡᱟ.ᱯᱤᱫ ᱡᱤᱣᱤᱭ ᱯᱟᱴᱮᱫ ।
ᱡᱤᱱᱛᱤ ᱯᱤᱯᱤᱲ
ᱴᱩ'ᱰᱟ:ᱧ
ᱡᱤᱣᱤ ᱞᱩᱠᱩᱫ
ᱦᱩᱱᱟ:ᱧ ।।
ᱯᱟᱨᱠᱚᱢ ᱵᱤᱞ ᱠᱟᱛᱮ
ᱡᱟ.ᱯᱤᱫ ᱦᱩᱭᱩᱜ ᱡᱟᱛᱮ ।
ᱵᱤᱧ,ᱠᱤᱫᱤᱧ ᱵᱚᱛᱚᱨ
ᱛᱟ'ᱦᱮ ᱞᱟᱜᱟᱜ
ᱥᱚᱱᱛᱚᱨ ।।
**************$$$****************
.webp)
ᱮ ᱯᱟᱶᱨᱟ ᱯᱳᱸᱰ ᱯᱟᱶᱨᱟ
ᱫᱮᱞᱟ ᱦᱤᱡᱩᱜ ᱢᱮ
ᱪᱟᱣᱞᱮ ᱟᱛᱟᱧ ᱫᱚᱦᱚ ᱟᱠᱟᱫ
ᱦᱟᱛᱟᱣ ᱛᱟᱢ ᱱᱮ ᱾᱾
ᱟᱢᱫᱚ ᱟᱭᱳ ᱵᱟᱵᱟ ᱥᱟᱞᱟᱜ
ᱠᱚᱴᱷᱟ ᱪᱮᱛᱟᱱ ᱨᱮ
ᱤᱧᱦᱚᱸ ᱢᱤᱱᱟ.ᱧ ᱥᱳᱨ ᱟᱢᱟᱜ
ᱜᱟᱛᱮ. ᱜᱟᱛᱮ. ᱜᱮ ᱾᱾
ᱟᱞᱚᱢ ᱩᱰᱟ.ᱜ ᱟᱹᱰᱤ ᱥᱟᱺᱜᱤᱧ
ᱵᱩᱨᱩ ᱯᱟᱨᱚᱢ ᱛᱮ
ᱦᱩᱰᱤᱧ ᱜᱮᱭᱟᱢ ᱮᱠᱞᱟ ᱮᱠᱚᱲ
ᱚᱦᱚᱢ ᱨᱩᱣᱟ.ᱲ ᱠᱮ ᱾᱾
**************$$$****************
ᱵᱩᱡᱩᱨᱚᱜ ᱜᱷᱟᱱᱮ ᱜᱷᱟᱱᱮ
ᱦᱤᱨᱤᱡ ᱯᱟᱹᱥᱤᱨ ᱦᱟᱱᱮ,
ᱦᱩᱰᱤᱧ ᱛᱤ ᱠᱷᱚᱱ ᱯᱩᱪᱩᱡᱚᱜ ᱠᱟᱱ
ᱵᱟᱹᱧ ᱵᱩᱡᱷᱟᱹᱣ ᱢᱟᱱᱮ ᱾
ᱥᱩᱭᱨᱮ ᱥᱩᱛᱟᱹᱢ ᱟᱛᱮ
ᱜᱮᱱᱛᱮ ᱜᱮᱛᱮᱡ ᱠᱟᱛᱮ
ᱨᱤᱠᱟᱹᱭᱤᱫᱟᱹᱧ ᱯᱚᱨᱦᱟᱣ ᱤᱫᱤ
ᱯᱟᱱᱛᱮ ᱯᱟᱱᱛᱮ ᱠᱟᱛᱮ ᱿
ᱵᱟᱺᱰᱤ ᱨᱟᱦᱟ ᱟᱛᱮ
ᱵᱚᱦᱚᱜ ᱫᱳᱞᱮ ᱟᱛᱮ,
ᱫᱟᱱᱟᱝ ᱠᱷᱚᱱᱯᱮ ᱟᱛᱮᱱ ᱠᱟᱱ
ᱨᱟᱹᱥᱠᱟᱹ ᱢᱚᱱᱮ ᱟᱛᱮ ᱾
ᱤᱧᱟᱹᱜ ᱛᱤᱱᱟᱹᱜ ᱡᱟᱞᱟ
ᱜᱟᱞᱟᱝ ᱞᱟᱹᱜᱤᱫ ᱢᱟᱞᱟ
ᱵᱤᱱ ᱵᱮᱡᱟᱨᱛᱮᱧ ᱪᱷᱩᱴᱟᱹᱣ ᱟᱠᱟᱱ
ᱜᱟᱞᱟᱝ ᱵᱟᱦᱟ ᱢᱟᱞᱟ ᱿
**************$$$****************
ᱦᱟᱴ ᱵᱟᱡᱟᱨ ᱞᱟᱹᱰᱩ ᱫᱳᱠᱟᱱ
ᱛᱤᱱᱟᱜ ᱛᱷᱟᱨᱮ
ᱛᱷᱟᱨ ;
ᱡᱚᱵᱮ ᱞᱮᱠᱟᱱ ᱦᱮᱲᱮᱢ ᱟᱱ
ᱱᱤᱱᱦᱤᱪᱽ ᱢᱚᱴᱟ ᱫᱟᱨ ᱾
ᱡᱷᱟᱞᱟᱜ ᱢᱮᱱᱟᱜ ᱦᱮᱲᱮᱢ ᱢᱮᱱᱟᱜ
ᱡᱩᱫᱟᱹ ᱥᱤᱵᱤᱞ ᱢᱮᱱᱟᱜ ;
ᱜᱤᱫᱽᱨᱟᱹ ᱠᱚᱢᱟ ᱥᱮᱛᱟᱜ ᱧᱩᱦᱩᱢ
ᱫᱤᱱᱟᱢ ᱜᱮᱠᱚ ᱥᱮᱱᱟᱜ ᱾
ᱥᱩᱱᱩᱢ ᱨᱮᱱᱟᱜ ᱪᱷᱟᱹᱠᱟᱹᱣ ᱨᱟᱠᱟᱵ
ᱞᱚᱞᱚ ᱞᱚᱞᱚᱜᱮ ᱢᱚᱡᱽ ;
ᱫᱚᱦᱚ ᱨᱮᱭᱟᱲ ᱛᱤᱱ ᱠᱚᱨᱮᱱᱟ
ᱪᱤᱠᱟᱹ ᱡᱚᱡᱚᱢ ᱠᱷᱚᱡ ᱾
ᱰᱩᱸᱵᱩᱜ ᱞᱟᱹᱰᱩ ᱠᱟᱰᱮᱪ ᱞᱟᱹᱰᱩ
ᱡᱚᱵᱮ ᱞᱟᱹᱰᱩ ᱫᱚ ᱟᱨ ;
