সিঁগি মাহা রেনাঃ সাকাম ‘চেরেচ্ আড়াং’ লেখা- ৫৯

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱠᱤᱥᱠᱤᱱ ᱫ ᱷ ᱟ ᱢ ᱩᱨᱢ ᱩ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, গাতে টুওয়ৗর, বাড়তাঙ সরেন, দুর্গাচরণ মুরমু, সমর লাল টুডু, কানন হাঁসদা, রামলাল টুডু, সীতেন মান্ডি, দুগাই টুডু, সনাতন টুডু, বাবলু সরেন, দুলৗড় বিটি।

রিলৗমালা মুরুমু, ক্লাস- IV
জেলা - পুরুলিয়া

১।।

ᱵᱤᱞᱤ ᱦᱩᱲᱩ ᱟᱨ ᱟᱞᱮ

ᱥᱩᱵᱩᱫᱤᱭᱟ. ᱢᱩᱨᱢᱩ

ᱵᱤᱞᱤ ᱦᱩᱲᱩ
ᱡᱩᱲᱩ ᱡᱩᱲᱩ ᱾

ᱜᱚᱜ ᱫᱤᱯᱤᱞ
ᱠᱟᱲᱟ ᱠᱩᱲᱩ ᱾

ᱟᱜᱩ ᱟᱜᱩ
ᱠᱷᱟᱹᱨᱟᱹᱭ ᱯᱮᱨᱮᱡ ᱾

ᱛᱤᱱᱟᱹᱜ ᱛᱤᱱᱟᱹᱜ
ᱪᱮᱨᱮᱡ ᱪᱮᱯᱮᱨᱮᱡ ᱾

ᱫᱟᱞ ᱟᱞᱮ
ᱵᱟᱸᱫᱤ ᱟᱞᱮ ᱾

ᱫᱟᱠᱟ ᱟᱞᱮ
ᱯᱤᱴᱷᱟᱹ ᱟᱞᱮ ᱾

ᱡᱚᱢ ᱟᱞᱮ
ᱧᱩᱭ ᱟᱞᱮ ᱾

ᱨᱟᱹᱥᱠᱟᱹ ᱨᱟᱹᱥᱠᱟᱹ
ᱛᱟᱸᱦᱮ ᱱᱟᱞᱮ ᱿

=====--00 ᱛ 00--=====

২।।
ᱤᱧ ᱢᱟᱢᱟ ᱚᱲᱟᱜ

ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱤᱧ ᱢᱟᱢᱟ ᱚᱲᱟᱜ
ᱦᱟᱱᱮ ᱵᱩᱨᱩ ᱫᱷᱟᱨᱮ,
ᱫᱟᱨᱮ ᱥᱟᱠᱟᱢ ᱫᱟᱵ
ᱦᱮᱢᱟᱞ ᱩᱢᱩᱞ ᱟᱲᱮ

