আবোওয়াঃ ডিজিটাল ডেস্ক- পারমেন ২ নভেম্বর, ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পাহটা খন আদিবাসি কো বিশ্বভারতীরে এডমিশন রেনাঃ মিৎটাং তৗলিকারে গোলমাল লৗইতে অভিযোগ রাকাব কাতে রেজিস্টার সাঁওতে কো ঞাপাম এনা।
চারোধার যেভাবতে ফেক এসটি সার্টিফিকেট ছারাও চালাঃ কানা অনা রেনাঃ অরসংতে সেচেৎ, চৗকরি এমন চেৎ জনপ্রতিনিধি লেকান ঠাঁওরে রেহঁ অ-আদিবাসি কো ঞেল ঞামঃ কানা মেনতে ঘানে ঘানে গে অ্যাসোসিয়েশন পাহটা খন দৗবীকো রাকাব আগুয়েদা। নোওয়াহঁ বাডায় আকানা বাংমা অ্যাসোসিয়েশন পাহটা খন জেলা করেন এসডিও, বিডিও, ডিএম এমান আধিকারিক কো নোওয়া সাতাম লৗইতে অভিযোগ কাতেহঁ তেমন মিৎটাং নাপায় অরসং বাং ঞাম আকানা। নোওয়া মাড়াং হঁ বিশ্বভারতীরেনাঃ এডমিশন রে এসটি রিজার্ভেশন রেনাঃ তৗলিকারে অ-আদিবাসী কোওয়াঃ ঞুতুম সদর লেনা, অনা বিরুধরে অভিযোগ কাতেহঁ কাথায় চেৎ অরসং গে বাংকো ঞাম আকাদা আদিবাসিকো। পারমেন মিৎ চাঁদো মাড়াং হঁ বিশ্বভারতীরেন ভিসি সাঁও ঞেপেল লৗগিৎ মেইল তালাতে অনুমতি সাকাম ভেজা কাতেহঁ চেৎ ডগর গে বাং ঞাম লেনা মেনতে বেজার-কাঁহিশ কো সদর আকাদা সমিতিরেন রৗসিয়ৗকো।
তবে ইনৗহিলঃ রেজিষ্টার সাঁও ঞাপাম কাতে নাশে হলোও রৗস্কৗ কো সদর আকাদা। পশ্চিমবঙ্গ আদিবাসী কল্যান সমিতিরেন সুৎরেৎ পার্শাল কিস্কু আবোরেন খবরিয়ৗয় বাডায় অচো আকাদেয়া বাংমা নোওয়া মাড়াং ২ অক্টোবর অ্যাসোসিয়েশন পাহটা খন এডমিশন কো-অডিশন সেল আর ইংলিশ ডিপার্টমেন্ট হৗটিঞ রেন মুড়ুৎ পিএইচডি এডমিশন তৗলিকারে তাঁহেন আদিবাসী লেকা বাং ঞেলঃ কোওয়াঃ ঞুতুম সহ চিঠি রে অল লেদায়।
ইনৗ হিলোঃ মানতান সাঁওতে গ্র্যাজুয়েশন, মাস্টার্স, পিএইচডি, আর এমফিল সহ আরহঁ নানাহুনৗর এডমিশন ঠাঁওরে আদিবাসী কোওয়াঃ রাখা দহ জুড়ু রে আদিবাসী লেকা বাং ঞেলঃ কোওয়াঃ ঞুতুম লৗইতে গাপালমারাও হুয় আকানা মেনতে বাডায় ঞাম আকানা। রেজিষ্টার নোওয়া গৗহির ভাবতে তুনখি-তলাশ কাতে ঞেল আয় মেনতে আদিবাসী কো আশ্বাস এম আকাৎ কোওয়া।
ইনৗ হিলোঃ রেজিষ্টার সাঁওতে ঞাপাম রপড়রে সেটের কো তাঁহেকানা- পশ্চিমবঙ্গ আদিবাসি কল্যাণ সমিতি বীরভূম জেলা চাঁগা রেন সেক্রেটারী সাঁওতে কলেজ প্রফেশর, স্কুল মাচেৎ শিবু সরেন, নারায়ন মহুলি, কেশিয়ার মনীন্দ্র টুডু, সহ-সভাপতি শ্যামল কোঁড়া, শ্রীকান্ত সরেন পৗঠুওয়ৗ পাহটা খন নব কিস্কু, মহাদেব টুডু, প্রশান্ত হেম্ব্রম, সুভাষ টুডু অনাবেগর পশ্চিমবঙ্গ আদিবাসি কল্যাণ সমিতি রেন পনৎ সুৎরেৎ পার্শাল কিস্কু আর পশ্চিম বর্ধমান জেলা চাঁগারেন সুৎরেৎ পবন সরেন এমান কো।
.webp)
.webp)
