আবোওয়া ডিজিটাল ডেস্ক- এহব খনগে বাডায় আকানা বাংমা
দেওচাপাচামিরেন হড় খনি বাংকো খজ কানা। মেনখান সরকার আঃ মেৎদ অনা দেওচাপাচামিরেগে ঞুর
মেনাঃ আ। দেওচাপাচামিরে কয়লা খনি আওরি হোয়োঃ ধৗবিচ্ সরকারাঃ মেৎরে জৗপিৎ বানুঃ আন।নঁতে কয়লা খনি হোয়োঃ লৗগিদঃ কান তে অঁডে রেন হড়াঃ মেৎ রেহঁ
জৗপিৎ বৗনুঃ তাকোওয়া।
নংকান মুহিমবেড়ারে আয়মা হড়াঃ মেৎগে নিৎ দেওচাপাচামিরে ঢাং আকানা।অকয়দ
কুকমু কো ঞেল এদা অঁডে কয়লা খনি হোয় লেনখান গে আপনারাঃ অড়াঃ দুওয়ৗর, গৗডি মটর হোয়োঃ আ অকয়দ কুকমু কো ঞেল এদা আকোওয়াঃ ভিটৗ-মৗটি সানামাঃ আৎ চাবাঃ আ। সরকার যাঁহা প্যাকেজ এ সদর আকাদা,
অনা ঞাম কাতে তিনৗঃ দিন? আয়মা
হড়াঃ মচারে নংকান কাথা রাকাপ কানা। অনা বেগর আরহঁ বতর সরকার যাঁহা লেকায় লৗই এদা। হাপেন অনকা হোয়োঃ আতো? চেদাসে
নোওয়া মাড়াং কো ঞেল আকাদা অকারেহঁ আদিবাসী কো নাপায়রে বৗনুঃ আকাৎ কোওয়া। লাগা ডিগলৗও অচো আকানাকো আর যাতার কাতার জিয়ন কো খেমাও এদা নিৎহঁ।
অনালেকাতে দেউচাপাচামিরেন আদিবাসীকো ২০ ফেব্রুয়ারী খন ‘মহাসভা’
তালাতে আন্দোড় কো এহব আকাদা। সাঁওতে কিরৗ হঁক আতাং আকাদা বাংমা জিউয়ি চালাঃ রেহঁ মায়াং লিঁগি রেহঁ দেউচাপাচামিরে
মেনেৎ আকোওয়াঃ জানাম ভিটৗ বুকা
তপা ঠাঁওরে কয়লা খাদান বাংকো হোয় অচোওয়াঃ আ। নোওয়া লৗগিৎ ভারত জাকাত মাঝি পারগানা মহল বাং হৗটিঞ মেদিনীপুর জেলা রেন জগ-পারগানা
মানতান মনরঞ্জন মুরমু সাঁওতে ভারত জাকাত মাঝি পারগানা মহল দিশম সুসৗ্রিয়ৗ মানতান রাজেন টুডু, পনৎ পারানিক
মানতান অর্জুন হেম্ব্রম, পছিম বর্ধমান জেলা পারগানা সিদ্ধার্থ মান্ডি এমান বীরভুম রেনাঃ
দেউচাপাচামি হরিণশিঙ্গা রে সেন কাতে অঁডেরেন হড় সারহাও কো চাল আকাৎ কোওয়া সাঁওতে সোররে
তাঁহেন লাগিৎ হঁ দিল দাড়ে কো চাল আকাৎ কোওয়া। ওনকো কো লৗই তরা কেদা বাংমা নংকাগে মিৎ দিন বাবা তিলকা খন এহব কাতে
সিধু কানু বীরসা মুন্ডা এমান হুলগৗরিয়া
কো হুলসৗই লেদা। অনাতে নংকান
আঁদোড় লৗগিৎ অঁডেরেন হড় সারহাও
কো চাল আকাৎ কোওয়া।
মেনখান আর আর আর সংগঠন কদ অনকা বাংকো ঞেল ঞামো কানা। আদিবাসী
সমাজ রেন আর দরদিয়ৗ, সুসৗরিয়ৗ, নেতা, মন্ত্রী কঁহ নোওয়ারে গড় এমঃ লৗগিৎ বাংকো লাহা হিজুঃ কানা মেনতে অঁডেরেন
হড়াঃ মিৎ অভিযোগ এহব খনগে মেনাঃ আকাদা মেনতে বাডায় আকানা।আর নংকা হঁ অভিযোগ রাকাব কানা
বাংমা অনা এলাকারে নোওয়া মাড়াং সুসৗরিয়ৗ লেকাতে যাঁহায় কোওয়া ওপরোম তাঁহেকান
তাকোওয়া ওনকোদ নিৎ কয়লা খনি হোয়োঃ ঞেলতে শিবড়িয়ৗ লেকাতে কো ঞেল ঞাম এৎ কোওয়া।নিৎ সানাম হড়াঃ মেৎ অনা দেওচাপাচামি
সেন এ কয়ঃ আকাদা- চেৎ আদিবাসী লাগা ডিগলৗও কাতে কয়লা খনি হোয়োঃ গেয়া? সে অঁডেরেন আদিবাসীকো কয়লা খনি কো লাগাও
ডিগলৗও দাড়েয়াঃআ?
.webp)
.webp)
