মুচৗৎ sms

(রুতি কৗহনি)

মুচৗৎ sms

বিরসা কিস্কু

 

হানে তিস গেল মিৎ চানাচ রে আলিঞা উপরুম , টিউশন চালাঃ হিজু হররে পান্তে কাতে তাড়াম তাড়ামতে তিন করে চ গাতে সৗগৗই গৗহির আকানা বুজগে বৗঞ বুজ দাড়ে আকাদা, সারাবেড়া রে মিৎ আখের দ আলিঞা তাহেঁকানা অনা ভাড়া অড়াঃরেনাঃ ছাদরে | যে হিলো বাজুন বায় হিজু কান তাঁহেন এন হিলো দ মনে জিওয়ী চেদাঃ চং ছাটপাট কান তাঁহেন |

উন অক্ত দ উনৗঃ ফোন ক বাং তাঁহেকান রেঁহ চিঠি সাকাম দ তাঁহেকানা, হারা তরা কচি পহাল উমের রে আডি আয়মা চিঠি সাকাম হেচলেনা , মেনখান বাজুনাঃ দ বাং, এন্তেরেঁহ আশলিনৗঞ মিৎ দিন বাং মিৎ দিন দুলৗড়রেনাঃ কাথা দ চাল অৗঞগেয়ায়, চেদাঃসে যাঁহাতিরে গে হহ আয়ৗঞ উনগে ইঞ সোরে সেটের আকানা |

ঞেল ঞেলতে গেলবার চানাচ পারম কাতেৎ কলেজ রেনাঃ গানাডি হ পারম এনা, ইঞ হঁ কচি পহাল খনিঞ হারা পাকট আকানা , সৗগুন লটা দাঃ হঁ দারায় কানা হাই হ্যালো হঁ এতহব আকানা, বাজুনাঃ মন অন্তর কাথা নিৎহঁ বাং  সদর আকানা,  চেৎ ইঞ চিকৗয়া মেৎ রে জৗপিদ গে বাং হিজু কানা ঘানে ঘানে মোবাইল গিঞ ঞেল এদা পালেন sms এ ভেজা আকাদ |

সৗগুন সৗরিয়েনা SMS বলয়েনা

"গাতে সারো,

আমা লিসয় লসয় কাসো কলসা অটাং আকান শাড়ী আঞ্চার গে বাডায় অচলিদিঞ ইঞরে আমাঃ দুলৗড় রেনা কাথা এন্তেরেঁহ চিকৗঞ সদর আমরে ইঞৗঃ মনের কাথা, আমা গড়সপহদ্ , উদগৗও, বেগর ইঞৗ নওয়া জিয়ন রেনাঃ মৗন মৗচি অহঞ হামেট কেয়া, নওয়া মৗন মৗচিরে দুড়ুপ কাতেৎ আমরেন আয়ো বাবা আ; ইঞরে পৗতয়ৗও চিকৗঞ আঁধায়,তিহিঞ সৗগুন আকান দিনরে আমরেন আয়োবাবা আঃ মৗন সন্মান চিকৗঞ কলসা লটম হাসা ধুড়িরে, অনাতিঞ মেতাম কানা গাতে লেনা নাং, ইঞ দ গাতে গে দহ কৗঞ মে |"

"আমাঃ সৗগুন বাপ্লা সার ক সৗগুন কঃ মা বাড়ে"।