জাজাতিয়ৗ তিরলৗ মাহা আর তিরলৗ
সাগুন সিকৗরিয়ৗ
"পৃথিবীতে যা কিছু মহান সৃষ্টি চির কল্যানকর,
অর্ধেক তার করিয়াছে নারী অর্ধেক তার নর
"।
সসনঃ লাহাসেন গেমের ইদিরে তিরলৗ আর কড়া হপনাঃ আয়মা লেকান কৗমিহরাতে লাহান্তি কানা। তিরলৗ এতম কাতে এখেন কড়া হপন আতে সাঁওতা অহ লাহা কঃআ। মেনখান নুকু তিরলৗগে আয়মা অকত আয়মা লেকাতে অবহেলা নাহাচারঃ কানা নিত হঁ। অনাতে তিরলৗ অৗইদৗর এমা'ক খতির ৮ মার্চ দ ধৗরতি জাকাত "জাজাতিয়ৗ তিরলৗ মাহা" লেকাতে মানাও পালাও কানা । ১৯৭৫ সাল রেনাঃ ৮মার্চ আর্ন্তজাতিক লেকাতে জাতি সংঘ হেঁ হুমৗন আকাদায় সাঁওতে নিয়ৗ মাহা মানাও পালাও লৗগিৎ আয়মা রাষ্ট্রগে আচু চালাও আকাৎ কওয়া।
তিরলৗ মাহারেনাঃ নিয়ৗ ২০২২ সালরেনাঃ স্লোগান লেকাতে ঠাড় আকাদায় "নারীর সুস্বাস্হ্য ও জাগরন " ।
তিরলৗ ক যাতে আক লেকা কাতে বানচাও দাড়েয়ামা ,অৗইদৗর ঞামমা নওয়া লৗগিৎ তেগে তিরলৗ মাহা মানাও বাতাও কানা। সানাম তিরলৗ নিতঃ দিশ হুদিশ হচোয়েৎ কওয়া অৗইদৗর ঞামরেনাঃ কাথা। চালাঃ কান অকতরে অকা লেকা মেনাঃ কওয়া তেঁহেঞ রেন তিরলৗ। জেগেৎ জাকাৎ অকা ঠাঁওরে?
সমঅধিকার আর তিরলৗ ফুরগৗল রেনাঃ কাথা জোরতে মেনঃ কান রেহঁ তিরলৗ কওয়া হালৎ নিৎ ধৗবিচতে নাপায় লেকা বাং অৗরুফেরাও আকানা।
দেশ দিসম সেন কয়ঃ লেখান ঞেল ঞামঃ আ ডৗন ডৗপৗন মেন কাতে সাঁড়েসিয়ৗ যুগরেহঁ তিরলৗ শাসেৎ নাহাচারঃ কানা। বুল তোহেল কাতে কড়া হপন দাল তাপামেৎ কওয়া। তিরলৗ পাচার,ভরম নাসাও লেকান চিতৗর আসকায় ঞেলঃ কানা খবর সাকাম করে। রেঁগেচ জালা নালহা তুমৗল টাটা-ভাটা-নামাল-কাছাড়রে তিনাঃ নাপায় মেনাঃ কওয়া তিরলৗ ?
তিরলৗ অৗইদৗরি লেকাতে ভারত দিসম রেনাঃ সংবিধান আডিগান অৗইদৗরি এমা আকাত কওয়া। মেনখান কড়া হপনাঃ শাসনরে তায়নম রেগে মেনাঃ আকাৎ কওয়া।
তিরলৗ আদ লিচৗড় বৗনুঃ কওয়া কড়া হপন সাঁও বুদ অৗকিল বুরধি দাড়েতে হেপরাওরে এপেনেজ কানা। বৗইরি সাঁওতে উতৗহুলি তুপুৎ তাপাম কানা। সুম দিল দাড়েতে অরাপারি কড়া হপন সাঁওতে ছুটৗও আকানা।
দিসম উৎনৗও লেকান কৗমিহরারে হঁ লাহা হিজুঃ কানা ;ধরম সাঁওতা তরাও রাকাপরে অসাম্ভেড় এনেম মেনাঃ আকাৎ তাকওয়া।
সাঁওহেৎ ,সাঁড়েস ,সেরওয়া, লাকচার ,খেলোড রেহঁ তিরলৗ তায়নমরে বৗনুঃ কওয়া।
লৗই গানঃআ লৗড়হৗই কাতেগে বানচাঃডাহার তুংখি তলাশ কানা। মৗন আর হালৎ ঞেল কাতেগে আয় উমৗনঃ যে মিৎটাং দিশম রেন তিরলৗ তিনাঃ লাহান্তি আর উৎনৗও হুয় আকান তাকওয়া তিরলৗ লাহান্তি কখান সানাম সেন খন সুযুগ সুবিতা এমাক হুয়ুঃআ। জৗত ধরম সাঁওতে গনতান্রিক সমানাধিকার চালাক হুয়ুঃ আ। ন্যায্য গনং সাঁওতে মৗন সম্মান ।
.webp)
.webp)
