আবোওয়াঃ ডিজিটাল ডেস্ক- পারগানা বাবা কদ আপনার এলাকারেনাঃ
রায়রীত কো যোগাও যতন দহয়া। দিশম পারগানা বাবা দ দিশম রেনাঃ রায়রীত এ ঞেলা। সমাজ রেনাঃ
অৗনঅৗরি হঁয় ঞেলা। তালা গাডারে লৗউকা
রেন মৗঝি বাং তাঁহে লেনখান যাঁহা লেকা হোয়োঃ, অনকাগে দিশমরে দিশম পারগানা বাবা বাং
তাঁহে লেনখান অনকাগে ।নিৎ নংকান বেড়ারে দিশম পারগানা বাবা রামচন্দ্র মুরমু পারমেন ১০
মার্চ’২২, হিলঃ বঁগা তালায়েন খৗতির ভারত জাকাত মাঝি পারগানা মহল সাঁওতে সান্তাড় সমাজ
নিৎ মুহিমরে মেনাঃ আ। বাডায় আকানা বাংমা উনি দ হার্ট অ্যাটাক তেগেয় বঁগা তালাও আকানা।
উমের দ হুয় লেন তায়া ৬৮ সেরমা। অড়াঃরে বৗগি আৎ কোওয়ায় আচ্রেন অড়াঃ গমকে সাঁওতে বারয়া
কড়া আর মিৎ কুড়ি গিদৗর।দিশম পারগানা বাবা রামচন্দ্র মুরমু আঃ অড়াঃ দ তাঁহেকান তায়া
ঝাড়খন্ড পনৎ পুরুব সিংভুম জেলা রেনাঃ নলদুহা আতোরে।
দিশম দুলৗড় লৗগিৎ জিউয়িয় রাঃ লেৎ তায়া। সানতাড় সমাজ
হারা-বুরুয় লাগিৎ আরহঁ সমাজ লাহান্তি লৗগিৎ মনেয় অর লেৎ তায়া। নংকান কাথা কোগে নিৎ
আয়মা হড়াঃ মচারে আঁজম ঞামঃ কানা। নোওয়াহঁ বাডায়ঃ কানা বাংমা উনি যখন দিশম পারগানা আঃ
আঁগিভার এ গঃ লেদা উন অক্তহঁ সানতাড় সমাজ টলমলাঃ কান তাঁহেকানা। অনকান অক্তরে আঁগিভার
হাতাও কাতে নুন দিন এ চালাও অৗগু আকাদা। নিৎ উনি বঁগা তালায়েন খৗতির মহলরেন আয়মা পারগানা
বাবাকো, পারানিক বাবাকো, গোডেৎ বাবাকো সাঁওতে আয়মা রৗসিয়ৗ গে উনিয়াঃ অভাব কো বুঝৗও
ঞাম দাড়েয়াঃ কানা।
উনি তালারে তাঁহেকানা সানতাড়
সমাজ লৗগিৎ আয়মা লেকান দিশ-হুদিশ। নোওয়াহঁ বাডায় আকানা বাংমা ভারত সংবিধান রেনাঃ অৗডি
আয়মা তেৎগে বাডায় তাঁহেকান তায়া। উনি যাঁহা লেকা সেরেঞ রুসিকৗয় তাঁহেকানা অনকাগে চিকি
দরদিয়ৗয় হঁয় তাঁহেকানা। নংকান মিৎ গুনৗন হড় অৗখির বেড়ারে আৎ কেদে খৗতির মহল সাঁওতে
সান্তাড় সমাজ বেগর আদিবাসী সমাজ রেনাঃহঁ মিৎ মারাং খুতি হুয় এনা মেনতে আয়মা দরদিয়ৗ
কোগেকো লৗই সদর আকাদা।
.webp)
.webp)
