পশ্চিমবঙ্গ কল্যান সমিতি পুরুলিয়া জেলা চাঁগা খন ব্লক কমিটি তেয়ারেনা বান্দোয়ানরে

আবোওয়াঃ ডিজিটাল ডেস্কঃ-  আয়মা দিন খনগে পশ্চিমবঙ্গ আদিবাসী কল্যাণ সমিতি পুরুলিয়া জেলা কমিটি বেনাও তায়নম আডিগান ব্লক রেগে ফেক এস.টি শংসা পত্র টেকাও দারাম লৗগিৎ ডেপুটেশন এম তালাতে কৗমিহরা সার সৗগুন হেচ্‌ আকানা। সমিতি রেন কৗমিয়ৗ ক আতে কয়ঃ যশরে সেটেরঃ রিকৗ আকাদা পশ্চিমবঙ্গ আদিবাসী কল্যাণ সমিতি অনা রেনাঃগে মিৎ সৗগুনান কৗমিহরায় সাব কেদা ব্লক কমিটি তেয়ার কাতে ।

      নুনাং দিন দ ব্লক কমিটি বাং তাঁহে কানতে জেলা কমিটিগে গঃ ভৗরিয়ৗ লেদায় । ১২ ফেব্রুয়ারি ২০২২ সান্তাড় বাথান বান্দোয়ানরে সমিতি রেন কৗমিয়ৗ কো আতে ব্লক কমিটি তেয়ার কৗমি সার সৗগুনেনা। পশ্চিমবঙ্গ আদিবাসী কল্যাণ সমিতি পুরুলিয়া জেলা চাঁঙ্গা রেন সভাপতি মানতান সতন কুমার সরেন আর সম্পাদক গনেশ মাহালী গংকে তৗকিনাঃ দিসৗ উদুঃতে বান্দোয়ান ব্লক রেন কৗমিয়া কো আতে বেনাওয রাকাব এনা কমিটি ।

গটা বুটা কেৎ কোওয়া কো সভাপতি লেকাতে মানতান ধনঞ্জয় হেম্ব্রম,সহ সভাপতি মানতান চিত্তরঞ্জন হেম্ব্রম ,সম্পাদক মানতান বঙ্কিম চন্দ্র হেম্ব্রম, সহ সম্পাদক মানতান কিস্কিন্ধ্যা মুরমু আর কোষাধ্যক্ষ নির্মল চন্দ্র বাস্কে।

               পশ্চিমবঙ্গ আদিবাসী কল্যাণ সমিতি রেন সম্পাদক মানতান গনেশ চন্দ্র মাহালী গংকে দয় লৗই বুটৗ কেদা বাংমা,"ব্লক কমিটি বেনাও কাতে উরিচ লেকা কৗমিহরা লগনতে সাবঃআ মেনতে" ।