আদিবাসী গে কি মুলনিবাসী ? সে মুলনিবাসী দ কো যুদৗ গেয়া ?
সমরলাল টুডু
মিৎ সানতাড় হড় ধরমে বদল লেৎ তায়া।
আদ অনা ধরম রেনাঃ রিতি নীতি আচার ব্যবহার বঁগা বুরু চাল চলন আচঠেন বলনা মেনদ অনা ধরম রেনাঃ সানামাঃএ আপনারা।
বৗই বৗইতে মায়াম গাডা ধমণিতে যাঁহা মায়াম আতুঃ কানা অনাহঁ বকল বডেঃতে সড সড আতুনা।
চেদাঃসে
নোওয়া সমাজরেদ আয়মা জৗতিক ধরম বনদল কাতে সড়ে মেশাওয়াকানতে আডি রকম আদান প্রদান খৗতির বকল বডেঃ কানা। উনদ বনদল আকান সানতাড়, সাঁও মাহলে, মোদক, কুংকাল,
কামার, মুঁডা, মণ্ডল এমান এমান জৗতিয়ৗঃ বিহৗ বাপলা হুয়ুঃ কান রেদ মায়ামদ সৗডুর বৗডুর ঘান্টা মেসাঃ কানা।
অনকাগে আবোরেন কিছু শিক্ষিত (তথা কথিত শিক্ষিত) বাবু মৗই তাক আঁপড়েরেন জানাম দাতা তোওয়া দারেদ তরজ্ টুকুজ হেঁদে জাঁদে তাঁদে হিরখৗগেয় ঞেঁলেৎ কিনতে উনকু বাঁবড়ে ব্যানার্জী
চ্যাটার্জী এমান এমান চরক চেহরা
আয়ো বাবা ঞেঁলতে মনে জিউয়ী মেলে মেলেঃ কান খৗতিরতেয়ে আয়ো বাবাওয়াকিন কানা আর উপি লেকা জোলোঃ সেঁগেলরে দৗড় খাদলে কাতেৎএ আপনারেৎ কিনৗ। বাংলাতে যাঁহাক মেনা-নিজ ভুমে পরবাসীঃ কানা ।
নাগামে লৗলাই কানা আডি সেদায় যুগরে আবো দিশোমতে বর্বর যাযাবর জৗতি আর্য্যদ বাহরে দিশোম খনক হেচ আকানা। আবো খেরোওয়াড় কদ বির বুরু দারে নৗড়ি
হড়ম দাড়েতে মাঃ ফায়লা কাতে শস্য শ্যামলা সে হৗড়য়ৗর দিশোম তেয়ার কাতে ধন দুরিব তেবন পেরেজ লাআ। লালচ মনে উনকু বর্বর আর্য্য কোওয়াঃ মেৎদ আবোওয়াঃ ধন দুরিবরে ঢাংলেনতে সামাং দাপরাম লৗড়হৗই কাতে আবোওয়াঃ ধন দুরিবক হাতাওয়া মেনতে আডি ধাও লৗড়হৗই কাতেক পৗডু হচোওয়াকানা মেনখান মনে জিউয়ীদ সলঃবকঃগে তাঁহেয়েনা।
খেড়োওয়ারক মুদরে আডি গটাং জৗতিগে মেনাঃ কোওয়া যেলেকা-কোল, ভীল, মাহলে,মুঁডা, বিরহড়, ওঁরা্ং, লাড়কা, সানতাড় এমান যাঁহায়কদ অনার্য্যক মেতাওয়াবনা। নুকুক মুদরে সানতাড় ছাডা বৗকিকদ আকোওয়াঃ ভাষা রিতি নিতি কৃষ্টি কালচার সে সংস্কৃতি
বৗগি কাতে আর্য্য সংস্কৃতিক আপনার কেৎতে নিছরা জৗতি সত্বাদক সলম লটম কেদা। আদ যাঁহা হুয়ুঃরেয়া অনাগে হুয়েনা, আমদ আলেয়াঃ অড়াঃরে তাঁহেনমে মেনখান ভিতৗর বলনদ মানা গেয়া।
