কিস্কিন্ধ্যা মুরমু ,বান্দোয়ান - তেহেঞ ১৫ নভেম্বর, দ বিরবান্টা বিরসৗ মুন্ডাওয়াঃ জানাম মাহা মানাও কেদাকো অৗদিবৗসি সানাম গাতাক রেন বিরৗদৗলি কো। যুদৗ যুদৗ পনতরে মানাও পালাও কাতে দিসৗ রুওয়ৗড় কেদেয়াকো ১৪৭ আনাং জানাম মাহারে। অনকাগে বান্দোয়ান থানারে মেনাঃ সাসাং বেডা (চিলা মোড়) রেহঁ ভৗরি ভরম সালাঃ হুলগৗরিয়াঃ জানাম মাহা হুয় সৗরিয়েনা । আখড়া সার সৗগুন অচোয়রে তাঁহে কানাকিন সাসাং বেডা সাঁওহেৎ মান্ডের সাঁওতে সানতালি লিটারেরি ফোরাম পুরুলিয়া ।
আখড়ারে নেওতা পেড়া লেকাতে সেটেরকো তাঁহেকানা অনলিয়ৗ অনড়হিয়ৗ মানতান গোমস্তা প্রসাদ সরেন ,"সিলি " পাথামরেন সিরৗ সাসাপাড়াওয়িচ মানতান কলেন্দ্রনাথ মান্ডি ,"তেতরে" পাথাম সাসাপাড়াওয়িচ মানতান মহাদেব হাঁসদা, অনলিয়ৗ রামদাস মান্ডি ,বান্দোয়ান মৗঝি বাবা মানতান যোগেন্দ্রনাথ টুডু অনড়হিয়ৗ মানতান সুধীর মুরমু সতন কুমার সরেন পতিত পবন মুরমু সাঁওতে সুর সুপুর রেন ইস্কুল কলেজ রেন পৗঠওয়ৗ মৗই বৗবুতাকো।
বিরবান্টা বিরসৗ মুন্ডা ইদি কাতে মানতান নেওতা পেড়াকো জিয়ন আর ফুরগৗল লৗড়হৗইরে উনিয়াঃ এনেম লৗইতে অড়ে অড়পাত গাপালমারাও হুয় সৗরিয়েনা। অনা বেগর উলগুলৗন ইদি কাতে সেরেঞ আর অনড়হে বাখেড় রেয়াঃ আরিবাধি তাঁহে কানা ।
বিরসৗ মুন্ডায়াঃ চিতৗর মুঠৗনরে মালা আরাও কাতে আখড়া উডৗও সেরেঞ কেদায় মানতান নরেন সরেন। অনা তায়নম দারাম নেওতা পেড়া কোওয়াঃ গাপালমারাওরে ঝালকাও এনা বিরবান্টা আঃ জিয়ন চিতৗর। মানতান কলেন্দ্রনাথ মান্ডিয়াঃ কাথারে বুটৗয়েনা ,'উলগুলৗন হুয়েন তায়নম অৗডিকিছু ঞাম আকানা। লৗইমা ছোটোনাগপুর টেনেন্সি অ্যাক্ট ,এসপিটি অ্যাক্ট ,লেকান আয়মা অৗয়দৗর কোগে লৗড়হৗই রেনাঃগে অরজ। নিত হঁ আডিগান অ্যাক্ট ক লৗগু অচোয় লৗগিৎ কুরুমুটু হুয়ুঃ তাবনা।'
মানতান মহাদেব হাঁসদা গংকেয়াঃ কাথারে বাড়ায়েনা 'লৗড়হৗয় দ বাং চাবা আকানা। অৗইদৗর লৗগিৎ তেদ হুল চালাও ইদিগে লাগাঃ আ ।'
আখড়া দ অনড়হে বাঁখেড় সেরেঞ গাপালমারাওতে অৗডি জমকাও লেনা। আখড়ারেন বৗইসি লেকাতে মানতান মহাদেব হাঁসদা নাপায়ে চালাও ইদি কেদা। সৗহিজুহি লেৎ সাসাং বেডা সাঁওহেৎ মান্ডের রেন সেক্রেটারি মানতান সূর্যকান্ত মুরমু সাঁওতে সানতালি লিটারেরি ফোরাম রেন সেক্রেটারি মানতান অরুন কুমার সরেন তাকিন দ মৗন মানত সালাঃ সানাম কোগে সারহাওনা কিন চালাৎ কোওয়া ।
.webp)
.webp)
