“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
তেহেঞাঃ আখড়ারে যাঁহায় কো সেলেদ্ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ,ᱥᱩᱵᱩᱫᱤᱭᱟᱹᱢᱩᱨᱢᱩ, ᱠᱤᱥᱠᱤᱱ ᱫ ᱷ ᱟ ᱢ ᱩᱨᱢ ᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱨᱤᱠᱟᱱᱛᱚ ᱥᱚᱨᱮᱱ, গাতে টুওয়ৗর, বাড়তাঙ সরেন, দুগাই টুডু, সনাতন টুডু, সীতেন মান্ডি, কানন হাঁসদা, সমর লাল টুডু, রামলাল টুডু, সত্যেশ্বর মুরমু, বিভূতি ভূষন সরেন, দুলৗড় বিটি।
,ᱠᱚᱭᱚᱜᱽ ᱢᱟᱠᱟᱨ ᱢᱩᱠᱩᱨ,
ᱪᱮᱫ ᱫᱟᱲᱮᱛᱮ ᱡᱮᱞ ᱮᱢ ᱦᱟᱹᱵᱩᱲ?
ᱰᱟᱴᱟ ᱫᱚ ᱛᱟᱢ ᱩᱠᱩᱨ?
ᱛᱳᱭᱟ ᱫᱟᱠᱟᱢ ᱠᱚᱠᱚᱭ,
ᱟᱭᱳ ᱢᱟᱛᱚ ᱠᱟᱹᱢᱤ ᱡᱚᱦᱚᱲ
ᱛᱳᱭᱟᱭ ᱮᱢᱟᱢ ᱚᱠᱚᱭ?
ᱟᱞᱚᱢ ᱪᱮᱸᱫᱚᱲ ᱦᱟᱯᱮ,
ᱜᱤᱛᱤᱡ ᱜᱩᱸᱜᱩᱸᱫ ᱩᱨᱜᱩᱢ ᱠᱟᱢᱟᱹᱧ
ᱚᱭᱳ ᱢᱮᱥᱟᱧ ᱢᱮᱥᱮ!
ᱯᱷᱚᱜᱽᱲᱟ ᱡᱟᱸᱵᱮ ᱰᱟᱴᱚ,
ᱜᱤᱛᱤᱡ ᱜᱟᱛᱮ ᱢᱮᱥᱟ ᱠᱟᱹᱧ ᱢᱮ
ᱟᱞᱟᱢ ᱯᱷᱟᱹᱲᱭᱟᱹᱜᱽ ᱠᱟᱴᱟ ᱾
᱾᱾᱾======= ᱛ =======᱾᱾᱾
ᱰᱩᱸᱝᱨᱤ ᱢᱩᱪᱟᱹᱫ ᱪᱟᱝᱲᱟ ᱰᱟᱦᱟᱨ
ᱥᱟᱺᱜᱤᱧ ᱜᱮᱭᱟ ᱠᱩᱞᱦᱤ ᱿
ᱫᱷᱟᱥᱱᱟ ᱛᱟᱯᱚᱞ ᱜᱚᱰᱟ ᱞᱟᱛᱟᱨ
ᱢᱮᱱᱟᱭ
ᱨᱚᱸᱝᱜᱚ ᱵᱩᱲᱦᱤ ᱿
ᱱᱮᱛᱟᱨ ᱜᱮᱥᱮ ᱵᱟᱠᱚ
ᱪᱟᱞᱟᱜ
ᱚᱠᱚᱭ
ᱦᱚᱸᱪᱚᱝ ᱦᱤᱨᱤ ᱿
ᱡᱟᱸᱦᱟᱭ ᱛᱟᱸᱦᱟᱭ ᱥᱩᱨ ᱞᱮᱱᱠᱷᱟᱱ
ᱪᱟᱯᱟᱫ ᱟᱭᱠᱚ ᱫᱷᱤᱨᱤ ᱿
ᱨᱚᱸᱝᱜᱚ ᱵᱩᱲᱦᱤ ᱨᱚᱸᱝᱜᱚ ᱵᱩᱲᱦᱤ
ᱵᱟᱝᱫᱚ
ᱮᱠᱟᱞ ᱯᱷᱩᱜᱽᱲᱤ ᱿
ᱵᱟᱭ ᱧᱟᱹᱢᱮᱫ
ᱵᱟᱭ ᱡᱚᱢᱮᱫ
ᱪᱚᱯᱚᱫ ᱡᱚᱦᱟ ᱪᱟᱹᱣᱦᱟᱹᱲᱤ ᱿
ᱡᱟᱸᱦᱟ ᱛᱤᱥᱮᱢ ᱦᱤᱡᱩᱜ ᱜᱮᱠᱷᱟᱱ
ᱱᱚᱣᱟ ᱦᱚᱨᱛᱮ ᱟᱢ ᱿
ᱦᱚᱨ ᱫᱷᱟᱨᱮ
ᱯᱩᱸᱡᱤ ᱫᱷᱤᱨᱤ
ᱧᱮᱞ ᱧᱟᱢᱟᱢ ᱟᱢ ᱿
ᱪᱟᱯᱟᱫ ᱟᱭᱢᱮ ᱦᱟᱞᱟᱝ ᱫᱷᱤᱨᱤ
ᱪᱮᱫᱦᱚᱸ ᱵᱟᱝ - ᱮ ᱟᱹᱲᱤ ᱿
ᱥᱟᱜᱩᱱ ᱠᱟᱛᱮᱭ ᱟᱹᱥᱤᱥ ᱟᱢᱟ
ᱟᱢᱟᱜ ᱫᱟᱠᱟ
ᱛᱷᱟᱹᱨᱤ ᱿
