“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
 |
| রিলৗমালা মুরুমু, ক্লাস- IV জেলা - পুরুলিয়া |
ᱵᱟᱦᱟ, ᱯᱟᱛᱟ, ᱥᱮᱸᱫᱽᱨᱟ
ᱱᱚᱣᱟ ᱠᱚᱫᱚ ᱵᱚᱸᱜᱟ ᱾
ᱚᱠᱛᱚ ᱵᱟᱭ ᱨᱮᱦᱮᱫᱟ
ᱪᱟᱸᱫᱚ ᱨᱮᱭᱟᱜ ᱯᱚᱸᱝᱜᱟ ᱿
ᱡᱷᱮᱸᱴ, ᱤᱨᱥᱤᱫᱽ, ᱩᱪᱟᱹᱲ
ᱱᱚᱣᱟ ᱠᱚᱫᱚ ᱵᱚᱸᱜᱟ ᱾
ᱞᱟᱦᱟ ᱞᱟᱦᱟᱭ ᱠᱳᱪᱳᱲᱟ
ᱵᱟᱱᱩᱜ ᱨᱮᱦᱚᱸ ᱡᱟᱸᱜᱟ ᱿
ᱱᱟᱶᱟ , ᱫᱟᱸᱥᱟᱭ , ᱥᱚᱦᱚᱨᱟᱭ
ᱱᱚᱣᱟ ᱠᱚᱫᱚ ᱵᱚᱸᱜᱟ ᱾
ᱡᱤᱣᱤ ᱫᱟᱲᱮᱭ ᱮᱨᱟᱭ
ᱢᱚᱱᱮ ᱠᱚᱦᱚᱸᱭ ᱪᱮᱸᱜᱷᱟ ᱿
ᱟᱸᱜᱷᱟᱲ , ᱥᱟᱠᱨᱟᱛ , ᱢᱟᱜᱽ
ᱱᱚᱣᱟ ᱠᱚᱫᱚ ᱵᱚᱸᱜᱟ ᱾
ᱡᱷᱚᱛᱚᱢ ᱪᱟᱸᱫᱚᱭ ᱡᱷᱟᱜ
ᱥᱮᱨᱢᱟᱭ ᱟᱪᱩᱨ ᱟᱸᱜᱟ ᱿
ᱜᱟᱰᱟ ᱫᱷᱟᱨᱮ ᱫᱷᱟᱨᱮᱛᱮ
ᱯᱩᱱᱰᱚᱜᱮ ᱛᱤᱸᱜᱩ ᱛᱷᱟᱨᱚᱛᱮ,
ᱟᱹᱛᱤᱧ ᱠᱟᱱᱠᱳ
ᱥᱟᱸᱜᱮᱛᱮ
ᱞᱟᱦᱟ ᱛᱟᱭᱱᱚᱢ ᱛᱚᱸᱜᱮᱛᱮ ᱾
ᱠᱷᱮᱛ ᱵᱟᱹᱫ ᱴᱟᱹᱱᱰᱤᱨᱮ
ᱪᱚᱴ ᱫᱟᱨᱮ ᱞᱟᱯᱷᱟᱝᱨᱮ ,
ᱛᱟᱸᱦᱮᱱᱟᱯᱮ ᱥᱤᱧ ᱧᱤᱫᱟᱹᱨᱮ
ᱛᱩᱠᱟᱹ ᱵᱮᱱᱟᱳ ᱰᱟᱹᱨ ᱨᱮ ᱾
ᱥᱮᱛᱟᱜ ᱩᱰᱟᱣ ᱪᱟᱞᱟᱜᱯᱮ
ᱥᱟᱸᱜᱤᱧ ᱟᱹᱛᱤᱧ ᱫᱚᱯᱮ ,
ᱧᱩᱦᱩᱢ ᱛᱚᱨᱟ ᱦᱤᱡᱩᱜ ᱯᱮ
ᱢᱟᱨᱟᱝ ᱫᱟᱨᱮᱨᱮ ᱟᱯᱮ ᱿
ᱪᱟᱞᱟᱣ
ᱞᱮᱱᱟᱧ ᱯᱨᱮᱛᱥᱤᱞᱟᱛᱮ
ᱵᱷᱩᱛᱟᱜ ᱥᱚᱨᱚᱜ ᱧᱮᱞ
ᱞᱮᱠᱷᱟ ᱠᱟᱛᱮᱧ ᱧᱮᱞ ᱠᱮᱫ ᱠᱚᱣᱟ
ᱢᱤᱫ ᱜᱟᱱᱰᱟ ᱠᱚᱢ ᱵᱟᱨᱜᱮᱞ᱿
ᱵᱩᱨᱩ ᱪᱚᱴᱨᱮ ᱚᱲᱟᱜ ᱛᱟᱠᱚ
ᱫᱷᱤᱨᱤ ᱨᱮᱱᱟᱜ ᱥᱤᱬᱤ
ᱫᱚᱦᱚᱭ ᱞᱟ.ᱜᱤᱫ ᱫᱷᱚᱱ ᱼᱫᱩᱨᱤᱵ
ᱢᱮᱱᱟᱜ ᱛᱟᱠᱚ ᱯᱤᱲᱤ᱿
ᱵᱟ.ᱱᱩᱜ ᱛᱟᱠᱚ ᱚᱲᱟᱜ ᱨᱮᱱᱟᱜ
ᱱᱟᱱᱟ ᱦᱩᱱᱟ.ᱨ ᱠᱟᱸᱛ
ᱥᱮᱨᱢᱟ ᱧᱟᱸᱞᱟᱛ ᱧᱮᱞᱚᱜ ᱛᱟᱠᱚ
ᱡᱳᱞᱳᱜ ᱰᱤᱵᱟ. ᱪᱷᱟᱫ᱿
ᱚᱸᱰᱮᱱ ᱠᱚ ᱥᱟᱱᱟᱢ ᱵᱷᱩᱛ
ᱢᱮᱱᱟᱜ ᱠᱚᱭᱟ ᱥᱩᱠᱛᱮ
ᱟᱠᱚᱭᱟᱜ ᱦᱚᱲᱢᱚ ᱠᱚ ᱥᱟᱡᱟᱣ ᱟᱠᱟᱫ
ᱱᱟᱱᱟ ᱦᱩᱱᱟ.ᱨ ᱩᱵᱛᱮ᱿
ᱱᱩᱠᱩ ᱵᱷᱩᱛᱟᱜ ᱧᱩᱛᱩᱢ ᱢᱮᱱᱟᱜ
ᱟ.ᱰᱤ
ᱱᱟᱯᱟᱭ ᱱᱟᱯᱟᱭ
ᱦᱚᱦᱚ ᱟᱠᱚ ᱠᱷᱟᱱ ᱜᱟᱛᱮ ᱞᱟ.ᱜᱤᱫ
ᱵᱟᱝ ᱠᱚ ᱛᱮᱦᱮᱧ ᱜᱟᱯᱟᱭ᱿
(ᱛᱳᱸᱜᱮ ᱻᱟ...)
ᱟᱞᱮ ᱟᱛᱳ ᱨᱮ
ᱮᱛᱚᱢ ᱛᱟᱭᱚᱢ ᱦᱤᱡᱩᱜ ᱥᱮᱱᱚᱜ
ᱦᱚᱲ ᱛᱚ'ᱜᱮ ᱨᱮ᱾
ᱱᱟᱱᱟ ᱦᱩᱱᱟ.ᱨ ᱢᱮᱱᱟᱜ,
ᱟ'ᱜᱨᱚᱵ,ᱯᱮ'ᱴ ᱥᱟ.ᱲᱤ ᱫᱷᱩᱛᱤ
ᱦᱟᱛᱟᱣ ᱢᱚᱱ ᱢᱟᱱᱟᱜ
