পুরুলিয়া রেন আদিবাসী কো লেতাড় গেকো আঁদোড় এদা ফেক এসটি সার্টিফিকেট ইস্যুতে

আবোওয়াঃ ডিজিটাল ডেস্ক-  ফেক এসটি সার্টিফিকেট ইস্যুতে পুরুলিয়া রেন আদিবাসী কো লেতাড় গেকো আঁদোড় ইদি য়েদা। সেচেৎ, চৗকরি এমান আদিবাসী কোওয়াঃ ঠাঁওরে অ-আদিবাসী কো যে ভাবতেকো সড় বলন কানা তাতে সৗরিন আদিবাসী কোওয়াঃ মলংরে ভাঁজ হঁ বৗড়তি ইদিঃ কান গেয়া। পনৎ রেনাঃ আয়মা সেনগে সরকার পাহটা সেন খন বিনৗ ভেরি ফিকেশনতে হুদৗ হুদৗ এসটি সার্টিফিকেট ইস্যু খৗতির আদিবাসীকো নাশাও রেনাঃগে নিশৗন কো ঞেল ঞামেদা- নংকান দৗবীগে রাকাব কেদায় ওয়েস্ট বেঙ্গল সিডিউল্ড ট্রাইব ওয়েলফেয়ার এসোসিয়েশন।

নংকান অভিযোগ খৗতির গে হলা ১ নভেম্বর, পুরুলিয়া জেলা চাঁগা পাহটা খন আরহঁ দহড়াতে রঘুনাথপুর মহুকুমা শাসনিয়ৗঠেন ঞাপাম রপড় এনাকো। বাডায় আকানা ওয়েলফেয়ার এসোসিয়েশন আঃ হহতে জেলারেন মাহালি সমাজ, কোঁড়া সমাজ, ভারত জাকাত জুওয়ৗন মহল, আদিবাসী ভূমিজ সমিতি লেকান আয়মা সংগঠন মিছিল তালাতে মহুকুমা শাসনিয়ৗ ঠেন ডেপুটেশন রেকো সৗমিল এনা।

নোওয়া ডেপুটেশন সৗখি সভায় লৗগিৎ সতন কুমার সরেন, গনেশ চন্দ্র মাহালী, প্রশান্ত মান্ডি, কল্যান হেম্ব্রম, রামপদ সিং সর্দার, রাজেন টুডু, সাধেশ্বর মাহালী, সুকুমার মাহালী, উপেন টুডু এমান গোমকে কো কাজাক সাঁহিচ্‌ কো লাহা হেচ্‌ লেনা মেনতে বাডায় আকানা।