সিঁগি মাহা রেনাঃ সাকাম ‘চেরেচ্ আড়াং’ লেখা- ৮১

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢᱩ, ᱨᱟᱢᱞᱟᱞ ᱴᱩᱰᱩ,   ᱜᱳᱯᱮᱥᱣᱚᱨ ᱢᱟ.ᱱᱰᱤ,  বাড়তাঙ সরেন, সুচাঁদ হাঁসদা, সিতেন মান্ডি, দুগাই টুডু,  বিরসা কিস্কু।

  

রিলৗমালা মুরুমু, ক্লাস- V
জেলা - পুরুলিয়া

১।।

ᱜᱤᱫᱨᱟᱹ ᱟᱜ ᱠᱩᱠᱞᱤ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱪᱮᱫᱟᱜ  ᱮᱭᱳ ᱡᱚᱦᱟ ᱨᱮᱜᱮ

ᱪᱟᱯᱳ ᱵᱷᱟᱵᱱᱟᱜ ᱠᱟᱱᱟᱢ

ᱪᱮᱫ ᱫᱚ ᱳᱠᱳᱪᱳᱠᱳ ?

ᱯᱟᱪᱮ ᱮᱭᱳᱢ ᱱᱟᱪᱟᱨ ᱜᱮᱭᱟᱱ ᱦᱚᱛᱮ

ᱫᱩᱠ ᱫᱚᱢ ᱞᱟᱜᱟᱭ ᱚᱱᱮ ᱪᱤᱠᱟᱹ ᱠᱟᱛᱮ!

 

ᱦᱮᱡ ᱮᱱ ᱚᱱᱮ 'ᱚᱛᱮ' 'ᱵᱟᱞᱮ' 'ᱥᱟᱹᱜᱩᱱ'

'ᱥᱟᱹᱨᱫᱤ' 'ᱡᱟᱹᱨᱩᱢ' 'ᱧᱩᱦᱩᱢ' 

                          ᱞᱚᱜᱚᱱ    ᱞᱚᱜᱚᱱ ᱾

ᱞᱟᱹᱭ ᱢᱮᱭᱳ ᱛᱮᱦᱮᱧ ᱟᱢᱜᱮ

                 ᱠᱩᱞᱤ ᱢᱤᱭᱟᱹᱧ ᱡᱟᱦᱟ,

ᱟᱢ ᱞᱮᱠᱟᱜᱮ ᱱᱟᱪᱟᱨᱟ ᱥᱮ

                    ᱩᱱᱤ ᱥᱤᱸᱜᱮ ᱢᱟᱦᱟ ?

 

ᱦᱚᱲ ᱠᱚ ᱪᱟᱞᱟᱜ  ᱥᱚᱲᱚᱠ ᱯᱮᱨᱮᱡ ᱴᱟᱯᱟᱣ,

ᱚᱠᱚᱭ ᱠᱚᱫᱚ ᱟᱹᱯᱤᱥ ᱠᱟᱹᱢᱤ ᱡᱚᱴᱟᱣ᱾

ᱜᱩᱯᱤ ᱜᱤᱫᱨᱟᱹ ᱛᱨᱤᱭᱳᱭ ᱚᱨᱚᱝ ᱢᱟᱴᱷᱨᱮ

ᱰᱟᱹᱝᱨᱤ ᱠᱚᱠᱚ ᱚᱹᱛᱤᱝ ᱛᱟᱭ ᱪᱟᱴᱨᱮ᱾

ᱥᱚᱦᱚᱨᱻ  ᱵᱟᱡᱟᱨᱼ ᱱᱟᱜᱟᱨᱼ 

                                  ᱯᱮᱨᱮᱡ ᱦᱚᱲᱛᱮ,

 

