“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
 | |
|
 | |
|
১।।
ᱪᱟᱴᱱᱟ
ᱯᱩᱥᱤ
ᱥᱟᱨᱤ ᱫᱷᱚᱨᱱ ᱦᱟᱸᱥᱫᱟ
ᱯᱤᱴᱩᱠ ᱯᱩᱥᱤ
ᱵᱟᱠᱷᱳᱞ ᱵᱟᱥᱤ
ᱜᱟᱲᱥᱮ ᱜᱟᱭᱟᱝ ᱜᱩᱭᱩᱝ
ᱛᱤᱸᱜᱩ ᱛᱟᱬᱟᱜ ᱫᱟᱠᱟ ᱚᱲᱟᱜ
ᱪᱮᱞᱟᱝ ᱠᱷᱟᱹᱞᱤᱭ ᱩᱭᱩᱝ ᱾
ᱜᱟᱲᱥᱮ ᱜᱟᱭᱟᱝ ᱜᱩᱭᱩᱝ
ᱛᱤᱸᱜᱩ ᱛᱟᱬᱟᱜ ᱫᱟᱠᱟ ᱚᱲᱟᱜ
ᱪᱮᱞᱟᱝ ᱠᱷᱟᱹᱞᱤᱭ ᱩᱭᱩᱝ ᱾
ᱤᱥᱤᱱ ᱟᱨᱳ
ᱵᱟᱠᱷᱨᱟ ᱡᱳᱲᱳ
ᱥᱩᱡᱩᱜᱽᱨᱮ ᱫᱚᱭ ᱜᱚᱦᱚᱲ
ᱟᱬᱛᱤ ᱩᱢᱟᱸᱞ ᱜᱟᱢᱟᱞ ᱜᱟᱢᱟᱞ
ᱡᱷᱚᱛᱚᱭ ᱢᱟᱹᱴᱩᱡ ᱜᱚᱦᱚᱲ ᱾
ᱥᱩᱡᱩᱜᱽᱨᱮ ᱫᱚᱭ ᱜᱚᱦᱚᱲ
ᱟᱬᱛᱤ ᱩᱢᱟᱸᱞ ᱜᱟᱢᱟᱞ ᱜᱟᱢᱟᱞ
ᱡᱷᱚᱛᱚᱭ ᱢᱟᱹᱴᱩᱡ ᱜᱚᱦᱚᱲ ᱾
ᱯᱤᱴᱩᱠ ᱯᱩᱥᱤ
ᱪᱟᱴᱱᱟ ᱴᱩᱥᱤ
ᱦᱚᱲᱠᱚ ᱫᱩᱞᱟᱹᱲ ᱠᱮᱫᱮ
ᱪᱟᱞᱟᱠ ᱪᱩᱛᱩᱨ ᱠᱳᱢᱲᱳ ᱟ ᱟᱹᱪᱩᱨ
ᱵᱟᱝ ᱠᱚ ᱫᱤᱥᱟᱹ ᱞᱮᱫᱮ ᱾
ᱦᱚᱲᱠᱚ ᱫᱩᱞᱟᱹᱲ ᱠᱮᱫᱮ
ᱪᱟᱞᱟᱠ ᱪᱩᱛᱩᱨ ᱠᱳᱢᱲᱳ ᱟ ᱟᱹᱪᱩᱨ
ᱵᱟᱝ ᱠᱚ ᱫᱤᱥᱟᱹ ᱞᱮᱫᱮ ᱾
ᱢᱤᱫ ᱫᱤᱱ ᱫᱚ
ᱯᱩᱴᱩᱠ ᱯᱩᱥᱤ
ᱪᱟᱴᱱᱟ ᱢᱚᱪᱟᱭ ᱨᱚᱰᱚᱡ
ᱛᱳᱣᱟ ᱢᱮᱱᱛᱮ ᱡᱷᱟᱨ ᱦᱟᱸᱰᱤᱭ
ᱧᱩ ᱟᱱ ᱠᱚᱰᱚᱡ ᱠᱚᱰᱚᱡ ᱾
ᱪᱟᱴᱱᱟ ᱢᱚᱪᱟᱭ ᱨᱚᱰᱚᱡ
ᱛᱳᱣᱟ ᱢᱮᱱᱛᱮ ᱡᱷᱟᱨ ᱦᱟᱸᱰᱤᱭ
ᱧᱩ ᱟᱱ ᱠᱚᱰᱚᱡ ᱠᱚᱰᱚᱡ ᱾
ᱵᱩᱞ ᱛᱳᱦᱮᱞ
ᱪᱟᱴᱢᱟ ᱯᱩᱥᱤ
ᱥᱟᱨᱤ ᱠᱟᱛᱷᱟ ᱢᱮᱱᱟ
ᱟᱡ ᱠᱷᱟᱛᱤᱨ ᱜᱮ ᱦᱚᱯᱚᱱ ᱵᱟᱹᱵᱩ
ᱛᱳᱣᱟᱭ ᱮᱲᱮ ᱞᱮᱱᱮ ᱾
ᱥᱟᱨᱤ ᱠᱟᱛᱷᱟ ᱢᱮᱱᱟ
ᱟᱡ ᱠᱷᱟᱛᱤᱨ ᱜᱮ ᱦᱚᱯᱚᱱ ᱵᱟᱹᱵᱩ
ᱛᱳᱣᱟᱭ ᱮᱲᱮ ᱞᱮᱱᱮ ᱾
***** ***** ***** *****
২।।
