কিস্কিন্ধ্যা মুরমু ,বান্দোয়ান - এতহব রেগে লৗই লৗকতি কানা- রেভারেন্ড পি.ও. বোডিং দ মিৎ ইংরেজ জৗতি তাঁহে কানায়। মেনখান ইংরেজ জৗতি হুয় কাতেহঁ সানতাড় জৗতিয়াঃ পৗরশি, সাঁওহেৎ, লেগচার চেতান উনিয়াঃ আয়মা দায়া-দুলৗড় তাঁহেকান তায়া। উনিয়াঃ অনাকো চেতান অসাম্ভেড় এনেম তাঁহে কান খৗতির সাঁওহেদ্ দরদিয়ৗ কো নিৎহঁ উনিকো পাঁজায়েয়া উনিয়াঃ জানাম মাহারে।
অনাতে পি.ও. বোডিং আঃ জানাম মাহা দিশৗতে গাপা ২ নভেম্বর ২০২১ তারাসিঞ মিৎ টাড়াং অকতে বান্দোয়ানরেনাঃ সাসাং বেডারে ( চিলৗ মোড় ) রেভারেন্ড পি.ও. বোডিং ( পল ওলাফ্ বোডিং ) আঃ সৗগুন জানাম মাহা মানাও সৗহিজুহি আকানা। সৗহিজুহি রে সাসাং বেডা সাঁওহেৎ মান্ডের, গড় সপহৎ রে সানতালি লিটৗরেরি ফোরাম পুরুলিয়া।
আখড়ারে বোডিং সাহেবাঃ জিয়ন আর সানতালি পৗরসি সাঁওহেৎ আর লেগচাররে উনিয়াঃ এনেম লৗইতে অড়ে অড়পাত গাপালমারাও হোয়োঃআ। আয়মা ঞুতুমান, অনলিয়ৗ অনড়হিয়ৗ আর সাঁওহেৎ দুলৗড়িয়া কো নওয়া গাপালমারাও রে কো সেলেদঃ-আ ।
আখড়ারে রৗস্কৗ সালাঃ সানাম কো সহর সেটের লৗগিৎ আরদাস কিন দহ আকাদা সাসাং বেডা সাঁওহেৎ মান্ডের রেন সেক্রেটারি মানতান সূর্যকান্ত মুরমু আর সানতালি লিটারেরি ফোরাম পুরুলিয়া রেন সেক্রেটারি মানতান অরুন কুমার সরেন।
.webp)
.webp)