ᱫᱟᱨᱮ ᱱᱟᱹᱲᱤᱛᱮ ,
ᱪᱚᱴ ᱥᱮᱨᱢᱟ ᱧᱮᱞᱚᱜ ᱠᱟᱱ
ᱞᱤᱞᱜᱮ ᱨᱚᱝᱛᱮ ।
ᱯᱷᱟᱹᱨᱤᱭᱟᱹ ᱨᱤᱲᱤᱢᱜᱮ ,
ᱦᱮᱢᱟᱞ ᱵᱩᱨᱩ ᱛᱤᱜᱩ ᱟᱠᱟᱱ
ᱯᱩᱱᱰ ᱩᱨᱤᱪᱜᱮ ।
ᱜᱮᱞᱮ ᱵᱤᱞᱤ ᱦᱩᱲᱩᱛᱮ ,
ᱫᱟᱨᱮ ᱱᱟᱹᱲᱤ ᱧᱮᱞᱚᱜ ᱛᱟᱱᱢᱟᱱ
ᱦᱟᱹᱨᱤᱭᱟᱹᱲ ᱥᱟᱠᱟᱢᱛᱮ ।
ᱥᱤᱧᱵᱮᱲᱟ ᱟᱦᱚᱞᱟᱛᱮ ,
ᱢᱟᱹᱱᱢᱤ ᱫᱚᱠᱚ ᱥᱚᱨᱮᱥ ᱟᱠᱟᱱ
ᱵᱩᱨᱫᱷᱤ ᱟᱠᱤᱞᱛᱮ ।।
᱾᱾᱾======= ᱛ =======᱾᱾᱾
ᱥᱮᱛᱟᱜ ᱦᱤᱡᱩᱜ ᱠᱟᱱᱟ,
ᱵᱟ.ᱭ ᱵᱟ.ᱭ ᱛᱮ ᱢᱟ.ᱱᱢᱤ ᱠᱚᱭ
ᱮᱵᱷᱮᱱ ᱠᱟᱠᱚ ᱠᱟᱱᱟ
ᱥᱤᱢ ᱥᱟ:ᱰᱤ ᱵᱟᱭ ᱦᱤᱲᱤᱧ,
ᱫᱤᱱᱳᱢ ᱦᱤᱞᱳᱜ ᱚᱠᱛᱚ ᱱᱟ.ᱯᱤᱛ
ᱦᱚᱦᱚ ᱟᱠᱚ ᱛᱤᱲᱤᱧ
ᱦᱚᱦᱚ ᱮᱵᱷᱮᱱ ᱠᱚᱣᱟᱭ,
ᱧᱤᱫᱟ. ᱟ'ᱜᱟᱜ ᱵᱟ.ᱭ ᱵᱟ.ᱭ ᱛᱮ
ᱢᱟᱨᱥᱟᱞ ᱞᱟ.ᱜᱤᱫ ᱡᱚᱣᱟᱭ
᱾᱾᱾======= ᱛ =======᱾᱾᱾
ᱤᱧ ᱫᱚ ᱢᱤᱫ ᱢᱟᱨᱟᱝ ᱡᱳᱫᱷᱟ
ᱥᱟᱱᱟᱢ ᱜᱮᱪᱚᱧ ᱵᱟᱲᱟᱭ
ᱫᱷᱟ.ᱨᱛᱤ ᱨᱮᱱ ᱨᱟᱡᱚᱜ ᱞᱟ.ᱜᱤᱫ
ᱠᱟᱠᱲᱟ ᱴᱩᱴᱤᱧ ᱥᱮᱲᱟᱭ᱾
ᱥᱤᱠᱬᱤᱪ ᱞᱮᱠᱟ ᱥᱟᱦᱚᱥ ᱤᱧᱟ.ᱜ
ᱦᱟ.ᱛᱤ ᱞᱮᱠᱟ ᱰᱟᱴᱟ
ᱯᱟᱛᱟᱞ ᱨᱮᱦᱚᱧ ᱵᱚᱞᱚ ᱫᱟᱲᱮᱜ
ᱵᱟ.ᱱᱩᱜ ᱨᱮᱦᱚ ᱠᱟᱴᱟ᱾
ᱟᱸᱝᱜᱨᱟ ᱠᱚᱫᱚᱧ ᱩᱫ ᱫᱟᱲᱮᱜ
ᱫᱷᱤᱨᱤ ᱠᱚᱫᱚᱧ ᱜᱚᱞᱟᱶ
ᱵᱩᱨᱩ ᱠᱚᱫᱚᱧ ᱫᱚᱱ ᱯᱟᱨᱚᱢ
ᱢᱚᱱᱮ ᱠᱚᱫᱚᱧ ᱡᱷᱟᱞᱟᱶ ᱾
ᱨᱤᱢᱤᱞ ᱠᱚᱫᱚ ᱚᱨ ᱞᱮᱠᱟᱱ
ᱢᱮᱱᱟᱜ ᱛᱤᱧᱟ. ᱥᱤᱠᱬᱤ
ᱵᱟ.ᱭᱨᱤ ᱠᱚᱫᱚᱧ ᱞᱟᱜᱟ ᱴᱟ.ᱱᱰᱤ ᱠᱚ
ᱨᱟᱜ ᱠᱟᱛᱮ ᱠᱷᱤᱠᱲᱤ᱾
᱾᱾᱾======= ᱛ =======᱾᱾᱾
বাহারে ভান ভান
পাঁউরা চেঁড়ে ভাঃ ভৗকুর
হৗনিয় উডৗঃ কান ।
পেঁক্ পেঁক্ দ গেডে
চিঁয়ৗব চিঁয়ৗব সিম হপন
হৗনকু হাঁডে নাডে ।
মারাঃ চেঁড়ে হেঁয়ো
হুয়ৗ চুকৗঃ চিলিম চুকৗঃ
কুডৗম ধারে তোয়ো ।
মারাং কদ হুঁডরুঃ
মেরম ভিডি মেমে ভেভে
চুড়ুব চুড়ুব খিলডুঃ ।
হপন কদ হঁবে
মিয়ুং মিয়ুং পুসি হপন
মেলৎ আরে বেবে ।
উনি কঁওয়া কঁওয়া