ᱟᱵᱚ ᱵᱚ ᱮᱱᱮᱪ
ᱥᱩᱵᱩᱫᱤᱭᱟᱹ ᱢᱩᱨᱢᱩ
ᱡᱚᱢ ᱟᱵᱚ ᱛᱟᱠᱟ
ᱰᱷᱟᱠᱟ ᱟᱵᱚ ᱪᱟᱠᱟ ᱿
ᱮᱱᱮᱪ ᱟᱵᱚ ᱠᱟᱹᱛᱤ
ᱢᱤᱨᱩ ᱵᱟᱦᱟ ᱢᱟᱹᱛᱤ ᱿
ᱵᱟᱵᱟᱭ ᱟᱜᱩᱭ ᱦᱟᱰᱩ
ᱫᱟᱫᱟᱭ ᱜᱚᱡᱮ ᱜᱩᱰᱩ ᱿
ᱥᱤᱢ ᱮᱸᱜᱟᱭ ᱛᱩᱛᱩᱫ
ᱟᱵᱚ ᱦᱚᱸᱵᱚ ᱥᱩᱛᱩᱫ ᱿
ᱦᱟᱞᱟᱝ ᱟᱵᱚ ᱵᱟᱦᱟ
ᱧᱩᱨᱩᱜ ᱚᱛᱨᱮ ᱡᱟᱸᱦᱟ ᱿
ᱜᱟᱞᱟᱝ ᱟᱵᱚ ᱢᱟᱞᱟ
ᱟᱵᱚ ᱟᱵᱚ ᱛᱟᱞᱟ ᱿
***** ***** ***** *****
৩।।
ᱩᱥᱟ.ᱛ
ᱫᱷᱟ.ᱨᱛᱤ
ᱥᱨᱤᱠᱟᱱᱛᱚ ᱥᱚᱨᱮᱱ
ᱥᱮᱛᱟᱜ ᱠᱷᱚᱱᱟᱜ ᱪᱟᱸᱫᱳ ᱵᱚᱸᱜᱟᱭ
ᱜᱩᱛ - ᱜᱩᱛ ᱟᱠᱟᱛ ᱫᱷᱟ.ᱨᱛᱤ
ᱪᱮᱫᱟᱜ ᱵᱩᱰᱤ ᱜᱚ ᱞᱚ - ᱞᱚ ᱞᱚ-ᱞᱚ
ᱥᱳᱲᱮ ᱵᱟᱢ ᱟ.ᱲᱛᱤ ᱾
ᱩᱥᱟ.ᱛ ᱟᱠᱟᱱᱟᱭ ᱫᱷᱟ.ᱨᱛᱤᱯᱩᱨᱤ
ᱮᱠᱟᱞ ᱵᱟᱝ -ᱮ ᱨᱚᱲ
ᱱᱩᱭ ᱧᱮᱞᱛᱮ ᱢᱟᱱᱳ-ᱟ ᱦᱚᱯᱚᱱ
ᱵᱟᱝ ᱠᱚ ᱵᱮᱱᱟᱣ ᱵᱚᱲ ᱾
ᱪᱮᱲᱮ ᱠᱚᱦᱚ ᱢᱮᱱᱟᱜ ᱠᱚ ᱛᱷᱤᱨ
ᱛᱟᱸᱦᱮᱱ ᱛᱩᱞᱩᱪ ᱨᱟ.ᱥᱠᱟ.
ᱱᱩᱠᱩᱭᱟᱜ ᱢᱟ ᱡᱤᱭᱚᱱ ᱵᱷᱚᱨ
ᱵᱟ.ᱱᱩᱜ ᱛᱟᱠᱚ ᱦᱤᱥᱠᱟ.᱾
ᱦᱤᱡᱩᱜ ᱢᱮᱥᱮ ᱥᱤᱧ ᱪᱟᱸᱫᱳ
ᱟ.ᱜᱩ ᱫᱟᱨᱟᱭ ᱢᱮ ᱟᱨᱥᱟᱞ
ᱫᱷᱟ.ᱨᱛᱤ ᱥᱟᱶᱛᱮ ᱟᱞᱮ ᱠᱚᱭᱟᱜ
ᱢᱚᱱᱮ ᱠᱚᱦᱚᱢ ᱢᱟᱨᱥᱟᱞ ᱿
***** ***** ***** *****
৪।।
ᱜᱩᱱᱩᱯᱩᱥᱤ
ᱨᱟᱢᱞᱟᱞ ᱴᱩᱰᱩ
ᱜᱩᱱᱩᱯᱩᱥᱤ ᱢᱤᱭᱩᱝ
ᱢᱤᱭᱩᱝ
ᱫᱟᱬᱟᱱᱟᱢ ᱜᱟᱭᱟᱝ ᱜᱩᱭᱩᱝ ,
ᱦᱚᱦᱚ ᱟᱹᱢᱟᱹᱧ ᱤᱧᱜᱮ ᱠᱩᱱᱩ
ᱜᱩᱱᱩᱯᱩᱥᱤ ᱜᱩᱱᱩ ᱜᱩᱱᱩ ᱾
ᱫᱚᱱ ᱟᱹᱜᱩᱭᱟᱢ ᱪᱟᱲᱟᱜ ᱪᱩᱲᱩᱜ
ᱵᱷᱤᱸᱫᱟᱹᱲ ᱛᱤᱧᱟᱹᱢ ᱩᱛᱩ ᱯᱷᱩᱲᱩᱜ ,
ᱥᱟᱨᱟ ᱜᱷᱟᱹᱲᱤ ᱠᱷᱮᱞᱳᱰ ᱜᱮᱛᱟᱢ
ᱯᱟᱲᱦᱟᱣ ᱫᱚᱠᱤ ᱵᱟᱹᱱᱩᱜ ᱛᱟᱢ ?