ᱟᱹᱣᱞᱟᱹᱣ ᱟᱠᱟᱱ 

                         ᱮᱱᱮᱡ ᱥᱮᱨᱮᱧ ᱨᱚᱲᱛᱮ᱾

ᱞᱟᱹᱭ ᱢᱮᱭᱳ ᱟᱢ ᱴᱷᱮᱱᱜᱮ

                        ᱠᱩᱠᱞᱤ ᱢᱚᱱᱮᱭ ᱪᱟᱸᱰᱟ,

ᱟᱢ ᱞᱮᱠᱟᱜᱮ ᱱᱟᱪᱟᱨᱟ ᱥᱮ

                           ᱩᱱᱤ ᱴᱟᱺᱰᱤ 

 

========= ᱛ =========

২।।   

ᱨᱟᱦᱟ

ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱢᱩᱸ ᱡᱚᱲᱛᱮ
ᱨᱚᱴᱮ ᱠᱚ ᱥᱮᱨᱮᱧ ᱾

ᱥᱩᱸᱲᱛᱮ ᱦᱟᱺᱛᱤᱭ
ᱚᱨᱚᱝ ᱛᱩᱭᱩ ᱫᱮᱨᱮᱧ ᱾

ᱯᱷᱩᱲᱩᱜ  ᱪᱩᱸᱠᱲᱩᱪ
ᱯᱟᱛᱲᱟ  ᱥᱟᱨᱛᱟᱞ ᱾

ᱛᱩᱢᱫᱟᱹ ᱴᱟᱢᱟᱠ
ᱡᱷᱟᱸᱭ  ᱠᱚᱨᱛᱟᱞ ᱾

ᱢᱩᱪ ᱮ  ᱨᱮᱛᱟᱭ
ᱡᱷᱩᱱᱩᱨ  ᱵᱟᱱᱟᱢ  ᱾

ᱱᱚᱣᱟ   ᱜᱮᱨᱮ
ᱨᱟᱦᱟ    ᱡᱟᱱᱟᱢ  ᱾

========= ᱛ =========

৩।।

ᱦᱟ.ᱱᱤ  ᱠᱟᱠᱲᱟ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱡᱷᱟᱱᱴᱤᱨᱮ ᱞᱟᱸᱵᱽᱮᱫ  ᱩᱱᱤ
ᱛᱷᱤᱨᱜᱮ ᱢᱮᱱᱟᱭ ᱦᱟᱱᱤ ,
ᱡᱟᱯᱟᱜ ᱟᱠᱟᱱ ᱧᱮᱞᱛᱮ
ᱵᱷᱤᱲᱠᱟᱣ ᱠᱟᱭ ᱵᱚᱛᱚᱨᱛᱮ ᱾

            ᱦᱚᱯᱚᱱ ᱵᱟᱵᱩ ᱧᱮᱞ ᱟᱠᱟᱫᱮ
             ᱫᱷᱤᱨᱤᱛᱮ ᱟᱫᱚᱭ ᱪᱟᱯᱟᱫᱮ,
          ᱜᱚᱲᱚᱢ ᱵᱩᱰᱤᱭ ᱢᱟᱱᱟ ᱜᱚᱫᱮ
        ᱮᱭᱟ ᱜᱚᱲᱚᱢ ! ᱟᱞᱚᱢ ᱪᱟᱯᱟᱫᱮ ᱾

ᱪᱮᱫᱟᱜ ᱵᱟᱝ ᱤᱧ ᱪᱟᱯᱟᱫᱮᱭᱟ
ᱤᱧ ᱧᱮᱞᱛᱮ ᱵᱚᱦᱚᱜ ᱰᱚᱵᱚᱜ ᱮᱫᱟ,
ᱪᱮᱫᱟᱜ ᱤᱧ ᱦᱤᱞᱟᱣ ᱟᱹᱧᱟ
ᱦᱚᱨ ᱫᱷᱟᱨᱮ ᱠᱷᱚᱱ ᱩᱫᱩᱜ ᱤᱧᱟ ?