রাঃ লাঁদা বৗউলি তিঞ
আঁজম কাঃমে নওয়া ।
᱾᱾᱾======= ᱛ=======᱾᱾᱾
মেনাঃ পৗলি পরব
অনা লৗগিৎ আবো কোওয়াঃ
মেনাঃ তাবো গরব।
হৗতি লেকান 'সহ্ রায়'
বিলি হুড়ু রাকাপ তরা
রৗস্কৗ আতে দারায়।
বাহা সাড়ঃ ফৗগুন বঙ্গ
ডৗরমা লেগেজ লেগেজ
'বাহা' পরব সেটেরঃআ
মনে কেদেজ কেদেজ।
পরব অনা 'সাকরাত'
জেল পিঠৗ সাঁও ইসিনাকো
জাংকো সানাম লাটপাট।
গৗছি এরঃ অক্তে
হুড়ু গৗছি অমন যাতে
আডি নাপায় মজতে।
বুদৗ ঝাড়োঃ খৗতির
হৗরিয়ৗড়গে হারাঃ যাতে
হয়তে লিকির লিকির।
ভাদর মা বঙ্গারে
গেলে হুড়ুবো বঙ্গায়া
জাহের থান তালারে।
'জানথাড়' পরব রৗস্কৗ সালাঃ
আঁঘাড় রেবো গটায়
কুডৗম নায়কে জাহের কুডৗম
নিরৗই লৗগিৎ বঙ্গায়।
সাঁওড়ি ইর দিশৗতে
আঙ্গিভার কো এমাকোওয়া
সেরমা এহপ অক্তে।
হড়মো সাঁওয়ার লৗগিৎ
মান মানত আর দেওয়া সেওয়া
সাঁওতা ভৗলৗই লৗগিৎ।
᱾᱾᱾======= ᱛ =======᱾᱾᱾
ডমন হাঁসদা গেদ
আডি মারাং অনড়হিঁয়ৗ
অনলিয়ৗ আদ।
জানাম আতো কানা,
আপাৎ ঞুতুম ফৗগু হাঁসদা
সানাম গেকো মেনা।
প্রাইমারী মাচেৎ লেনা,
হেড মাস্টার হোয় কাতেৎ
হানেয় জিরৗও এনা।
সাঁওহেৎ এ চরচা কেদা,
‘রায়বার’ পাথাম সাপড়েৎ তায়ম
‘উমুল’ এ সাপড়াও লেদা।
মঁজগে ‘আতো অড়াঃ’
‘পিয়ালপুর লৗড়হৗই কাথা’ অনা
একাল আঁজম বাড়াঃ।
‘চিকি ছাঁদা’ হেনাঃ,
‘সিদো কানহু হুল’ পতব
দামান গেকো মেনা।
এনেম মেনাঃ তায়া,