ᱟᱢ ᱜᱚᱜᱚ ᱫᱚ ᱵᱟᱭ ᱯᱮᱴᱮᱨ ᱢᱮ
ᱵᱟᱭ ᱢᱮᱛᱟᱢᱟ ᱫᱮᱞᱟ ᱚᱞ ᱢᱮ ?
ᱟᱥᱲᱟ ᱛᱮᱠᱤ ᱵᱟᱝ ᱮᱢ ᱪᱟᱞᱟᱜ
ᱜᱟᱛᱮ ᱟᱢ ᱛᱚᱵᱮ ᱚᱠᱚᱭ ᱥᱟᱞᱟᱜ ?
ᱪᱟᱞᱟᱜ ᱢᱮᱜᱮ ᱤᱛᱩᱱ ᱟᱥᱲᱟ
ᱮᱢᱟ ᱢᱟᱹᱧ ᱦᱟᱸᱜ ᱩᱛᱩ ᱟᱢᱵᱲᱟ ᱾
ᱪᱮᱫᱽ ᱠᱷᱟᱱᱮᱢ ᱚᱞ ᱯᱟᱲᱦᱟᱣ
ᱧᱟᱢ ᱜᱮᱭᱟᱢ ᱥᱟᱥᱟᱭ ᱥᱟᱨᱦᱟᱣ ᱾᱾
ᱫᱟᱬᱟᱱᱟᱢ ᱜᱟᱭᱟᱝ ᱜᱩᱭᱩᱝ ,
ᱦᱚᱦᱚ ᱟᱹᱢᱟᱹᱧ ᱤᱧᱜᱮ ᱠᱩᱱᱩ
ᱜᱩᱱᱩᱯᱩᱥᱤ ᱜᱩᱱᱩ ᱜᱩᱱᱩ ᱾
ᱫᱚᱱ ᱟᱹᱜᱩᱭᱟᱢ ᱪᱟᱲᱟᱜ ᱪᱩᱲᱩᱜ
ᱵᱷᱤᱸᱫᱟᱹᱲ ᱛᱤᱧᱟᱹᱢ ᱩᱛᱩ ᱯᱷᱩᱲᱩᱜ ,
ᱥᱟᱨᱟ ᱜᱷᱟᱹᱲᱤ ᱠᱷᱮᱞᱳᱰ ᱜᱮᱛᱟᱢ
ᱯᱟᱲᱦᱟᱣ ᱫᱚᱠᱤ ᱵᱟᱹᱱᱩᱜ ᱛᱟᱢ ?
ᱟᱢ ᱜᱚᱜᱚ ᱫᱚ ᱵᱟᱭ ᱯᱮᱴᱮᱨ ᱢᱮ
ᱵᱟᱭ ᱢᱮᱛᱟᱢᱟ ᱫᱮᱞᱟ ᱚᱞ ᱢᱮ ?
ᱟᱥᱲᱟ ᱛᱮᱠᱤ ᱵᱟᱝ ᱮᱢ ᱪᱟᱞᱟᱜ
ᱜᱟᱛᱮ ᱟᱢ ᱛᱚᱵᱮ ᱚᱠᱚᱭ ᱥᱟᱞᱟᱜ ?
