সিঁগি মাহা রেনাঃ সাকাম ‘চেরেচ্ আড়াং’ লেখা- ৬৪

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com  

 

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু,  ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, ᱥᱨᱤᱠᱟᱱᱛᱚ ᱥᱚᱨᱮᱱ, ᱨᱟᱢᱞᱟᱞ ᱴᱩᱰᱩ, বাড়তাঙ সরেন, বিভূতি ভূষন সরেন, দুগাই টুডু, সমর লাল টুডু, সীতেন মান্ডি, দুলৗড় বিটি।

 

রিলৗমালা মুরুমু, ক্লাস- IV
জেলা - পুরুলিয়া

১।।

ᱪᱩᱰᱜᱟᱹ ᱥᱚᱨᱮᱱ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱩᱰᱜᱟᱹ ᱰᱤ ᱨᱮᱱᱻ ᱪᱩᱰᱜᱟᱹ ᱥᱚᱨᱮᱱ
              ᱩᱞᱯᱷᱟᱹᱠᱟᱛᱷᱟᱭ ᱛᱷᱩᱛᱤ,
 ᱵᱤᱪᱷᱱᱟᱹ ᱢᱟᱰᱟᱭᱻ ᱠᱩᱠᱩᱡ ᱵᱟᱲᱟᱭ
               ᱵᱟᱭ ᱚᱴᱟᱜᱟ ᱯᱩᱛᱷᱤ ᱾

 

ᱩᱞᱴᱟᱹ ᱜᱮᱛᱟᱭᱻ ᱠᱟᱛᱷᱟ ᱢᱟᱛᱟᱭ
                 ᱦᱚᱲ ᱠᱚᱫᱚ ᱠᱚ ᱟᱸᱡᱚᱢ,
 ᱞᱟᱯᱷᱟᱜ ᱛᱷᱩᱛᱤᱻ ᱩᱛᱤ ᱥᱩᱛᱤ
                    ᱵᱤᱸᱰᱩᱡ ᱟᱭ ᱠᱚ ᱟᱫᱤᱢ ᱾

 

 ᱪᱩᱰᱜᱟᱹ ᱥᱚᱨᱮᱱᱻ ᱠᱟᱛᱷᱟᱭ ᱢᱮᱢᱮᱱ
                      ᱦᱚᱵᱚᱨ ᱠᱟᱛᱮ ᱯᱩᱛᱷᱤ,
 ᱟᱡᱜᱮ ᱪᱮᱛᱟᱭᱻ ᱢᱟᱪᱮᱛ ᱠᱟᱱᱟᱭ
                  ᱞᱟᱹᱯᱷᱨᱟᱹ ᱠᱟᱛᱷᱟᱭ ᱛᱷᱩᱛᱤ ᱾

 

 ᱟᱸᱡᱚᱢ ᱟᱛᱮᱱᱻ ᱦᱚᱲ ᱠᱚ ᱥᱮᱬᱟᱭ
                  ᱠᱷᱟᱹᱯᱟᱹᱨᱤ ᱛᱯᱟᱢ ᱞᱟᱹᱲᱦᱟᱹᱭ,
 ᱦᱚᱲ ᱫᱚ ᱚᱠᱚᱭᱻ ᱵᱟᱝ ᱠᱚ ᱧᱟᱢᱚᱜ
                   ᱟᱡᱜᱮ ᱭᱮᱠᱚ ᱠᱟᱹᱲᱟᱹᱭ ᱾

 

======= ᱛ =======

২।।

ᱟᱢᱲᱟ ᱥᱚᱰᱚᱜ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱵᱟᱥᱟ ᱰᱩᱸᱝᱨᱤ ᱟᱢᱲᱟ ᱥᱚᱰᱚᱜ