তায়ম দারাম যুগরে নোওয়া এপের হেঁডেৎদ বৗড়তি ইদিয়েনা আর নংকান অক্ত করেগে বাহরে দিশোমকরেখন আডি আয়মা জৗতি আবো দিশোমতে হেজ্ কাতে আকোওয়াঃ সার্থসিদ্ধি লৗগিৎতে আবো খেরোওয়াড় , জৗত যাঁহায়কদ আবোওয়াঃ সমাজ বৗগি কাতে এটাঃ সমাজবন আপনার লৗগিদঃ কান মেনদ কৗহু হুই কাতে মারাঃ সাজাঃ সানায়েৎ বন উনকুক সিবিল সড়ম কাথাতে বুল মাতাল হচ কাতে আকোওয়াঃ চাতম উমুলতেক উমুলেৎবনা। উনকুক বাডায়া ' লোহায় লোহা কাটে ' আর নোওয়া মনসুবৗ কাতেগে আবোরেন অনকান হড়কোওয়াতে মিৎ মিৎটাং ধরম নিরপেক্ষ সংগঠনক তেয়ার আকাদা আর নংকান সংগঠনগে
নিছরা আদিবাসীক মুদরে এপের হেঁডেৎ সিরজৗও কাতে ছিঞ ছৗতুরক লৗগিৎ তেগেয় মেমেন কানা আবোদ নোওয়া ভারত দিশোমরেন ' মুলনিবাসী’।
কাথাদ আদিবাসী আর মুলনিবাসী -অৗড়ৗ সে শব্দ লেকাতে যুদিব বিচৗরা তবেখানব ঞেলা নোওয়াকিনদ সমার্থক অৗড়ৗ সে শব্দগে কানা । (আদি=মুল) আদি মেনেত সে মানেদ পৈল আর মুল সে রেহেৎ মানেহঁ পৈলগে অনালেকাতে যুদিব বিচৗরা তবেখান নোওয়া কিন বারয়া কাথা সে অৗড়ৗদ মিৎ গেয়া । মেনখান নোওয়াকিন বারয়া অৗড়ৗ যুদি বারয়া ঘারঞ্জবন মনেয়া এন্ডেখান কৗটিচদ ভেগার গেয়া। চেদাঃসে সানাম আদিবাসীকগে মুলনিবাসীদ মেনখান সানাম মুলনিবাসীদ আদিবাসীদ বাং কানাক।
এনাংরেঞ অল আকাৎ আর্য্যকদ সামাং দাপরাম লৗড়হৗইরে বাংক দাড়েয়াকানতে টুঁহুই টুঁহুই হৗসু হাঁড়সুর লৗগিৎতে ছুটৗওয়াকানগে মেনাঃ কোওয়া। ভারত দিশোমরে তায়ম দারাম হেজ্ আকান বিদেশীক সাঁও আর্য্যক মিৎকাতে ছল , চৗতুরীতে আদিবাসীক কৗবজুক খৗতিরগে মুলনিবাসী ঘারঞ্জরে যাঁহায় আদিবাসীক মেনদ ‘কৗহু’ যাঁহায়দ আকোওয়াঃ ধরম করম লায় লাকচার ভাষা লেবেদ লটম কাতে মারাঃ সানায়েৎক উনকু বে- জৗতিয়ৗ আদিবাসী ঘারঞ্জ ছিতি বিতিয় লৗগিৎতেক লিলয়ৗও কাক কানা। নুকুওয়াঃ উরৗলতে আদিবাসী ঘারঞ্জ যুদি লে-লাঁডুরঃ এন্ডেখান মুলনিবাসী ঘাঁরঞ্জদ অ-আদিবাসীক সাঁওতে রৗসকৗ চেহেল চেপেল যায় যুগ জিউয়েৎ তাঁহেনা মনে কাতে।
হুডিঞ উমের রেনাঃ মিৎ নাগাম- হুডিঞ হুডিঞ উরিচ গুপি মাহরা আলে বাড়গে
লাতার বাঁদ পেঁদা এঁদে পেঁদে গৗই ডাঁগরা মিহু মেরম
সুচ্ সুতরুচ্ লে আতিঁঞ কোওয়া।
শায় কাড়া মিৎ বার গিদরৗ মাহরাদ আডি আডি চালাক্ ক তাঁহেনা যাঁহায়দ টাঁড় চালাকবন
মেতাকোওয়া। উনকুদ দারে উমুলরে দুড়ুব কাতেক রা-জা , আচু কাথা বাম আঁজম লেখানে ধুমুল মেয়া,। এটাঃ এটাঃ মাহরা গিদৗর কদ উদৗরগেয় মনেকতে যাঁহানাঃ এ কৗই লেখান শায় শায় এড়ে কাথায় লৗইয়ৗ এঁন্ডেরেহঁ কৗইধি লৗইয়োঃদ বায় রেবেনা।
.webp)
.webp)
