জেগেৎ সাঁওয়ার মাহা দিসৗ কাতে

  

জেগেৎ সাঁওয়ার মাহা দিসৗ কাতে

ডাঃ সুরেন্দ্রনাথ মান্ডি

 

মৗনমি নাতা গে নাপায় তাঁহে অচোবন লৗগিৎতে World Health Organisation দ যাও সেরমা করেগে আয়মা লেকান আনাট ক ইদিকাতেয় মেৎ-লুতুর অচোবনা, অনকানাঃ গে মিৎ আনাট দ কানা সাঁওয়ার আনাট। যাও সেরমা রেয়াঃ ৭ এপ্রিল মাহা দ ‘জেগেৎ সাঁওয়ার মাহা’ লেকাতে মানাওয়ঃ কানা। নোওয়া ‘জেগেৎ সাঁওয়ার মাহা’ রেনাঃ থিম দ কানা – আবোওয়াঃ ধৗরতিপুরি, আবোওয়াঃ সাঁওয়ার ।

 

নে হালে আবোওয়াঃ তানাহেন ঠাঁও ধৗরতিপুরি দ জৗসতি খন জৗসতি দূষনঃ কানা, বৗড়তিঃ কানা ক্যানসার, হেলেসা, মায়াম কুঁডি রেনাঃ আজার এমান। নোওয়া করেনাঃ অজে কসেৎ মেৎ-লুতুরাঃ আর অজে ক খন সাঁগিঞরে তাঁহেন জস্‌ তে নেসাঃ জেগেৎ সাঁওয়ার মাহা দ মানাওয়ঃ কানা। 

 

জেগেৎ সাঁওয়ার গাঁওতা, মেনমা World Health Organisation তুনখি কাতেয় ঞেলাকাদা জে  জাও সেরমা গে ধৗরতিপুরিরে এঁডেল গানঃ আন হয়-হিঁসিৎ অজে কতেগে১৩ মিলিয়ন খন বৗড়তি মৗনমি ক দায়নাসঃ কানা, এনতে শায়কাড়া ৯০ হিঁস্‌ মৗনমিগে বে-সাঁওয়ার হয় আপনারাঃ হড়ম’ রেকো সুঁগরৗও খৗড় জং কানা আর নোওয়া করেনাঃ মুড়ুৎ অজে কদ কানা অৗডি বৗড়তি পেট্রোল, ডিজেল, দারেনৗড়ি করেনাঃ বেওহার। ঞেল অৗইকৗউ এৎ গেয়া বোন দিন কে দিন ধৗরতিপুরি লল খন লল ইদিঃ কানা, খৗতির র-সিঁকড়িচ্‌  হঁকো বৗড়ঃ কানা আর ওনকো হতেচ্‌তে আয়মা লেকান আজার হোয়োঃ কানা।

 

সাগাল সাগাল মৗনমি বৗড় আর সাফা ঞুয় দাঃ আকাল তে মৗনমি সাঁওয়ার চেতান আনাট সিরজৗঃ কানা। প্লাস্টিক করেনাঃ অৗডি বৗড়তি বেওহারতে, বে-সাঁওয়ার জমাঃ ঞুওয়াঃ  জম ঞুতে ক্যানসার, মায়ামকুঁডি-আঁগাসপঁগাস রেনাঃ আজার নে হালে দ অৗডিগে বৗড়তিঃ কানা। দে  অক্‌ত তাঁহেতে সানাম কবোন সতরঃ মা।