ᱪᱟᱞᱟᱜ ᱢᱮᱜᱮ ᱤᱛᱩᱱ ᱟᱥᱲᱟ
ᱮᱢᱟ ᱢᱟᱹᱧ ᱦᱟᱸᱜ ᱩᱛᱩ ᱟᱢᱵᱲᱟ ᱾
ᱪᱮᱫᱽ ᱠᱷᱟᱱᱮᱢ ᱚᱞ ᱯᱟᱲᱦᱟᱣ
ᱧᱟᱢ ᱜᱮᱭᱟᱢ ᱥᱟᱥᱟᱭ ᱥᱟᱨᱦᱟᱣ ᱾᱾
*****
***** ***** *****
৫।।
ᱚᱞᱚᱜ
ᱫᱟᱬᱮ
ᱜᱳᱯᱮᱥᱣᱚᱨ
ᱢᱟ.ᱱᱰᱤ
ᱚᱞᱚᱜ ᱥᱮᱬᱟᱭ ᱢᱮ
ᱵᱩᱨᱫᱷᱤ ᱟᱨᱡᱟᱣ ᱢᱮ ।
ᱵᱩᱨᱫᱷᱤ ᱟᱨᱡᱟᱣ ᱢᱮ ।
ᱵᱩᱜᱤ,ᱵᱟ.ᱲᱤᱡ
ᱫᱟᱬᱮ
ᱵᱮᱱᱟᱣ ᱨᱟᱠᱟᱵ ᱵᱟᱬᱮ।
ᱵᱮᱱᱟᱣ ᱨᱟᱠᱟᱵ ᱵᱟᱬᱮ।
ᱵᱮᱥᱟᱜ ᱮᱢ ᱞᱟᱦᱟᱭ
ᱵᱟ.ᱲᱤᱡ ᱮᱢ ᱥᱟᱦᱟᱭ ।
ᱵᱟ.ᱲᱤᱡ ᱮᱢ ᱥᱟᱦᱟᱭ ।
ᱡᱤᱭᱚᱱ ᱰᱟᱦᱟᱨ ᱱᱟᱯᱟᱭ
ᱛᱟᱲᱟᱢ ᱪᱟᱞᱟᱜ ᱥᱟᱯᱟᱭ।
ᱛᱟᱲᱟᱢ ᱪᱟᱞᱟᱜ ᱥᱟᱯᱟᱭ।
*****
***** ***** *****
৬।।
ᱡᱩᱫᱤᱢ ᱥᱮᱸᱲᱟᱭ
ᱠᱤᱥᱠᱤᱱᱫᱷᱟ ᱢᱩᱨᱢᱩ
ᱡᱩᱫᱤᱢ ᱥᱮᱸᱲᱟᱭ ᱚᱞᱚᱜ
ᱯᱟᱲᱦᱟᱣ
ᱦᱚᱲ ᱠᱚ ᱩᱨᱩᱢ ᱢᱮᱭᱟ ,
ᱜᱟᱛᱮ ᱠᱟᱢᱟ ᱥᱟᱨᱟ ᱵᱮᱲᱟ ᱟᱢ
ᱥᱚᱝᱜᱮᱛᱮ ᱟᱹᱭᱩᱨ ᱢᱮᱭᱟ ᱾
ᱦᱚᱲ ᱠᱚ ᱩᱨᱩᱢ ᱢᱮᱭᱟ ,
ᱜᱟᱛᱮ ᱠᱟᱢᱟ ᱥᱟᱨᱟ ᱵᱮᱲᱟ ᱟᱢ
ᱥᱚᱝᱜᱮᱛᱮ ᱟᱹᱭᱩᱨ ᱢᱮᱭᱟ ᱾
ᱡᱩᱫᱤᱢ ᱥᱮᱸᱲᱟᱭ ᱱᱟᱯᱟᱭ
ᱵᱮᱣᱦᱟᱨ
ᱦᱚᱲ ᱠᱚ ᱥᱟᱨᱦᱟᱣ ᱢᱮᱭᱟ ,
ᱟᱢᱟᱜ ᱪᱩᱨᱤᱛ ᱥᱮᱸᱲᱟ ᱠᱟᱛᱮ
ᱩᱭᱦᱟᱹᱨ ᱫᱤᱥᱟᱹ ᱫᱚᱦᱚ ᱢᱮᱭᱟ ᱾
ᱦᱚᱲ ᱠᱚ ᱥᱟᱨᱦᱟᱣ ᱢᱮᱭᱟ ,
ᱟᱢᱟᱜ ᱪᱩᱨᱤᱛ ᱥᱮᱸᱲᱟ ᱠᱟᱛᱮ
ᱩᱭᱦᱟᱹᱨ ᱫᱤᱥᱟᱹ ᱫᱚᱦᱚ ᱢᱮᱭᱟ ᱾
ᱡᱩᱫᱤᱢ ᱥᱮᱸᱲᱟᱭ ᱮᱱᱮᱪ ᱥᱮᱨᱮᱧ
ᱦᱚᱲ ᱠᱚ ᱠᱩᱥᱤ ᱟᱢᱟ ,
ᱪᱮᱫ ᱫᱚᱦᱚᱭᱟ ᱟᱢᱟᱜ ᱨᱟᱹᱥᱠᱟᱹ
ᱚᱱᱠᱟᱜᱮ ᱩᱫᱩᱜ ᱛᱟᱢᱟ ᱾
ᱦᱚᱲ ᱠᱚ ᱠᱩᱥᱤ ᱟᱢᱟ ,
ᱪᱮᱫ ᱫᱚᱦᱚᱭᱟ ᱟᱢᱟᱜ ᱨᱟᱹᱥᱠᱟᱹ
ᱚᱱᱠᱟᱜᱮ ᱩᱫᱩᱜ ᱛᱟᱢᱟ ᱾
ᱡᱩᱫᱤᱢ ᱥᱮᱸᱲᱟᱭ ᱠᱟᱹᱢᱤ ᱠᱚᱫᱚ
ᱦᱟᱯᱮᱱ ᱟᱪᱩ ᱢᱮᱜᱮ,
ᱱᱟᱯᱟᱭ ᱟᱢᱮᱢ ᱵᱩᱡᱷᱟᱣ ᱩᱱ
ᱟᱢ ᱠᱚ ᱫᱮᱞᱟ ᱟᱢᱜᱮ ᱾
ᱦᱟᱯᱮᱱ ᱟᱪᱩ ᱢᱮᱜᱮ,
ᱱᱟᱯᱟᱭ ᱟᱢᱮᱢ ᱵᱩᱡᱷᱟᱣ ᱩᱱ
ᱟᱢ ᱠᱚ ᱫᱮᱞᱟ ᱟᱢᱜᱮ ᱾
ᱡᱩᱫᱤᱢ ᱥᱮᱸᱲᱟᱭ ᱡᱚᱛ ᱞᱮᱠᱟᱱ
ᱱᱟᱱᱟ ᱦᱩᱱᱟᱨ ᱠᱟᱹᱢᱤ ,
ᱟᱢᱮᱢ ᱛᱮᱭᱟᱨᱚᱜ ᱱᱟᱯᱟᱭ ᱟᱹᱰᱤ
ᱢᱟᱹᱱᱢᱤ ᱞᱮᱠᱟᱱ ᱢᱟᱹᱱᱢᱤ ᱾
ᱱᱟᱱᱟ ᱦᱩᱱᱟᱨ ᱠᱟᱹᱢᱤ ,
ᱟᱢᱮᱢ ᱛᱮᱭᱟᱨᱚᱜ ᱱᱟᱯᱟᱭ ᱟᱹᱰᱤ
ᱢᱟᱹᱱᱢᱤ ᱞᱮᱠᱟᱱ ᱢᱟᱹᱱᱢᱤ ᱾
***** ***** ***** *****
৭।।
ᱚᱠᱟᱞᱮᱠᱟᱢ
ᱯᱟᱲᱦᱟᱣ-ᱟ(᱒)
ᱥᱤᱛᱮᱱ ᱢᱟᱱᱰᱤ
ᱩ- ᱩᱢᱩᱞ ᱤᱥᱠᱩᱞᱮ ᱪᱟᱞᱟᱜ
ᱟ.