ᱱᱩᱱᱟᱝ ᱥᱤᱵᱤᱞ ᱡᱚᱢ ᱠᱚᱨᱮᱢᱟ
ᱠᱤᱨᱤᱧ ᱵᱟᱨ ᱵᱟᱨ ᱾
ᱛᱚᱳᱭᱟ ᱫᱟᱦᱮ ᱵᱮᱱᱟᱣ ᱞᱟᱹᱰᱩ
ᱥᱟᱸᱣ ᱢᱚᱭᱫᱟ ᱟᱴᱟ ;
ᱞᱮᱲᱮᱢ ᱞᱮᱲᱮᱢ ᱛᱚᱜᱚᱪ ᱠᱚᱨᱮ
ᱛᱚᱞᱚᱜ-ᱟ ᱢᱚᱪᱟ ᱰᱟᱴᱟ ᱾
**************$$$****************
খায়াবায়া আতে
রাচা খনদ ওডোং মেসে
বীরতে দেলা নতে।
আয়াঃ তাড়াম হরতে
বীরবাহা দয় গৗদুজ আদিঞ
মূলুচ্ লান্দা আতে।
জাঙ্গারেকো গায়গম
ঝিপির ঝিপির দাঃ জৗড়িতে
হিলৗঃ সাকাম মাৎকম।
গাতে লৗগিৎ হহয়
মনে তালা বৗড়িচ্ হুদিশ
একাল বাকো দহয়।
হান্তে নাতেয় দাঁড়ান
নওয়া দিশম হানা দিশম
ঞেলঃ আডি বাতান।
হয়তে হালায় হালায়
গৗদুজ আতেয় মিতৗঞ কানা
দারায় কানা দাঁশায়।
উকু চুকু এনেচ
লবয় লুকুয় লেগেজ লেগেজ
লান্দায় খেনেচ খেনেচ।
ফান্দা আতেয় তাড়াম
খেলোড লৗগিৎ আকো তালা
ইঞকো আতাং দারাম।
**************$$$****************
মেনাঃক সাংগে জৗতি হড়,
আয়মা পৗরসী তেক রড়।
লুট কেদাকো আবো দিশম,
কুটরৗ কেৎক সিঁঅৎ দিশম।
নিরমায়া শাসেৎ আর নাহাচার,
জুলেন হুল সেঙ্গেল দরবার।
ভারত ছাড়ো আন্দোলন-গান্ধীজি,
বেনাও কেদায় ফৗজ-নেতাজী।
ইংরেজ কোওয়া জতো ঘাঁটি,
গচ্ হচয়েন ক ইংরেজ চৗটি।
শাসনিয়ৗ দাড়ে খনে হসরেনা,
গেট মটরায় গুটিয়াও আনা।
আবো দিশম ফুরগৗল এনা,
জিউয়ী মায়াম লিঙ্গি এনা।
জতকো দৗড় পৗদুচ কেৎ,
সংবিধান বন তেয়ার কেৎ।
সংবিধান রেমা অল তলেন,
হৗটিঞ রেক ঞামা ছৗটিয়ারেন।
