কিস্কিন্ধ্যা মুরমু,বান্দোয়ান - পারমেন হলা ২ নভেম্বর বালে মাহা হিলোঃ রেভাঃ পি .ও বোডিং আক সৗগুন জানাম মাহা মানোত সালাঃ মানাও এনা। সৗহিজুহি লেকাতেকিন তাঁহেকানা সাসাং বেডা সাঁওহেৎ মান্ডের আর সানতালি লিটারেরি ফোরাম পুরুলিয়া। বান্দোয়ান রেনাঃ সাসাং বেডা ( চিলৗ মোড়) রে গাপালমারাও তালাতে কো উইহৗর কেদেয়া বোডিং সাহেব।
আখড়া দ তারাসিঞ মিৎ টাড়াং খন এতহপ লেনা। নেওতা পেড়া লেকাতে সেটের কো তাঁহে কানা পুরুধুল অনলিয়ৗ অনড়হিয়ৗ গোমস্তা প্রসাদ সরেন, 'সিলি' পাথাম রেন শিরৗ সাসাপাড়াওয়িচ মানতান কলেন্দ্রনাথ মান্ডি , 'তেতরে ' পাথাম রেন সাসাপাড়াওয়িচ মানতান মহাদেব হাঁসদাঃ ,অনলিয়ৗ মানতান রামদাস মান্ডি ,সমাজ কৗমিয়ৗ সুধীর সরেন ,সুধীর মুরমু ,সাঁওতে বান্দোয়ান সুর সুপুর রেন অনলিয়ৗ অনড়হিয়ৗ সাঁওহেৎ দুলৗড়িয়ৗ সমাজ কৗমিয়ৗ কলেজ পৗঠুওয়ৗ কো।
এতহপরে বাবুলাল সরেনাঃ সেরেঞ তালাতে আখড়া রেনাং কৗমি এহপ এনা। পি.ও বোডিং আঃ মুঠৗনরে বাহা মালা আরাও কাতে কৗমিহরা দ আরহঁ লাহাসেন লাহায়েনা।
নেওতা পেড়া কোওয়াঃ গালচ তালাতে বোডিং সাহেবাঃ জিয়ন আর সানতালি পৗরসি সাঁওহেৎ আর লেগচাররে উনিয়াঃ দামান এনেম লৗইতে অড়ে অড়পাত কো লৗই সদর কেদা ।
মানতান কলেন্দ্রনাথ মান্ডিয়াঃ কাথারে "সানতাড়িগে ধৗরতি রেনাঃ অৗৎ পারসিদ কানা। যাঁহায় নওয়া পৗরসিতে অল এতহপ কেৎ দ আর আবয় এমাৎ বন অনা দ অৗডি দামানান ধন। তেঁহেঞ বোডিং সাহেব যাঁহা জৗত ধরম করম সাঁওহেৎ রেনাঃ কৗমি হটো আকাদায় অনাদ যায়যুগ জিয়ৗড় তাঁহেনা”। মানতান মহাদেব হাঁসদা আঃ মচা খন বাড়ায়েনা "অল দ বাং আদঃআ।
পৗরসি তালাতে যাঁহায় কৗমি আকাদা অনাদ মানাও বাতাওগে হুয়ুঃআ”। অনলিয়ৗ মানতান পতিত পবন মুরমু দ বোডিং সাহেবাঃ ১৫৭ আনাং মানাও জানাম মাহা বাতাও হুয়ুঃ কানতে অৗডি কুসি রৗস্কৗয় সদর আকাদা।
সেক্রেটারি মানতান সূর্যকান্ত মুরমু আর অরুন কুমার সরেন তিকিন আখড়ারে সেটের লেন সানাম ঞেঞেলিয়ৗ কো গুন মানাও সারহাও কিন
চাল আৎ কোওয়া। এহব খন মুচৗৎ হৗবিচ্ আডি নাপায়তে আখড়া কৗমি হরায় সুসৗর আকাদা মহাদেব হাঁসদা গোমকে।
.webp)
.webp)