ᱥᱚᱵᱽᱡᱤ ᱟ.ᱠᱷᱨᱤᱧ ᱟᱠᱚ,
ᱵᱮᱞᱟᱛᱤ,ᱵᱮᱸᱜᱟᱲ ᱟᱲᱟᱜ ᱮᱢᱟᱱ
ᱴᱷᱤᱠ ᱜᱚᱱᱚᱝ ᱟᱠᱚ ᱾
ᱯᱟᱱᱛᱮ ᱠᱟᱜ-ᱟ ᱠᱚ,
ᱦᱟᱛᱟᱣ ᱞᱟ.ᱜᱤᱫ ᱟᱢᱫᱟ ᱦᱚᱲ
ᱡᱟᱣᱨᱟ ᱠᱚᱜ-ᱟ ᱠᱚ
ᱧᱟᱢᱚᱜ ᱟ.ᱰᱤ ᱟᱸᱴ,
ᱚᱛᱮ ᱢᱟᱦᱟ ᱫᱤᱥᱟ. ᱠᱟᱛᱮ
ᱪᱟᱞᱟᱜ ᱟᱠᱚ ᱦᱟᱴ ᱾
ᱦᱤᱡᱩᱜ ᱟᱠᱚ ᱦᱟᱴ,
ᱪᱤᱛᱨᱤ ᱜᱷᱩᱴᱩ ᱦᱤᱲᱰᱟ.ᱧ ᱮᱢᱟᱱ
ᱧᱩᱢ ᱯᱩᱨᱟ.ᱣ ᱟᱸᱴ ᱾
ᱵ ᱩᱨᱩ ᱫᱤᱥᱚᱢ ᱠᱷᱚᱱ
ᱱᱮᱶᱛᱟ ᱥᱮᱴᱮᱨᱮᱱᱟ ᱾
ᱢᱟ ᱨᱟ ᱝ ᱢᱟ ᱢᱟ ᱯᱷᱳᱱ ᱛᱮᱭ
ᱱᱮᱶᱛᱟ ᱠᱮᱫ ᱞᱮᱭᱟ ᱾
ᱢᱟ ᱢᱟ ᱚᱲᱟ ᱜ ᱥᱮᱱᱚᱜ ᱞᱟᱹᱜᱤᱫ
ᱢᱚᱱᱮ ᱛᱤᱧ ᱫᱚ
ᱟ ᱹᱰᱤ ᱨᱟ ᱹᱥᱠᱟ ᱹᱭᱮᱱᱟ ᱾
ᱡᱟ ᱜᱟ ᱣᱱᱟ ᱫᱤᱱ ᱾
ᱚᱱᱟ ᱛᱟᱭᱚᱢ ᱥᱟᱹᱨᱤ ᱥᱚᱦᱚᱨᱟ ᱭ
ᱦᱳᱭᱳᱜᱼᱟ ᱢᱤᱫ ᱫᱤᱱ ᱾
ᱟᱹᱰᱤ ᱨᱟᱹᱥᱠᱟᱹ ᱵ ᱩᱡᱷᱟᱹᱜ ᱾
ᱛᱮᱦᱮᱧ ᱠᱷᱚᱱᱜᱮ ᱪᱳᱦᱳᱲ ᱪᱳᱦᱳᱲ
ᱢᱚᱱᱮ ᱛᱤᱧ ᱫᱚ ᱨᱤᱡᱷᱟᱹᱜ ᱾
ᱦᱚᱨᱚᱜ ᱠᱟ ᱛᱮ ᱟ ᱫᱚ ᱾
ᱟᱹᱰᱤ ᱨᱟᱹᱥᱠᱟᱹ ᱮᱱᱮᱡ ᱟ ᱞᱮ
ᱠᱩᱞᱦᱤ ᱛᱟ ᱞᱟ ᱨᱮᱫᱚ ᱾
ᱟ ᱞᱮᱞᱮ ᱥᱮᱱᱚᱜ ᱠᱟ ᱱ ᱾
ᱡᱟᱸᱦᱟ ᱭ ᱠᱚᱯᱮ ᱜᱟ ᱛᱮᱜ ᱠᱷᱟ ᱱ
ᱫᱮᱞᱟ ᱦᱤᱡᱩᱜ ᱯᱮ ᱾
হড়ঠেন তাম দাকা,
বায় আঁজমা অকা।
কৗমিয় দিকিড় দিকিড়,
জিৎকৗর চিরে হিপিড়।
বায় তাঁহেনা কঁধা,
সিয়োঃ কানে গডা।
কৗমি মা বাং চাবাঃ,
হড়ম দাড়ে লাঁবাঃ।
ডিগিমিগি হৗনি
বেরেৎ বেরেৎ বেরেৎ পেসে
পুচু মুনি রৗনি ।
আঁদোড়ঃ সেরেঞ রাহা
লাঁদা কেদাক উপৗল পরায়নি
বাগান রেন'ক বাহা ।
ভাঃ ভাকুর ভাঃ
হপন মৗই এ এনেচ্ তালে
ছাঃ ছাকুর ছাঃ ।
হপন মৗই রেন গাতে
বাংলে বুঝৗও চেৎ ক রপড়
রড়াক কেনে কতে ।
মৗই এ এনেচ্ তালে
হিজুঃ পেসে মুনি রৗনি
আপে হঁপে ঞেলে ।
বাবন বতরঃ এনা দৗই ,
লাহাঃ গেয়াবন সৗঁই সৗঁই ।
মাড়াঙ অলঃ চেমেদ্ আব,
লাহায়াবন সাঁওতা তাব ।
মিৎ ডাহারতে তাড়ামাব ,
ফঁস দ বাং চ বৗগিয়াব ।