পৗঠুওয়ৗ কোদ তেঁহেঞ গাপা
উইহৗর দহয় এয়া।
᱾᱾᱾======= ᱛ =======᱾᱾᱾
সামাং তেবন চালাঃ
মিৎতে দেলা সাপাব কাতে
বৗইরি দারাম বন চালাঃ।
সাপাব মেনাঃ তাবন,
বৗইরি দারাম লৗগিৎ আবোন
জগাও জতন নাবোন।
থির কাতেৎ আবো ঝতম
একাল বাংবোন তাঁহেন,
আপনারাঃ আইদৗর আপনার তেগে
হাতাও হোয়োঃ তাবোন।
বাবন বতরঃ আ,
লৗড়হৗই কাতে, হাতাও হোয়োঃ
মেনাঃ তাবন অকা।
᱾᱾᱾======= ᱛ =======᱾᱾᱾
কাকড়া ডম্ বঃ পুসি পারম
হড় ক রৗগিঃআ
রৗপুদ আরসিরে চেদাঃহড়
মেৎমুখৗন বাং ক ঞেলা?
আলে বাবুয়াঃ কুকলি
আঁধা পৗতিয়ৗও চেতান হড়
চেদাঃমনে ক কাঁহিশা ?
চুড়ুপ চুড়ুপ এ দন
উনি ঞেল তে পুসি চেদাঃ
জ জম লৗগিৎ এ দন?
রড় আয়া ক বাবু
লাণ্ডা লুণ্ডু মেৎ তে কয়গ্
রৗগি একাল বৗনুঃ।
বৗনু্ঃতায়া ডাটা
গটা অড়াঃ আঁধড় কাঃ আয়
লান্দায় ফগড়া মচা।
᱾᱾᱾======= ᱛ=======᱾᱾᱾
এভেন তরাই লান্দায়
হেও কাতে, চেরেচ অচো
আডি আডি তেৎ এ ফান্দায় ৷
কয়োগ তায়মা, পিটির পিটির
হেড়েম দুলৗড়তে চাপে
বাঙ দ সানা, আটেৎ রে দহোঃ
লান্দা পিছৗঃ ,উলি দাঃ রাসে ৷
দুলৗড় ঞুতুম,আপনার আপনার
অলতে বাঞ চাবাঃ
চেৎ হেড়েম ,ঞূটোঃ হেড়েম
কৗটুব খৗলিই সাবা !
যত হড় কো জাওরা
ইঞ ঠেন ,ইঞ ঠেন গে
দুলৗড় বাঞ সাম্বড়া !
ইঞাঃ কোল রে লাহাঃ
আমা দুলৗড় ,আলেঠেন বিটি
বাঞ লে বুঝাঃ মাহা !
কড়াম পেরেচ আকান
তেতাঞ ,রেঞেচ হিড়িং দালে
আমদোম সেটের আকান !
