কিস্কিন্ধ্যা মুরমু,বান্দোয়ান:- পারমেন ৫এপ্রিল ২০২২ হিলোঃ তারাসিঞ পে টাড়াং অকতে পুরুলিয়া রেনাঃ বান্দোয়ান জাপাঃ খেরওয়ালডিরে বাহা পরব লৗইতে মিৎ গালমারাও আখড়া সাহিজুহি লেদায় সানতালি লিটারেরি ফোরাম পুরুলিয়া ।
গালমারাও আখড়ারে সেলেৎ লেনা ক মৗনৗন পেড়া গৗখুড়ান অনলিয়ৗ অনড়হিয়ৗ মানতান গোমস্তা প্রসাদ সরেন ,মারাং পেড়া লেকাতে "সিলি"পাথাম সা-সাপড়াওয়িচ মানতান কলেন্দ্রনাথ মান্ডি , "তেতরে "পাথাম সা-সাপড়াওয়িচ মানতান মহাদেব হাঁসদা ,সমাজ কৗমিয়ৗ মানতান রামদাস মান্ডি,অনড়হিয়ৗ সিতেন মান্ডি,অনড়হিয়ৗ মানতান সুধীর কুমার মুরমু ,অনড়হিয়ৗ মানতান সতন কুমার সরেন ,অনড়হিয়ৗ মানতান বঙ্কিম চন্দ্র হেম্ব্রম ,সেরেঞ পৗরুখিয়ৗ মানতান বাবুলাল সরেন ,মানতান আদিত্য হেম্ব্রম ,মানতান অনিল মান্ডি ,মানতান বিশ্বনাথ মুরমু ,মানতান দেবাশীষ মুরমু সাঁওতে খেরওয়ালডি আতো রেন সুবুদিয়ৗ ঞেঞেলিয়ৗ ।
লাকচার লেকাত বাহা পরব দ সানতাড় হপন কঠেন আডিগান এনেম মেনাঃ আকাদা । আখড়ারে গালমারাও তেয়াঃ দ তাঁহে কানা মিৎ,বাহা পরব দ চেদ আর চেদাঃ?দশার,বাহা সেরেঞরে অনড়হে রেয়াঃ মুঠৗন । সানাম অনলিয়ৗ অনড়হিয়ৗ গাপালমারাওরে সেলেৎ কাতে অনড়হে পাড়হাও আর সেরেঞ তালাতে মজগে চালাওকেদা আখড়া রেনাঃ কামিহরা বৗইসি গংকে মানতান মহাদেব হাঁসদা। সহর সেটের লেন সানাম অনলিয়ৗ অনড়হিয়ৗ ঞেঞেলিয়ৗ আঁজমিয়ৗ মৗন মানত সালাঃ গুনমানাও সালাঃ সারহাও আর জহার চালকাতে ফোরাম রেন সেক্রেটারি মানতান অরুন কুমার সরেন আখড়া দয় মুচৗৎ কেদা ।
.webp)
.webp)