ᱫᱟᱜ-ᱫᱚ ᱡᱚᱨᱚᱜ ᱨᱚᱰᱚᱜ ᱨᱚᱰᱚᱜ ᱿

ᱫᱷᱤᱨᱤ ᱪᱟᱹᱴᱟᱹᱱ ᱥᱮᱛᱮᱧ ᱫᱟᱜ
ᱢᱮᱸᱫ-ᱫᱟᱜ ᱞᱮᱠᱟ ᱯᱮᱲᱮ ᱯᱮᱲᱮ ᱿

ᱦᱤᱡᱩᱜ ᱯᱮᱥᱮ ᱧᱮᱞ ᱯᱮᱥᱮ
ᱵᱟᱹᱧ ᱞᱟᱹᱭᱮᱹᱫ ᱮᱲᱮ ᱮᱲᱮ ᱿

ᱯᱩᱛᱞᱤᱪ ᱵᱟᱸᱫᱮ ᱯᱟᱹᱛᱱᱤᱪ ᱠᱩᱲᱤ
ᱦᱮᱨᱢᱮᱫ ᱫᱤᱯᱤᱞ ᱛᱩᱲᱤ ᱜᱷᱩᱲᱤ ᱿

ᱟᱢᱲᱟ ᱥᱚᱰᱚᱜ ᱵᱚᱸᱜᱟ ᱰᱟᱹᱰᱤ
ᱫᱟᱜ-ᱫᱚ ᱥᱟᱹᱨᱤ ᱦᱮᱲᱮᱢ ᱟᱹᱰᱤ ᱿

======= ᱛ =======

 ৩।।

ᱡᱟ ᱴᱟ  ᱦ ᱟ ᱲᱟ ᱢ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱦᱟ.ᱱᱤ ᱧᱮᱞᱮ ᱯᱮ
ᱡᱟᱴᱟ ᱦᱟᱲᱟᱢ
ᱡᱷᱚᱞᱟᱭ ᱜᱚᱜ ᱟᱠᱟᱫ,
ᱪᱤᱛᱨᱤ ᱜᱷᱩᱴᱩ
ᱟᱛᱳ ᱥᱮᱡ 
ᱛᱟᱲᱟᱢ ᱥᱳᱡᱮᱣ ᱟᱠᱟᱫ ᱾

 

ᱛᱤ ᱨᱮᱛᱟᱭ
ᱢᱟᱫ ᱴᱷᱮᱸᱜᱟ
ᱴᱷᱚᱲᱚᱜ ᱟᱛᱮ ᱞᱟᱦᱟᱜ,
ᱪᱤᱛᱨᱤ ᱜᱷᱩᱴᱩ
ᱟᱛᱳ ᱥᱩᱨ
ᱥᱮᱴᱮᱨ ᱮᱫᱟᱭ ᱱᱟᱦᱟᱜ ᱾

 

ᱜᱤᱫᱟ.ᱨ ᱯᱤᱫᱟ.ᱨ
ᱧᱮᱞ ᱛᱚᱨᱟ 
ᱵᱚᱛᱚᱨ ᱛᱮᱠᱚ ᱫᱟ.ᱲ,
ᱡᱟ'ᱦᱟᱭ ᱜᱮ
ᱡᱟ'ᱦᱟ ᱥᱮᱡ
ᱧᱤᱨ ᱟᱛᱮ ᱨᱟ.ᱲ

======= ᱛ =======

 ৪।।

ᱤᱧ  ᱨᱮᱱ  ᱜᱩᱨᱩ

ᱠᱤᱥᱠᱤᱱᱫᱷᱟ   ᱢᱩᱨᱢᱩ

ᱢᱟᱨᱟᱝ  ᱠᱚᱫ  ᱜᱚᱰ ᱪᱟᱞ ᱟᱠᱳ

ᱦᱩᱰᱤᱧ ᱠᱚᱫ ᱥᱩᱛᱩᱜ ᱠᱟᱠᱳ    ;

ᱢᱟᱱᱟ ᱵᱟᱫᱷᱟ ᱵᱟᱛᱟᱳ ᱛᱟᱠᱳ

ᱞᱟᱹᱭ  ᱠᱟᱛᱷᱟ  ᱟᱸᱡᱚᱢ  ᱛᱟᱠᱳ।

ᱟᱭᱳ ᱵᱟᱵᱟ ᱢᱟᱨᱟᱝ ᱜᱩᱨᱩ

ᱤᱧᱨᱮᱱ ᱛᱤᱜᱩ ᱢᱮᱱᱟᱜ ᱠᱤᱱ  ;

