কিস্কিন্ধ্যা মুরমু,বান্দোয়ান : - হুয় পারমেনা ১৬ই বৗইসৗক হিলোঃ পুরুলিয়া জেলা রেনাঃ বান্দোয়ান জাপাঃ খেরওয়ালডিরে রৗসকৗ সালাঃ মানাওয়েনা কবিগুরু সাধু রামচাঁদ মুরমু আঃ ১২৬ আনাঃ জানাম মাহা ।
আখড়া দয় সার সৗগুন লেদা সানতালি লিটারেরি ফোরাম পুরুলিয়া । মারাং পেড়া লেকাতে সেটেরে তাঁহে কানা গৗখুড়ান অনলিয়ৗ অনড়হিয়ৗ মানতান গোমস্তা প্রসাদ সরেন ,"তেতরে " পাথাম সাপাড়াওয়িচ মানতান মহাদেব হাঁসদা সাঁওতে আয়মা সাঁওহেৎ দুলৗড়িয়ৗ অনলিয়ৗ অনড়হিয়ৗকো । সেলেৎ লেন অনলিয়ৗ অনড়হিয়ৗ মুদরে মানতান সতন কুমার সরেন,বঙ্কিম চন্দ্র হেম্ব্রম সমাজ কৗমিয়ৗ মানতান অনিল কুমার মান্ডি ,সাধুরাম সরেন ,পরেশ হেম্ব্রম আর সেরেঞ বাডোহি মানতান বাবুলাল সরেন। আর আখড়া চালাওরে তাঁহে কানায় মানতান মহাদেব হাঁসদা।
আখড়ারে কবিগুরুয়াঃ চিতৗররে বাহামালা আরাও কাতে কবিগুরু মৗন মানত গড জহার কো চাল আদেয়া গৗখুড়ান অনলিয়াকো । কবিগুরুয়াঃ সেরেঞ অনড়হে অঁড়হে কাতে দিসৗ উইহৗর কেদেয়া কো জানাম মাহারে । অনড়হিয়ৗ আঃ জিয়ন আর সাঁওহেৎ চেতানরে আয়মা লেকান এনেম লৗইতে গাপালমারাও হুয়েনা ।
সাঁওতা তরাও লৗগিৎ কবিগুরু অল সেরেঞ তালাতে সাঁওতা সুধৗর রেনাঃ এ রিকৗ লেদা অনাহঁ আখড়ারে
ফোটেল রাকাব এনা।
মানতান মহাদেব হাঁসদা আঃ কাথারে " উনিয়াঃ পুঁথি ক পছিম বাংলা সরকার ‘রামচাঁদ অনল মালা’ মেনতে পৗহিল হৗটিঞ ছাপা সদর লেদা আরহঁ সারেচ অল ক তাঁহে কানগেয়া অনাক আতে দশার হৗটিঞ উছৗন লৗকতি মেনাঃআ মেনতেয়
মনেয়া। কবিগুরু দ সমাজ রেনাঃ বৗড়িজাঃ বিরুধ রেহঁ কলমে সাপ লেদা, মিদঃ রেনাঃ কাথায় মেনলেদা "।
ফোরাম রেন সেক্রেটারি মানতান অরুন কুমার সরেন গোমকেয়াঃ লৗইরে "হিজুঃ কান দিনরে নংকাগে আরহঁ আখড়া দহয় হুয়ুঃ আ,আব দ আবরেন বাব মানাও লেকখান অকয়ে মানাও কোওয়া ? জৗত সমাজ সাঁওহেৎ লৗগিৎ কৗমি আকাৎ বনা । নওয়া জানাম মাহারে গড জহার চালায় কানা অনাদ আডি রৗসকৗ রেনাঃ কাথা”।
সেটের লেন সানাম কোগে মৗন মানত্ গুন মানাও সারহাও চালকাতে সভাগমকে
আখড়া কৗমিহরায় মুচৗৎ কেদা"।
.webp)
.webp)