**************$$$************
আপাৎ সুব্বা কানে,
এঁগাৎ তায়কো বাডায় কেদে
সামিয়া মেনতে হানে।
মেনাঃ মেদিনীপুর তালা,
নাহাঃ জত লৗইকো কাথায়
অনা ঝাড়গ্রাম জেলা।
এইট পাশ কেদায়,
প্রাইমারী স্কুল রেগে উনি
মাচেৎ চৗকরি লেদায়।
নায়কে বারা লেনে,
উনখন গেকো মেতায় ভালা
দিশম নায়কে অনে।
হানে এম.এল. এ. লেনা,
অল অলতে অনলিয়ৗয় এনা
আয়মায় অল আনা।
‘জমসিম বিনতি’ রেদ,
‘বাহা সেরেঞ’ ‘দানগী সীতারাম’
‘সান মাতাল’ আদ।
‘ভোটো উপৗ্ল বাহা’,
‘সাঁত ভূমের ইতিহাস’ গেথো
নাপায় মেতাঃ জাঁহা।
ধরম রেয়াঃ কানা,
সানাম পুঁথি ভৗগি গেতায়
একাল মেনাঃ অনা।
এনেম মেনাঃ পৗ্রি,
তেহেঞ গাপা হড়কো অৗডি
উইহৗ্র ইদি সৗরি।
************$$$************
ঘাড়োয়ায় বেনাও তুকৗ
অণ্ডে গেত সেদায় মা
তাঁহে কান বুকৗ তপা।
বেনাও এন এ্যজবেস্টার চৗলি
ঘাড়োয়া চেঁড়ে ভৗবিৎ আয়
অকায় চালাঃ খৗলি খৗলি।
রৗপুদ দালান অড়াঃ
দায়া মায়া বৗগি কাতে
ঞামায় নাওয়া অড়াঃ।
বৗইসাও কেৎ ক নলকুপ
রৗপুদ দালান চিঁকৗড় কাতে
ভৗগি ভৗগি ক বন্ধেজ জং কান
মিৎ মিৎ তে ঘাড়োয়া চেঁড়ে
যত অড়াঃ বৗগি হুয় আয় কান।
আচ্ দ চেদাঃ বাং?
বায় দাড়েঃ বাঞ্চা।
লৗড়হৗই লৗগিৎ সেচেৎ
ঘাড়োয়া চেঁড়ে এতহব কেদায়
দারে রে অড়াঃ বেনাও চেচেৎ।
**************মুচৗৎ*************
.webp)
.webp)