ᱢᱟᱨᱟᱝ ᱫᱟᱫᱟ  ᱫᱤᱫᱤ ᱛᱟᱠᱤᱱ

ᱱᱟᱯᱟᱭᱚᱟᱜ  ᱢᱮᱛᱟᱧ  ᱠᱤᱱ  ।

ᱢᱟᱪᱮᱫ ᱴᱷᱮᱱᱤᱧ ᱪᱮᱫᱚᱜ ᱤᱧ
ᱥᱤᱧ ᱧᱤᱫᱟᱹ ᱫᱤᱱᱟᱹᱢ ᱡᱚᱦᱟᱨᱚᱜ  ;
ᱟᱹᱠᱤᱞ  ᱟᱨᱡᱟᱳᱢᱟᱧ ᱵᱮᱥ ᱤᱧ
ᱜᱩᱨᱩ ᱴᱷᱮᱱᱤᱧ ᱫᱤᱱ ᱱᱮᱦᱚᱨᱚᱜ  ।

ᱡᱟᱸᱦᱟᱧ ᱠᱟᱹᱢᱤ ᱤᱧᱟᱜ ᱫᱤᱥᱟᱛᱮ

ᱡᱩᱫᱤ ᱠᱟᱹᱭᱫᱚ ᱦᱩᱭᱩᱜ ᱛᱤᱧ ;

ᱤᱠᱟᱹᱧ  ᱠᱚᱭᱟ  ᱢᱟᱱᱛ ᱠᱟᱛᱮ

ᱱᱮᱦᱚᱨ   ᱡᱚᱦᱟᱨ  ᱟᱠᱳᱭᱤᱧ  ।

ᱠᱟᱹᱭ ᱜᱩᱱᱦᱟᱹᱭ ᱠᱟᱹᱢᱤ ᱠᱟᱹᱢᱤ
ᱫᱟᱞᱛᱚᱞ ᱮᱜᱮᱨ ᱥᱟᱥᱚᱱ ᱜᱚᱫᱤᱧ ;
ᱟᱹᱛᱷᱟᱹᱲᱤ ᱵᱟᱹᱧ ᱢᱮᱱ ᱨᱩᱭᱟᱹᱲ

ᱠᱟᱹᱭ  ᱠᱩᱲᱟᱹᱭ  ᱵᱟᱛᱟᱳ   ᱤᱧ  ।

ᱵᱮᱨᱮᱫ ᱛᱚᱨᱟ ᱱᱮᱦᱚᱨ ᱡᱚᱦᱟᱨ
ᱱᱟᱯᱟᱭᱛᱮ ᱵᱟᱲᱮᱧ ᱢᱟᱲᱟᱝᱚᱜ  ;
ᱟᱥᱤᱥ ᱤᱧᱯᱮ ᱢᱚᱡᱜᱮ ᱰᱟᱦᱟᱨ

ᱟᱞᱚᱧ ᱮᱥᱮᱫ ᱛᱚᱦᱚᱫ ᱦᱟᱲᱟᱜᱚᱜ  ।

 

======= ᱛ =======

৫।।

ᱵᱷᱩᱛᱟᱜ ᱥᱚᱨᱚᱜ

ᱥᱨᱤᱠᱟᱱᱛᱚ ᱥᱚᱨᱮᱱ

(...ᱞᱟᱦᱟ ᱠᱷᱚᱱ ᱛᱳᱸᱜᱮ)