ᱴᱟ.ᱞᱤ,ᱵᱩᱥᱩᱵ ᱫᱟᱵ
ᱚᱲᱟᱜ ᱛᱷᱟᱨᱮ ᱛᱷᱟᱨ,
ᱪᱮᱬᱮ ᱠᱚᱣᱟᱜ ᱦᱚᱢᱚᱨ
ᱨᱟᱶᱟᱜ ᱵᱟᱨᱮ ᱵᱟᱨ

ᱤᱧ ᱢᱟᱢᱟ ᱨᱮᱱ
ᱜᱳᱲᱟ ᱯᱮᱨᱮᱡ ᱜᱟ.ᱭ,
ᱛᱚᱣᱟᱭ ᱟᱠᱚ ᱟ.ᱰᱤ
ᱢᱚᱱᱮ ᱠᱩᱥᱤᱧ ᱞᱟ.ᱭ

ᱤᱧ ᱥᱟᱶ ᱫᱮᱞᱟ
ᱪᱟᱞᱟᱣ ᱦᱤᱡᱩᱜ ᱟᱞᱟᱧ,
ᱛᱚᱣᱟ ᱫᱟᱠᱟ ᱫᱟᱦᱮ
ᱡᱚᱢ ᱟ.ᱜᱩᱭ ᱟᱞᱟᱧ

ᱵᱟᱲᱜᱮ ᱫᱩᱣᱟ.ᱨ ᱳᱰᱳᱠ
ᱩᱞ,ᱟ:ᱡᱤᱨ ᱫᱟᱨᱮ,
ᱰᱟ.ᱨ ᱯᱮᱨᱮᱡ ᱡᱚ
ᱛᱤᱭᱳᱜ ᱟ.ᱜᱩᱭ ᱵᱟᱲᱮ

ᱵᱩᱨᱩ ᱨᱮᱞᱟᱧ ᱫᱮᱡᱚᱜ
ᱴᱩᱰᱟ.ᱧ ᱟ.ᱪᱩᱨ ᱟᱞᱟᱧ,
ᱟᱛᱳ ᱴᱚᱞᱟ ᱯᱚᱲᱥᱤ
ᱧᱮᱞ ᱧᱟᱢ ᱟᱞᱟᱧ

ᱫᱮᱞᱟ ᱜᱟᱛᱮ ᱫᱮᱞᱟ
ᱤᱧ ᱢᱟᱢᱟ ᱚᱲᱟᱜ,
ᱟ.ᱪᱩᱨ ᱦᱤᱡᱩᱜ ᱟᱞᱟᱧ
ᱢᱤᱫ ᱵᱮᱲᱟ ᱛᱮᱱᱟᱜ

=====--00 ᱛ 00--=====

৩।।

ᱵ ᱟ ᱜ ᱡᱩᱱᱩ

ᱠᱤᱥᱠᱤᱱᱫᱷᱟ ᱢᱩᱨᱢᱩ

ᱵ ᱟ ᱜᱡᱩᱱᱩ ᱡᱩᱞᱩᱫ ᱡᱩᱞᱩᱫ
ᱤᱯᱤᱞ ᱞᱮᱠᱟ ᱢ ᱡᱩᱞᱩᱜ ;
ᱧᱤᱫᱟ. ᱨᱮᱢᱟ ᱢᱚᱡ ᱟᱢ
ᱩᱱᱫᱚ ᱡᱩᱞ ᱚᱠᱟᱜ ᱛᱟᱢ ?

ᱫᱟᱨᱮ ᱡᱷᱩᱲ ᱵᱤᱞᱤᱫ ᱵᱤᱞᱤᱫ
ᱫᱚᱢᱮ ᱥᱟᱸᱜᱮ ᱡᱤᱲᱤᱫ ᱡᱤᱲᱤᱫ;
ᱧᱮᱞ ᱯᱤᱭᱟᱹᱧ ᱩᱰᱟᱹᱣ
ᱪᱮᱫᱯᱮ ᱫᱟᱹᱲ ᱠᱩᱫᱟᱹᱣ ?

ᱚᱠᱟᱨᱮᱯᱮ ᱧᱟᱢ ᱠᱮᱫᱟ
ᱱᱩᱱᱟᱝ ᱪᱚᱨᱚᱠ ᱨᱩᱯ;
ᱪᱤᱠᱟᱹᱲ ᱦᱚᱲᱚᱢ ᱦᱩᱰᱤᱧ
ᱪᱮᱫᱟᱜ ᱵᱟᱹᱱᱩᱜ ᱩᱯ ?

ᱥᱮᱨᱢᱟ ᱤᱯᱤᱞ ᱞᱮᱠᱟ
ᱟᱢᱫᱟ ᱟᱰᱤ ᱞᱮᱠᱷᱟ ;
ᱧᱤᱫᱟᱹ ᱥᱚᱵᱷᱟᱭ ᱧᱮᱞᱛᱮ
ᱡᱩᱞᱩᱜ ᱠᱟᱱᱟᱯᱮ ᱪᱤᱠᱟᱛᱮ ?