বুরধি উনিদয় মাঃ বৗঁডি ,
নোআক যত বৗড়িচ্ অৗডি ।
তায়ম তাঁহেন বৗগিয়াব ,
দিশোম লৗগিৎ কৗমিয়াব ।।
---=== --- === ᱛ === --- === ---
নোওয়া চাঁদো দ সিতুং রানি ,
নোওয়া চাঁদো দ রিমিল রানি ,
বৗদ বৗইহৗড় চেহেল চেপেল ,
নোওয়া চাঁদো গেয় জারগে জৗপুত ,
( তঁগে আ )
নানা হুনৗর পতব
ধৗরতী রেনাঃ তিনৗঃ রূপ
সানাম গেচো সাহব।
আর হঁ তাঁহেন সাঁওহেৎ
নাগাম রেনাঃ পুঁথি হঁ
তাঁহেন গেচো রেৎবেৎ।
সাজাও আকান থাক থাক
পাড়হাও তরা হাহাড়াগে
রৗস্কৗ মনে ঝাক ঝাক।
নাওয়া সিরজন কাথা
পুঁথি সাকাম অটাঃ তরা
ধৗরতী মারশাল গোটা।
পুঁথি রেগে হেনাঃ
ধৗরতী সিরজন সৗরি কাথা
অতনঃ রেগে মেনাঃ।
পুঁথি রেগেবোন ঞাম
সৗরি কাথা মিৎগে রেহঁ
চেদাঃ তবে তাপাম ?
বাডায় কেয়াম সানাম
পুঁথিগাড়রে পতব তালা
পাঁজা লেখানেম ঞাম।
পুঁথিগাড় গেয়ানগাড়
আয়মা দকো মেমেন কানা
অনা দ অৗকিলগাড়।
---=== --- === ᱛ === --- === ---
মৗনমী জিয়ৗলি নাপায় সুলুক,
আড়ে পাসেম কয়গ লেখান
বির পাকাড় গাডা মেলান;
মেনাঃ আয়মা হুডিঞ বুরু
ঞেঞেল লাগিৎ উরু সুরু।
রিমিল জাপঃ ধিরি তালা,
পছিম খনাঃ পুরুব নাখা
ঞেলঃ উসুল বুরু চাংগা;
এয়ায় গটাং মেনাঃ বুরু
অনা মুদরে উসুল ধারবুরু।
হিজুঃ আকো পরদেশী হিরি,
চেতান উসুল বুরু সংঘা
জিয়ৗড় ঝারনা লিঙ্গিন জংঘা;
বুরু ঝারনা দা: রিলৗমালা
ঞেলোঃ আমাঃ মুঠৗন ভালা।
বুরু খনে হাতাও বিদৗ,
লিঙ্গিন দাঃএ রপড় সৗরি
বৗনুতিঞৗ ইঞৗ রুয়ৗড় অৗরি;
ইঞদুঞ আতো চালাঃ কান