 

========= ᱛ =========

৪।।

ᱞᱮᱜᱟ ᱭᱟ ᱧ

ᱨᱟᱢᱞᱟᱞ ᱴᱩᱰᱩ

 

          ᱠᱚᱠᱚᱭ  ᱠᱟᱱᱟᱢ

          ᱠᱚᱰᱵᱮ  ᱵᱟᱱᱟᱢ

                   ᱨᱮᱛᱟ  ᱞᱮᱜᱟᱭᱟᱹᱧ ᱾

          ᱦᱟᱰᱟᱝ  ᱦᱩᱰᱩᱝ

           ᱫᱮᱱᱥᱮ  ᱰᱩᱰᱩᱝ

                    ᱨᱩᱨᱩ  ᱞᱮᱜᱟᱭᱟᱹᱧ ᱾᱾

 

          ᱡᱷᱟᱱᱟᱨ  ᱡᱷᱩᱱᱩᱨ

           ᱫᱮᱱᱥᱮ    ᱞᱤᱯᱩᱨ

                    ᱦᱚᱨᱚᱜ  ᱞᱮᱜᱟᱭᱟᱹᱧ ᱾

           ᱦᱮᱛᱟᱝ  ᱫᱟᱛᱟᱝ

           ᱛᱩᱢᱫᱟᱹᱜ  ᱯᱷᱮᱛᱟᱝ

                     ᱪᱮᱴᱟᱜ  ᱞᱮᱜᱟᱭᱟᱹᱧ ᱿

 

           ᱫᱮᱱᱥᱮ  ᱪᱷᱟᱭᱚᱢ

            ᱮᱛᱚᱢ   ᱛᱟᱭᱚᱢ

                     ᱪᱷᱟᱭᱚᱢ  ᱞᱮᱜᱟᱭᱟᱹᱧ ᱾

            ᱪᱷᱟᱢᱟᱨ  ᱡᱷᱚᱢᱚᱨ

             ᱫᱮᱱᱥᱮ  ᱡᱷᱚᱢᱚᱨ

                      ᱨᱩᱠᱩ  ᱞᱮᱜᱟᱭᱟᱹᱧ ᱿

 

           ᱫᱮᱱᱥᱮ  ᱴᱷᱮᱭᱚᱝ

            ᱴᱷᱚᱝ   ᱴᱷᱚᱴᱚᱝ

                      ᱴᱷᱮᱭᱚᱝ  ᱞᱮᱜᱟᱭᱟᱹᱧ ᱾

             ᱢᱮᱱᱟᱜ  ᱡᱟᱯᱟᱜ

              ᱪᱮᱫ ᱠᱚ  ᱥᱟᱯᱟᱯ

                      ᱨᱩᱨᱩ  ᱞᱮᱜᱟᱭᱟᱹᱧ ᱿

 

========= ᱛ =========

৫।।

ᱥᱤᱛᱩᱝ ᱨᱤᱛᱩ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱵᱟ.ᱭᱥᱟ.ᱠᱷ ᱡᱷᱮᱴ ᱥᱤᱛᱩᱝ ᱨᱤᱛᱩ

ᱫᱷᱟ.ᱨᱛᱤ ᱯᱩᱨᱤᱭ ᱞᱚᱞᱚᱭ,

ᱵᱟ.ᱫ,ᱵᱟ.ᱭᱦᱟᱲ ᱠᱷᱮᱛ ᱦᱟᱥᱟ

ᱯᱟᱲᱟᱜ ᱠᱟᱛᱮ ᱫᱚᱦᱚᱭ ।

 

ᱜᱟᱰᱟ ᱢᱩ'ᱰᱩ ᱦᱟ'ᱡᱤᱫ ᱪᱟᱞᱟᱜ

ᱫᱟᱜ ᱵᱟᱝ ᱛᱟ'ᱦᱮᱱ,

ᱡᱤᱵ ᱡᱤᱣᱟ.ᱞᱤ ᱛᱮᱛᱟᱝ ᱢᱮᱴᱟᱣ

ᱵᱟᱝ ᱧᱟᱢᱚᱜ ᱛᱟ'ᱦᱮᱫ ।

 