ᱵᱨᱚᱢᱢᱚ ᱵᱷᱩᱛ ᱟᱨ ᱵᱚᱲᱠᱟ.ᱴᱷᱤ ᱥᱟᱶ

                ᱜᱟᱛᱮ ᱠᱚᱜ ᱟᱭ ᱠᱷᱟᱴᱚ ᱵᱷᱩᱛ

ᱱᱩᱠᱩ ᱫᱚ ᱮᱠᱮᱱ ᱰᱟ‌.ᱜᱩᱭᱟ. ᱠᱚᱲᱟ

           ᱯᱟᱸᱡᱟᱭᱟᱠᱚ ᱪᱩᱬᱤᱱᱟᱜ ᱛᱟᱲᱟᱢ ᱠᱷᱩᱸᱛ᱾

ᱟ.ᱢᱩᱴ ᱡᱟᱱ ᱟᱨ ᱜᱳᱞᱟᱯ ᱡᱟᱱ ᱫᱚ

                ᱢᱤᱫᱴᱟᱝ ᱡᱤᱣᱭᱤ ᱯᱷᱩᱞᱮᱭᱟ

ᱪᱤᱬᱭᱟ. ᱢᱚᱥᱟᱱ ᱟᱨ ᱪᱤᱬᱭᱟ. ᱵᱳᱤᱢᱚᱛ

                ᱡᱮᱭᱮᱫ ᱛᱮ ᱛᱳᱭᱳ ᱠᱤᱱ ᱠᱷᱟᱞᱮᱭᱟ᱾

ᱵᱨᱚᱢ ᱯᱤᱪᱟᱥ ᱟᱨ ᱵᱨᱚᱢ ᱫᱮᱵᱛᱟ

                 ᱡᱮᱭᱮᱫ ᱛᱮ ᱦᱚᱲ ᱠᱤᱱ ᱩᱫ ᱠᱚ

ᱠᱩᱠᱩᱨᱦᱟ ᱟᱨ ᱩᱞᱩ ᱵᱟᱥᱤᱱᱤ

            ᱡᱮᱭᱮᱫ ᱛᱮ ᱦᱚᱲ ᱠᱤᱱ ᱪᱷᱟᱱ ᱠᱚ᱾

ᱵᱚᱲᱠᱟ ᱵᱟᱵᱩᱭᱟᱜ ᱨᱟ.ᱯᱩᱫ ᱚᱲᱟᱜ

            ᱵᱤᱫᱷᱩᱭᱟ. ᱡᱟᱝ ᱛᱮ ᱯᱮᱨᱮᱡ

ᱯᱩᱛᱩᱞᱤᱭᱟ. ᱢᱮᱢ ᱯᱩᱛᱩᱞ ᱟᱛᱮ

           ᱟᱢᱟᱥ ᱧᱤᱸᱫᱟ.ᱭ ᱮᱱᱮᱪ ᱿

======= ᱛ =======

৬।।

ᱜᱤᱫᱽᱨᱟᱹ ᱵᱟᱹᱣᱞᱤ

ᱨᱟᱢᱞᱟᱞ ᱴᱩᱰᱩ

 

ᱦ ᱚ ᱯ ᱚ ᱱ ᱵ ᱤ ᱴ ᱤ ᱪ ᱤ ᱢ ᱤ ᱪ ᱟ ᱹᱴᱤ
                 ᱯᱟᱛᱟ ᱧᱮᱞᱮ ᱪᱟᱞᱟᱜ ,
    ᱦᱚᱨᱮ ᱛᱟᱲᱟᱢ ᱟᱹᱴᱩ ᱯᱟᱹᱴᱩ
              ᱵᱩᱰᱷᱤ ᱜᱚᱜᱚ ᱥᱟᱞᱟᱜ ᱾
    ᱦᱚᱲᱠᱚ ᱦᱟᱛᱟᱣ ᱯᱷᱤᱛᱟᱹ ᱪᱩᱲᱤ
              ᱫᱟᱫᱟ ᱛᱟᱠᱚ ᱫᱚ ᱫᱷᱩᱛᱤ ,
    ᱦᱚᱯᱚᱱ ᱵᱤᱴᱤᱭ ᱦᱟᱛᱟᱣ ᱠᱮᱫᱟ
              ᱮᱞᱠᱷᱟ ᱨᱮᱭᱟᱜ ᱯᱩᱛᱷᱤ ᱿

      

                            ( ᱒ )

 

     ᱟᱞᱮ ᱚᱲᱟᱜ ᱦᱤᱡᱩᱜ ᱢᱮ ᱯᱷᱩᱞ
              ᱮᱢᱟᱢ ᱜᱮᱭᱟᱞᱮ ᱯᱤᱴᱷᱟᱹ  ,
    ᱵᱷᱩᱞᱤ ᱥᱮᱛᱟ ᱢᱮᱱᱟᱭ ᱛᱟᱞᱮ
                ᱟᱞᱚᱢ ᱦᱤᱡᱩᱜ ᱨᱤᱴᱷᱟᱹ  ᱾               
 ᱟᱹᱱᱟᱹᱲᱤ  ᱦᱚᱲ  ᱧᱮᱞ  ᱛᱚᱨᱟᱜᱮ  
                ᱟᱹᱲᱤᱥ ᱜᱮᱪᱚᱭ ᱵᱷᱳᱜᱽ ,
    ᱡᱟᱸᱦᱟᱱᱟᱜ ᱵᱟᱢ ᱮᱢᱟᱭ ᱠᱷᱟᱱ
                ᱯᱚᱠᱮᱴ ᱜᱮᱪᱚᱭ ᱥᱳᱜᱽ ᱿

