বার সেরমারে ‘আবোওয়াঃ
কাথা’
শিবু সরেন
ঞেল ঞেলতে ‘আবোওয়াঃ কাথা’ বার সেরমায় তাড়াম
পারম কেদা। নিয়ৗ বার সেরমারে নওয়া ই-ম্যাগাজিন তালাতে
দিশম রেনাঃ শায় শায় খবর, রান মু্রগৗন চেতান অনল, তুলৗজখা, রুতি কৗহনি, হুডিঞ
ডিঞ কৗহনী আর নানা পারকান আদিবাসী কোওয়াঃ কাথা
উছৗন সদর আকানা। আর সানাম খন মারাং কাথা নওয়া
ই -ম্যাগাজিন তালাতে নিয়ৗ বার সেরমারে কয়েক হাজার গিদরৗ বৗউলী উছৗন সদর আকানা, যাঁহা কোদ হাপ্তা পিছৗ 'সিঁগিমাহারে' ‘চেরেচ আড়াং’ তালাতে উছৗন সদর আকানা দিশম হড় তালারে। উছৗন সদর আকানা শায় শায় বাবূ বিটি তাকোওয়াঃ
নাপায় নাপায় চিতৗর। নওয়া ‘চেরেচ আড়াং’ মিৎদিন হিলঃ গিদরৗ সাঁওহেৎ বাগাওয়ানরে মিৎ আন্দুড়ে তেয়ারা,
মিৎ নাগামে তেয়ার রাকাবা।
আর নওয়ারে সানাম
খন লাহারে সারহাও এম লৗগকানা মানতান সাসাপড়াওইচ, বাবু জাগর মুর্মু
সাঁও সাঁওতে আচরেন টেকনিক্যাল গড় গপড়োকো।
আর যাঁহায় কোওয়াঃ কাথা বাং লৗই লেখান বাং গানোঃ আ, উনকো দ কো হুয়ুঃকানা
মিৎ গাদেল অনলিয়ৗ, যাঁহায় কোওয়াঃ ঝারনা কলমতে গাঃ গাবান
আকানা নাপায় নাপায় গিদরৗ বৗউলী, যাঁহা দ হাপেন দিনরে মিরু আড়াং লেকা
সাঁওহেৎ বাগানরে কেঁড়েচ দঁড়েচ তারকো তৗকিচঃআ।
সারিধরম হাঁসদা, দুগাই টুডু, সুরেন্দ্রনাথ
মাণ্ডি আর পি সি কিস্কু লেকান পুরুধুল অনলিয়ৗ কো সাঁও সাঁওতে কিস্কিন্ধ্যা মুর্মু, গোপেশ্বর মাণ্ডি, গাতে টুওয়ৗর, সুচিত্রা হাঁসদা, সুচাঁদ হাঁসদা,
সুবুদিয়ৗ মুর্মু, সত্যেশ্বর মুর্মু, সনাতন টুডু,
রামলাল টুডু, দূর্গাচরণ মুর্মু, সুনীল বরণ মুর্মু, বিভূতিভূষন সরেন, বাবলু
সরেন, রামলাল টুডু, এম. নেপোলিয়ন টুডু, কানন হাঁসদা, শ্রীকান্ত সরেন, বাড়তাং সরেন,হারাধন
সরেন, সীতেন মান্ডি, বীরসা কিস্কু আর নিকোলাস মারাণ্ডি সাঁওতে আর হঁ আয়মা নাওয়া নাওয়া
গৗখুড়িয়ৗ অনলিয়ৗকো লাহা হেচ আকানা নাওয়া নাওয়া সিরজন সাঁদেশ
আতে, যাঁহা তালাতে ‘চেরেচ আড়াং’ বাঁদি দ চুরুবুরু
পেরেচ আকান। নওয়া দ আডি মারাং রৗস্কৗ আর গরব রেনাঃ কাথা।
‘আবোওয়াঃ কাথা’ নংকাগে হাপেন দিনরে নাওয়া নাওয়া সিরজন সাঁদেশ আতেয় লাহা চালাঃ মা, আর সাঁওহেৎ বাগানরে আডি দামান এনেমে দহয়মা, নওয়াগে আশ তাঁহেন কানা।
.webp)
.webp)