ᱤᱧᱦᱚ ᱜᱟᱛᱮᱜ ᱥᱟᱱᱟᱧ
ᱜᱚᱜᱚ ᱜᱮᱪᱚᱭ ᱢᱟᱱᱟᱧ ;
ᱧᱤᱫᱟᱹ ᱫᱟᱸᱲᱟᱱ ᱫᱚᱯᱮ
ᱚᱠᱟᱨᱮ ᱛᱟᱸᱦᱮᱱ ᱟᱯᱮ ?

ᱟᱞᱮ ᱚᱲᱟᱜ ᱦᱤᱡᱩᱜ ᱯᱮᱥᱮ
ᱧᱩᱛᱟᱹᱛ ᱛᱟᱞᱮ ᱥᱟᱦᱟᱜ ᱟᱥᱮ ;
ᱵᱟᱝ ᱟᱞᱚᱯᱮ ᱡᱟᱹᱨᱤ
ᱪᱟᱜ ᱵᱟᱯᱮ ᱦᱤᱡᱩᱜ ᱦᱤᱨᱤ ?

=====--00 ᱛ 00--=====

৪।।
ᱦᱚᱯᱚᱱ ᱦᱚᱯᱚᱱ ᱯᱤᱯᱤᱲᱡᱟᱝ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

ᱦᱚᱯᱚᱱ ᱦᱚᱯᱚᱱ ᱯᱤᱯᱤᱲᱡᱟᱝ
ᱨᱤᱯᱤ ᱨᱤᱯᱤᱭ ᱩᱰᱟᱹᱜᱼᱟ ᱾
ᱟᱞᱚ ᱫᱟᱫᱟᱢ ᱥᱟᱵᱮᱭᱟ
ᱵᱟᱦᱟᱭ ᱥᱚᱵᱷᱟᱭᱟ ᱿

ᱥᱮᱛᱟᱜ ᱛᱚᱨᱟ ᱮᱵᱷᱮᱱ ᱠᱩᱭᱞᱤ
ᱠᱩᱦᱩ ᱠᱩᱦᱩᱭ ᱨᱟᱜᱟ ᱾
ᱟᱞᱚ ᱫᱟᱫᱟᱢ ᱴᱩᱴᱤᱭᱮᱭᱟ
ᱨᱟᱦᱟᱭ ᱡᱚᱲᱟᱣᱟ ᱿

=====--00 ᱛ 00--=====

৫।।
ᱢᱚᱱᱮ-ᱢᱚᱱᱮᱛᱮ ᱫᱟᱸᱲᱟ

ᱥᱨᱤᱠᱟᱱᱛᱚ ᱥᱚᱨᱮᱱ

ᱵᱟ.ᱧ ᱵᱟᱲᱟᱭᱟ ᱤᱧᱟ.ᱜ ᱢᱚᱱᱮ
ᱪᱮᱫᱟᱜ ᱱᱚᱝᱠᱟᱭ ᱞᱟ.ᱭ -ᱟ
ᱢᱚᱱᱮ-ᱢᱚᱱᱮᱛᱮᱢ ᱫᱟᱸᱲᱟ ᱞᱮᱠᱷᱟᱱ
ᱮᱠᱟᱞ ᱵᱟᱝ ᱮᱢ ᱠᱟ.ᱤ-ᱟ᱾

ᱵᱟᱦᱟ ᱡᱩᱫᱤᱧ ᱦᱳᱭ ᱠᱚᱜ -ᱟ
       ᱥᱚᱸᱫᱷᱟᱲ ᱠᱮᱭᱟ.ᱧ ᱛᱷᱚᱲᱟ
ᱡᱟ.ᱱᱤᱪ ᱠᱷᱟᱱ ᱤᱧ ᱪᱟᱞᱟᱣ ᱠᱚᱜ-ᱟ
         ᱵᱚᱸᱜᱟ ᱵᱟᱠᱷᱳᱞ ᱯᱮᱲᱟᱜ᱾

ᱡᱤᱫᱤᱧ ᱦᱳᱭ ᱠᱚᱜ ᱯᱤᱯᱤᱲᱡᱟᱝ
      ᱱᱟᱯᱟᱭ ᱠᱚᱜ ᱼ ᱟ ᱡᱤᱭᱚᱱ
ᱵᱟᱦᱟ ᱨᱟᱥᱟ ᱪᱮᱯᱮᱡ-ᱪᱮᱯᱮᱡᱛᱮ
       ᱡᱟ.ᱱᱤᱪ ᱦᱳᱭ ᱠᱚᱜ ᱢᱚᱨᱚᱱ᱾

