( অল তালাতে মিৎ ঘৗড়িচ্ রেনাঃ বাঁখেড় )
সাতাম - আদিবাসী গে কি মূলনিবাসী ? সে মূলনিবাসী দ কো যুদৗ গেয়া ?
বিশ্বনাথ হেম্ব্রম
আবো ভারত দিশম রেনাঃ নাগাম অল আকানা বিদেশী যাযাবর আর্যক ভারত দিশমরে হেজ তায়নম খন। মেনখান ভারত দিশম রেনাঃ আসল নাগাম দ অল লৗকতি কানা সিন্ধু সসনঃ মহেঞ্জোদাড়ো আর হরপ্পা যুগ খন। তবে এনা আসলি নাগাম দ ফটেল রাকাব আ। নাগাম বাডায় তালাতেগে আগাম তাড়াম ডাহার দ চিয়ৗ লৗকতি কানা। ভারত দিশমরে আর্য ক হেজ তায়নম যেতে তিনাঃ জৗতি ক হেজ আকানা জতগে বিদেশী কানা ক। আর্য জৗতি হেজ তায়নম শক, হুন, মোগল, পাঠান, ওলন্দাজ, পুর্তগীজ, ফরাসী, ইংরেজ সানাম জৗতিগে বিদেশী জৗতি কানাক। আর আর্য জৗতি হেজ মাড়াং ভারত দিশমরে যাঁহায় ক তাঁহে কানা উনকু গে এদেশীয় কানা ক। যাঁহায় দ অস্ট্রিক ভাষা গোষ্ঠী মৗনমী আর দ্রাবিড় ভাষা গোষ্ঠী মৗনমী ব মেতাক কানা।
মেনখান নিতাঃ ডিজিটাল চায়লম বৗনুঃ যুগরে পৗঁইড়ি গিডি কাতে এদেশীয় মেনেদ আদিবাসী সাবাদগে পালটাও সৗরি এদাক কিছিগান সুসৗরিয়ৗ লৗওড়িয়ৗ আগুয়ান ক। চেদ খৗতির চেদ লৗগিদ অনা রেনাঃ তুলৗ জখা দ তায়ম তেবন মেন আ। নওয়া ক কাথা অল রেয়াঃ অজে দ আবোওয়াঃ কাথা ডিজিটাল ডেস্ক রে অল তালাতে মিৎ ঘৗড়িচ্ রেনাঃ বাঁখেড় 'আদিবাসী গে কি মূলনিবাসী? সে মূলনিবাসী দ কো যুদৗ গেয়া ? নওয়া বাবদতে।
তবে সাবাদ লেকাতে যুদি বন মেন আ আদিবাসী, মূলনিবাসী, মূলবাসী নওয়া ক কাথা দ মিদ গেয়া। আদি খন পৗহিল খন মেনেদ সেদায় খন যাঁহায় যাহা রেগে বাস আগু এদায় উনিগে আদিবাসী দ। আর মূল সাবাদ মেনেদ আসলি নিবাসী মেনেদ যাঁহায় যাহা এলাকারে পৗহিল খন বাস আগু এদায় উনিগে মূলনিবাসী দ। ইংরেজী তে ক মেন এদা Indigenous.
আদিবাসী দ অকয় কানাক আর মূলনিবাসী দ অকয় কানাক নওয়া লৗইতে মেন গানো আ UNO(United Nation Organization) কাথাতে যাঁহায় জাতিয়াঃ নিজস্ব রায়-রীত, আচার-বেভার, সমাজ চাচলাও অৗন- অৗরি, পৗরসি, লায়-লাকচার মেনাঃ তাকোয়া সাঁওতে বীর বুরু আর বাং বীর বুরু সুর সুপুর রে তাঁহে কাতে আয়তান (প্রকৃতি) ক বানচাও তালাতে জিয়ন ক খেমাও এদা। উনকুগে আদিবাসী সে মূলনিবাসী ক মেতাক কানা।
ভারত দিশম ফুরগৗল কাতে 75 সেরমা পলম তায়ম আদিবাসী, মূলনিবাসী সাবাদ রেয়াঃ মেনেদ দ বৗই বৗইতে আরু ফেরাও ইদিঃ কানা। নাহাঃ দ সোশাল মিডিয়ারে গুরলৗও বাড়ায় কান 15% মৗনমী আর 85% মৗনমী ক মুদরে রেয়াড় লৗড়হৗই এতহব আকানা। যাহা দ আর্য - অনার্য লেকাতে দেখাও রেনাঃ কুরুমুটু কানা। 15% মৗনমী দ বাঁমড়ে জৗত (ব্রাহ্মণ, ক্ষত্রিয় আর বৈশ্য) আর 85% মৗনমী দ মূলনিবাসী, আদিবাসী জৗত (SC, ST, OBC আর Minorities) । আর নডে গে গোঁজামিল রেনাঃ খিচড়ি পাকাও আকানা।
অল রেয়াঃ সাতাম লেকাতে মেনোগঃ আ জত আদিবাসী গে মূলনিবাসী দ মেনখান জত মূলনিবাসী দ আদিবাসী বাং কানাক। নিত যাহা 85% মৗনমী মূলনিবাসী মেনতে ক লেখা এদ কোওয়া নুকু জত কোওয়াঃ কালচার দ আদিবাসী কোওয়াঃ কালচার সাঁও বাং মিদুঃ কান তাকোয়া। হাঁ নওয়া দ 85% মৗনমী কোওয়াঃ লেকগুট দ 15% মৗনমী কোওয়াঃ বিরুদ রে মিদ মারাং ফ্রন্ট কানা।
অনাতে ইঞাঃ মেন আদিবাসী, মূলনিবাসী কাথা দ মিদ গেয়া। যাহা ভাবতে মূলনিবাসী কাথা ক বেভার এদা ।অনা দ যথাৎ বাং হুয়ুঃ কানা। নংকাক বেভার ইদি লেখান আগাম দিনরে আদিবাসী, মূলনিবাসী সাবাদ রেয়াঃ যথাৎ মেনেদ গে বাং তাহেনা। মিদ কাথাতে মেনোগঃ আ রান দ জখা জৗনিজ জম গে নাপায় আ। জখা বৗড়তি জম লেখান হড়মো বৗড়িজঃ আ। আদিবাসী সমাজ আনাটরে ঞুরুঃ আয়। আগাম দিনগে তেলায় এম আ।
.webp)
.webp)