আমঠেন মেনা
যত হড়লে ,সদর রেহঁ
বাঙ পুরৗঃ আ দেনা !
আলে গে আমঠেন তেহেঞ
দুলৗড় নৗড়ি দ ,তাহেন গেয়াঃ
আডি রৗসকৗ সেরেঞ৷
হুডিঞ দুলৗড় , কৗটিচ দুলৗড়
আজমতে কৗটিচ গেয়া
নোওয়া দুলৗড় ,সরেশ দুলৗড়
বাবোন হিড়িঞ এয়া!
বাঞ দো তপাঃ তাহেন
যায় যুগ গে,যায় যুগ গে
বাড়াই কাঃবেন, আবেন !
᱾᱾᱾======= ᱛ =======᱾᱾᱾
মেনাঃ মারাং বারু দারে,
রহয় লাঃআয় হাড়ামবা দরে ।
বতর বৗনুঃ মিৎ চুপুৎ,
জাঁগে দারামে তাপাম তুপুৎ ।
লাঁদায় গেয়ায় মুলুচ মুলুচ,
একলাগেয় লাহাঃ বায় তুলুচ ।
হাদার হয়তে ডারে পৗটুব,
সিঁঞ ঞিঁদৗ সামকা সৗটুব ।
হড়মরে বৗনুঃ হিঁসকৗ পেটেজ,
এন্তে রেহঁ অহকেয়াক লেটেজ ।
জ-বেলেয় হৗটিঞ রৗসকাতে
সুনুম লৗগিৎ জাংক পাসকা পাসকাতে
ইদিয়াক অড়াঃ ঝুড়ি বাসকাতে ।
হাড়াম বাবা অলম ঝলম
রহয় আকাৎ বাবন তালম
অলঃ আবন বাবন পলম ।
হিঁসকৗ হুলুং লৗড়হৗই হাপেসে,
মৗলি বাহা তেরে তেসে ।
᱾᱾᱾======= ᱛ=======᱾᱾᱾
আঁজমৗঞ রেরে রেরেঞ
মচা রেদ সিড়ুপ্ নল
তায়মরে সুঁগৗ দেরেঞ ।
মিৎটাং আয়ো তেরম
মিৎ ছাতারে দুঁগুর দুঁগুর
সা - সায় সিপৗহি তেরম ।
বাংপে খৗপৗরি তাপাম
এনেচ্ আতে লৗপৗয়াপে
অকারেদ জম ঞাপাম ।
বেলেয়ায় আয়ো তেরম
রাসা সেঁন্দরা, ছাতা বেনাও
যতরে সিপৗহি তেরম ।
ছাতারে জরম জরম
খোঃ মাদারে রানহঁ হোয়োঃ
একেন রাসাহঁ সড়ম ।
ধুঁড়সৗউ পেক যখন
রাসাতেৎ ক হাতাও রেহঁ
নাশাও তাপেক জীয়ন ।।
᱾᱾᱾======= ᱛ=======᱾᱾᱾
অকাম চালাঃ কানা?
মঁজেম ঞেলঃ কানা।
রাসা জরঃ কানা,
দমেয় রৗস্কৗঃ কানা।
᱾᱾᱾======= ᱛ=======᱾᱾᱾
রাবাং এন কেটেজ্,
রাবাং আটক অড়েচ্ কানথা তে
বাং এম দাড়েঃ সেটেজ্।
হাড়াম -বুড়হি "রাবাং দিন "
হড়ম থার থারাঃ,
গিদৗর -পিদৗর কওয়াঃ মাত
নানহা সুনুচ্ জরঃ।
হাড়াম-বুড়হি গিদৗর-পিদৗর
রাবাংতে জাতার কাতার,
বুরসি সেঁগেল মগত মগত
জুলুঃ পারকম লাতার।।
᱾᱾᱾======= ᱛ=======᱾᱾᱾
দারে রেনাঃ সরেশ সাকাম
সারজম রিলৗমালা,
গুঁগুঁ লৗগিৎ গুঁগুঁ সাকাম
মুরুৎ সাকাম খালাঃ।
বাড়ে সাকাম পাতড়া,
নৗনি সৗনি বাং পারমঃ
আতনা সাকাম ছাড়া।
লাগাঃ পালওয়া লৗগিৎ,
ভেন্ডা সাকাম হড়ম সেঁকাও
লাগাঃ অক্ত নৗপিৎ।
.webp)