ᱡᱤᱫᱤᱧ ᱦᱳᱭ ᱠᱚᱜ ᱜᱤᱫᱤ ᱠᱩᱲᱤᱫ
         ᱩᱰᱟ.ᱩ ᱠᱚᱜ ᱟ.ᱧ ᱪᱚᱴᱽ
ᱪᱚᱴ-ᱪᱚᱴᱛᱮ ᱫᱟᱲᱟ ᱠᱮᱭᱟ.ᱧ
         ᱫᱷᱟ.ᱨᱛᱤ ᱯᱩᱨᱤ ᱢᱤᱫ ᱪᱷᱚᱴ᱾

ᱡᱤᱫᱤᱧ ᱦᱳᱭ ᱠᱚᱜ ᱠᱩᱞ-ᱛᱟᱭᱟᱱ
         ᱢᱟ.ᱱᱮᱧ ᱧᱟᱢᱠᱮ ᱨᱟᱡ ᱟᱜ
ᱥᱟᱥᱚᱱ ᱠᱮᱭᱟ.ᱧ ᱫᱷᱟ.ᱨᱛᱤ ᱯᱩᱨᱤ
        ᱫᱩᱞᱟ.ᱲ ᱟᱛᱮᱧ ᱜᱟᱨᱡᱟᱜ᱾

ᱨᱤᱢᱤᱞ ᱡᱩᱫᱤᱧ ᱦᱳᱭ ᱠᱚᱜ -ᱟ
        ᱫᱷᱩᱲᱤ ᱫᱷᱟ.ᱨᱛᱤᱧ ᱨᱮᱭᱟᱲ ᱠᱮ
ᱡᱟᱦᱟ ᱠᱚᱨᱮ ᱫᱟᱨᱮ ᱵᱟ.ᱱᱩᱜ
       ᱚᱱᱟ ᱠᱚᱨᱮᱧ ᱜᱟᱡᱟᱲ ᱠᱮ᱾

ᱱᱚᱜ-ᱚ ᱱᱚᱝᱠᱟᱱ ᱩᱭᱦᱟ.ᱨ ᱠᱚᱨᱮ
      ᱧᱟᱸᱢᱟ.ᱧ ᱟ.ᱰᱤ ᱥᱟ.ᱱᱛᱤ
ᱚᱠᱚᱭᱮ ᱵᱡᱷᱟ.ᱩ ᱤᱧᱟ.ᱜ ᱠᱟᱛᱷᱟ
       ᱚᱠᱚᱭᱮ ᱚᱞᱟ ᱵᱤᱱᱛᱤ ᱿

=====--00 ᱛ 00--=====

৬।।

লভাটিয়ৗ তোয়ো

সারি ধরম হাঁসদা

তোয়োয় মেনা-, 'তেহেঞ খনাঃ
জেল দ বাচঞ জমা,
আঁজম কাতে সোরোঃ আকো
মেরম ভিডি কোমা।

সোরায় ক খালাঃ লৗডু
আঁজলে সেপেঞ ইদিয়,
তোয়ো একাল বায় কুসিয়াঃ
ঝতয় কলসা গিডিয়।

ভাবনা মেসা মেরম ভিডি
দুলৗড়তে ক রড়ায়,
অকায় জমা? চেতেয় পখাঃ?
অনা ক পিছৗ বাড়ায়।

তোয়োয় লৗইআ-, অকাপে পিছৗয়?
বৗনুঃ মনে মেল,
অনেতো আপেয়াঃ হড়ম রেগে
মেনাঃ জমাঃ জেল।

