(হুডিঞ মাছা কৗহ্নি)
অরসং
আকাশ মুরমু
"সাব কাতে ফাইল রাড়া কাতে ঞেল কাতেয় হাহাড়াদেনা, যত কাগজরে আয়াঃ মালিকানা! হাহাড়াদ কাতেগেয় মেন কেদা ,"বাবা নংকা দ চেদাঃ? "হঁ বিটি আমদ মান্ডি বাখোলরেন বৗহু কুড়িদম বাং কানা ,কানাম অড়াঃ লক্ষ্মী। নংকান অক্তরেগে পৗর্শী আচ গ বাবা কিন বলয়েনতে ,কাথা ক বদলেন তাকোয়া ! কাথা ক রপড় রপড় তেগে পৗর্শী আচ মারাং দাদা হয় বলয়েনা। আরহো কাথা বদলেন তাকোয়া। পৗর্শী দ চা বিস্কুট লৗগিদ অড়াঃ এয় বলয়েনতে ,আয়িচ অড়াঃ হড়কো মেন কেদা,বাংমা যতনাঃ এম লৗগিদ রেবেন মেনাঃ আকাদ কোয়া ! যতনাঃ ! এনহো সাদের কুড়ি গিদরৗ তাকো,মেৎ দাঃ বাকো জরো হচো আতায়া ।মেনখান বাদ কৗটি কেদায় ধৗরমু মান্ডি ,বাহাগাড় আতুরেন মান্ডি কিষাঁড়। সাফাগেয় মেন কেদা ,ইদি লৗগিদ হ বায় হেচ আকানা আর দৗবি দাওয়া ইদি হ বায় হেচ আকানা। হেচ আকানায় আচরেন বৗহু কিমিন দ বাং মান্ডি বাখোল রেন হপনরা ঞেল ,উনিদ মৗন এমঃ এয় হেচ আকানা।
যাঁহায় রেন হপন রা মেৎরে কৗটুব উদুঃ কাতেয় মেন দাড়েঃ আ ,নওয়া দ বাং বুগিয়া বাং বেশা ,যাহা বাং কানা অনাদ চাঃ ইঞ চালাও হচোয়াঃআ। উনিয়াঃ কাথা আঁজমতে যতকো থির আকানা ,সিপটিপিন ঞুরলেখান সাডে আঁজমঃ আ,উন অক্তগে চা বিস্কুট আতেৎ পৗর্শীয় হেজেনতে আরহো কাথা ক ভিনৗ কেদা। চা ক এম কাতে ফাইলে আগু কেদতে এম কাতেয় মেন কেদা ,"বাবা! নওয়াদ মান্ডি বাখোলরেগেয় শোভায়া ! ইঞঠেন দ বাং "। সাব কাতেয় মেন কেদা ঠিক গেয়াটি "নওয়াদ ব্যাঙ্ক রেনাঃ লকার রে তাঁহেনা,যাহা তিসেম মেনা উনগে ,আমবেগর অকয় হ বাকো ঝিজ দাড়েয়াঃ আ "। যতকো থির আকান গেয়া ! বিদৗয় ক হাতাও কাতে ধৗরমু হ কুলহি রে দহ আকাদ বুলেট গাডি মিদ লেবেদ রেগে গাড গাডে সাডে হচ কেদা। কুলহি মুচৗদঃ সাঁওতেগে বৗই বৗইতে সাডে আদেনা, পৗর্শী হ যাহা তিনাঃ ঘৗড়িজ সাডেয় আঁজম কেদা উন ধৗবিজ আতেন দয় আতেন কেদ গেয়া!
.webp)