ᱪ- ᱪᱮᱫᱟᱭ ᱚᱞᱚᱜ ᱯᱟᱲᱦᱟᱜ.
ᱫ- ᱫᱟᱜ ᱵᱟᱝ ᱠᱷᱟᱱ ᱵᱟᱵᱚᱱ ᱵᱟᱱᱪᱟᱜ.
ᱬ- ᱪᱮᱬᱮ ᱞᱮᱠᱟ ᱩᱰᱟᱣᱜ ᱥᱟᱱᱟ.
ᱭ-- ᱮᱲᱮ ᱢᱮᱱ ᱫᱚ ᱠᱟᱹᱭ ᱠᱟᱱᱟ.
ᱪ- ᱪᱮᱫᱟᱭ ᱚᱞᱚᱜ ᱯᱟᱲᱦᱟᱜ.
ᱫ- ᱫᱟᱜ ᱵᱟᱝ ᱠᱷᱟᱱ ᱵᱟᱵᱚᱱ ᱵᱟᱱᱪᱟᱜ.
ᱬ- ᱪᱮᱬᱮ ᱞᱮᱠᱟ ᱩᱰᱟᱣᱜ ᱥᱟᱱᱟ.
ᱭ-- ᱮᱲᱮ ᱢᱮᱱ ᱫᱚ ᱠᱟᱹᱭ ᱠᱟᱱᱟ.
ᱮ--ᱮᱭᱟᱭ ᱢᱟᱦᱟᱨᱮ ᱢᱤᱛ
ᱦᱟᱯᱛᱟ.
ᱯ--ᱯᱟᱨᱚᱢ ᱫᱤᱱ ᱫᱚ ᱵᱟᱝ ᱨᱩᱭᱟᱲᱟ.
ᱰ--ᱰᱚᱵᱽᱠᱟᱛᱮ ᱫᱟᱜ ᱠᱚ ᱟᱨᱮᱡᱟ.
ᱱ--ᱱᱤᱫᱷᱟᱱ ᱦᱚᱲᱟᱜ ᱫᱩᱠ ᱵᱟᱝ ᱪᱟᱵᱟᱜ.
ᱲ--ᱠᱩᱢᱲᱩ ᱦᱚᱲ ᱫᱚ ᱥᱚᱢᱟᱡᱽ ᱵᱟᱭᱨᱤ.
ᱯ--ᱯᱟᱨᱚᱢ ᱫᱤᱱ ᱫᱚ ᱵᱟᱝ ᱨᱩᱭᱟᱲᱟ.
ᱰ--ᱰᱚᱵᱽᱠᱟᱛᱮ ᱫᱟᱜ ᱠᱚ ᱟᱨᱮᱡᱟ.
ᱱ--ᱱᱤᱫᱷᱟᱱ ᱦᱚᱲᱟᱜ ᱫᱩᱠ ᱵᱟᱝ ᱪᱟᱵᱟᱜ.
ᱲ--ᱠᱩᱢᱲᱩ ᱦᱚᱲ ᱫᱚ ᱥᱚᱢᱟᱡᱽ ᱵᱟᱭᱨᱤ.