ᱛᱤᱠᱤᱱ ᱚᱠᱛᱚ ᱟ.ᱰᱤ ᱥᱤᱛᱩᱝ

ᱵᱟᱝ ᱥᱟᱦᱟᱜ ᱞᱮᱠᱟ,

ᱮᱠᱷᱮᱱ ᱡᱟ'ᱜᱟ ᱛᱟᱲᱟᱢ ᱪᱟᱞᱟᱜ

ᱡᱟ'ᱜᱟ ᱞᱚᱜ ᱞᱮᱠᱟ ।

 

ᱦᱚᱲᱢᱚ ᱠᱷᱚᱱ ᱩᱫᱜᱟ.ᱨ ᱡᱚᱨᱚᱜ

ᱠᱟ.ᱞ ᱵᱟ.ᱞ ᱵᱩᱡᱷᱟ.ᱜ,

ᱦᱚᱭ ᱦᱤᱥᱤᱫ ᱵᱟᱝ ᱧᱟᱢᱚᱜ

ᱯᱟᱝᱠᱷᱟ ᱥᱩᱨ ᱨᱤᱡᱷᱟ.ᱜ ।

 

ᱠᱟᱫᱟᱢ,ᱛᱤᱨᱤᱞ,ᱩᱞ,ᱠᱩᱛ

ᱵᱮᱞᱮᱜ ᱡᱷᱟᱢᱠᱟ ᱡᱷᱟ.ᱠᱩᱨ,

ᱜᱤᱫᱟ.ᱨ ᱯᱤᱫᱟ.ᱨ ᱛᱤᱭᱳᱜ ᱞᱟ.ᱜᱤᱫ

ᱠᱚᱭᱚᱜ ᱵᱷᱟᱠᱟᱨ ᱵᱷᱩᱠᱩᱨ ।

 

ᱦᱚᱭ ᱵᱟᱨᱰᱚ,ᱫᱟᱜ,ᱡᱟ.ᱲᱤ

ᱦᱤᱡᱩᱜ ᱜᱩᱨᱞᱟ.ᱣ ᱟᱛᱮ,

ᱫᱟᱨᱮ ᱱᱟ.ᱲᱤ ᱩᱞᱟ.ᱴ ᱠᱟᱪᱷᱟᱲ

ᱢᱚᱪᱲᱟᱣ ᱨᱟ.ᱯᱩᱫ ᱠᱟᱛᱮ ।

 

ᱫᱷᱟ.ᱨᱛᱤ ᱨᱮᱱᱟᱜ ᱥᱟᱡᱟᱣ ᱨᱩᱯ

ᱡᱷᱤ'ᱜᱟ.ᱞ ᱥᱟ'ᱜᱟᱞ ᱪᱟᱵᱟᱭ,

ᱩᱱᱟ.ᱜ ᱫᱤᱱᱟᱜ ᱵᱮᱱᱟᱣ ᱡᱩᱛ

ᱱᱟᱥᱮ ᱛᱮᱜᱮᱭ ᱞᱟ'ᱵᱟᱭ ।

 

ᱫᱟᱨᱮ ᱨᱮᱱᱟᱜ ᱵᱟᱦᱟ,ᱡᱚ

ᱟᱨᱮᱞ ᱛᱮᱭᱮ ᱴᱩᱴᱤᱭ,

ᱦᱟᱯᱮᱱ ᱫᱤᱱᱟᱜ ᱡᱚ ᱵᱮᱞᱮ

ᱱᱤᱛᱳᱜ ᱨᱮᱜᱮᱭ ᱠᱷᱚᱛᱤᱭ ।

 

ᱥᱤᱛᱩᱝ ᱨᱤᱛᱩ ᱪᱟᱵᱟ ᱠᱟᱛᱮ

ᱦᱤᱡᱩᱜ ᱡᱟ.ᱯᱩᱫ ᱫᱤᱱ,

ᱞᱚᱞᱚ ᱫᱷᱟ.ᱨᱛᱤ ᱨᱟᱲᱮᱡ ᱞᱟ.ᱜᱤᱫ

ᱡᱷᱚᱢᱚᱨ ᱡᱟ.ᱲᱤ ᱫᱤᱱ ।

 