কুঁয়ৗরী নৗইরিঞ দুলুঃ কান।
কুঁয়ৗরী নৗই সিম্পৗ সাড়ে,
হুডিঞ হুডিঞ নৗই সুটয়ৗ
কুঁয়ৗরী নৗইরে দুল গুটয়ৗ ;
লান্দা আতেয় লিঙ্গিন কান
বিঞ লেকায় ঞেলঃ কান।
মেনাঃক সাঙ্গে জিব জিয়ৗলী,
নানা হুনৗর দারে নৗড়ি
সারজম মাতকম আলাক জৗড়ি;
লেগেচ লেগেচ দারে সাকাম
চেঁড়ে চিপরুৎ খিল্ডুঃক সানাম।
পতাম ঢিপচু কিসনী গুডরী,
উডৗঃ আকো সেরমা লাফাং
তুকৗয় আকো দারে দানাং;
চের্ বের্ ঝুড় দারে
আঁজম হিজুঃ আতো ধারে।
আমাঃ সাদ আলম আদ।
আমাঃ মেৎতে যাঁহায় ঞেলতে
মনে হুয়ুঃ বৗঞ দাড়েঃ
ইঞ দ মারাং উনি খনাং।
মেনাঃ তায়া হড় ক লৗইআ
লাসের হাতাং যত খনাং।
অকয় হঁ বাং জানাম তরা
আরজাও দাড়ে আগুয় বাড়ে।
উনি হঁ মাড়াং তহদ্ দাড়াং
ঞেল আকাদায় সামাং সামাং।
কৗমি কৗমিতে সাহাও সাহাওতে
লাহা আকাদায় তাড়াম ডাহার।
অক্ত রেনাঃ গনং অক্ত গে সং
অক্ত রেনাঃ অকা কৗমি
কৗমি অক্ত আলম এড়ে
তবে খান আমেম সেঁড়াঃ
পুরৗঃ সাদ আমেম দাড়েঃ।
বাকডুলুগে হানকো,
হানডে নাঁডে বাড়গে করে
থোড়া থুড়ি ওনকো।
জমাঃ গেকো পাঁজা কানা
ঝৗন্টি করে উনরে আদ
দমেকো আপ এনা।
ঞির সোর এনালে,
জারওয়া বাড়া তেগে মাসে
সাঁগে আকা নালে।
একাল আডি কুশি,
আদম কলে বেনাও জংগে
বুসুপ রেয়াঃ পৗশি।
লাঁদা বাডায় আলে,
মঁজগে মাসে ঞেল কাতে
আড়াঃ কাকোও আলে।
কাডা ভেডায় গুপি,
বাংকো আঁজম লেখান উনকু
গহড় তাকোয় চুপি।
জৗপিদে ঢঁড লেকা,
এভেন তরা রেঁগেচ্ বেড়া
দক্তা চুনে দাকায়,
বাংকো মিলাঃ হিসৗব,
দিন দিনতে নয় ছয়ঃ আ