***** ***** ***** *****
৮।।
তিলকৗ মাঝি
বাড়তাঙ সরেন
হুল গৗরিয়ৗ তিলকৗ মাঝি
আডি মারাং বীর
রডজ শাসন ঞেলতে আম দ
বাচম তাঁহেন থির।
আডি মারাং বীর
রডজ শাসন ঞেলতে আম দ
বাচম তাঁহেন থির।
ব্রিটিশ বিরুধ গারজাও আতে
হহো লেদাম বৗইসী
দিশম হড়কো জওরা লেনা
আঙ্গজ কাতেঃ পৗরশি।
হহো লেদাম বৗইসী
দিশম হড়কো জওরা লেনা
আঙ্গজ কাতেঃ পৗরশি।
সাহেব শাসন শিকড়ি বাবের
তপাকাবোন সানাম
হক আইদৗর দিশম লৗগিৎ
লৗড়হৗই তেবোন ঞাম।
তপাকাবোন সানাম
হক আইদৗর দিশম লৗগিৎ
লৗড়হৗই তেবোন ঞাম।
টাঙ্গি টেঙ্গচ আঃ সার আতে
লাহা লেনকো হড়
দিশম তালা পাশনাও এনা
আমাঃ আড়াং রড়।
লাহা লেনকো হড়
দিশম তালা পাশনাও এনা
আমাঃ আড়াং রড়।
লাসের সারতেম তেরাং লেদে
হিসৗলী ক্লীভল্যান্ড
খবর সানাম সেটের লেনা
উশৗরা ইংল্যান্ড।
হিসৗলী ক্লীভল্যান্ড
খবর সানাম সেটের লেনা
উশৗরা ইংল্যান্ড।
সাসাপ লৗগিৎ ব্রিটিশ সাহেব
আডিকো থার মার
বীর বুরুরে সেঙ্গেল বাঁদুক
টুটিয়কো চুরমার।
আডিকো থার মার
বীর বুরুরে সেঙ্গেল বাঁদুক
টুটিয়কো চুরমার।
হড়কো গুজুঃ হায়
আদম কো দ ঘায়েল কাতে
ভিদৗড় শায়ে শায়।
ব্রিটিশ তিরেম সাব ওচোয়েন
সাদম রেকো তলমে
ডাহার ধুড়ি ডিগলৗও আতে
আমকো ইদিলেৎমে।
সাদম রেকো তলমে
ডাহার ধুড়ি ডিগলৗও আতে
আমকো ইদিলেৎমে।
বাড়ে ডৗররে পৗশি লাহা
গারজাও আতেম সদর
জিউয়ী আলায় লৗগিৎ মনে
একাল বৗনুঃ বতর।
গারজাও আতেম সদর
জিউয়ী আলায় লৗগিৎ মনে
একাল বৗনুঃ বতর।
আমাঃ কাথা দিশৗয় লেরে
কিরয়ৗ মনেঞ হাতাও
শাসেৎ রডজ দিশম তালা
একাল বালে বাতাও।
কিরয়ৗ মনেঞ হাতাও
শাসেৎ রডজ দিশম তালা
একাল বালে বাতাও।
***** *****
***** *****
৯।।
পুশিয় চালাঃ পেড়া অড়াঃ
ভৗবরৗই সরেন (মেসকচ্)
বাড়গে হরতে অৗরুব ঝৗরুব
অকয় পেড়া ঘেঁট দিপিল,
সেতাঃ তরা ফাদিল ফাদিল।
অকয় পেড়া ঘেঁট দিপিল,
সেতাঃ তরা ফাদিল ফাদিল।
নাপায় হরঃ বাঁদে সাঁওতে
জাঁগা তড়া ঝুনুর ঝুনুর,
পেড়া অড়াঃ গুনুর গুনুর।
জাঁগা তড়া ঝুনুর ঝুনুর,
পেড়া অড়াঃ গুনুর গুনুর।
ককে হেরমেৎ আকাদায়
মারাং হাড়াম হেঁদে চাতম
পেড়া সাঁদেস দ তায় খান
তওয়া তাবেন গুড় গতম।
মারাং হাড়াম হেঁদে চাতম
পেড়া সাঁদেস দ তায় খান
তওয়া তাবেন গুড় গতম।
***** ***** ***** *****
১০।।
রেল গাডি
দুর্গাচরণ মুরমু
ঝিকো ঝকো ঝিকো ঝকো
সিটি হোরোন সাডে আতে,
দৗড়ৗঃ সিগনাল ঞেল কাতে।
সিটি হোরোন সাডে আতে,
দৗড়ৗঃ সিগনাল ঞেল কাতে।
দিশম পারোম দিশম চালাঃ
তিনৗঃ বুরু ঝারনা ডাডি।
তিনৗঃ বুরু ঝারনা ডাডি।
বির পাকাড় গাডা মুডু
উসুল বুরু টেঁডার ধিরি,
দিনৗম দিন গেয় হিরি।
উসুল বুরু টেঁডার ধিরি,
দিনৗম দিন গেয় হিরি।
বুরু খনেম কয়ঃরে রেলগাডি
বিঞে লেঞ চালাঃ যেলেকা।
বিঞে লেঞ চালাঃ যেলেকা।
টেশন পারোম টেশন ঞামোঃ
হড়কো দেজঃ আড়গো ঞাপাম,
জমাকো মজগে রাকাম চাকাম।
হড়কো দেজঃ আড়গো ঞাপাম,
জমাকো মজগে রাকাম চাকাম।
কুদুম কৗহনী সেরেঞ আতে
দিশম দিশম ক দাড়ানা,
গিদরৗ মনে হিড়িঞ তাহেনা।
দিশম দিশম ক দাড়ানা,
গিদরৗ মনে হিড়িঞ তাহেনা।
***** ***** ***** *****
১১।।
সনৎ কুমার সরেন
দুগাই টুডু
গড়ম বা-য়ে
লৗইগে কাথায়
কুদুম দুলৗড়িয়ৗ,
মঁজগে কাথায় গাবান লেদা
সিপিঞ সদরিয়ৗ।
কুদুম দুলৗড়িয়ৗ,
মঁজগে কাথায় গাবান লেদা
সিপিঞ সদরিয়ৗ।
ঞুতুম সনৎ