========= ᱛ =========

৬।।

রু-রাহা

বাড়তাঙ সরেন

 

তিং দাং দাং, ধৗতিং তাং

               তুমদাঃ সাডেকান

গুবুড গুবুড গুবুড হালে

                টামাক সাডেকান।

 

ঞঁহড় ঞঁহড় ঞঁহড় আতে

                তিরয়ো রাঁওয়াঃ কান

তুড়গু রুগুড় রুগুড় সৗরি

                    মুরলী সাডেকান।

 

 রেতা আতে কেঁ-কোঁ কেঁ-কোঁ

                          বানাম সাডেয়া

ঝুনুর ঝুনুর ঝুনকৗ বাবু,

                        সাডে গদঃ আ।

 

লিপুর পাইগোন সাডে ঝাম ঝাম 

                           জাঙ্গা হিলৗ সাঁও

মাদাড়িকো খেন্চেরঃ আ

                         রৗস্কৗ রমজ সাঁও।

 

পেঁ-ড়েঁ পেঁ-পেঁ পেঁপড়েঁৎ 

                         হায়রে দায়াগে

কাঁসা করতাল ছাং ছাং

                    মনেয় রাওয়ালগে।

 

হারমনি দ পেঁ পঁ সাডে

                 মনেয় হিলৗও আ

রৗস্কৗ রাহা সেরেঞ তেদ

                জিউয়ীয় লাড়েজা।

 

তুরু তু--তু আতো তালা

                    সিঙ্গৗ দ সাডেকান

আজম তরা দিশম হড় দ

                 সানামকো এভেন কান।

 

========= ᱛ =========

৭।।

মেৎ

সুচাঁদ হাঁসদা

 

এ  মৗই ,

এ  দৗই ,

দেলা লৗই ,

সৗঁই সৗঁই ,

হানে  চাঃ ,

নঅয় হেচ ,

তেলা দ চেৎ ?

 

সন  সন ,

ভন  ভন ,

মৗই দৗই ,

মচা  খন ,

তেলা হঁচং ,

আডি লগন ,

হানে  চাঃ ,

নঅয় হেচ ,

তেলা দ মেৎ ৷

 

====== ᱛ ======

৮।।

চেরেজ্ হারা

সীতেন মাণ্ডি

 

চেরেজ্ তেগে মনে পেরেচ্

    জম ঞু তেদ বাং

এম কাতেদ বাং চাবাঃ আ

     গিদরৗ লেকা গে হারাঃ।

 

বাহা বাগান রে তিনৗঃ বাহা

 ফুটেল কঃআ ডৗররে

হুডিঞ মারাং আরাঃ পুঁড

ঞেল জং আডি মজ গে।

 

বাহা বাগান যতন জগাও

   তিনৗঃ দুলৗড় তে

ঞেলঃ চেহরা জিউয়ি রাড়েচ্

        বাং রড়তে।

 

বাহা খন গে জ বিলি

অনা খন গে ইতৗ

বাহাম যতন জগাও রেসে

   বাঞ্চাঃ তামা বসমতা।

 

কচি বালে গিদৗর উমের

 সাঁওতারে বাহা লেকা

হড়ে বেনাঃ সাঁওতায় সভায়

চেরেচ্ হারায়েম সে ভালা।।

 

========= ᱛ =========

 ৯।।

পদ্মশ্রী দিগম্বর হাঁসদা

দুগাই টুডু

 

লৗইয়ৗকো কাথায় জত কোগে

      অনলিয়া হানে,

অকয় কানায় বাডায় আপে

দিগম্বর হাঁসদা কানে ।

 

আপাৎ ঞুতুম সোমাই হাঁসদা

       এঁগাৎ সুরুবালি,

 সানাম গেকো বাডায় গেয়া

      নেতার নিয়া হৗ্লি।

 

জানাম ডোভাপানি বিহার

       পুরুব সিংভূম জেলা,

নাহাঃ ঝাড়খন্ড পনৎ রেগে

        পারাও আকান ভালা।

 