=====--00 ᱛ 00--=====

৭।।

দাঁসায় রানি

গাতে টুওয়ৗর

দাঁসায় রানি                বাহা পরায়নি
             মনেয় উথৗল পাথাল
হড়ময় গায়গম          মেৎ এ আয়নম
             হিঁসিৎ হয়মা মাতাল ।
হোড়ো গাছি                     লিলিবিছি
              হয়াঃ জুওয়ৗর খেল
সিতুং রাতাং                  এতাং এতাং
             পটে হোড়োয় ঞেল ।
সেরমা দ নিল              দরয়া সৗমিল
               পায়রাঃ পুঁড রাহলা
কাসি বিররে               তেঁগো থিররে
             দুলৗড় রেনাঃ আহলা ।
পেরেচ বাঁদেলা     দাঃ এ ছলাছোলা
                জাঁহা তিনরে জৗড়ি
বাহাঃ উপৗল           সাঁওয়ায় সুকৗল
               ভেস এ বদল ঘৗড়ি ।
ধৗরতি হৗঁড়য়ৗর       জাওগে জিয়ৗড়
             দাঁসায় চাঁদো রেগে
পরব পারবন           গুরুক আঁড়গন
            দাঁসায় দাঁড়ান রেগে ।
নৗই গাডা ধারে         কঃ সারে সারে
             হাকু কাটকম সেঁদরা
সিঁগৗড় দেলাদেলি     মনেমা অৗমৗলি
             বাসাতেক রুওয়ৗড়া ।
বেরে হৗঁসুরঃ                 সিসির ঞুরঃ
                 উনদ ধৗরতি উমঃ
দাঁসায় রানি                      রুপ রানি
             রৗসকৗ তেগেয় ঞুমঃ ।

=====--00 ᱛ 00--=====

৮।।

ডুবৗ দিশম হড়

বাড়তাং সরেন

মড়ে মাহা জাপুৎ খৗতির
গাডা পেরেচ এন
অজয় গাডা হাডাক ডাবাক
দাঃ দ আতু এন।

হানা ধারে নাওয়া ধারে
দাঃ মা চেতানেন
বাঁধ সমান চিহিল চিপিল
দাঃ দ চাপেয়েন।

আচকা গে হায় তালা ঞিদৗ
গাডা বগজ এন
গাডা আড়ে অড়াঃ দূয়ৗর
সানাম ডুবৗও এন !

আতো তালা চাতম অড়াঃ
সানাম ধাসাও এন
মিৎ মিৎতে কুম্বৗ কো হঁ
হায়রে লাঁদুড়েন।

আতুয়েনা হোড়ো চাওলে
অবরেনা বাঁদি
সমানেনা কুলহী রাচা
বাড়গে গুরিচ মাঁদি।

মিহু মেরম ডাংরা কাডা
তিনৗঃকো আতুয়েন
আতো কোরেন সিম গেডে হঁ
সানাম কো ডম্বলেন।

গিদৗর পিদরৗ হাড়াম বুঢী
হায়রে আওয়া টাপা
রেঙ্গেচ তেতাং জবরা তালা
একাল বাচো সাপা ।

দিবি দাঁশাঁয় দিশম হড় দ
রৗস্কৗ রিলৗমালা
ডুবৗও আকান হড় দ হালে
দুক দরেয়া তালা ।

=====--00 ᱛ 00--=====

৯।।

কিষৗড় বঙ্গা

দুর্গাচরণ মুরমু

আতো কুলহি ঘুনুর ঘুনুর
ঞিদৗ সাড়া সৗতিঞ,
বতরগে চিলি চয় দাড়ানা
বাড়গে করেহয় আতিঞ।

আলে আতো হড়কো মেনা
মাঝি করেন হেনায়,
হেঁদে কুদরৗ কিষৗড় বঙ্গা
উনিগে ঞিদৗয় দাড়ানায়।

বহ: পেরেচ জাটা উব্‌
গহড় তায় অতরে,
আম্বাস ঞিদৗ কাড়াং কুচাং
বাড়গে কুডৗম সতরে।

ঞেল তেমা রংগ্‌: মুঢৗৎ
উসুলৗই বার মকা,
বাঁদি হোড়ো চাওলে গুহুম
আৎকিরৗই লেখা জখা।

মেনা: তায়া তুলা দাঁড়ি
রেবেৎ কাআই ডান্ডারে,
মিৎ দাঁড়িয় আৎকির লেখান
চাবায় তাকোয় জতগে।

অনা তেগেয় কিষাড় আকান
আলে আতো মাঝি,
ঢুলৗ পেরেচ চাওলে বাঁদি
মেনা: তাকো সাখি।

রেঁগেচ জখায় কিষৗড় বঙ্গা
রা:আই কিষৗড় এরা,
অকয় টাং আয়োঞ জমেয়া
লৗঞিমে আমগে পারা?