কুমার সরেন
ভাটুনাথ সরেন আপাৎ,
আয়মা হড়গে বাডায় আকাৎ
টুসিরানী এঁগাৎ।
ভাটুনাথ সরেন আপাৎ,
আয়মা হড়গে বাডায় আকাৎ
টুসিরানী এঁগাৎ।
জানাম আতো
চেপারডি গেদ
গোবরদা ডাক অড়াঃ,
জেলা বাঁকুড়া ওহায় অনা
বাডায় মেনা হড়াঃ।
গোবরদা ডাক অড়াঃ,
জেলা বাঁকুড়া ওহায় অনা
বাডায় মেনা হড়াঃ।
খাতড়া স্কুল
খনাঃ আদ
জেল চানাচ্ আনা,
চৗকরি কাতে বলে উনরে
কৗমি জিরৗও লেনা।
জেল চানাচ্ আনা,
চৗকরি কাতে বলে উনরে
কৗমি জিরৗও লেনা।
কাথা গালাং
কুদুম অনড়হেঁ
গিদরৗ কৗহনি হানে,
‘চিঠি সাকাম’ ‘পোহা’ রেদয়
অল লেদায় অনে।
গিদরৗ কৗহনি হানে,
‘চিঠি সাকাম’ ‘পোহা’ রেদয়
অল লেদায় অনে।
‘কুদুম
মুরৗই’ পতব গেথ
কৗটিচ্ লাগাদ্ সৗরি,
‘হেলকো’ অনড়হেঁ পুঁথি পাড়হাও
ভাগে বুজুঃ পৗরি।
কৗটিচ্ লাগাদ্ সৗরি,
‘হেলকো’ অনড়হেঁ পুঁথি পাড়হাও
ভাগে বুজুঃ পৗরি।
সাঁওহেৎ
চারচা তালা রেদ
অনেয় তাঁহে কানা,
সাঁওতা তালা মালা তেহেঞ
দিসৗ দহয় তাঁহেনা।
অনেয় তাঁহে কানা,
সাঁওতা তালা মালা তেহেঞ
দিসৗ দহয় তাঁহেনা।
***** ***** ***** *****
১২।।
মড়ে কাটা
সমরলাল টুডু
লেখা লেখান
জাঁগা পুনিয়ৗ
দাঁড়ান গেয়ায় গোটা দুনিয়ৗ
দলমা বুরু আতু রাসুনিয়ৗ
মড়ে কাটা ঞুঁতুমদ উনিয়ৗ।
দাঁড়ান গেয়ায় গোটা দুনিয়ৗ
দলমা বুরু আতু রাসুনিয়ৗ
মড়ে কাটা ঞুঁতুমদ উনিয়ৗ।
আচ্ লেকান্
পারাব সহরায়
আমাস ঞিঁদৗ ঢের্ দাঁড়ানায় বাবুরায়
হুডিঞ মারাং সানামগেব জহারায়
হুড়ু চাওলে যখন গেমেরায়।
আমাস ঞিঁদৗ ঢের্ দাঁড়ানায় বাবুরায়
হুডিঞ মারাং সানামগেব জহারায়
হুড়ু চাওলে যখন গেমেরায়।
হড়দ দারমট্
আডিই জোকাড়া
ঞুঁত্ গেয়ায় বায় চিঁকৗড়া
সানামক মেতায় হাড়াম কাড়া
বায় হাড়ামা জুওয়ৗন কড়া।
ঞুঁত্ গেয়ায় বায় চিঁকৗড়া
সানামক মেতায় হাড়াম কাড়া
বায় হাড়ামা জুওয়ৗন কড়া।
ঞেঁলেপে
জেরেদ্ কাতে বৗতি
অকয় কানায় চেলে জৗতি
কুল্ বানা তারুব্ হৗতি
সে আদিম খেরোওয়াল প্রজৗতি ?
অকয় কানায় চেলে জৗতি
কুল্ বানা তারুব্ হৗতি
সে আদিম খেরোওয়াল প্রজৗতি ?
আমদ সানতাড়
মেনাঃ হড়মদাড়ে
সৗরি বেগর বাচুঃতামা এড়ে
আতু রেদ মড়েকগে দাড়ে
ঞ্জানী হড়ক জহারামা বাড়ে।
সৗরি বেগর বাচুঃতামা এড়ে
আতু রেদ মড়েকগে দাড়ে
ঞ্জানী হড়ক জহারামা বাড়ে।
হৗতি গুপি মাহুত্
মাহারা
হৗতি যেমোন লুতিঠেনে জহারা
দিকু অড়াঃ দারা হারা
আমদ সানতাড় উনকুঅড়াঃ পাহারা।
হৗতি যেমোন লুতিঠেনে জহারা
দিকু অড়াঃ দারা হারা
আমদ সানতাড় উনকুঅড়াঃ পাহারা।
উনিগেদ
হৗতি বাংখান সানতাড়
হড়ম দাড়েতেকিন কৗমি লেতাড়
বুরধি দাড়েদ হুতুড় হাতাড়
জুমিদ বাংতে জম্ ভুতৗড়।
হড়ম দাড়েতেকিন কৗমি লেতাড়
বুরধি দাড়েদ হুতুড় হাতাড়
জুমিদ বাংতে জম্ ভুতৗড়।
***** ***** ***** *****
১৩।।
ঘুস্ -কা কুম্-ড়ু
ঠ্যেন্টা মুর্মূ
হয়ায়্ সূয়ূড়্ সূয়ূড়্
বাসয়াম্ তিকিন বেড়াঃ রেহঁ
গুগু কাঃ আঞ উয়ুন ।
রাবাং জালা তুপুন অড়াঃ
বলঃ গে বাং সানাঞ,
আদ তুপূন চালাও এনাঞ ।
তুপু কাতে আঁড়গো জখাজ্
ঞেলাঞ গ্যেরেজ্ চট্ রে
ঞুরহা মেনাঃ এখেন পাইপ্
কুট্ রা কাতে অত্ রে ।
আটুপৗটু আঁড়গো কাতেৎ
ঞেলাঞ গ্যেরেজ্ লাতার
টুলু পাম্পদ বৗনুঃ পটম
বস্তা যাতার খাতার ।
আজম কাতে অনা খবর
দশার হিলোঃ সেতাঃ
গডেৎ হাড়াম ভান্জাও আতেৎ
মেনায় হাপে নাহাঃ !