টেরা হাড়ামাঃ হিসৗব।
ঞুতুম আকাদে "হেমাল,"
অকয়হঁ বাংক তুল দাড়েয়া
আডি গেতয় হামাল।
রড় করেদ বাম দাড়েঃ
তাড়ামরে লিপৗ লাপে ,
যাহা সেচ্ সেনঃ রেদ
তাঁগিঞ মেসে হাপে।
জমায় ফাস্ট ফুড,
অনা তেগে বাং এ দাড়েঃ
দৗড় দ গুড গুড।
ফাস্ট ফুড জম দ বাং নাপায়
আয়ু তওয়া ঞুয় মে,
দাকা -দাঃমৗডিজ আড়াঃ সাকাম
জম কদ হেওয়াঃ মে।
ঘানে ঘানেয় বিঁডুচ লুটি,
হেমে রেদ হিটি হিটি
টকনে জহা বালে কুটি
কেঁড়রৌই লেকা জাঁগা অৗডি,
রেল চেতান চালাঃ গৗডি
দিশোম দুনিয়ৗ গোটা টাঁডি ।
হড়ম মেনাঃ থুপি থুপি,
জুতৗ জামা ধুতি টুপি
উৎ কোওয়ায় উরিচ গুপি ।
তৗরুব্ তিঁগুনৗয় মৗনমি মৗরুঃ,
চাটঃ সাফায় রঁগ খৗরুঃ
জম বি-কাতেয় দাড়াঃ তৗরুঃব্ ।
দয়ঃ অডক হুয়ুঃ এনখান,
অনাতে উনিয় তিঁগুন যুখান
গটা গটায় উলৗকাক কান ।
কৗমি রেগে মেনাঃ ধেয়ান,
চুপি খনাঃ বহঃএ লাড়াওয়ান
মৗনমি লেকা মেনাঃতায়া গেয়ান ।
দিপিল কাতে হিনৗ নিয়ৗ,
গেনেচ গেনেচ উনি নাচনিয়া
আচুরোঃএ দিশোম চারো কুনিয়ৗ ।
দেয়া কাতে হড়ম মায়া,
কৗমি ভেদরে মেনায় গেয়া
অর্জ ঞামে হড়াঃ দায়া ।
সেতা পুসি তোয়ো মুরুম,
ধরম হরতে যাঁহায়ক গৗরুম গৗরুম
ঞাঁমাক বঁগা বুরুওয়াঃ থুম ।
জিয়ন কানা কাথায়,
যাঁহা তিনরে দাঃ গেচং
তেতাং তিরপিৎ তামায়।
দাঃদ তেতাং গেয়া,
জিউয়ি বাঞ্চাও লৗগিৎ হড়ম
দাঃদয় খজ মেয়া।
তেতাং বাচং সাহাঃ
দাঃ বাংতে জিউয়ি চালাঃ
হড়মরে তুড়ি বাহাঃ।
ঁঁঁঁঁ=মুচৗৎ=ঁঁঁঁঁ
.webp)
.webp)