 

======= ᱛ =======

৭।।

সরগপুরী

বাড়তাঙ সরেন

  

হানে অনা ঞেলঃ হিহিড়ি পিপিড়ি
পিলচু হাড়াম-বুঢী বঙ্গা জাঙ্গাধুড়ী
হেসেচ সেকেচ  সাজাও দারেনৗড়ী
মুরুৎ মাতকম, সারজম  উল বৗড়ি,
 সোনা বারাং দিশম তিঞ,
ইঞাঃ জানাম দিশম তিঞ।

 

চৗই চাম্পা বাদোলীরে সরেন সিপাহী
মেনাঃ কওয়া গেল বার সরেশ বাডোহী
আতো হড় তালা, মেনাঃ সৗরি সৗহিজুহি
সোনা লেকা গেলে হুড়ু,মেনাঃ পৗহি পৗহি,
 তোওয়া দাহে দিশম তিঞ
ইঞাঃ, জানাম দিশম তিঞ।

 

টিরবুরু লুগুবুরু  সৗঙ্গিঞ পাঞ্চেৎবুরু
শায় শায় মান্তার, বাঁখেড় কামরু গুরু
সাং নৗই, গাং নৗই,মেনাঃ নৗই গিরু
হুড়ু চাওলে তাঁহেলেন দ বাঁদি চুরুবুরু,
অণ্ডে ইঞাঃ রেহেৎ তিঞ,
মনে, দুলৗড় সারসাঃ তিঞ।

 

সিধু কানু হুলগৗরিয়ৗ মায়াম গাবাও হাসা
হহয়াকো তিলকৗ মাঝি হৗনি বীর বীরসা,
সাধু মুর্মু, গুরু গমকে তেয়ারাকিন আশা
হয় হাসা দাঃ দ সিবিল একাল দুমুর রাসা,
অণ্ডেগেচো জানামতিঞ, সোনা দিশম তিঞ
আয়ো বাবা দুলৗড় পেরেচ সরগপুরী তিঞ।

======= ᱛ =======

 ৮।।

রকচ্

বিভূতি ভূষণ সরেন

  

বাড়গে লাতার ঝাড়ু গৗডয়ৗরে
               মেনাঃ আকাৎ ক  'রকচ্, ,
লুদৗম বুড়হি তুপুন অকত্
           অওয়ার আকাৎ ক আডি অকচ্।

 

   অওয়ার কেৎক গছা পেরেচ্
           জিলমা মিৎ বকাঃ,
ঢেলা ঝুড়রে গিডি কানে
         টুপলৗঃ পেরেচ্ চকাঃ।

 

হাপড়াম কঠেন আঁজম আকান
        রকচ্ জিল জম লেখান,
হড়ম রেনাঃ আয়মা আজার খন
           নাপায়েম তাহেন এনখান।

======= ᱛ =======

৯।।

ন্যাথানিয়েল মুরমু

দুগাই টুডু

 

লৗই দাকো তাঁহে কানায়
          মিৎ টেন অনলিয়ৗ,
ন্যাথানিয়েল রবিনসন মুরমু
          একাল ঞুতুমিয়ৗ।

 

জানাম নারায়নপুর মিশনরে
          পুছিম দিনৗজপুরগে,
আপাৎ কর্নেলিয়াম মুরমু
         তাংখি পাড়হাঃ ভুরগে।

 

কলেজ পাশ কাতে উনি
     মাচেদরে বহাল লেনায়,
অনা বৗগি কাতে উনি
      এমএলএ হোয় লেনায়।

 

‘মারশাল দূত’ বাহনা তেগে
           অলে এহব এনা,
‘যুগ আরশাল’ ‘যুগ সিরিজল’ রেন
       সাপড়েৎ এ তাঁহেকানা।

 

