আবোওয়াঃ ডিজিটাল ডেস্ক- গটা পনৎ রেগে যেভাবতে ফেক এসটি সার্টিফিকেট অৗমরৗও
কো রামা কো গৗডিয়ৗও এদা তাতে সৗরিন আদিবাসিকো লিন জিলেৎ অচোঃ কানা। সেচেৎ, চৗকরি, টিচার্স
ট্রেনিং,নার্সিং খন এহব কাতে জনপ্রতিনিধি লেকান লেকান ঠাঁওরেহঁ আদিবাসীকো নিশড়ৗও অচোঃ
কানা। নংকান অভিযোগ এ রাকাব কেদা পশ্চিমবঙ্গ আদিবাসী কল্যান সমিতি।
ফেক এসটি সার্টিফিকেট বাখরাতে পনৎ রেনাঃ আয়মা জেলারেন ডিএম,
এসডিও, পিও কাম ডিডব্লিউ আপিসারকো সাঁওতে আদিবাসী এম.এল.এ. আর এমপি কোঠেন দরবার কাতেহঁ
কাথায় চেৎ লাভ হঁ বাং হুয় আকানা। আধিকারিক কো চিঠি ফরওয়ার্ড আর আকো তালারে হৗনি-নুয়ৗ
কৗই লাদে কাতে আপনার এলেক ছাড়া বেগর আর চেৎ হঁ অনকা বাং হোয় আকানা।
অনাতে তেহেঞ ২৩ নভেম্বর, উত্তর ২৪ পরগনা জেলা চাঁগা পাহটা খন
আদিবাসীকো ঠৗওকৗ বুটৗ আদম ফেক এসটি সার্টিফিকেট লৗইতে জেলা শাসনিয়ৗ দপতর রে ঞাপাম কাতে
স্মারকলিপি কো জমা কেদা। জগ-জেলা শাসনিয়ৗ নোওয়া ইদিকাতে গৗহির ভাবতে ঞেল আর তুনখি তলাশ
আয় মেনতে কাথায় এম আকাদা।
তেহেঞাঃ নোওয়া ডেপুটেশনরে সেতের কো তাঁহেকানা পুলিন চন্দ্র
মান্ডি, ইগনাস মুরমু, হরেন্দ্র নাথ হাঁসদা, শশধর সর্দার,লক্ষণ মান্ডি এমান কো।
.webp)
