আবোওয়াঃ ডিজিটাল ডেস্ক- হয়-হিঁসিদ্
ঝিপির জৗড়ি তালাতেহঁ পারমেন ৫ ডিসেম্বর আডি জাঁকজমক সালাঃ পশ্চিমবঙ্গ আদিবাসী কল্যান
সমিতিয়াঃ কৗমিয়া সভা সার সাগুনেনা বাঁকুড়ারে। পুরুলিয়া আর বাঁকুড়া জেলা আঃ জুগুৎতে ফেক এসটি সার্টিফিকেট অৗমরৗও কো টেকাও দারাম আর ওনকো
শাসেৎ ঞাম অচো রেনাঃ উইহৗর ভাবনা সাঁওতে কৗমিয়া কো উদ্গৗও এম লৗইতে অনা কৗমিয়া সভা।
অ্যাসোসিয়েশন পাহটা খন বাডায় আকানা
ঘানে ঘানে নানাহুনৗর হৗটিঞরেন আধিকারিক কো বাডায় অচোকাতেহঁ কাথায় অনকান নাপায় অরসং
বাংকো ঞাম আকাদা। নঁতে আরহঁ অভিযোগ রাকাব কানা বাংমা সরকার যেভাবতে অ-আদিবাসীকো তালারে
এসটি সার্টিফিকেট এ এমাকো কানা তাতে আদিবাসী কহঁ অনা ঘটন কদ আদিবাসী নাশাও রেনাঃ গে
নিশৗন কো ঞেল ঞামেদা। আদিবাসি কো তালারেহঁ নোওয়াকো ইদিকাতে রৗগি কাঁহিশ দিন দিনতে বৗড়তি
ইদি কানা।
গটা পনৎ রেগে যেভাবতে ফেক এসটি
সার্টিফিকেট অৗমরৗও কো রামা কো গৗডিয়ৗও এদা তাতে সৗরিন আদিবাসিকো লিন জিলেৎ অচোঃ কানা।
সেচেৎ, চৗকরি, টিচার্স ট্রেনিং,নার্সিং খন এহব কাতে জনপ্রতিনিধি লেকান লেকান ঠাঁওরেহঁ
আদিবাসীকো নিশড়ৗও অচোঃ কানা। নংকান অভিযোগ এ রাকাব কেদা পশ্চিমবঙ্গ আদিবাসী কল্যান
সমিতি।
ফেক এসটি সার্টিফিকেট বাখরাতে
পনৎ রেনাঃ আয়মা জেলারেন ডিএম, এসডিও, পিও কাম ডিডব্লিউ আপিসারকো সাঁওতে আদিবাসী এম.এল.এ.
আর এমপি কোঠেন দরবার কাতেহঁ কাথায় চেৎ লাভ হঁ বাং হুয় আকানা। আধিকারিক কো চিঠি ফরওয়ার্ড
আর আকো তালারে হৗনি-নুয়ৗ কৗই লাদে কাতে আপনার এলেক ছাড়া বেগর আর চেৎ হঁ অনকা বাং হোয়
আকানা। অনাতে আদিবাসি কোওয়াঃ রৗগি-কৗহিশ আরহঁ বৗড়তি ইদিঃ কানা।
আখড়ারে পৗঠুওয়া খন এহব কাতে মাচেৎ,
ডাক্তার, ইঞ্জিনিয়ার, অ্যাডভোকেট, অনলিয়ৗ, ব্যাঙ্ক কৗমিয়া এমান থক রেন আদিবাসী কো সেটের
তাঁহেকানা। আখড়ারে সেটের তাঁহেলেন মাহালি সমাজ, কোঁড়া সমাজ,ভূমিজ সমাজ, জুওয়ৗন মহল,
ভারত জাকাত মাঝি পারগানা মহল, পশ্চিমবঙ্গ সান্তাল টিচার্স অ্যাসোসিয়েশন, অল ইন্ডিয়া
সান্তাল রাইটার্স অ্যাসোসিয়েশন,বাঁকুড়া নাগার আতো, আদিবাসী ডক্টর্স ফোরাম এমান সংগঠন
কো আপান আপিন মত কো সদর কেদা।
অনা গালচ আখড়ারে গালচিয়ৗ লেকাতে সেটের ক তাঁহেনকানা - বালকরাম সরেন – ( পারসেৎ, পঃবঃ আ. ক. স. )
, পার্শাল কিস্কু ( সুতরেৎ পঃ বঃ আ. ক. স.), মিতান চন্দ টুডু (একজিকিউটিভ সহেদ পঃবঃ
আ. ক. স.), প্রদীপ কুমার সরেন (আডভোকেট কোলকাতা হাইকোট)
.webp)