মাঝি করেন গৗই ডাংরা
গুজু:ক আচকা আচকা,
হড়কো মেনা কিষৗড় বঙ্গা
জমেৎক্‌ রৗস্কৗ রৗস্কৗ।

=====--00 ᱛ 00--=====

১০।।
চাঁদো মামা

সমরলাল টুডু

অলঃ   বাবু   সেঁড়ায়্   মেসে
বুরধি   হুয়ুঃ   আমাঃ   গেসে,
হড়ক   দক    কটা   বৗগিমেরে
একলা আমদ আমাঃ কৗমিমেরে ।

অলঃ কানায় চাঁদো ঞিঁদৗবেড়া
হুডিঞ হুডিঞ্ ইপিল্ এঁগেল্ আচগে সেঁড়া,
বাং যুদিক গড়োওয়ায়া চাঁদোমামা
একলা গেচং ধৗরতিয়্ মার্শালামা ।

অলঃ   আকিল্   তেদ   বাবু
অকয়গে   বায় দাড়েয়ামা কাবু,
তেয়ারঃআম আমদ বায়ার্ কাডা
দন কাতেম্ পারম নৗই   গাডা ।

অলঃ আকিল্   হামেট   লেখান্
দিশম্ হড়ক   খৗতিরামা এনখান্,
দুড়ুব্ কাতে   ষ্টিয়ারিং এম্ পেটের্
ডঁডেক্   তেগে চাঁদো ঠেনেম্ সেটের্ ।

দেসে   মামা   আমাঃ মারসাল্ বৗতি
আলে বাবুয় মারশাল সমাজ জাতি,
আচুর্   বিহুর্ হড়কদক   কয়ঃ কামা
রেয়াড় সিতুং আমগে   চাঁদো    মামা ।

=====--00 ᱛ 00--=====

১১।।

দে দেলা

কানন হাঁসদা

হানকো নায়ু ,হানকো বাবা
          দাঁশায় কড়া কো সেটেরঃকান
রিতিচ রিয়াঁড় ,ঘাড়া কান্ডা
                        দাঃ দো সাজাও কাম ৷
ধুতি দৗড়হি ,লিব ৗয় লবয়
                মারাঃ পিঞ্চৗল দালাই দালাই
কাসা করতাল ,ঝামঝাম
            আজোমঃ কান,ও হায় বাছাঃ হায় !
বুয়ৗং বোঙ্গায় ,সাজাও আকান
                  আতো টোলায় ,দাঁড়ান কান
ঝাড় মানতার ,সেরেঞ তায়
            আজম তিগি ,মনদো আনচান !
দাঁশায় গুরুরেন ,চেলা কড়া
         দাড়ান কানকো দাঁশায়রে
দহোয় আবোন ,পরব পৗলি
         গড় জোহার ,শায় শায়রে !
পরব পৗলি ,সেলেদঃ রেগে
      আমদো জৗতি ,সারহাও মেকো
জায় যুগ গে , নাপায় নাপায়
        দে দেলা , আবো সানাম কো !