ইঞাঃ অড়াঃ ত্যেহাঁ
পাঁয়ড়া ত্যে বাঞ পাড়াগ্ তাক
দ্যেয়া হারতা নাহাঃ !
দশার হিলোঃ সেতাঃ
গডেৎ হাড়াম ভান্জাও আতেৎ
মেনায় হাপে নাহাঃ !
ইঞাঃ অড়াঃ ত্যেহাঁ
পাঁয়ড়া ত্যে বাঞ পাড়াগ্ তাক
দ্যেয়া হারতা নাহাঃ !
অনা কাত্যৎ প্যে পোন মাহা
ঞিন্দৗ জৗপিদ্ লাহা
গডেৎ হাড়াম কুঞ এ্য উয়ুং
সাতে কাতেৎ মেৎ হা ।
ঠিক গে মেনাঃ টুলু পাম্পদ
কুঞ ভিতরি রে আকা
মনে মনে ত্যেয় মেনা আদ
নন্ডে খনাঃ অকয় গেবায় চেকা
কিদুব্ কাতেৎ হাড়াম বুড়্ হি
উদুর তেকিন আন্দোড়
তিন করেচং ঘুস্কা কুমড়ু
টুলু পাম্প ক গহড় ।
ঞিন্দৗ জৗপিদ্ লাহা
গডেৎ হাড়াম কুঞ এ্য উয়ুং
সাতে কাতেৎ মেৎ হা ।
ঠিক গে মেনাঃ টুলু পাম্পদ
কুঞ ভিতরি রে আকা
মনে মনে ত্যেয় মেনা আদ
নন্ডে খনাঃ অকয় গেবায় চেকা
কিদুব্ কাতেৎ হাড়াম বুড়্ হি
উদুর তেকিন আন্দোড়
তিন করেচং ঘুস্কা কুমড়ু
টুলু পাম্প ক গহড় ।
***** ***** ***** *****
১৪।।
জিয়ন আরসিরে
বৈদ্যনাথ হাঁসদা
(হুলগৗরিয়ৌ)
এনেচ জংমে
সেরেঞ জংমে
কৗমি জং মে
জিয়ন তাঁহেন ভূরগে।
সেরেঞ জংমে
কৗমি জং মে
জিয়ন তাঁহেন ভূরগে।
নোওয়া জিয়ন দ
বারসিঞ গান আরসি লেকা
হ্যাঁচ তি রেচ
দুঁড়ুচ এন খান
সানমাঃ মায়া বৗগি কাতে।
বারসিঞ গান আরসি লেকা
হ্যাঁচ তি রেচ
দুঁড়ুচ এন খান
সানমাঃ মায়া বৗগি কাতে।
অলঃ মে
পাড়হাঃ মে
ঞুমান ঠাঁও হামেট মে
অক্ত জৗনিচ গে
আম দ লাফাং রে
অক্ত পারম রে দ আম দ ----।
পাড়হাঃ মে
ঞুমান ঠাঁও হামেট মে
অক্ত জৗনিচ গে
আম দ লাফাং রে
অক্ত পারম রে দ আম দ ----।
সাঁওতা কৗমি
সমাজ কৗমি
সুসৗর মে
লাগাড় দহয় মে
নোওয়া তেগে
আম দ ঞুতুম দহয় মে।
সমাজ কৗমি
সুসৗর মে
লাগাড় দহয় মে
নোওয়া তেগে
আম দ ঞুতুম দহয় মে।
সারু সাকাম জিওয়ী
ঞুর এন সে
হেলকাও হেলকাও তে
সৗকিৎ এন দ
অক্ত তাঁহেন রেগে আম দ।
ঞুর এন সে
হেলকাও হেলকাও তে
সৗকিৎ এন দ
অক্ত তাঁহেন রেগে আম দ।
খেলোন্ড মে
রৗস্কৗয় মে
চাচো ইদিঃ মে
জিওয়ী চালাঃ রেদ
জঃ গিডি জবরা গে
জিয়ন আরসি।
রৗস্কৗয় মে
চাচো ইদিঃ মে
জিওয়ী চালাঃ রেদ
জঃ গিডি জবরা গে
জিয়ন আরসি।
ঁঁঁঁঁ=মুচৗৎ=ঁঁঁঁঁ
.webp)
.webp)