‘আনাড়ী হড়’ ‘কৗকি গ’ আর
         ‘বুরসি সেঁগেল’ খনা,
অল কাতে পৗরসি সাঁওহেৎ
      যাঁহাতে হারাঃ অনা।

 

‘অজয় গাডা ঢিপরে’ গামাম
       উছৗন সদর কেদা,
বৗনুয় রেহঁ উনিয়াঃ এনেম
      হড়কো দিশৗয় এদা।

======= ᱛ =======

১০।।

আয়ো দেয়া

সমরলাল  টুডু

 
হিঁসৗলিয়ৗ বির বুরুক আতার
বানা  হাডগার  হৗতি  নেবেতার
বুরু  লাতার  জাতার  কাতার
সিবড়িয়ৗক  বলন  অনা  বাতার ।

 

ধুড়ি  রেনাঃ  অড়াঃ  দুওয়ৗর
তপাগঃ  কান  ঝাবা সিকুওয়ৗর,
আয়ো আযোদিয়ৗ তেহেঞ টুওয়ৗর
অড়াঃ  ধাসাঃ  অকয়  অওয়ার  ।

 

মেনাঃক  কাঠ  বাবা  উনকু
ঝুড় দানাং  তোয়োলেকা হানকু
টেওয়েঞ  আগু কপে  দিনকু
বাবু   দিনু   সুকু    চুনকু ।

 

কিকয়ৗও  আতে  আয়োয়  রাগা
আয়ো  দেয়া  আমদম   ভাগা,
আমতেগে  আমাঃ  জাঁগাম মাগা
সৗরিগে  আদিম  আমদ  অভাগা ।

 

আলে  বাবুয়  তেরাং   টুটি
ফানটিল গেয়ায় সিবড়িয়ৗওয়াঃ লুটি,
বুঝৗও হচয়ে গেয়ায়  উটিউটি
আয়ো বাঁনচাও লাড়হৗইয়ৗয় খাঁটি ।

 

আবোওয়াঃ নাগাম আয়ো  দেয়া
সেঁদরা কারকা  বাবন  বাদেয়া
অনহেঁড়াতে  আয়ো বাবন আদেয়া
বাখান আদ তিসহঁ বাবন ঞামেয়া।   

                          

======= ᱛ =======

১১।।

গাডা দাঃ লেকা

সীতেন মাণ্ডি

 

বুরু সংঘা ধিরি ধাঁদের
অকা খনেম জানাম আকান
জানাম তরাম ছুটৗও আকান
লাঙ্গা আড়িশ দেয়া কাতে।

 

আম সাঁওতে অকয়ে চালাঃ
মেতাম খানে হাপে হাপে
অক্ত বৗনুঃআ মেতায় কানাম
তিঙ্গু কাতে আম তৗঙ্গিরে।

 

তাড়াম রেগে জিয়ন ঢঙ্গা
লিঙ্গি  তাঁহেনা গেল বার বঙ্গা
উসুল ঢিপি তহদ্ তৗকিচ্
তাড়াম হর রে তাঁহেন গে জৗনিচ্।

 

হরেম চাঙ্গায় হরেম বাঁকায়
পৗউড়িম লাহায় লাহাঃ গেম রিকৗয়
অকারেম ঞাম আকাদ্ নুনাঃদাড়ে
অকা আনাট গে বাম মানাও বাড়ে
নংকান দিশা নং কান মনে
আলে মৗই বাবু তাক লৗগিৎ
সারসাও মেসে ঘানে ঘানে।

======= ᱛ =======

১২।।

রাবাং রেমা

দুলৗড় বিটি

 

রাবাং রেমা হাড়াম সেতা
     দিনৗম ঞিদৗয় ফাঁদায়,
অনা ঞেলতে জকড়ে ভুলি
     দিনৗম দিনে লাঁদায়।

 

রাবাং রেহঁ সিম সেঁদরা
    রাডগা তোয়োয় চালাঃ,
অনা ঞেলতে রাঁডি তোয়ো
    লাঁদায় খালাঃ খালাঃ।

 

হাড়াম বাহঁ উয়ুয় পাঁজায়
     তগচ্‌ ডাটা কাতে,
অনা আঁজমতে বুঢি গহঁ
     এগের ইসিড় আতে।

 

=*=*=*= মুচৗৎ = *=*=*=