=====--00 ᱛ 00--=====

১২।।

কুকমু রৗনি

রামলাল টুডু

কিদুঃ দাকা জম পরে
ইঞিচ্ কুকমু রৗনি
ইঞঠেন হিরি দয় হিজুঃ আ ।
ইঞ সোর হেচ্ কাতে
মিতৗঞায় জৗপিদ্ মে
ইঞঠেন গিতিচ্ এ খজঃ আ ।

সের্মারে সাঁগে ইপিল
মার্শাল ক উদুঃ অৗঞ
উনগেত হৗরুবঃ মেৎ তিঞ ।
ইঞিচ্ কুকমু রৗনি
সৗঁগিঞ খন সৗঁগিঞ
কুকমু দিশোম তেয় ইদিঞ ।

অনাপরে মিৎ ঞিদৗ
ঞেল অৗঞ কুকমুগে
কুকমু রৗনি তিঞে উদুঃ অৗঞ ।
অনাতেগে কিদুঃ পরে
লাহা অৗঞ গিতিচ্ রে
কুশি কুশি মনেতে জৗপিদৗঞ ।।

=====--00 ᱛ 00--=====

১৩।।
ধৗরতি আয়ো
সীতেন মাণ্ডি

দারে নৗড়ি
ধৗরতি শৗড়ি
বেধাও মেনাঃ
সেদায় খনাঃ।

রুপে সভায়
ধৗরতি অহায়
লেগেচ্ লেগেচ্
জিউয়ি রাড়েচ্।

অষাঢ় শান
দাঃ জৗপুদ
ধৗরতি আয়ো
হড়ময় গুঁগুদ।

ভাদর দাঁশায়
দালায় দালায়
হুড়ু গৗছি
পাঞ্চি শৗড়ি।

সহরায় আঁঘাড়
হুড়ু সাগাড়
রেঁগেচ চাবাঃ
রৗস্কৗ সারসাঃ।

পুষ   মাঘ
      রাবাং হয়
দারে নৗড়ি
          রূপে বহয়।

ফৗগুন চৗইত
বাহা বঙ্গা
লুতি তেরম
রাসা ক জমা।

=====--00 ᱛ 00--=====

১৪।।
রেডিও

দুগাই টুডু

আতো টলা করে নেতার
রেডিও তাঁহেন থোড়া,
সান্তাড়ি গেকো আড়াঃ এদা
হানে সিঁগৗড় তোরা।

আরহঁ সাডে অক্তে অক্তে
তারা সিংগে বেড়া,
আডি ভাগে রাহা রাঁওয়াঃ
মাসে সেরেঞ হড়া।

অকা অকা গায়ান হোয়ো
একাল ভালে ভালে,
গিদরৗ কোলে বোগে তেদ
আতেন এদা হালে।

দমে আয়কাঃ রৗস্কৗ গেচো
মনে অন্তর তালা,
জাওগে গেদো সোরোঃ কানা
অক্ত রেদ ভালা।

সেরমা আড়াং নেডা আখড়া
জত দিসৗয় গেলে,
আঁজম বাড়া অনে অনা
সাদগে কাতে আলে।

=====--00 ᱛ 00--=====

১৫।।
নৗই ধারেরে
সনাতন টুডু

হানে তারা নৗই ধারেরে
কৗশি বাহা দালায়,
অবুজ মনে উডৗও সানায়ে
আলো সেপে মানায়।

কলসা আতে তাড়াম সানাঞ
নৗই ধারেনাঃ বৗলি ,
রাচাঃ সানাঞ কাশি বাহা
লাঁদা আতেদ্‌ খৗলি।

নৗই ধারেরে রিমিল সালাঃ
কৗশি বাহায় রপড়,
ঞেল লেখানেম আঁজম সানামে
চেদ্‌ কাথা কিন রপড়।

বাং সানাঞা অড়াঃ চালাঃ
হাহাড়া চিতৗর ঞেলতে,
ঞেল খানপে দেলা নঁতে
নৗই ধারে ধারেতে।

=====--00 ᱛ 00--=====

১৬।।

নৗড়ি

বাবলু সরেন

চেদাঃয়া বাবুম অর তপাঃকেদা অনা নৗড়ি ?
আম বাবায় বাড়ায় লেখান
দাল মেয়ায় আডি ঘৗড়ি !

চেৎ নৗড়িয় অর তপাঃ আকাৎতে হপন বাবুদ ?
আঁধাপৌতিয়ৗও নাড়ি !
হপন বাবু আঁধাপতিয়ৗও রেয়াঃদ
একেন নৗড়িদ বাং রেহেৎ ক অর তুদৗ !