আবোওয়াঃ ডিজিটাল ডেস্ক- ফেক এসটি সার্টিফিকেট আমরাও কো টেকাও দারাম খৗতির উইহৗর ভাবনা আর আঁগিভার হাতাও লৗগিৎ গাপা ৫ ডিসেম্বর বাঁকুড়া বাস স্ট্যান্ড সোর আশীর্বাদ ভবন রে মিৎ কৗমিয়ৗ সভা রেনাঃ এ সাপড়াও আকাদা ওয়েস্ট বেঙ্গল সিডিউল্ড ট্রাইব ওয়েলফেয়ার সোসাইটি।
গটা পনৎ রেগে ফেক এসটি সার্টিফকেট অৗমরৗওকো সৗরিন আদিবাসী কোওয়াঃ সংবিধান রেনাঃ হৗটিঞ জুড়ুরে রামাকো গৗডিয়াও এদা অনাতে সৗরিন আদিবাসীকোগে কো নিশড়ৗও অচোঃ কানা। নোওয়া লৗইতে সৗরিন আদিবাসীকো তালারে রৗগি-কাঁহিশ সিরজৗঃ কানা মেনতে অভিযোগ এ রাকাব কেদা পশ্চিমবঙ্গ আদিবাসী কল্যান সমিতি। সেচেৎ, টিচার্স ট্রেনিং, চৗকরি সাঁওতে আরহঁ আয়মা লেকান ঠাঁওরে আদিবাসী কো আকোওয়াঃ আইদৗর কহঁ বাংকো ঞাম এদা মেনতে নংকাগে অভিযোগ এ রাকাব কেদা ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন।
গাপা বাঁকুড়ারেনাঃ কৗমিয়ৗ সভারে মুড়ুৎ বাঁখেড়িয়ৗ লেকাতে সেটের কো তাঁহেন কানা অ্যাসোসিয়েশন রেন পনৎ সভাপতি মানতান বালকরাম সরেন, সেক্রেটারী পার্শাল কিস্কু, সাঁওতে কলকাতা হাইকোর্ট রেন উকিল প্রদীপ সরেন আর অ্যাসোসিয়েশন রেন এক্সিকিউটিভ মেম্বার মিতন চন্দ্র টুডু।
আখড়ারেনাঃ কৗমিহরা সেতাঃ ৯ বাজা খন এহব কাতে সিঁগৗড় ৫ বাজা হৗবিচ্ হোয়োঃ আ মেনতে আখড়া সাসাপড়াও কো আবোরেন খবরিয়ৗকো বাডায় অচো আকাদেয়া।
কৗমিয়ৗ সভারেনাঃ গাপালমারাও আখড়ারে ভূমিজ সমাজ, জুওয়ৗন মহল, ভারত জাকাত মাঝি পারগানা মহল, পশ্চিমবঙ্গ সান্তাল টিচার্স অ্যাসোসিয়েশন, অল ইন্ডিয়া সান্তাল রাইটার্স অ্যাসোসিয়েশন রেন গৗখুড়িয়ৗকো সেটের তাঁহেনা মেনতেহঁ বাডায় আকানা।
.webp)
