(গিদৗর মাহা দিশৗ কাতে)
কিস্কিন্ধ্যা মুরমু
গিদৗর অকয় বায় কুসি আকোওয়া। রাঃ লানদাতে আন্দোড় কাঃ আ অড়াঃ দুয়ৗর। ঘারঞ্জ বাগওয়ানরে বাহা লেকা। চঃ চেরেচ গে সানাওয়া ঞেল ছট। এগাৎ আপাৎ অড়াঃ হড়াঃ সহাগ দুলৗড় তালারে হারা বুরুঃ কানাকো। গিদরৗ উমের গেত শিখনৗৎ হামেট রেনাং পোইলো এতহপ। যাঁহালেকা উদুঃ ঞেল ঞামায় অনকাগে চেদায় ,যাঁহালেকা আঁজম ঞামা অনকায় কানেড় দহয়া। হুডিঞ রেগে যাঁহেলেকাম তেয়ারে লৗগিৎ অনকাগে তেয়ারঃ আয়। শিখনৗৎ এমায় লেকাতে জানাম আয়ো খন এতহপ কাতে আড়েপাসে গাতে গাপাতে কঠেন হৗবিচ আরজাও বাডায় ঞামা দাড়েয়াঃআয়। গিদৗর উমের রেনাঃ ঞেল আঁজম চেমাৎ আঃগে হাপেন দিনরে জিয়ন বিতৗউ আপাসুলঃরে অৗশিস লেকায় কৗমিয়ৗ।তেঁহেঞ রেন গিদরৗ কোগে হাপেন দিনরেন লৗউড়িয়ৗ।
ধৗরতিরে নাপায়তে মৗনমি তেয়ারঃ লৗগিৎতে সানাম ঠেনখন শিখনৗৎ চেমাৎ কাঃদ অৗডি লৗকতি মেনাঃআ । তেঁহেঞ রেন লেটকা যাতে হাপেন দিনরে নৗয় নাপায়তে নিরৗয় খানডাও সাঁওতে অড়াঃ অৗতু ডি ডিহৗৎ মুলুক দিসম হারা বুরুরেন সিরৗ অৗয়ুরিয়ৗ। অনাতে গিদরৗ বাখরাতে ১৪ নভেম্বর দ " গিদরৗ মাহা " ছৗটিয়ৗর সৗরি আকানা। যাতে সুরক্ষা অৗইদৗর সাঁওতে আখির দিন লৗগিৎ চেতাওনা ,নাপায় শিখনৗৎ ঞাম ,যথাৎ পুস্টি ক ঞামমা ,গিদরৗ চেতান নাহাচার আর গিদরৗ কৗমিয়ৗ যাতে আল ক হুয়ুঃমা। নাপায়তে হারা বুরু কাতে ধিনৗং দিন হিলোঃ অৗতু দিসম দুলৗড় লৗগিৎগে নওয়া মাহা রেনাঃ মুড়ুৎ যস। দিসম বেনাও সামটাওরে গিদৗর কোওয়াঃ এনেম হাপেন দিনরে আডিগান জৗরুড় মেনাঃ আকাদা।
মেন জৗরুড়া ১৯৫৪ সাল রেনাং ২০ নভেম্বর দিনদ গিদরৗ কোওয়াঃ মাহা (Children's Day) ছৗটিয়ৗর সৗরি লেদায় রাস্ট্রসংঘ। মেনখান ১৯৬৪ সাল রেয়াঃ ২৭ মে "চাচা নেহেরু " বঙ্গাদিসমেন তায়নম গিদৗর কো অৗডি কুসি রৗসকৗ সহাগ দুলৗড় চেরেচ এৎ কো তাঁহেনতে ১৪ নভেম্বর উনিয়াঃ জানাম মাহারে চাচা নেহেরু দিসৗ দহয়ে খৗতিরগে মানাও বাতাওয়ঃ কানা গিদৗর কোওয়াঃ মাহা লেকাতে ।
.webp)
.webp)