রাঁচি জেগেৎ বিদ্যাগাড় খনাঃ

    এম.এ. পাস কেদায়

জামশেদপুর এল.বি.শাস্ত্রী কলেজরে

প্রফেশর বাড়া লেদায়।

 

তায়ম তেদ প্রিন্সিপাল কাতে

    জিরৗও এনায় অনে।

সান্তাড়ি সাঁওহেৎ রেদ আদ

     লাওয়ের লেনগে মনে।

 

‘আহলা’ ‘আরণ্যক’ ‘জাহের গাড়’রে

     সাপড়েৎ এ তাঁহেলেনা,

হিন্দী সান্তাড়ি পৗরসি করে

     পৗরুখিয়ৗয় তাঁহে কানা।

 

সাঁওহেৎ সাঁওতা উৎনৗও ভৗলৗই

     আয়মা কৗমি লেদে,

অনা তেড়ং ভারত সরকার

    ‘পদ্মশ্রী’তে মানৎ কেদে।

 

‘গদ্য পদ্য সংগ্রহ’ পতব

      দামান কো মেতাঃ কানা,

‘সানতালি হড় কৗহনি গাথাও’

       অনাহঁ  ভাগে আনা।

 

ছাপা উছৗন পুথি কোতায়

    সিলেবাস রেদ হেনাঃ,

বৗনুয় রেহঁ এনেম তায়গে

    হড়ঠেন দিসৗ মেনাঃ। 

 

========= ᱛ =========

১০।।

নাড়ী

বিরসা কিস্কু

 

 সাং নাড়ী বাঁদো নাড়ী

 নাড়ীঃ আলাক জাড়ী

 গাঃ-গাবান পাঁঞ্চী শাড়ী

 হড়ম রেনাঃ মায়াম নাড়ী ||

 

 ঝিঁগৗ  কুঁদরী পুরৗই

তল-তপল বয়হা সৗগৗই

দুলৗড় দে-বন মুরৗই

আরজাও আবন সুলুক নিরৗই ||

 

কঁঢা হতৎ তাহের

সৗগৗই বাংবন হেওয়ের

জবরা পেটেচ এওয়ের

সুলুক সৗগৗই কেওয়ের ||

 

রাহেড় রাঁবড়া নাড়ী

সারদি জাপুদ জাড়ী

সরেশ নাড়ী মায়া নাড়ী

আয়ো কুখী বাহা নাড়ী ||

 

========= ᱛ =========

১১।।

তেতাং

সনাতন টুডু

 

বুরু ঝারনা নিচোল হেমাল

ইঞদয় হহ অৗঞ,

মাতকম সারজম মুরুদ বাহা

ইঞদয় গৗদুজ অৗঞ।

 

ঞেল সানাঞা মেদ পেরেজ

সিরজন রেনাঃ নাগাম,

বাংখান দ সারেজ তাঁহেন

জিয়ন রেনাঃ আগাম।

 

========= ᱛ =========

১২।।

আসুল সেতা-পুশি

ঠ্যেন্টা মুর্মূ

 

আলে অড়াঃ রে মেনাঃ কিনৗ 

আসূল সেতা পুশি

রৗস্কৗ তেকিন খিলডু এনেজ

বৗকিন পান্জায় সুশি ।

 

পুসি  তালে গায়াং গুয়ুং

ইশিন অড়াঃ ঘানেয়  উয়ুং

সেতা মাত রাচা করে  

মেনায় মিলুং সিটুং  ।

 

পুশিয় ঞামা তোওয়া দাকা

সাঁওতে হৗকু কুটি

ইতৗৎ দাকা জম কাতে সেতা 

মেলৎ বাড়ায়ে  লুটি ।

 

পুশিয় সগেঃ হড়  সাঁওতে

গিতিজ উয়ূ পটম

সেতা খান দ লুসু পুন্ডু

বাং এ ঞামা জতন ।

 

 

ঁঁঁঁঁ=মুচৗৎ=ঁঁঁঁঁ